Monday, December 16, 2013

ရခိုင်ပြည်နယ်နေ့ အခမ်းအနား ရန်ကုန်မြို့မှာ ခမ်းနားစွာကျင်းပ

ဒီနေ့ ကျရောက်တဲ့ ၃၉ ကြိမ်မြောက် ရခိုင်ပြည်နယ်နေ့ အခမ်းအနားကို ရန်ကုန်မြို့ သာကေတ တိုင်းရင်းသားကျေးရွာမှာ ဒီမနက် ကျင်းပပြုလုပ်ခဲ့ရာမှာ   ရခိုင်တိုင်းရင်းသား လေးသောင်းနီးပါးလောက် တက်ရောက်ခဲ့တယ်လို့အခမ်းအနား စီစဉ်သူတွေက ပြောပါတယ်။
အဲဒီအခမ်းအနားမှာ ရခိုင်ပြည်နယ် တည်ငြိမ်အေးချမ်းရေးနဲ့ ဖွံ့ဖြိုးရေး စတဲ့ အဆိုသုံးရပ်ကို တက်ရောက်သူတွေက ထောက်ခံကြကြောင်း အခမ်းအနားကို ဦးဆောင်ကျင်းပသူ ရခိုင်တိုင်းရင်းသားရေးရာဝန်ကြီး ဦးဇော်အေးမောင်က အာအက်ဖ်အေကို ပြောပါတယ်။

“ရခိုင်ပြည်နယ် ပြန်လည်တည်ငြိမ်ရေးနဲ့ ရခိုင်ပြည်နယ် ဖွံ့ဖြိုးတိုးတက်ရေးအဆို၊ တရားဥပဒေ စိုးမိုးရေးအဆို၊ နောက်တစ်ခုက နိုင်ငံတော်ရဲ့ အချုပ်အခြာအာဏာ တည်တံ့ခိုင်မြဲရေးဆိုတဲ့အဆို၊ ရခိုင်ပြည်နယ် တစ်နံတစ်လျားက ကျင်ကိုင်တဲ့သူတွေ အခုဒီမှာလာကိုင်နေကြတယ်”

ဒီအခမ်းအနားမှာ ရခိုင်ရိုးရာ ကျင်ကိုင်ပွဲကိုလည်း ကျင်းပခဲ့ပြီး ရခိုင်ပြည်နယ် တစ်နံတစ်လျားက ရိုးရာကျင်ကိုင် အားကစားသမားတွေ လာရောက်ယှဉ်ပြိုင်ခဲ့ကြပါတယ်။

ရန်ကုန်မြို့မှာ ခုလို ရခိုင်ပြည်နယ်နေ့ အခမ်းအနားကို ကျင်းပခဲ့ကြပေမယ့် ရခိုင်ပြည်နယ်မှာတော့ အခမ်းအနားတွေကို အကျဉ်းချုံးပြီးသာ ကျင်းပကြတယ်လို့ သိရပါတယ်။
(သတင်းအရင်းအမြစ်- RFA Burmese)
Post a Comment