ရခိုင်ပြည် မြောက်ဦးမြို့မှ ရခိုင်လူမှုကွန်ရက်အသင်းက မြောက်ဦးမြို့အတွင်းရှိ မူလတန်းကျောင်းတွင် ဗလာစာအုပ်များ လှူဒါန်းနေကြောင်း သိရသည်။
မြောက်ဦးမြို့အတွင်းရှိ အ.မ.က (ဒိုင်းကျီ)ကျောင်းတွင် ၂၀၁၃ - ၁၄ ပညာသင်ကြားနေသော မူလတန်းကျောင်းသူ/သားများအား ၄င်း ရခိုင်လူမှုကွန်ရက် (မြောက်ဦး)မှ ဗလာစာအုပ် ဒါဇင် (၆၀) ကို သြဂုတ်လ ၂၇ ရက်နေ့က သွားရောက်လှူဒါန်းခဲ့ကြောင်း သိရသည်။
မြောက်ဦး လူမှုကွန်ရက်မှ အ.မ.က(ဒိုင်းကျီ)ကျောင်းတွင် ကျောင်းသူ/သားများအား ဗလာစာအုပ်များ လှူဒါန်းနေစဉ်။ မြောက်ဦး လူမှုကွန်ရက်မှ အ.မ.က(ဒိုင်းကျီ)ကျောင်းတွင် ကျောင်းသူ/သားများအား ဗလာစာအုပ်များ လှူဒါန်းနေစဉ်။
သွားရောက်လှူဒါန်းခဲ့သည့် အ.မ.က (ဒိုင်းကျီ)ကျောင်းမှ သူငယ်တန်း(၃၆)ဦး ပထမတန်း(၂၅) ဦး ဒုတိယတန်း(၂၄)ဦးတို့အား တစ်ဦးလျှင် စာအုပ်လေးအုပ်နှင့် ဘောပင်တစ်ချောင်း၊ ခဲတံတစ်ချောင်း လှူဒါန်းခဲ့ပြီး တတိယတန်း (၃၃)ဦးနှင့် စတုတ္ထတန်း(၁၅)ဦးတို့အား တစ်ဦးလျှင် ဗလာစာအုပ် ငါးအုပ်နှင့် ဘောပင်တစ်ချောင်း၊ ခဲတံတစ်ချောင်း လှူဒါန်းခဲ့ကြသည်။
ဗလာစာအုပ်လှူဒါန်းခြင်းနှင့် ပတ်သတ်၍ လူမှုကွန်ရက်အသင်းအား ကျောင်းအုပ်ဆရာကြီးအပါအ၀င် ဆရာမများက ကျောင်းသူ/သားများအတွက် အလွန်ဝမ်းမြောက်ကြောင်းနှင့် ကျေးဇူးတင်ကြောင်းပြောကြားသည်။
လူမှုကွန်ရက်အသင်းမှ တာဝန်ရှိသူ ဦးမောင်ကျော်ဇောက ရခိုင်ပြည်တွင်ရှိသော ရခိုင်ပြည်သူ/သားများအနေဖြင့် ကွန်ရက်သဖွယ် ချိပ်ဆက်နိုင်အောင်နှင့် မျိုးချစ်စိတ်ဓာတ်ရှိနိုင်အောင် ကျောင်းသူ/ကျောင်းသားများအား ရခိုင်လူမှုကွန်ရက်ခေါင်စဉ်နှင့် ပတ်သတ်၍ရှင်းပြခဲ့သည်။
ရခိုင်လူမှုကွန်ရက် (မြောက်ဦး)အနေဖြင့်လည်း အခြားသောကျောင်းများတွင် ဗလာစာအုပ်များ လှူဒါန်းသွားမည်ဖြစ်ကြောင်း အတွင်းရေးမှူး ကိုထွန်းထွန်းက ပြောကြားခဲ့သည်။
(သတင်းအရင်းအမြစ်- Arakantimes ၊ ရေးသားသူ- အောင်မြလင်း(မြောက်ဦး))