ရခိုင်ပြည် ရမ်းဗြဲမြို့နယ်တွင် သြဂုတ်လ ၂၆ ရက်နေ့က ကျပ် ၁၅၀၀ တန်ဆင်းကဒ်များကို ကျေးရွာအုပ်စုအလိုက်၊ ရွာအကြီးအငယ်အလိုက် မဲနှိုက်စနစ်ဖြင့် ရောင်းချပေးခဲ့ကြောင်း သိရသည်။
ဆင်းကဒ်။ (ဓါတ်ပုံ - အင်တာနက်)ဆင်းကဒ်။ (ဓါတ်ပုံ - အင်တာနက်)
လမုခြီကျေးရွာအုပ်စု သရက်ချောင်း ကျေးရွာတွင် ဆင်းကဒ် ၈ ကဒ်ရရှိပြီး ၄င်းဆင်းကဒ်များကို မဲနှိုက်စနစ်ဖြင့် ရောင်းချပေးထားပြီဖြစ်ကြောင်း၊ လျှောက်ထားသူများမှ လျှောက်လွှာကြေးခ တစ်ဦးလျှင် ကျပ် ၃၀၀ စီ ပေးခဲ့ရကြောင်း သရက်ချောင်း ရွာသားဖြစ်သူ ဦးစံလှဘိုမှ ပြောသည်။
" ကျေးရွာအုပ်စုအလိုက်၊ ရွာအကြီးအငယ်လိုက် ပေးတာ ဖြစ်ပါတယ်။ ကျွန်တော်တို့ သရက်ချောင်းရွာဆိုရင် လမုခြီကျေးရွာအုပ်စုမှာ ပါဝင်ပါတယ်။ လမုခြီကျေးရွာအုပ်စုထဲမှာပါတဲ့ ရွာက ၆ ရွာ ရှိပါတယ်။ တစ်ရွာကို တစ်ကတ်စီ ပေးပါတယ်။ ဖုန်းကဒ်လိုချင်တဲ့ သူတွေက အုပ်ချုပ်ရေးမှူးတွေဆီမှာ သွားလျှောက်ရပါတယ်။ လျှောက်လွှာကြေးကတော့ တစ်ယောက်ကို ၃၀၀ ကျပ်စီ ပေးရပါတယ်။ နာမည်ရယ်၊ မှတ်ပုံတင်နံပါတ်တွေရယ် ဖြည့်ပြီးတော့ နောက်တစ်နေ့ မဲနှိုက်ပေးပါတယ်။ ကျွန်တော်တို့ရွာက ရွာသူ၊ ရွာသား ၇၀ လောက်က မဲနှိုက်ကြပါတယ်။ " ဟု ပြောသည်။
၁၅၀၀ တန် ဆင်းကဒ်အား မဲနှိုက်ပေးသည့်အချိန်တွင် ရွာသားတစ်ဦးမှ မှတ်ပုံတင် မယူလာခဲ့မိသောကြောင့် မဲနှိုက်ခွင့်မရရှိဘဲ မှတ်ပုံတင်ပါရှိသည့် အခြားတစ်ယောက်က မဲနှိုက်ခွင့်ရရှိခဲ့ကြောင်း၊ ယခု မဲနှိုက်ပေးသည့်အချိန်တွင် မဲမပေါက်လိုက်သူများအနေဖြင့် နောက်တစ်ကြိမ်တွင် ပြန်ပြီး လျှောက်လွှာတင်နိုင်ကြောင်း သိရသည်။
မြေပုံကျေးရွာအုပ်စုတွင်လည်း ဆင်းကဒ် ၈ ကဒ်ရရှိပြီး ၆ ကဒ်ကို ရွာသူ/ရွာသားများအား မဲနှိုက်ရောင်းချပေးခဲ့ကြောင်း၊ ကျန် ၂ ကဒ်ကို မြေပုံစာသင်ကျောင်းနှင့် သုဓမ္မာကျေးရွာမှ မဲပေါက်သွားခဲ့ကြောင်း အဆိုပါရွာ၏ ဒေသခံတစ်ဦးဖြစ်သူ မမြင့်မြင့်အေးမှ ပြောသည်။
" မြေပုံ ကျေးရွာအုပ်စုအတွက်ကတော့ ၆ ကဒ် ကျပါတယ်။ မြေပုံအုပ်စုမှာတော့ ၆ ရပ်ကွက်ခွဲပြီးတော့ တစ်ရပ်ကွက်ကို ၁ ကဒ်စီပေးပါတယ်။ မနေ့ကပဲ ခြောက်ကဒ်စလုံးကို မဲနှိုက်ပြီးသွားပါပြီ။ ၁ ကဒ်ကို တစ်ရပ်ကွက်လုံးက မဲနှိုက်ရတာ ဖြစ်ပါတယ်။ မဲလိပ်တွေကို အိုးထဲမှာထည့်ပြီး ရွာထဲက ကလေးနှစ်ယောက်ကို နှိုက်ခိုင်းပါတယ်။ ပြီးတော့ အုပ်ချုပ်ရေးမှူးက ကြည့်ပြီးတော့ လူအများရှေ့မှာ မဲပေါက်တဲ့သူတွေကို ကြေညာပေးပါတယ်။ " ဟု ပြောသည်။
ဆင်းကဒ်များအား ရောင်းချပေးသည်မှာ ရမ်းဗြဲမြို့အတွင်းဖြစ်သော်လည်း လမုခြီကျေးရွာအုပ်စုတွင် လျှောက်လွှာကြေး ကျပ် ၃၀၀ ပေးရပြီး မြေပုံကျေးရွာအုပ်စုတွင် လျှောက်လွှာကြေး မပေးရကြောင်း သိရသည်။
၁၅၀၀ တန် ဆင်းကဒ်များအား ရမ်းဗြဲမြို့ရှိ မြေပုံကျေးရွာအုပ်စုတွင် ၈ ကဒ်၊ လမုခြီ ကျေးရွာအုပ်စုတွင် ၈ ကဒ်၊ ငရံ့ချောင်း ကျေးရွာအုပ်စုတွင် ၈ ကဒ်နှင့် တိုးကြားကျေးရွာအုပ်စုတွင် ပထမအကြိမ် ၁၀ ကဒ်နှင့် ဒုတိယ အကြိမ် ၃ ဒတ် ဖြန့်ချိထားပြီဖြစ်ကြောင်း သိရသည်။
လက်ရှိတွင် မြန်မာပြည်သူ/သားများအား ကျပ် ၁၅၀၀ ဖြင့် ရောင်းချပေးနေသည့် တပ်မတော်ပိုင် မြန်မာ့စီးပွားရေး ကော်ပိုရေးရှင်း (အမ်အီးစီ)၏ CDMA ဆင်းကဒ်အရေအတွက် ၁ သန်းအဆင်သင့်ရှိပြီး တစ်လလျှင် ဆင်းကဒ် ၃ သိန်းခန့်ရောင်းရန် လျာထားသော်လည်း ညွှန်ကြားချက်ရလျှင် ရသလို ရောင်းချသွားမည်ဖြစ်ကြောင်း သိရသည်။
(သတင်းအရင်းအမြစ်- Arakantimes၊ ရေးသားသူ- မြတ်နိုးခင်)