ရခိုင်ပြည် စစ်တွေမြို့ရှိ ရခိုင်ဒီမိုကရေစီအဖွဲ့ချုပ်ရုံး၌ ဇူလိုင်လ ၁၆ ရက်နေ့တွင် ရခိုင်အမျိုးသားပါတီ(ANP) ဖွဲ့စည်းပုံအသစ်အတွက် ရခိုင်းတိုင်းရင်းသားများ တိုးတက်ရေးပါတီ (RNDP)နှင့် တွေ့ဆုံဆွေးနွေးရန် ရခိုင်ဒီမိုကရေစီအဖွဲ့ချုပ် (ALD) မှ ကိုယ်စားလှယ်အဖွဲ့ ရန်ကုန်ကနေ စစ်တွေမြို့သို့ ယနေ့ထွက်ခွာသွားပြီဖြစ်ကြောင်း သိရသည်။
ဇွန်လ ၁၅ ရက်နေ့က ရန်ကုန်မြို့ ရခိုင်သဟာယအသင်းရုံးတွင် ပြုလုပ်သော ရခိုင်နှစ်ပါတီပေါင်းစည်းရေး ညှိနှိုင်းအစည်းအဝေး၌ တွေ့ရသော ရန်ကုန်တိုင်း ရခိုင်တိုင်းရင်းသားများရေးရာ ၀န်ကြီး ဦးဇော်အေးမောင်။ (ဓါတ်ပုံ - AYO)ဇွန်လ ၁၅ ရက်နေ့က ရန်ကုန်မြို့ ရခိုင်သဟာယအသင်းရုံးတွင် ပြုလုပ်သော ရခိုင်နှစ်ပါတီပေါင်းစည်းရေး ညှိနှိုင်းအစည်းအဝေး၌ တွေ့ရသော ရန်ကုန်တိုင်း ရခိုင်တိုင်းရင်းသားများရေးရာ ၀န်ကြီး ဦးဇော်အေးမောင်။ (ဓါတ်ပုံ - AYO)
" အခု ရန်ကုန်က ရခိုင်ဒီမိုကရေစီအဖွဲ့ဝင် ကိုယ်စားလှယ်တွေ စစ်တွေကို ဒီနေ့ထွက်သွားကြပါတယ်။ မနက်ဖြန် ၁၆ ရက်နေ့တွင် ရခိုင်ဒီမိုကရေစီ အဖွဲ့ချုပ်ရုံးမှာ နောက်ဖြစ်ပေါ်လာမဲ့ ပါတီအသစ် (ANP) ပါတီအတွက် ဖွဲ့စည်းပုံ ရည်ရွယ်ချက်တွေကို ရေးဆွဲဖို့ ဖြစ်ပါတယ်။ " ဟု ALD ဥက္ကဌ ဦးအေးသာအောင်က ပြောသည်။
ဆက်လက်ပြီး သူက " အဓိက မူဝါဒ တစ်ခုအနေနဲ့ကတော့ လူမျိုးကို အခြေခံသော ပြည်နယ်များဖြင့် ဖက်ဒရယ်ပြည်ထောင်စုကို ဖွဲ့စည်းဖို့ဆိုတဲ့ မူကတော့ နှစ်ပါတီသဘောတူပြီး ဖြစ်ပါတယ်။ နောက်ထပ် ပါတီရဲ့ မူဝါဒ၊ ဖွဲ့စည်းပုံနဲ့ ပတ်သက် ပြီးတော့ ပါတီနှစ်ခုမှာ ရှိနေကြတဲ့ မူဝါဒတွေ ဖွဲ့စည်းပုံတွေကို သုံးသပ်ပြီးတော့ အကောင်းဆုံးဆိုတာကို အဲဒီအထဲက ကောက်ယူပြီးတော့ ရေးဆွဲဖို့ ဖြစ်ပါတယ်။ " ဟု ဆိုသည်။
အဆိုပါ ကိုယ်စားလှယ်အဖွဲ့ကို ဦးကျော်မြင့်က ဦးဆောင်ပြီး ကိုယ်စားလှယ်အဖွဲ့ဝင် ငါးဦးဖြင့် လွှတ်လိုက်ကြောင်း သူက ဆက်ဆိုသည်။
" ALD ဖက်ကတော့ ဦးကျော်မြင့် ဦးဆောင်ပါတယ်။ နောက်ပြီးတော့ ဦးလှမြင့်၊ ဦးထွန်းကျော်၊ ဦးမျိုးကျော်၊ ဦးဘကျော် ပါပါတယ်။ ဒီဖက်ကတော့ ငါးယောက်ပဲ ဖြစ်ပါမယ်။ အတွင်းရေးမှူးက ကျောက်ဖြူကို ပါတီကိစ္စနဲ့ သွားစရာရှိလို့ ကျောက်ဖြူကိုပဲ လွှတ်ရပါတယ်။ ငါးယောက်ပဲ သွားကြပါတယ်။ " ဟု ပြောသည်။
(သတင်းအရင်းအမြစ်- Arakantimes ၊ရေးသားသူ- မိုးဇော်)