 |
| ရခိုင်ပြည်နယ်၊ စစ်တွေမြို့က ရခိုင်တိုင်းရင်းသားများ တိုးတက်ရေးပါတီ RNDP ရုံးချုပ်
photo: RFA/ Min Thein Aung
|
ဒီသဘောထားကြေငြာချက် ထုတ်ပြန်တာနဲ့ ပတ်သက်ပြီး ရခိုင်တိုင်းရင်းသားများ တိုးတက်ရေးပါတီ RNDP ရဲ့ အတွင်းရေးမှူး ဦးခိုင်ပြည်စိုးက RFA ကို အခုလိုပြောပါတယ်။
"ကျနော်တို့ ၆၈ ကြိမ်မြောက် ကုလသမဂ္ဂညီလာခံ တတိယကော်မတီရဲ့ ဆုံးဖြတ်ချက် အပိုဒ် ၁၀ မှာ ကျနော်တို့ ရခိုင်လူမျိုးတွေနဲ့ ပတ်သက်တဲ့ အန္တရာယ်ဖြစ်မယ့် အချက်အလက်တွေ အများကြီးတွေ့ရတယ်၊ ဥပဒေအတိုင်း မဆောင်ရွက်ဘဲနဲ့ နိုင်ငံတကာ ဖိအားတစ်ခုနဲ့ နိုင်ငံသားပြုခွင့် ပေးရမယ်ဆိုတဲ့ဟာသည် ကျနော်တို့အတွက် အန္တရာယ်များတယ်၊ ဒီအန္တရာယ်ကို ကာကွယ်နိုင်ဖို့အတွက် ကျနော်တို့ ကြေညာချက်ဖော်ထုတ်တာပဲဖြစ်ပါတယ်"
အဲဒီသဘောထားကြေငြာချက်ထဲမှာ မြန်မာနိုင်ငံမှာ အသိအမှတ်ပြုထားတဲ့ တိုင်းရင်းသားလူမျိုး ၁၃၅ မျိုးမှာ "ရိုဟင်ဂျာ"ဆိုတဲ့လူမျိုး မပါရှိတဲ့အတွက် အဲဒီစာတမ်းမှာပါဝင်တဲ့ "ရိုဟင်ဂျာလူနည်းစု"ဆိုတဲ့ စကားလုံးအသုံးအနှုန်းကို ကန့်ကွက်ကြောင်း၊ ကုလသမဂ္ဂအနေနဲ့ တရားမဝင် ကျူးကျော်ဝင်ရောက်နေကြတဲ့ ရိုဟင်ဂျာအမည်ခံ ဘင်္ဂါလီမွတ်စလင်တွေကို နိုင်ငံသားအဖြစ် အပြည့်အဝပေးရန်ဆိုပြီး တောင်းဆိုတာဟာ နိုင်ငံတော်တစ်ခုအတွင်း ဝင်ရောက်စွက်ဖက်မှုမရှိရဆိုတဲ့ ကုလသမဂ္ဂရဲ့အခြေခံမူကို တိုက်ရိုက်ချိုးဖောက်လိုက်တာဖြစ်ကြောင်း ၊ မြန်မာနိုင်ငံမှာ တည်ဆဲဥပဒေဖြစ်တဲ့ ၁၉၈၂ ခုနှစ် မြန်မာနိုင်ငံသားဥပဒေနဲ့သာ နိုင်ငံသားဖြစ်ရေး မဖြစ်ရေးပြဿနာကို ကိုင်တွယ်ဖြေရှင်းရမှာဖြစ်သလို၊ ရခိုင်တိုင်းရင်းသားများ တိုးတက်ရေးပါတီအနေနဲ့ ရခိုင်ပြည်နယ်မှာ ရခိုင်အမျိုးသားတွေရဲ့ အမျိုးဘာသာ သာသနာနဲ့ သမိုင်းစဉ်ဆက်က တည်ရှိခဲ့တဲ့ ယဉ်ကျေးမှုအမွေအနှစ်တွေ ပျောက်ကွယ်စေမယ့် မည်သည့်အားထုတ်မှုမျိုးကိုမဆို လုံးဝဆန့်ကျင်ကြောင်း စတဲ့အချက်တွေအပါအဝင် အချက် ၈ ချက်ပါရှိပါတယ်။
ကုလသမဂ္ဂရဲ့ ဆုံးဖြတ်ချက်နဲ့ ပတ်သက်လို့ ၈၈ မျိုးဆက်နဲ့ အန်အယ်လ်ဒီအပါအ၀င် နိုင်ငံရေးပါတီတွေရဲ့ သဘောထားအမြင်တွေကို RFA အဖွဲ့သူ မသင်းသီရိ တင်ပြထားတာ နားဆင်နိုင်ပါတယ်။
အသံဖိုင်နားထောင်ရန် ဤနေရာကို နှိပ်ပါ။
(သတင်းအရင်းအမြစ်- RFA Burmese)
No comments:
Post a Comment