နယ်ရုပ်ကလေးဖြစ်ရသောကျောက်ဖြူမြို့ (သို့) တရုတ်တို့၏ဗျူဟာကုန်း

ဒေသတစ်ခုဖွံ့ဖြိုးတိုးတက်အောင် စီမံကိန်းများချမှတ်ဆောင်ရွက်မည်ဆိုသည်မှာကောင်းမွန်သောကိစ္စဖြစ်ပါသည်။ မိမိတို့နေထိုင်ရာဒေသ၊ ပတ်ဝန်းကျင် ကိုမဖွံ့ဖြိုးမတိုးတက်ချင်သူရှိမည်မဟုတ်ပါ။ သို့သော် ဖွံ့ဖြိုးတိုးတက်မှုအတွက် တခုခုကိုပေးဆပ်ကြရမည်ဆိုလျှင် ယင်းအရာသည်တန်ပါ၏လော ကျွန်တော်တို့စဉ်းစားရမည်ပင်ဖြစ်သည်။

ကျောက်ဖြူစီးပွါးရေးနှင့် နည်းပညာဖွံ့ဖြိုးတိုးတက်ရေးဇုံတည်ဆောင်ရန် အတွက် ၂၀၀၉-ခုနှစ်၊ ဒီဇင်ဘာလ နှင့် ၂၀၁၁-ခုနှစ်၊ ဖေဖေါ်ဝါရီလတို့တွင် တရုတ်အစိုးရနှင့်မြန်မာအစိုးရတို့သည် နားလည်မှု စာချွန်လွှာများကိုသဘောတူလက်မှတ်ရေးထိုးခဲ့ကြသည်။ ယင်းနောက် ကျောက်ဖြူဒေသခံတို့၏နှုတ်ဖျားတွင် စီးပွါးရေးဇုံဆိုသောစကားသည် အထူးရေပန်းစားလာခဲ့သည်။ အထူးစီးပွါးရေးဇုန်သည် ဒေသတခုကို ဖွံ့ဖြိုးတိုးတက်အောင် စွမ်းဆောင်စေနိုင်သည် ဆိုခြင်းအား မငြင်းပယ်ဝံ့ပါ။ ပြည်တောင်စု မြန်မာနိုင်ငံတွင် ရိုးမ၏ အနောက်ဖက်ခြမ်းသည် ဖွံဖြိုးတိုးတက်မှု ဒုတိယအနိမ့်ဆုံးဟုဆိုသည်။ လမ်းပန်းဆက်သွယ်ရေးညံ့ဖျင်းမှု၊ အလုပ်အကိုင်အခွင့်အလမ်းနည်းပါးမှု၊ အခြေခံပညာသင်ကြားရန် ဆရာ/ဆရာမများ၊ စာသင်ကျောင်းများမလုံလောက်ခြင်းတို့ကြောင့်ဖြစ်နိုင်ပါသည်။

အထူးစီးပွါးရေးဇုံကိုကျောက်ဖြူမြို့တွင် တည်ဆောက်ရန် အဘယ်ကြောင့်စီမံဆောင်ရွက် ကြသလဲဆိုသည့်အချက်ကို ဝေဖန်ပိုင်းခြားကြည့်သင့်ပါသည်။ ရခိုင်ပြည်သူလူထုတို့၏ ဆင်းရဲမွဲတေမှုကိုတွန်းလှန် တိုက်ဖျက်ရန်တော့ ဖြစ်နိုင်ဟန်မတူပါ။ ၂၀၀၆ ခုနှစ်တွင် တရုတ်သမ္မတဟူဂျင်တောင်းသည် “တကမ္ဘာလုံးဖြန့်ကြက်” ဟုကြွေးကြော်ခဲ့သည်။ ၎င်းနောက်တွင် တရုတ်တို့သည် ကမ္ဘာအနှံ့မှ လောင်စာဆီ၊ ဓာတ်ငွေ့ နှင့် အခြားသဘာဝအရင်းအမြစ်များကို ဖြန့်ကျက်ရှာဖွေကြရာ မြန်မာနိုင်ငံသည် တရုတ်တို့အတွက် စိတ်ဝင်စားစရာနိုင်ငံတနိုင်ငံအဖြစ်တည်ရှိနေလေသည်။ တရုတ်တို့သည် နှစ်ပေါင်းများစွာအရှိန်ယူကာ မြန်မာအစိုးရအားနည်းမျိုးစုံဖြင့် အလိုလိုက်အကြိုက်ဆောင် ပေါင်းသင်းခဲ့သည်။

၂၀၀၇ ရွှေဝါရောင်တော်လှန်ရေးအပြီး ကုလသမဂ္ဂ လုံခြုံရေးကောင်စီ၏ အရေးယူရန် ဆောင်ရွက်မှုကိုပင် တရုတ်အစိုးရကဗီတိုအာဏာသုံး၍ ပယ်ချခဲ့သည် အထိ မြန်မာစစ်အစိုးရ၏ အရေးကိုဆောင်ရွက်ပေးခဲ့သည်။ ၎င်းတို့၏ကြိုးပမ်းမှုများကားအလာဟသမဖြစ်ခဲ့ပေ မြန်မာနိုင်ငံတွင် ကျောက်စိမ်း၊ သစ်၊ သတ္တုတူးဖော်ရေး၊ ရေအားလျှပ်စစ်စီမံကိန်း၊ ရေနံနှင့်သဘာဝဓာတ်ငွေ့တူးဖော်ရေးစသည့်လုပ်ငန်းများအားလုပ်ကိုင်ခွင့်၊ ရင်းနှီးမြှပ်နှံခွင့် များကိုရရှိခဲ့သည်။ ၎င်းတို့အနေဖြင့် မြန်မာနိုင်ငံတွင်း တရားဝင် ရင်းနှီးမြှပ်နှံမှုတန်ဖိုးမှာအမေရိကန်ဒေါ်လာ (၁၄) ဘီလျံခန့်ဖြစ်ပြီး မြန်မာနိုင်ငံတွင်း နိုင်ငံခြားရင်းနှီးမှုများတွင် ထိပ်ဆုံးမှရပ်တည်နိုင်ခဲ့သည်ဟုထုတ်ပြန်ထားချက်များအရသိရှိရသည်။ ထို့အပြင် အာဖရိကနှင့်အရှေ့အလယ်ပိုင်းဒေသတို့မှ တင်သွင်းလာမည့် လောင်စာဆီများကို ဖြတ်လမ်းအဖြစ် မြန်မာနိုင်ငံကိုအသုံးပြုဖြတ်သန်း၍ တင်သွင်း နိုင်ရုံသာမကရခိုင်ပြည်နယ်မှထွက်သော သဘာဝ ဓာတ်ငွေ့လောင်စာကိုပါ တရုတ်နိုင်ငံသို့အရောက် သယ်ဆောင်နိုင်ခဲ့ကြသည်။

မြန်မာအစိုးရနှင့်အထူးစီးပွါးရေးဇုံစီမံကိန်းကိုသဘောတူစာချုပ် ချုပ်ဆိုပြီးနောက် ၂၀၁၀-ခုနှစ်တွင် တရုတ်နှင့်အာဆီယံနိုင်ငံများကြားလွတ်လပ်စွာကုန်သွယ်ခွင့်သဘောတူစာချုပ် (Free Trade Agreement) ကိုလက်မှတ်ရေးထိုးခဲ့ကြသည်။ ၎င်းစာချုပ်သည် အရှေ့တောင်အာရှတွင် တရုတ်တို့အတွက် ဈေးကွက်ရှာဖွေရန်နှင့် ကျောက်ဖြူစီးပွါးရေးဇုံမှ ထွက်သောတရုတ်တို့၏ ကုန်ပစ္စည်းများကိုအရှေ့တောင်အာရှနိုင်ငံများသို့ လွတ်လပ်စွာကုန်သွယ်ဖြန့်ဖြူးခွင့်ရရန်ဖြစ်သည်ဟုသုံးသပ်ခန့်မှန်းကြပါသည်။

ယင်းနောက်ပိုင်းတွင် ကျောက်ဖြူမြို့မှ တရုတ်နိုင်ငံတောင်ပိုင်း ရူလီမြို့ထိဆက်စပ်ပေါက်ရောက်မည့် အမြန်ရထားလမ်းတစ်ခုကို နှစ်(၅၀) BOT သဘောတူညီချက်ဖြင့် ရထားပို့ဆောင်ရေးဝန်ကြီးဌာနနှင့် တရုတ်နိုင်ငံ Railways Engineering Corporation တို့က ၂၀၁၁-ခုနှစ်၊ ဧပြီလတွင် နားလည်မှု စာချွန်လွှာတွင်လက်မှတ်ရေးထိုးခဲ့ကြသည်။ ထိုမီးရထားလမ်းသည် ကီလိုမီတာ (၈၀၀) ခန့်ရှည်လျားမည်ဖြစ်ပြီးကုန်တန်ချိန် (၄၀၀၀) သယ်ယူနိုင်ကာတနာရီ (၁၇၀) ကီလိုမီတာအမြန်နှုန်းဖြင့် မောင်းနှင်နိုင်သောရထားများဖြတ်သန်းပြေးဆွဲမည်ဖြစ်သည်။ ဤရထားလမ်းသည် တရုတ်နှင့် ကျောက်ဖြူ စီးပွါးရေးဇုံတို့အကြားကုန်သွယ်ရေးအဆင်ပြေစေရန်ဟုအပြင်ပန်းအားဖြင့်ထင်ရသော်လည်းစစ်ရေးရှုထောင့်မှသုံးသတ်သူပညာရှင်အချို့က အမေရိကန်တို့ လွှမ်းမိုးနေသာအိန္ဒိယသမုဒ္ဒရာအားစစ်ရေးထိန်းချုပ်နိုင်ရန် စစ်ပစ္စည်းနှင့် စစ်အင်အားများကိုအလွယ်တကူသယ်ယူပို့ဆောင်နိုင်ရန်ဖြစ်သည် ဟုဝေဖန်သုံးသပ်ကြပါသည်။

ဤရထားလမ်းဖောက်လုပ်နိုင်ရန်အတွက်လည်းကျောက်ဖြူမြို့တွင် စီးပွါးရေးဇုံတခုကိုဖန်တီးတည်ဆောက်ခြင်းဖြစ်သည်ဟုလည်းသုံးသပ်ပြောဆိုကြပါသည်။ ထို့အပြင် နားလည်မှု စာချွန်လွှာများအရကျောက်ဖြူ-ရူလီ အဝေးပြေးကားလမ်းတစ်ခုလည်း တည်ဆောက်ရန် အစီအစဉ်ရှိပြီးဖြစ်သည်။

တရုတ်တို့သည် ၎င်းတို့လိုချင်သောစီမံကိန်းများကို မြန်မာအစိုးရနှင့် စာချုပ်စာတမ်းများ၊ နားလည်မှုစာချွန်လွှာများ၊ ပြုလုပ်ချုပ်ဆိုထားပြီးဖြစ်သည်။ ကျောက်ဖြူစီးပွါးရေးနှင့် နည်းပညာဖွံ့ဖြိုးတိုးတက်ရေးဇုံတည်ဆောက်ရေးစီမံကိန်းသည် တရုတ်တို့၏ဗျူဟာမြောက်သောတချက်ခုတ် ဆယ်ချက်ပြတ်သောအကျိုးစီးပွါးဖြစ်နေသည်ကိုယုံမှားသံသယဖြစ်စရာမလိုပါ။ မြန်မာအစိုးရအနေဖြင့် စီမံကိန်းလုပ်ငန်းများကိုဒေသခံပြည်သူများမှ သဘောမတူလျှင် မဆောင်ရွက်ပါဟုပြောဆိုသောစကားမှာအသံကောင်းဟစ်နေ ရုံသက်သက်သက်သာဖြစ်သည်။

စစ်မှန်သောဒီမိုကရေစီနိုင်ငံသို့ပြုပြင်ပြောင်းလဲနေပါသည်ဆိုသောအစိုးရအသည် ပြည်သူတို့၏အခွင့်အရေးများ၊ သဘောထားများကိုမျက်နှာလွှဲခဲပစ်လုပ်နေဆဲဖြစ်သည်။

မြ၀ါ

========================

ဓါတ်ပုံ ရည်ညွှန်းစာသား ။ ကျောက်ဖြူမြို့နယ် မဒေးကျွန်းပေါ်တွင် တရုတ်ဘာသာဖြင့်ရေးသားထားသော ဆိုင်းဘုတ် တစ်ခု အနီး ဒေသခံ ရခိုင်လယ်သမားတစ်ဦး နွားကျောင်းနေသည်ကို ၂၀၁၁-ခုနှစ် မိုးရာသီအတွင်းက တွေ့ရစဉ်။

(ဤသတင်းဆောင်းပါးအား Coral Arakan News မှ ကူးယူဖော်ပြပါသည်)