ဗလီ ဗုံးခွဲမည့် မသင်္ကာသူ ၃ ဦးကို ရဲက ဖမ်းထား

အောက်တိုဘာ ဗုံးပေါက်ကွဲမှုဖြစ်စဉ်များတွင် အသုံးပြုခဲ့သည့် ပစ္စည်းများကုို ရဲတပ်ဖွဲ့၏ သတင်းစာရှင်းလင်းပွဲ ပြသထားစဉ် (ဓာတ်ပုံ – ဂျေပုိုင် / ဧရာဝတီ)

အစ္စလာမ် “ဘာသာရေး အဆောက်အဦများ” အား ဗုံးဖောက်ခွဲရန် ရည်ရွယ်ချက် ရှိသည်ဟု စွပ်စွဲကာ မြန်မာနိုင်ငံ ရဲတပ်ဖွဲ့က ရန်ကုန်တိုင်း လှိုင်သာယာတွင် တစ်ဦး ၊ ပဲခူးတိုင်း သာယာဝတီတွင် တစ်ဦး၊ ရခိုင်ပြည်နယ် စစ်တွေတွင် တစ်ဦး စုစုပေါင်း ၃ ဦးကို ဖောက်ခွဲရေး ပစ္စည်းများနှင့်အတူ ဖမ်းဆီးခဲ့ပြီး အမှုကို ဆက်လက်စုံစမ်းစစ်ဆေးနေသည်။
ဖမ်းဆီးမှု ဖြစ်စဉ်များနှင့် ဖမ်းဆီးခံရသူများအကြောင်း ယနေ့ထုတ် ပြန်ကြားရေးဝန်ကြီးဌာနပိုင် မီဒီယာများတွင် ဖော်ပြထားပြီး  အမည်မဖော်လိုသော ရဲတပ်ဖွဲ့ဝင်ကို ကိုးကား၍  AFP က ရေးသားပေးပို့သော သတင်းတပုဒ်တွင် ဖမ်းဆီးခံရသူများသည် ဗုဒ္ဓဘာသာဝင်များဖြစ်ပြီး ဗလီများကို ပစ်မှတ်ထားကြောင်း ဖော်ပြထားသည်။
အဆိုပါကိစ္စကို ဧရာဝတီက စုံစမ်းမေးမြန်းရာ  နေပြည်တော် မှုခင်းတပ်ဖွဲ့မှ ဒုရဲမှူးကြီး မင်းအောင်က နိုဝင်ဘာလ ၁၃ ရက်နေ့ နံနက် ၁၁ နာရီခန့်က လှိုင်သာယာမြို့နယ် အတွင်းပဒံကျေးရွာရှိ SKY အအေးခန်း ဧည့်ရိပ်သာကို ၀င်ရောက်ရှာဖွေရာ မြောက်ဦးမြို့နယ်မှ အသက် ၃၁ နှစ် အရွယ် ကိုခိုင်နေမင်းကို ဖောက်ခွဲရေးပစ္စည်းများဖြစ်သည့် ယမ်းနှင့်ဆက်စပ်ပစ္စည်းများ တပ်ဆင်နေစဉ် ဖမ်းမိခဲ့ကြောင်း၊ ထိုမှတဆင့် ကိုခိုင်နေမင်းအားမေးမြန်း၍ ကွင်းဆက်တရားခံ သာယာဝတီမြို့နယ်မှ ၃၄ နှစ်အရွယ်ကိုသိန်းညွှန့်ကို နေ့လည် ၁၂ နာရီတွင် ဖမ်းမိခဲ့ကြောင်း၊ ယင်းတို့နှစ်ဦးကို စစ်ဆေးမေးမြန်းချက်အရ ရခိုင်ပြည်နယ် စစ်တွေမြို့ တရားသီးစုရပ်ကွက် ကျောင်းလမ်းတွင် အခြားဆက်စပ်သူ ကိုဘိုဘိုထွန်းကို နိုဝင်ဘာလ ၁၆ ရက်နေ့တွင် ဖမ်းမိခဲ့ကြောင်းဧရာဝတီသို့ ပြောကြားသည်။
”ရန်ကုန်မှာမိတဲ့ နှစ်ယောက်ကို စစ်လိုက်တော့ ကိုဘိုဘိုဆီက ယမ်းတောင့်တွေရလို့ လုပ်တာဆိုပြီး ထွက်တယ်။ ဘိုဘိုကို စစ်တွေမှာ ဖမ်းမိတဲ့အတွက် အခုရန်ကုန်ကိုခေါ်ထားပြီး စစ်နေတယ်။ အသေးစိတ်ကတော့ ရဲလုပ်ငန်းတွေကို  ထိခိုက်မှာစိုးလို့ မပြောနိုင်သေးဘူး”ဟု ဒုရဲမှူးကြီး မင်းအောင်က ဆိုသည်။
ဖောက်ခွဲရန် ကြံစည်သူများ၏ ထွက်ဆိုချက်များအရ ခိုင်နေမင်းသည် ၂၀၁၃ ခုနှစ် ဇူလိုင်လ ၃ ရက်နေ့မှ စ၍ နယ်စပ်တွင် ဖောက်ခွဲရေးသင်တန်း တက်ရောက်ခဲ့ကြောင်း၊ နိုဝင်ဘာလ ၁၂ ရက်နေ့တွင် ဘိုဘိုထွန်းထံမှ အသင့်ဆင်ပြီး လက်လုပ်မိုင်းနှစ်လုံး၊ ယမ်းကပ် တစ်ထုပ်၊ ခဲရောင်ယမ်း သုံးခုတို့ကို ရရှိခဲ့ကြောင်း ရဲတပ်ဖွဲ့က ထုတ်ပြန်သည်။
ဖောက်ခွဲရေး လုပ်ရန် ကြံစည်သူများသည် “ဘာသာရေး အဆောက်အဦများ”အား တိုက်ခိုက်ရန် ရည်ရွယ်ခဲ့ပြီး နောက်ကွယ်တွင် ဆက်စပ်ပါဝင်သူများရှိသကဲ့သို့ မြေပေါ်အဖွဲ့အစည်းအချို့နှင့် ဆက်စပ်မှုများပါ ရှိနေသည်ဟု ရဲတပ်ဖွဲ့က ထုတ်ပြန်သော်လည်း အသေးစိတ် မထုတ်ပြန်နိုင်သေးကြောင်း ဒုရဲမှူးကြီး မင်းအောင်က ပြောဆိုသည်။
ရန်ကုန်မြို့ ထရိတ်ဒါးဟိုတယ် ဗုံးပေါက်ကွဲမှုအပါအ၀င် နေရာဒေသအချို့တွင် အောက်တိုဘာလပိုင်း အတွင်းက ဖြစ်ပေါ်ခဲ့သော ဗုံးဖောက်ခွဲမှုများတွင် တရားခံဟု စွပ်စွဲခံထားရသူများသည် ဘာသာရေး အဆောက်အဦများအား ပစ်မှတ်ထားတိုက်ခိုက်ရန် ၄င်းတို့နှင့် ဖမ်းဆီးထိန်းသိမ်းထားရာတွင် သွားရောက် တွေ့ဆုံခဲ့သော ကရင်အမျိုးသားအစည်းအရုံး(KNU)မှ မန်းငြိမ်းမောင်က မီဒီယာများသို့ ပြောကြားခဲ့ဖူးသည်။
ယခု ဖမ်းဆီးမှုများသည် ယခင်အမှုဖြစ်စဉ်များနှင့် ဆက်စပ်မှုရှိမရှိကို ဧရာဝတီက မေးမြန်းရာ ” ကျနော်တို့က ဒီသတင်းကို အရေးကြီးလို့ တန်းမထုတ်ပြန်ဘဲ သိမ်းထားတာ။ အဲဒီကိစ္စကို ပြောခွင့်မရှိသေးဘူး။ ဆက်စုံစမ်းဖော်ထုတ်တဲ့အခါ မလိုလားအပ်တာတွေ ဖြစ်မှာစိုးလို့ပါ”ဟု ဒု-ရဲမှူးကြီးမင်းအောင်က ဆိုသည်။
(သတင်းအရင်းအမြစ်- ဧရာဝတီသတင်းဌာန)