မေယုကျွန်းပေါ်တွင် Cyclone Shelter ကာကွယ်ရေးဝန်ကြီးဌာန တည်ဆောက်မည်

မြန်မာနိုင်ငံ အနောက်ဘက် တံခါးဝတွင်ရှိသည့် ရခိုင်ပြည်နယ် မေယုကျွန်းပေါ်တွင် မုန်တိုင်းဒဏ်ခံ (Cyclone Shelter) တစ်လုံး တည်ဆောက်သွားရန် ကာကွယ်ရေးဝန်ကြီးဌာနက စီစဉ်လျက်ရှိ ကြောင်း ပို့ဆောင်ရေးဝန်ကြီးဌာန ဒုတိယဝန်ကြီး ဦးဟန်စိန်က ပြောကြားသည်။

သြဂုတ်လ ၂၈ ရက်နေ့တွင် ကျင်းပသည့် ပြည်သူ့လွှတ်တော် အစည်းအဝေးတွင် စစ်တွေမြို့နယ်ရှိ မေယုကျွန်းကို စနစ်တကျ ကွင်းဆင်းလေ့လာ တွက်ချက်၍ ပြင်ဆင်ထိန်းသိမ်းသွားရန်နှင့် စပ်လျဉ်းသည့် မေးခွန်းကို ဖြေကြားစဉ် ၎င်းကယင်းသို့ ထည့်သွင်းပြောကြားသွားခြင်း ဖြစ်သည်။

မေယုကျွန်းသည် ယခုနှစ် ဇွန်လအတွင်း လှိုင်းလေ ပြင်းထန်မှုကြောင့် ရေလှိုင်း များ မြင့်တက်လာသဖြင့် လှိုင်းကာ နံရံများ၊ ရေချိုသိုလှောင်ကန်များ ပျက်စီးသွားရာ လေမုန်တိုင်းခံ အဆောက်အအုံ ဆောက်လုပ်ရန် စီစဉ်ရခြင်း ဖြစ်ကြောင်းနှင့် ဆောက်လုပ်မှုကို ကာကွယ်ရေးဦးစီးချုပ်ရုံး (ကြည်း) စစ်အင်ဂျင်နီယာ ညွန့်ကြားရေးမှူးရုံးမှ စီစဉ်လျက် ရှိကြောင်း ဦးဟန်စိန်က ဆက်လက်ပြောကြားသည်။

သြဂုတ်လအတွင်း ကျင်းပခဲ့သည့် ပြည်သူ့လွှတ်တော် အစည်းအဝေးတွင် မြန်အောင် မဲဆန္ဒနယ်မှ လွှတ်တော် ကိုယ်စားလှယ်တစ်ဦးက ရခိုင်ပြည်နယ်အတွင်း Cyclone Shelter များ တည်ဆောက်ပေးရန် အစီအစဉ်ရှိမရှိ မေးမြန်းရာအစီအစဉ်မရှိကြောင်းပို့ဆောင်ရေးဝန်ကြီးဌာနက ပြန်လည် ဖြေကြားထားသည်။
(သတင်းအရင်းအမြစ်- The Voice Weekly)