 |
| ကုလားတန်မြစ်ဝတွင် ကင်းလှည့်နေသည့် ရေတပ်သင်္ဘော တစ်စင်းအား တွေ့ရစဉ် |
ရခိုင်ကမ်းရိုးတန်း၏ ဆိပ်ကမ်းမြို့ သုံးခု၌ ရေကြောင်းရဲတပ်ဖွဲ့များ အခြေစိုက်ရန်အတွက် စတင်ပြင်ဆင် နေပြီဖြစ်ကြောင်း သတင်းရရှိသည်။
လက်ရှိတွင် စစ်တွေနှင့် ကျောက်ဖြူမြို့တွင် အခြေစိုက်ရန်အတွက် ရေကြောင်းရဲတပ်ဖွဲ့များ၏ ရေကြောင်းရဲတပ်ဖွဲ့ရုံး မြေနေရာများ စတင်ရှာဖွေ နေပြီဖြစ်ကြောင်း ရေကြောင်းရဲတပ်ဖွဲ့မှ တာဝန်ရှိသူတစ်ဦးက ပြောကြားသည်။
လက်ရှိအချိန်ထိ ရေကြောင်းရဲတပ်ဖွဲ့ ရုံးစိုက်ရန် ရုံးမြေနေရာ ရှာဖွေနေဆဲဖြစ်ပြီး ရေကြောင်းရဲတပ်ဖွဲ့၏ လုပ်ငန်းများ ဆောင်ရွက်ခြင်း မရှိသေးကြောင်းနှင့် ရုံးမြေနေရာများ ရရှိလာပြီဆိုလျှင် ပင်လယ်ပြင်လုံခြုံရေး စိုးမိုးရေးအား ရေကြောင်းရဲတပ်ဖွဲ့မှ တာဝန်ယူလာ နိုင်တော့မည်ဟုလည်း သိရသည်။
ရခိုင်ပဋိပက္ခများ စုံစမ်းစစ်ဆေးရေး ကော်မရှင် အစီရင်ခံစာတွင် "တပ်မတော် ရေတပ်အင်အား တိုးချဲ့ချထားရန်၊ ကမ်းခြေစောင့် ရေဒါစခန်းများ၊ ကင်းလှည့်လေယာဉ်များ၊ CCTV စောင့်ကြည့်ကင်မရာများ၊ လူလုပ်အတားအဆီးများ ချထားရန်၊ ကမ်းခြေစောင့် ရေကြောင်းရဲတပ်ဖွဲ့ (Marine Police / Coastal Police) ကို ဖွဲ့စည်း၍ Assault Boat ကင်းလှည့်တိုက်ခိုက်ရေး ရေယာဉ်များကို ထုတ်ပေးထားပြီး ရေတပ်နှင့် ပူးပေါင်းကင်းလှည့်ခြင်းများ ဆောင်ရွက်စေရန်" ဟု အကြံပြုထားသည်။
ရေကြောင်းရဲတပ်ဖွဲ့နှင့် စပ်လျဉ်း၍ ရခိုင်ပြည်နယ်၌ ရေကြောင်းရဲတပ်ဖွဲ့ခွဲ တစ်ခုကို ကျောက်ဖြူဆိပ်ကမ်းတွင် လည်းကောင်း၊ ရေကြောင်းရဲတပ်ဖွဲ့ နှစ်စုကို စစ်တွေနှင့် သံတွဲဆိပ်ကမ်းများတွင်လည်းကောင်း ဖြန့်ေ ဆောင်ရွက် သွားမည်ဟုလည်း သိရသည်။
(သတင်းအရင်းအမြစ်- Eleven Media Group)
No comments:
Post a Comment