ဝင်းကိုခိုင် ဖြေဖျော်နေစဉ်။ (ဓါတ်ပုံ- နိရဉ္စရာ)
၎င်းဂီတပွဲတော်အား ညနေ ၇ နာရီခွဲမှ ၁၁ နာရီခွဲထိ ပြုလုပ်ခဲ့ပြီး ပရိသတ် တစ်ထောင်နီးပါးခန့် တက်ရောက်ခဲ့သည်။
၎င်းရန်ပုံငွေ ဂီတ ဖြေဖျော်ပွဲတွင် ဦးမောင်သိန်း၊ ၀င်းကိုခိုင်၊ မြတ်ခိုင်ကျော်၊ ဒိုးရ်ရီ၊ ညီမင်းခိုင်၊ ထက်အောင်ကျော်၊ ညှာစိမ်းခိုင်၊ စိမ်းလဲ့လဲ့၊ ရီလိူင်းပြာ၊ ဆူးသျှားသဇင်တို့ အပါအ၀င် ရခိုင်အဆိုကျော် အများအပြား လာရောက် ဖြေဖျော်ခဲ့ကြသည်။
၎င်းဂီတဖြေဖျော်ပွဲတော် အတွင် စေတနာရှင်များမှ ရခိုင် အမျိုးသား ညီလာခံအတွက် ရန်ပုံငွေများ ထည့်ဝင် လှူဒါန်းခဲ့ကြရာ မလေးရှားရောက် ရခိုင်ပြည်သူများ လူမူရေးအဖွဲ့ကိုယ်စား ဦးစောအောင်မှ ကျပ်သိန်း (၁၀၀)၊ ဦးတိုးနိုင်မန်း (လွှတ်တော် ဥက္ကဌ ဦးရွှေမန်းသား)မှ ကျပ် သိန်း (၃၀)၊ GM Asaw 99 ကုမ္ပဏီ လီမီတက်မှ ကျပ် သိန်း (၂၀)၊ ဦးသန်းနိုင် ကုမ္ပဏီလီမီတက် (ရသေ့တောင်)မှ ကျပ် (၁၅) သိန်း၊ ဦးစံရွှေနှင့် ဒေါ်နွယ်နွယ်ဦး (ဆန်းသစ် သမင် ကုမ္ပဏီလီမီတက်)မှ ကျပ် (၁၅) သိန်းနှင့် ဒေါက်တာ စောမြအောင် (ဇီဇ၀ါ ဆေးကုမ္ပဏီ)မှ ကျပ် (၅) သိန်း အသီးသီး ထည့်ဝင် ကူညီ လှူဒါန်းခဲ့ကြသည်ဟု သိရသည်။
၎င်းကူညီလှူဒါန်းငွေများကို ရန်ကုန်တိုင်း ရခိုင်တိုင်းရင်းသားများရေးရာ ၀န်ကြီး ဦးဇော်အေးမောင်က လက်ခံခဲ့ပြီး အလှူရှင်များသို့ ဂုဏ်ပြု လက်မှတ်များလည်း အသီးသီး ပြန်လည် ပေးအပ်ခဲ့သည်။
ရခိုင်ရေးရာဝန်ကြီး ဦးဇော်အေးမောင်မှ ဦးစောအောင်သို့ ဂုဏ်ပြု လက်မှတ် ချီးမြှင့်နေစဉ်။ (ဓါတ်ပုံ- နိရဉ္စရာ)
ရန်ပုံငွေ ရှာဖွေရေး ဂီတပွဲတော်ကို ဦးဆောင်ကျင်းပသူ ဦးခင်မောင်သန်းက ယခုကဲ့သို့ ဂီတပွဲတော် ကျင်းပရခြင်းမှာ ရန်ပုံငွေအတွက်သာမက အမျိုးသားရေး လုပ်ငန်းစဉ်များ ဆောင်ရွက်ရာတွင် ရခိုင်အမျိုးသားများ စည်းလုံးညီညွှတ်ရေးကို ရည်ရွယ်ပြီး ပြုလုပ်ရခြင်း ဖြစ်ကြောင်း ပြောကြားသည်။
တက်ရောက်အားပေးလာသော ပရိသတ်။ (ဓါတ်ပုံ- နိရဉ္စရာ)
ရန်ပုံငွေ ဂီတပွဲတော်ကို လာရောက်အားပေးသူ တာမွေမြို့နယ်မှ ရခိုင်အမျိုးသမီးတစ်ဦး မနှင်းနှင်းဝေမှလည်း အမျိုးသားရေး စိတ်ဓါတ်၊ အမျိုးသားရေး အသိတို့ဖြင့် လာရောက်အားပေးခြင်း ဖြစ်ကြောင်း၊ ရခိုင်အမျိုးသား အချင်းချင်း ချစ်ခင် ညီညွှတ်မူကို ယခုထက်မက မြင်ချင်ပါကြောင်း ပြောကြားသွားသည်။
(သတင်းအရင်းအမြစ်- နိရဉ္စရာသတင်းဌာန)
No comments:
Post a Comment