Wednesday, October 23, 2013

ရခိုင် တိုင်းရင်းသူလေးရဲ့ အနုပညာစကား၊ ငြိမ်းချမ်းရေး စကား

အနုပညာ, ဖြူထိပ်ထား, သရုပ်ဆောင်, ရခိုင်, မော်ဒယ်လ်
မော်ဒယ်လ် သရုပ်ဆောင် ဖြူထိပ်ထား | မိတ်ကပ် – မေစပယ်ညို၊ ၀တ်စုံဒီဇိုင်း – အောင်မြတ်သူ (Aroma) | (ဓာတ်ပုံ – ဂျေပိုင် / ဧရာဝတီ)
ဖြူထိပ်ထား ဆိုတာ ရတနာဖြူဖြူအောင် ဆိုတဲ့ နာမည်နဲ့ အရင်ကပြိုင်ပွဲများစွာ ၀င်ပြိုင်ခဲ့ပြီး ဆုများစွာရခဲ့တဲ့ ရခိုင်တိုင်းရင်းသူ မော်ဒယ်လ် တယောက် ဖြစ်ပါတယ်။ ဇာတ်ကားတွေမှာလည်း သူ့ရဲ့ သရုပ်ဆောင်မှုတွေကို တွေ့ရပါတယ်။ အခုတော့ အနုပညာ အလုပ်ကို မိဘတွေက အားပေးတဲ့အတွက် မိဘတွေ ကိုယ်ပိုင် ထုတ်လုပ်ရေးလုပ်၊ သူ့ကို အနုပညာ နာမည် ဖြူထိပ်ထားလို့ ပြောင်းလိုက်ပြီး နေတိုး၊ သက်မွန်မြင့်တို့နဲ့ နက္ခတ်မှားတဲ့ တိုက်ပွဲ ဆိုတဲ့ ဇာတ်ကားကြီးမှာ ပါဝင် သရုပ်ဆောင် ခဲ့တယ်လို့ သူက ပြောပြပါတယ်။ လတ်တလောမှာ ဇာတ်ကား ရိုက်ကူးမှုနဲ့ ဓာတ်ပုံ၊ ပြက္ခဒိန် ရိုက်ကူးမှုတွေ လုပ်နေတယ်လို့ သိရပါတယ်။ ဒါကြောင့်လည်း ဖြူထိပ်ထားနဲ့ ပတ်သက်တဲ့ အနုပညာကိစ္စတချို့၊ ကိုယ်ရေးကိုယ်တာ ကိစ္စတချို့ကို ဧရာဝတီက မေးမြန်းစုံစမ်းပြီး ဖော်ပြပေးလိုက်ပါတယ်။
“ညီမ အခု လတ်တလောမှာ မဂ္ဂဇင်း၊ ဂျာနယ်၊ ပြက္ခဒိန်တွေ ရိုက်ဖြစ်ပါတယ်။ ၁၁ လပိုင်း ကျရင်တော့ ကိုမြင့်မြတ်နဲ့ ဇာတ်ကားရိုက်ဖို့ ရှိပါတယ်။ ညီမ မိဘတွေက ရုပ်ရှင်ထုတ်လုပ်ရေး ကုမ္ပဏီထောင်ပြီး ညီမကို မင်းသမီး ထည့်ရိုက်တာပါ၊ မင်းသားတွေကို စာချုပ်ချုပ်ပြီး ရိုက်ကူးရေးတွေ လုပ်ပါတယ်” လို့ ဖြူထိပ်ထားက ဟြေပါတယ်။
သူက နာမည်ကြီး မင်းသား၊ မင်းသမီးတွေနဲ့ ဇာတ်ကား ရိုက်ရတဲ့အတွက် ကိုယ့်ဘက်က အမှားတွေ ဖြစ်မှာစိုးရိမ်လို့ အရမ်း ဂရုစိုက်ရကြောင်း၊ ကိုယ့် သရုပ်ဆောင်မှုတွေ အတွက် သူတို့ကို အားနာရကြောင်း၊ ၀ါရင့် သရုပ်ဆောင်တွေဆီက အတုယူ စရာတွေ အများကြီးရကြောင်းလည်း ဆက်ဟြေပါတယ်။
“ညီမ နာမည်ကြီး သရုပ်ဆောင်တွေနဲ့ ရိုက်တဲ့အခါမှာ အရမ်း စိုးရိမ်မိပါတယ်။ ကိုယ့်အမှားတွေကြောင့် သူတို့ကို အနှောင့်အယှက် ဖြစ်မှာစိုးတယ်။ သူတို့ဆီက အတုယူစရာ၊ အားကျစရာတွေ မှန်သမျှကို ညီမ လေ့လာပါတယ်။ သူတို့ဆီက ပညာတွေလည်း ရသလို၊ သူတို့ကို ကြောက်တဲ့ ဖိစီးမှုတွေလည်း ရှိတယ်။ စစရိုက်ချင်းတုန်းကပေါ့၊ အခုတော့ အဆင် ပြေသလောက် ရှိနေပါပြီ” လို့ သူက ဆိုပါတယ်။
သူက ရခိုင်တိုင်းရင်းသူ တယောက် ဖြစ်တဲ့အတွက် ရခိုင်ရိုးရာ ၀တ်စုံကို ၀တ်ဆင်ပြီး ဓာတ်ပုံရိုက်ရတဲ့ ခံစားချက်ကိုလည်း ဧရာဝတီက မေးမြန်းခဲ့ပါတယ်။
“ညီမက ရခိုင်တိုင်းရင်းသူတယောက် ဖြစ်တဲ့အတွက် ကိုယ့်မြတ်နိုးတဲ့ ရိုးရာဝတ်စုံလေးကို ၀တ်ပြီး ဓာတ်ပုံရိုက်ရတာ အရမ်းကို ပီတိ ဖြစ်ပါတယ်။ ၀တ်စုံလေးကလည်း အရမ်းလှတယ်၊ ကိုယ့်ရိုးရာ ၀တ်စုံကို ၀တ်ပြီး ဓာတ်ပုံ ရိုက်ရတဲ့အတွက် အရမ်းကို ဂုဏ်ယူမိပါတယ်” လို့ ဖြူထိပ်ထားက ဟြေပါတယ်။
ဖြူထိပ်ထားက သူ့အနေနဲ့ ရခိုင်တိုင်းရင်းသူ တယောက် ဖြစ်ရတဲ့အတွက် ကျေနပ်တယ်လို့လည်း ဆိုပါတယ်။
“ရခိုင် အမျိုးသမီး တယောက်အဖြစ် မွေးဖွားလာတဲ့ အတွက် ကိုယ့်ကိုယ်ကိုယ် ကျေနပ်မိတယ်၊ ဂုဏ်လည်းယူတယ်၊ ၀မ်းသာ ပီတိလည်း ဖြစ်ပါတယ်။ ရခိုင် ဆိုတာလည်း ဗုဒ္ဓဘာသာကို ကိုးကွယ်တဲ့ မြန်မာလူမျိုးပါ” လို့ သူက ဆက်ပြောပါတယ်။
ရခိုင်ပြည်နယ်မှာ ပဋိပက္ခတွေ ဖြစ်နေခဲ့တုန်းက သူတို့ တိုင်းရင်းသားတွေ ထိခိုက်တာ ကြားသိရတဲ့အတွက် ရင်ထဲကနေ နာကျင် ခံစားရကြောင်း၊ အရမ်းကို ၀မ်းနည်း စိတ်မကောင်းဖြစ်ပြီး ခံစားခဲ့ရကြောင်း၊ အဲဒီလို ဒုက္ခတွေ မဖြစ်စေချင်ကြောင်း၊ နောက်ထပ် ထပ်မဖြစ်အောင်လည်း သူက ဘုရားမှာ ဆုတောင်း မေတ္တာပို့တယ် ဆိုတဲ့အကြောင်းလည်း ဖြူထိပ်ထားက ဟြေပါတယ်။
“ရခိုင်ပြည်နယ်မှာ ပဋိပက္ခတွေ ဖြစ်တုန်းကဆို ညီမတို့ လူမျိုးတွေအတွက် နာကျင်ခံစားရတယ်၊ ၀မ်းနည်းမှုတွေခံစားရတယ်။ ဒီလို ဘေးဒုက္ခတွေကို ကိုယ့်လူမျိုးတွေကိုရော၊ ဘယ်သူ့ကိုမှ မဖြစ်စေချင်ဘူး။ အားလုံးကို ငြိမ်းငြိမ်းချမ်းချမ်းပဲ ဖြစ်စေ ချင်တယ်။ ကိုယ့်လူမျိုးတွေ အေးအေးချမ်းချမ်း ဖြစ်နေတာကိုပဲ ညီမမြင်တွေ့ ချင်ပါတယ်။ ညီမ ငယ်ငယ် တုန်းကတော့ ရခိုင်ပြည်နယ်က အ၀ကျွန်းမှာ နေခဲ့ဖူးပါတယ်။ ညီမရဲ့ အဖိုးတွေ၊ အဖွားတွေက ကျောက်ဖြူ ဇာတိပါ၊ ညီမကို အ၀ကျွန်းမှာ မွေးခဲ့တာပါ။ ကိုယ့်လူမျိုးတွေ မငြိမ်းမချမ်း ဖြစ်တော့ အရမ်းဝမ်းနည်းပြီး စိတ်မကောင်းလည်း တော်တော်ဖြစ်ခဲ့ရပါတယ်။ ကိုယ်ကိုယ်တိုင် ခံစားရသလို ဖြစ်မိပါတယ်။ အားလုံး ကျန်းကျန်းမာမာ ချမ်းချမ်းသာသာ နေနိုင်အောင် ညီမ ဘုရားမှာ အမြဲတမ်း ဆုတောင်းပါတယ်၊ မေတ္တာပို့ပေးပါတယ်။ မငြိမ်းမချမ်း ဖြစ်နေတဲ့ အချိန်တုန်းကလည်း ကိုယ့်ရခိုင် လူမျိုးမှ မဟုတ်ပါဘူး၊ အားလုံးကို မနက်တိုင်း ညီမ မေတ္တာပို့ ဆုတောင်းပေးပါတယ်။ အားလုံးကို ငြိမ်းချမ်း စေချင်ပါတယ်” လို့ ဖြူထိပ်ထားက ဆိုပါတယ်။
သူတို့ ရခိုင်တိုင်းရင်းသားတွေ ထဲမှာ အနုပညာရှင်တွေ ရှိနေတဲ့ အတွက်လည်း သူက ဂုဏ်ယူတယ်လို့ ပြောပါတယ်။
“ညီမတို့ ရခိုင်လူ တိုင်းရင်းသားတွေထဲက ထူးခြားတဲ့၊ ထူးချွန်တဲ့ အနုပညာရှင်တွေ ပေါ်ထွက်လာတဲ့ အတွက်လည်း အရမ်း ချီးကျူးမိသလို၊ ဂုဏ်လည်း ယူပါတယ်၊ အနုပညာရှင် တယောက်ဖြစ်ဖို့၊ ထူးချွန်တဲ့ လူတယောက် ဖြစ်ဖို့ဆိုတာ မလွယ်ပါဘူး။ အနုပညာမှာ ကိုယ့်လူမျိုးတွေထဲက ထူးချွန်တဲ့သူတွေ ပေါ်ထွက်လာတဲ့အတွက် အရမ်းလည်း ဂုဏ်ယူပါတယ်” လို့ သူက ဟြေပါတယ်။
သူကိုယ်တိုင်လည်း အနုပညာကို သူ ခွန်အားရှိသရွေ့၊ တတ်နိုင်သမျှ ကြိုးစားမယ်လို့လည်း ဖြူထိပ်ထားက ဟြေပါတယ်၊၊
“ညိမကိုယ်တိုင်လည်း ဝါသနာပါတဲ့ အနုပညာအလုပ်ကို အစွမ်းကုန် ကြိုးစားမှာပါ။ အကောင်းဆုံး ဖြစ်အောင် ကြိုးစား လုပ်ဆောင်မှာပါ။ ထူးချွန်တဲ့ သူတယောက်အဖြစ် အသတ်မှတ် မခံရရင်တောင် ညီမရဲ့ အနုပညာ အလုပ်ကို အကောင်းဆုံးတော့ လုပ်သွားမှာပါ။ အနုပညာ ခရီးက ကြမ်းချင်လည်း ကြမ်းပါစေ၊ ညီမ ကြံ့ကြံ့ခံပြီး ဆက်လျှောက်မှာပါ။ မိဘတွေက ညီမကို မင်းသမီး တင်ရိုက်တဲ့အတွက် ပိုပြီး တာဝန်ကြီးသွားပါတယ်။ ကိုယ့်မိဘတွေရဲ့ လုပ်ငန်းလည်း ဖြစ်တဲ့အတွက် နှစ်ဆပိုပြီး တာဝန်ကြီးပါတယ်။ မိဘတွေရဲ့ ယုံကြည်မှုကိုလည်း အလွဲသုံးစား မလုပ်ချင်ပါဘူး။ ပရိသတ်တွေ ကလည်း ညီမရဲ့ အနုပညာကို ကြည့်ပြီး ဝေဖန်ပေးပါ၊ အကြံပေးပါ၊ ပရိသတ်တွေ ဘယ်လို ဝေဖန်မယ် ဆိုတာကို စိတ်လှုပ်ရှား နေပါတယ်။ ညီမ ခေါင်းဆောင် ရိုက်ထားတဲ့ ကားတွေ ထွက်လာရင်လည်း ဝေဖန်ပေးပါ” လို့ ဖြူထိပ်ထားက ဧရာဝတီက တဆင့် ဟြေလိုက်ပါတယ်။
(သတင်းအရင်းအမြစ်- ဧရာဝတီသတင်းဌာန)

ရခိုင်ပြည်နယ် Technical team မှ ပြည်နယ် အဆင့်တာဝန်ရှိသူများနှင့် ALP ကျောက်တော်ဆက်ဆံရေးရုံး တာဝန်ခံတို့တွေ့ဆုံခြင်း

ရခိုင်ပြည်နယ်ငြိမ်းချမ်းရေးဖေါ်ဆောင်ရေးအဖွဲ့နှင့် ALP တို့သည် ၂၀၁၁ ခုနှစ် ဧပြီလ (၆)လနေ့က ပြည်နယ်အဆင့် ငြိမ်းချမ်းရေးသဘောတူစာချုပ်ကို စစ်တွေဟိုတယ်တွင် ချုပ်ဆိုခဲ့ကြပြီးဖြစ်ပါသည်။ ALP ၏ဆက်ဆံရေးရုံးကို ကျောက်တော်မြို့တွင်ဖွင့်လှစ် ထားပါသည်။

ရခိုင်ပြည်နယ်အတွင်း ငြိမ်းချမ်းရေးဖေါ်ဆောင်မှုတွင် ငြိမ်းချမ်းရေးရယူပြီးသော အဖွဲ့များနှင့် ညှိနှိုင်းပေါင်းစပ်ဆောင်ရွက်ရန် အဖွဲ့ကို ရခိုင်ပြည်နယ်အစိုးရက ဖွဲ့စည်းထားရာ ပြည်နယ်လုံခြုံရေးနှင့် နယ်စပ်ရေးရာဝန်ကြီးဗိုလ်မှူးကြီးထိန်လင်းက အဖွဲ့ခေါင်းဆောင်ဖြစ်ပြီး ဒု-ခေါင်းဆောင်များအဖြစ် တိုင်းရင်းသားရေးရာဝန်ကြီးနှင့် ပြည်နယ်ဥပဒေချုပ်တို့ပါဝင်ကြပါ သည်။

ယနေ့ နံနက်(၁၀း၃၀)တွင် ပြည်နယ်အစိုးရအဖွဲ့ရုံး၌ Technical team မှ ခေါင်းဆောင် ပြည်နယ်ဝန်ကြီး၊ ဗိုလ်မှူးကြိးထိန်းလင်း၊ ဒု-ခေါင်းဆောင်ပြည်နယ်ဥပဒေချုပ် ဦးလှသိန်း၊ အဖွဲ့ဝင်ရဲမှူးကြီးနေမျိုးနှင့် ALP ကျောက်တော်ဆက်ဆံရေးရုံးမှ တာဝန်ခံ ဒုဗိုလ်မှူးကြီးအဆင့်ရှိ ခိုင်ဖုန်းမြင့်ဇော်၊ ဗိုလ်ကြီး ခိုင်စိုးပိုင်တို့တွေ့ဆုံပြီး၊ ပြည်သူလူထုအကျိုး အတွက် ငြိမ်းချမ်းစွာ ပူးတွဲဆောင်ရွက်နိုင်သည့်ကိစ္စရပ်များ၊ နိုင်ငံတော်၏ရှေ့ဆောင်ရွက်ရန် အစီအစဉ်တို့ကို ဆွေးနွေးခဲ့ကြပါသည်။

ငြိမ်းချမ်းရေးယူထားသည့် ALP အနေဖြင့် လိုအပ်ချက်များရှိပါက Technical team နှင့် ဆက်သွယ်ရန် လမ်းဖွင့်ထားပါကြောင်း၊ နိုင်ငံတော်၏ဥသပဒေပြဋ္ဌာန်းချက်များကိုလည်း ပြည်သူတစ်ဦးအနေဖြင့် လိုက်နာရန် တာဝန်ရှိကြောင်း ALP က ပြည်သူအကျိုးပြုကိစ္စများတွင် ဥပဒေဘောင်အတွင်းက ပူးပေါင်းဆောင်ရွက်ရန် မျှော်မှန်းထားချက်များကို ပွင့်လင်းရင်းနှီးစွာ ဆွေးနွေးခဲ့ကြောင်း သိရှိရပါသည်။
(သတင်းအရင်းအမြစ်- သာစွဌာနေ ရခိုင်ပြေ Facebook၊ ဓာတ်ပုံ- အင်တာနက်)

မာယာထောင်ချောက်

D-23-10
ရန်ကုန်မြို့ သာကေတမြို့နယ်တွင် ဖြစ်ပွားခဲ့သော ဗုံးပေါက်ကွဲမှုအပြီး သက်ဆိုင်ရာ တာဝန်ရှိသူများ ရှာဖွေစစ်ဆေးမှုများ ပြုလုပ်နေစဉ်
မာယာထောင်ချောက်ဆိုတာ ရှေုးတုန်းက ရုပ်ရှင်ကား တစ်ကားရဲ့ နာမည်ပါ။ ယခု တိုက်ဆိုင်နေလို့ ဒီနေရာမှာ ယူသုံးလိုက်ပါတယ်။ ယခုတလော ရန်ကုန်၊ မန္တလေး၊ စစ်ကိုင်းတခွင် စသည်မှာ ဗုံးတွေဆက်တိုက်ဆိုသလို ပေါက်ကွဲခဲ့ပါတယ်။ ဒီကိစ္စနဲ့စပ်ပြီး လူထုခေါင်းဆောင် ဒေါ်အောင်ဆန်းစုကြည်က "ဒါတွေဟာ ထောင်ချောက်တွေပဲ" လို့ မှတ်ချက်ပေးပါတယ်။ ဒေါ်စုလွှတ်တော်ထဲကို ၀င်မယ်ဆိုတော့ တချို့ဆရာကြီးတွေက သဘောမတူကြဘူး။ ဒေါ်စုရဲ့ တန်ဖိုးရှိလှတဲ့ အချိန်တွေ လွှတ်တော်ထဲမှာ အလေအလွင့် ဖြစ်ကုန်မှာကို စိုးကြတယ်။ ဒေါ်စုအတွက် လွှတ်တော်ဆို တာ ...။
မာယာထောင်ချောက် ဆိုတဲ့အတိုင်း ထောင်ချောက်တွေဟာ မာယာတွေပါ။ သူတို့ ဘာကိုလှည့်စား ချင်တာလဲ။ ပြည်သူကတော့ နောကျေနေပါပြီ။ မြန်မာနိုင်ငံရဲ့ အရွေ့ဟာ ရှေ့မတိုး နောက်မဆုတ် လိပ်ခဲတည်းလည်း ဖြစ်နေပါတယ်။ ထောင်ချောက်တွေကလည်း ပေါမှပေါ။ များမှများပါ။ ၂၀၁၂ ကြားဖြတ်ရွေးကောက်ပွဲအပြီး မကြာမီ ရခိုင်ပြဿနာ ပေါ်လာတယ်။ တကယ့်ထောင်ချောက်ပါ။ တိုင်းပြည်အတွက်လည်း ထောင်ချောက်ပါ။ ဒီမိုကရေစီ အရေးတွက်လည်း ထောင်ချောက်ပါ။ လူထုခေါင်းဆောင်လည်း အလိုလိုနေရင်း ဒီထောင်ချောက်က မလွတ်ရှာပါဘူး။ နောက်လက်ပံတောင်းတောင် ထောင်ချောက်။ ဒီထောင်ချောက်မှာတော့ လူထုခေါင်းဆောင်ဟာ တည့်တည့်ကြီးကို တိုးတော့တာပ။ ရခိုင်၊ လက်ပံတောင်းတောင် ထောင်ချောက်နှစ်ခုနဲ့တင် လူထုခေါင်းဆောင်မှာ ဂုဏ်သိက္ခာတွေ အတော်ပွန်းပဲ့ သွားရပါတယ်။
အဲဒီနောက် မသင်္ကာဖွယ်ရာ တစ်ခုခု မြစ်ဖျားခံထားတဲ့ အထူးအဆန်း ဂိုဏ်းဂဏတွေ၊ လူမျိုးရေး ဘာသာရေး လှုပ်ရှားမှု ထောင်ချောက်တွေ ပေါ်လာပြန်တယ်။ (တကယ်လို့ ၂၀၁၅ မှသာ အမျိုးသားရေး၊ ဘာသာရေး အခြေပြု ပါတီအသစ် တစ်ခုခု ပေါ်လာမယ်ဆိုရင် ဆိုခဲ့ပါ လူမျိုးရေး၊ ဘာသာရေး လှုပ်ရှားမှုတွေဟာ အဲဒီပါတီရဲ့ လက်ချက်တွေဆိုတာ အသေအချာပါ။) လူ့အခွင့်အရေးကို အမျိုးသားရေး ထောင်ချောက်နဲ့ ထိပ်တိုက်တွေ့ပေး လိုက်တဲ့အခါ လူ့အခွင့်အရေး သမားတွေမှာ ထောင်ချောက်ထဲကို ရောက်ရပြန်ပါတယ်။ မြန်မာနိုင်ငံ အကူးအပြောင်း ကာလမှာ ထောင်ချောက်တွေက များမှများဆိုတာ လူ့အခွင့်အရေးသမားတွေ အထူးသတိမူကြဖို့ပါ။ နောက်ကွယ်က လက်မည်းကြီး ရှိနေတယ် ဆိုတာကို အစိုးရကိုယ်တိုင်က လက်ခံထားပါတယ်။ အဲဒီ လက်မည်းကြီးဟာ ကြိုးကိုလည်း ကိုင်မှာပဲ။ ဗုံးကိုလည်း ကိုင်မှာပဲ။ ထောင်ချောက်ဟူသမျှ အားလုံးကိုင်မှာပဲ။ ကြည့်လိုက်တော့ သူတို့ကိုယ်တိုင်က အကြောက်တရားဆိုတဲ့ ထောင်ချောက်ထဲမှာ ကျရောက်နေပါတယ်။ တိုင်းပြည်တစ်ခု ထူထောင်ရာမှာ ထောင်ချောက်လေးမျိုးထဲ ကျရောက်တတ်ကြောင်း ဂျူးရဲ့အောက်ခြေသန်းတစ်ထောင်မှာ ဖတ်ရပါတယ်။
(၁) ပြည်တွင်းစစ် ထောင်ချက်
(၂) သယံဇာတ ထောင်ချက်
(၃) အိမ်နီးနားချင်းနိုင်ငံ ထောင်ချောက်
(၄) အုပ်ချုပ်စီမံခန့်ခွဲမှု ညံ့ဖျင်းခြင်း ထောင်ချောက်။
ထောင်ချောက်လေးမျိုးပါ။ မိမိတို့ မြန်မာနိုင်ငံ လက်ရှိအဖြစ်အပျက်နဲ့တော့ ကွက်တိပါပဲ။
၁၉၄၈ ခုနှစ်မှာ လွတ်လပ်ရေးနဲ့အတူ ဖွားဘက်တော် ပြည်တွင်းစစ် ပါလာတယ်။ ပထမတော့ ၀ါဒရေး၊ နောက်တော့ တိုင်းရင်းသားရေး၊ ၀ါဒရေးကတော့ ခေါင်းဆောင်လုပ်သူတွေ တယူသန်မှု၊ ခေါင်းမာမှုတွေကြောင့်ပါ။ အင်္ဂလိပ်က ဘယ်လိုပဲ သွေးခွဲပါတယ်ပြောပြော ကိုယ့်အချင်းချင်းတွေ ပြေလည်အောင် ညှိကြရမှာပေါ့။ အလျှော့အတင်း ရှိကြရမှာပေါ့။ လူမှုရေးဗေဒမှာ အလျှော့အတင်းဆိုတာ အဓိက ဘာသာရပ်ပါ။ လူအချင်းအချင်းကြား အဖွဲ့အစည်းတိုင်းမှာ အလျှော့အတင်းဆိုတာ ရှိကြရမှာပါ။ သဘောထားကြီးမှု၊ အပေးအယူမျှမှု၊ သည်းခံခွင့်လွှတ်မှု၊ ခံစားနားလည်မှုဆိုတာ ရှိကြရမှာပါ။
ထိုင်မျှော်နေလို့ မရပါ။ ထိုင်စောင့်နေလို့ မရပါ။ ဥစ္စာရင်လို ဥစ္စာရင်ခဲ၊ ပြည်သူက မိမိတို့ဘာသာ ကိုယ့်နည်းကိုယ့်ဟန်နဲ့ ပညာသားပါပါ ပြောင်းလဲရယူ ကြရမှာ။ ဆိုခဲ့တဲ့ ထောင်ချောက်တွေက ရုန်းထွက်ကြဖို့ လုယူခံခဲ့ရတဲ့ အချုပ်အခြာ အာဏာကို ကိုယ့်လက်ထဲ ပြန်ရောက်ဖို့ ဆက်လက်ရုန်းကန် ကြရဦးမှာပါ . . . . .
တိုင်းရင်းသား အရေးကတော့ ခုထက်ထိ မပြီးမစီးနိုင်ပါပဲ။ အခြေခံကတော့ တရားမမျှတမှုပါ။ တိုင်းရင်းသားတို့ရဲ့ ခံစားချက်ကို နားလည်ပေးပါ။ သူတို့လိုချင်တာ ဘာလဲ။ သူတို့တောင်းဆိုနေတာ ဘာလဲ။ သူတို့က မတရားတာလား။ ကိုယ်က မတရားတာလား။ မတရားမှု တစ်ခုခုတော့ ရှိနေလို့ပဲ။ အဲဒီမတရားမှုကို တရားမျှတမှုနဲ့ အစားထိုးလိုက်ရင် ပြည်သူတစ်ရပ်လုံး လိုချင်နေတဲ့ ငြိမ်းချမ်းရေးဆိုတာ ပေါ်လာမှာပါ။ သူတို့လိုချင်တာ ဖက်ဒရယ်ပြည်ထောင်စု၊ ဖက်ဒရယ်ဆိုတာ မျှတမှုပါပဲ။ အာဏာခွဲဝေမှု၊ သယံဇာတ ရင်းမြစ်ခွဲဝေမှု၊ ဘဏ္ဍာငွေ ခွဲဝေမှု စတဲ့မျှမျှတတရှိဖို့ လိုအပ်တာ မှန်သမျှ တရားမျှတစွာ မျှမျှတတ လုပ်ပေးမှသာ အမျိုးသားပြန်လည် သင့်မြတ်ရေး၊ ရင်ကြားစေ့ရေး၊ ငြိမ်းချမ်းရေးဆိုတဲ့ အမျိုးသားရေး ပန်းတိုင်ကို ရောက်ရှိနိုင်မှာပါ။ အခုတော့ စစ်အစိုးရ အဆက်ဆက် တိုင်းရင်းသားတို့အရေး ထည့်မတွေး၊ ပေးသင့်တာကို မပေး၊ အာဏာကို အလွဲသုံးစား ပြုခဲ့တဲ့ အခါကျတော့ တိုင်းပြည်က ချောက်ထဲရောက်၊ တိုင်းရင်းသားတွေက ဒုက္ခသည်တွေဖြစ်၊ ပြည်တွင်းစစ် ထောင်ချောက်ဆိုတာထက် စစ်အာဏာရှင် ထောင်ချောက်ထဲကို တိုင်းပြည်က ရောက်ခဲ့ရတာပါ။
သယံဇာတကို ကျိန်စာလို့ အသုံးများ ကြတယ်။ ကျိန်စာဆိုရင်လည်း မြန်မာနိုင်ငံဟာ သယံဇာတကျိန်စာ သင့်ခဲတာပါ။ ဒီနေရာတော့ သယံဇာတကို ထောင်ချောက်လို့ သုံးတယ်။ သယံဇာတကြောင့် အာဏာရှင်တွေ ပေါ်တတ်တယ်။ အာဖရိက၊ အာရပ်နိုင်ငံတွေကို ကြည့်ပါ။ မိမိတို့နိုင်ငံ ကြည့်ပါ။ ကျွန်းသစ်စတဲ့ သယံဇာတကြောင့် အင်္ဂလိပ် ကျွန်ပြုတာကို ခံခဲ့ရတယ်။ သယံဇာတကြောင့် စစ်အာဏာရှင် သက်တမ်းရှည်ခဲ့တယ်။ သယံဇာတဟာ လက်တွေ့မှာ တိုင်းပြည်ကို သုခမပေးဘဲ ဒုက္ခပေးသလို ဖြစ်ခဲ့ရတယ်။ စစ်အာဏာရှင်နဲ့ ခရိုနီလူ တစ်စုကိုသာ အသက်သွင်းပေးခဲ့တယ်။ ဒါ့ကြောင့် သယံဇာတဟာ ကျိန်စာလည်း ဟုတ်၊ ထောင်ချောက်လည်း ဟုတ်တယ်။
အိမ်နီးနားချင်းနိုင်ငံ ထောင်ချောက်ဆိုတာ မိမိတို့အတွက် တကယ်ပါပဲ။ သူတို့ကြောင့် စစ်အာဏာရှင်စနစ် သက်တမ်းရှည်ကြာခဲ့တယ်။ တိုင်းပြည်တွင်းက သယံဇာတ ဟူသမျှကိုလည်း လက်ကုန်နှိုက်ရသလောက် ခြစ်ခြုတ်ယူခဲ့ကြတယ်။ ခုလည်း ယူနေဆဲပဲ။ မိမိတို့ တိုင်းပြည်ကို သူတို့တိုင်းပြည်နယ် တစ်ခုလောက်သာ သဘောထားကြတယ်လို့ ပညာရှင်တို့က ဆိုကြတယ်။ အချုပ်အခြာအာဏာ တည်တံ့ခိုင်မြဲရေးလို့ တစာစာ ဟစ်ကြွေးနေကြပေမယ့် မြန်မာနိုင်ငံအပေါ် သူတို့စီးပွားရေး ကိုလိုနီပြုမှုကိုကြည့်ရင် မိမိတို့ အချုပ်အခြာ အာဏာဆိုတာက သံသယဖြစ်ဖွယ် ရှိနေတယ်။ စစ်အာဏာရှင်တို့အတွက် သူတို့ဟာ ကျေးဇူးရှင်ကြီးတွေ ဖြစ်ကောင်းဖြစ်နိုင်ပေမယ့် တိုင်းပြည်အတွက်ကတော့ သူတို့ဟာ တကယ့်ထောင်ချောက် တစ်ခုပါပဲ။
အများစုက စာမဖတ်ဘူး။ ဗဟုသုတ မလိုက်စားဘူး။ ဒါ့ကြောင့် အဖြူအမည်း သိပ်မသဲကွဲဘူး ဖြစ်နေကြတယ်။ တကယ်တမ်း တိုင်းပြည်တစ်ခုလုံး ခြုံဒုက္ခပေးခဲ့တာက ပေးနေတာက အဖြူပဲ။ အမည်းက အန္တရာယ်ရှိတာ မှန်တယ်။ ဒါပေမဲ့ လက်တွေ့မှာ အဖြူပေးတဲ့ ဒုက္ခက ပိုများတယ်။ တိုင်းပြည်ကို တကယ်ဝါးမျိုထားတာက အဖြူပဲ။ ဒါပေမဲ့ အမျိုးသားရေး၊ ဘာသာရေး မှိုင်းမိထားတဲ့ အစွန်းရောက် လူတစ်စု မည်းမည်းမြင်တိုင်း ရန်လိုနေမှု မဟာအဖြူက သူ့အပေါ် ကျရောက်လာမယ့် ရန်လိုမှုကို အမည်းပေါ် ပုံချထားတာရော မဖြစ်နိုင်ဘူးလား။ နောက်ကွယ်က လက်မည်းကြီးဆိုတဲ့ထဲမှာ သူတို့လည်း သံသယ စက်ကွင်းမှာ ရှိတယ်။
စီမံခန့်ခွဲမှု ညံ့ဖျင်းခြင်း ထောင်ချောက်ဆိုတာလည်း ဘယ်လိုမှ မလွဲနိုင်အောင်ပါပဲ။ လူရဲ့ အရည်ချင်းက သက္ကော-စွမ်းနိုင်သူ ဖြစ်ရမယ်။ ဥဇု-ရိုးသားဖြောင့်မတ်ရမယ်။ နှစ်ပေါင်း ၅၀ အချုပ်အခြာ အာဏာကြီး သုံးရပ်လုံးကို မူပိုင်ချုပ်ကိုင်၊ တိုင်ပြည်တစ်ခုလုံးရဲ့ သေရေးရှင်ရေးကို စီမံခန့်ခွဲခဲ့တဲ့ ခေါင်းဆောင်တွေဟာ အထက်ပါ အရည်အချင်း နှစ်ခုလုံး ချွတ်ယွင်းအားနည်း ခဲ့ကြတယ်။ စွမ်းလည်း မစွမ်းနိုင်ခဲ့ကြဘူး။ တိုင်းပြည်အပေါ်မှာလည်း မရိုးသားခဲ့ကြဘူး။ ဒီတော့ တိုင်းပြည်ဟာ စီမံအုပ်ချုပ်သူတို့ စီမံခန့်ခွဲမှု ညံ့ဖျင်းဆိုတဲ့ ထောင်ချောက်ထဲကိုလည်း ကျရောက်ခဲ့ရတယ်။
လက်ရှိနိုင်ငံ အနေအထားကို ခြုံငုံသုံးသပ်ရင် လူထုခေါင်းဆောင် ဂျပန်မှာ ပြောခဲ့တဲ့အတိုင်း ပြောင်းလဲနိုင်ခွင့်လေး ရနေတယ်ဆိုတဲ့ အဆင့်တစ်ခုပါပဲ။ သူတို့ကတော့ ပြောင်းလဲပေးလိမ့်မယ် မထင်ဘူး။ ထိုင်မျှော်နေလို့ မရပါ။ ထိုင်စောင့်နေလို့ မရပါ။ ဥစ္စာရင်လို ဥစ္စာရင်ခဲ၊ ပြည်သူက မိမိတို့ဘာသာ ကိုယ့်နည်းကိုယ့်ဟန်နဲ့ ပညာသားပါပါ ပြောင်းလဲရယူ ကြရမှာ။ ဆိုခဲ့တဲ့ ထောင်ချောက်တွေက ရုန်းထွက်ကြဖို့ လုယူခံခဲ့ရတဲ့ အချုပ်အခြာ အာဏာကို ကိုယ့်လက်ထဲ ပြန်ရောက်ဖို့ ဆက်လက်ရုန်းကန် ကြရဦးမှာပါ။ အာဏာပိုင်ဆိုတာ ပြည်သူပါ။ အစိုးရ မဟုတ်ပါဘူး။ အစိုးရဆိုတာ ပြည်သူကို ပြုစုလုပ်ကျွေးဖို့ ပြည်သူက ခန့်ထားတဲ့ သူပါ။ ပြည်သူသည်သာ အရှင်၊ ပြည်သူသည်သာ သခင်ပါ။ အစိုးရက ပြည်သူ့အစေအပါးပါ။ ဒီသဘောကို နားလည်လက်ခံ ကျင့်သုံးတဲ့ အစိုးရ အဖွဲ့အစည်းတစ်ရပ် ရရှိသည်အထိ ပြည်သူတို့က ကြိုးစားအားထုတ် ကြရမှာပါ။ အဲဒီအဆင့်ရောက်မှ ဒီမိုကရေစီက ရမှာပါ။ အဲဒီအဆင့်ရောက်အောင် ဦးစွာ ၂၀၀၈ ဖွဲ့စည်းပုံကို ပြင်ဆင်ဖို့ ပြည်သူတွေက ၀ိုင်းဝန်းကြိုးစား ကြရမှာပါ။ ဤခရီး နီးပြီလား၊ ပြည်သူတို့ ကြိုးစားအားထုတ်မှု အပေါ်မှာပဲ တည်နေပါတယ်။
( Eleven Media Group တွင် ဆရာတော်အရှင်သံဝရာလင်္ကာရ (ဓမ္မပီယဆရာတော်) ရေးသားသည့်  မာယာထောင်ချောက် ဆောင်းပါးအား ပြန်လည်ကူးယူဖော်ပြခြင်းဖြစ်ပါသည်)

ဂီရိမုန်တိုင်း တိုက်ခတ်မှု သုံးနှစ်ကျော်ချိန်အထိ မုန်တိုင်းသင့် ဒေသခံများ ကြွေးမြီပြန်မဆပ်နိုင်သည့်အပြင် ထပ်မံချေးယူနေရ


ဂီရိမုန်တိုင်း တိုက်ခတ်ခဲ့သည်မှာ သုံးနှစ်ကြာခဲ့ပြီ ဖြစ်သော်လည်း ဂီရိမုန်တိုင်းဒဏ်သင့် ဒေသများတွင် တင်ရှိသည့် ကြွေးမြီများ ပြန်လည်ဆပ်နိုင်စွမ်း မရှိသည့်အပြင် အသက်မွေးဝမ်းကျောင်း လုပ်ငန်းများအတွက် ငွေကြေးလိုအပ်ချက်ကြောင့် ထပ်မံချေးယူ နေရကြောင်း သတင်းရရှိသည်။
ဂီရိမုန်တိုင်း မတိုင်မီက မုန်တိုင်းဒဏ်ခံ ဒေသ၏ အိမ်ထောင်စုများ၏ ၈၅ ဒသမ ၅ ရာခိုင်နှုန်းခန့် ပေးဆပ်ရန် ကြွေးမြီများ တင်ရှိနေပြီး ပျမ်းမျှအားဖြင့် တစ်အိမ်ထောင်လျှင် ကျပ်ငွေ ၂၅၀၀၀၀ ခန့် ရှိနေကြောင်းလည်း သိရသည်။
"ဂီရိမုန်တိုင်း ဖြတ်သန်းရာ လမ်းကြောင်းတစ်လျှောက် လယ်ယာမြေများ၊ ငါးကန်၊ ပုစွန်ကန်များ၊ ရေငန်တား တာတမံများ ပျက်စီးခြင်း၊ ဆန်စပါး ထုတ်လုပ်မှု ကျဆင်းခြင်း၊ ငါးဖမ်းလှေနဲ့ ပိုက်များ ပျက်စီးခြင်းများ ကြုံတွေ့ခဲ့ရပါတယ်။ ဆိုင်ကလုံး မတိုင်မီက အဲဒီမြို့နယ်များ အိမ်ထောင်စုများရဲ့ ၈၅ ဒသမ ၅ ရာခိုင်နှုန်းခန့်ဟာ ပေးဆပ်ရန်ရှိ ကြွေးမြီများ တင်ရှိနေပြီး ပျမ်းမျှအားဖြင့် တစ်အိမ်ထောင် ကျပ် ၂၅၀၀၀၀ ခန့် ဖြစ်ပါတယ်။ ဂီရိမုန်တိုင်းဒဏ် ခံလိုက်ရပြီးနောက်မှာ ချေးငွေပြန်လည် ပေးဆပ်နိုင်စွမ်း ကျဆင်းခဲ့ရသလို စွန့်စားရမှု မြင့်မားတဲ့ ကြွေးမြီချေးယူခြင်းတွေ ပိုမိုလုပ်ဆောင် လာရပါတယ်။ ၂၀၁၁ ခုနှစ် အတွင်းမှာ နိုင်ငံတကာ အလှူရှင်ဆယ်ဖွဲ့ စုစည်းထားတဲ့ အဖွဲ့ကနေပြီး မုန်တိုင်းဒဏ်ခံ ကျေးရွာများမှ ပြည်သူတွေ ပြန်လည်ထူထောင်ရေးနဲ့ ဖွံ့ဖြိုးရေး လုပ်ငန်းတွေ ဆက်လက်ကူညီဖို့ရာ ရခိုင်ပြည်နယ် အစိုးရနဲ့ စီမံချက်တစ်ခု ဖြစ်မြောက်ရေးအတွက် ဆောင်ရွက်ခဲ့ပါတယ်" ဟု တက်လမ်းဖွံ့ဖြိုးရေး စီမံချက်ဖွင့်ပွဲ အခမ်းအနားတွင် ရခိုင်ပြည်နယ် အစိုးရအဖွဲ့၊ စည်ပင်သာယာရေးဝန်ကြီး ဦးမြအောင်က ပြောကြားခဲ့သည်။
ရခိုင်ကမ်းရိုးတန်းသို့ ဂီရိမုန်တိုင်း ၀င်ရောက်တိုက်ခတ် ခဲ့သည်မှာ သုံးနှစ်တာ ကာလသို့ ရောက်ရှိခဲ့သော်လည်း မုန်တိုင်းဒဏ် ခံခဲ့ရသော နေရာများတွင် အရေးပေါ် ကယ်ဆယ်ရေး လုပ်ငန်းများအပြီး ရေရှည်တွင် ပိုမိုကောင်းမွန်သော ဘ၀နှင့် အသက်မွေးဝမ်းကျောင်း လုပ်ငန်းများတွင် လိုအပ်ချက် ရှိနေသေးသဖြင့် ကျေးရွာပေါင်း ၂၂၁ ရွာအား အမေရိကန်ဒေါ်လာ  ၂၂ သန်းခန့် ကူညီမည့် စီမံကိန်းတစ်ခုအား ၂၀၁၃ ခုနှစ် မတ်လမှ စတင်ကာ လေးနှစ်တာ ကာလအတွင်း ရပ်ရွာအဆင့် ကော်မတီများ၏ လိုအပ်ချက်များအား ပူးပေါင်းအကူအညီ ပေးမည်ဖြစ်ကြောင်း တက်လမ်းစီမံကိန်း ဒါရိုက်တာ VINCENT JALABERT က ဆိုသည်။
တာတမံများ ပြန်လည်ပြုပြင် မွမ်းမံခြင်း၊ ရေချိုအရင်းအမြစ်များ စီမံခန့်ခွဲမှု၊ ငါးဖမ်းလုပ်ငန်းများတွင် ကျေးရွာအဆင့် အသေးစား ကော်မတီများ ဖွဲ့စည်းခြင်း၊ နည်းပညာ ပံ့ပိုးခြင်းများ၊ သတင်းအချက်အလက် ဖြန့်ဝေမှု၊ အစာအာဟာ ရရှိအောင် ဆောင်ရွက်မှု စသည်တို့ကို အုပ်ချုပ်ရေးပိုင်းနှင့် သက်ဆိုင်ရာ ဌာနများနှင့် ပူးပေါင်းလုပ်ဆောင်မည်ဟုလည်း ဆိုသည်။
ဂီရိဆိုင်ကလုန်း မုန်တိုင်းသည် ၂၀၁၀ ခုနှစ် အောက်တိုဘာလ ၂၂ ရက်နေ့က ရခိုင်ကမ်းရိုးတန်း ဒေသသို့ ၀င်ရောက်တိုက်ခတ်ခဲ့ပြီး ပေါက်တော၊ မြေပုံ၊ မင်းပြားနှင့် ကျောက်ဖြူမြို့နယ်များရှိ ကျေးရွာပေါင်း ၄၅၃ ရွာမှ လူပေါင်းတစ်သိန်းကျော် အိုးမဲ့အိမ်မဲ့ ဖြစ်ခဲ့ရကာ နေအိမ်ပေါင်း ၂၀၀၀၀ ကျော် ပျက်စီးခဲ့ပြီး လူပေါင်း ၂၆၀၀၀၀ ကျော်၏ အသက်မွေးဝမ်းကျောင်း လုပ်ငန်းများလည်း ပျက်စီးဆုံးရှုံးခဲ့ရသည်။
(သတင်းအရင်းအမြစ်- Eleven Media Group၊ ဓာတ်ပုံ- အင်တာနက်)

ရခိုင်ပြည်နယ် လွှတ်တော်တွင် ကော်မရှင်ဖွဲ့ စစ်ဆေးခြင်း ခံနေရသော ပြည်နယ်တရားသူကြီး ဒေါ်စီစီအား သမ္မတက တာဝန်မှ အနားယူခွင့်ပြု

 
လာဘ်ငွေယူကာ အာဏာအလွဲသုံးစား ပြုလုပ်သည်ဟူသော စွပ်စွဲမှုများကြောင့် ရခိုင်ပြည်နယ် လွှတ်တော်မှ စုံစမ်းစစ်ဆေးရေး ကော်မရှင်ဖွဲ့ကာ စစ်ဆေးခံနေရသော ရခိုင်ပြည်နယ် တရားလွှတ်တော် တရားသူကြီး ဒေါ်စီစီအား ၎င်း၏သဘော ဆန္ဒအလျောက်ဟုဆိုကာ အောက်တိုဘာ ၂၂ ရက်က သမ္မတ ဦးသိန်းစိန် အမိန့်ဖြင့် တာဝန်မှ နုတ်ထွက်ခွင့်ပြုခဲ့ကြောင်း သတင်းထုတ်ပြန်ခဲ့သည်။
 ရခိုင်ပြည်နယ် တရားသူကြီး ဒေါ်စီစီမှာ ၂၀၁၁ ခုနှစ် မတ်လတွင် နိုင်ငံတော် သမ္မတ၏ အမိန့်အရ ခန့်အပ်တာဝန် ပေးထားသူဖြစ်ပြီး ၂၀၁၃ ခုနှစ် သြဂုတ် ၂၆ ရက်က ကျင်းပသည့် ရခိုင်ပြည်နယ်လွှတ်တော် ပထမအကြိမ်၊ သတ္တမပုံမှန် အစည်းအဝေး၌ ဒေါ်စီစီအား ဆန်စပါး အရောင်းအ၀ယ် ကိစ္စဖြင့် ငွေလိမ်သူ တစ်ဦးအား လာဘ်ငွေယူ၍ အကာအကွယ် ပေးသည်ဟု ပြည်သူများ၏ တင်ပြမှုအပေါ် လွှတ်တော်ကိုယ်စားလှယ် ၁၄ ဦးက စွပ်စွဲခဲ့ခြင်းဖြစ်ကြောင်း သိရသည်။
ဖြစ်စဉ်မှာ မြောက်ဦးမြို့မှ ဒေါ်မသန်းတင်ဆိုသူက ဆန်စပါး ရောင်းဝယ်ရာတွင် ကျပ်သိန်း ၄၃၀၀ ကျော်ကို လိမ်လည်ခဲ့သည်ဆိုကာ ဒေသခံ ၉၀ ကျော်က မြို့နယ်တရားရုံး၌ တရားစွဲဆိုစဉ် ပြည်နယ်တရားသူကြီး ဒေါ်စီစီက လာဘ်ငွေယူ၍ အမှုကို ပယ်ချခဲ့သည်ဟု တရားလိုများဘက်က ပြည်နယ်လွှတ်တော်သို့ တိုင်တန်းခဲ့ခြင်း ဖြစ်သည်။ ထို့ကြောင့် အဆိုပါ ကိစ္စကို စုံစမ်းစစ်ဆေးရန် ရခိုင်ပြည်နယ်လွှတ်တော် အနေဖြင့် အဖွဲ့ဝင် ငါးဦးပါ စုံစမ်းစစ်ဆေးရေး ကော်မရှင် အဖွဲ့ကို ဖွဲ့စည်းစစ်ဆေး ခဲ့ခြင်းဖြစ်သည်။
ယခုကဲ့သို့ လာဘ်ပေးလာဘ်ယူမှုများနှင့် ပတ်သက်၍ ထိထိရောက်ရောက် စစ်ဆေးဖော်ထုတ် အရေးယူခြင်း မရှိဘဲ ရာထူးမှ နုတ်ထွက်ခွင့် တင်သွင်းလာခြင်းများအပေါ် ခွင့်ပြုခဲ့ခြင်းအား အစိုးရသစ် လက်ထက်တွင် မကြာခဏ ပြောကြားနေသည့် Clean Government, Good Governance ဆိုသော သန့်ရှင်းသော အစိုးရ၊ ကောင်းမွန်သော အုပ်ချုပ်မှုဆိုသည့် စကားအပေါ် ဝေဖန်မှုများ ရှိနေသည်။
၂၀၁၃ ခုနှစ် ဇန်န၀ါရီ ၁၆ ရက်ကလည်း လာဘ်ပေးလာဘ်ယူမှု စွပ်စွဲချက်များကြောင့် ဆက်သွယ်ရေး၊ သတင်းအချက်အလက်နှင့် နည်းပညာ ၀န်ကြီးဌာနမှ တာဝန်ရှိသူများအား စုံစမ်းစစ်ဆေးမှုများ ပြုလုပ်ခဲ့သည်။ ထို့နောက် အဆိုပါ ၀န်ကြီးဌာန၏ ပြည်ထောင်စုဝန်ကြီး ဦးသိန်းထွန်းအား ၎င်း၏သဘောဆန္ဒ အလျောက်ဟုဆိုကာ သမ္မတ၏ အမိန့်ဖြင့် ရာထူးမှ နုတ်ထွက်ခွင့် ပြုခဲ့သည်။
(သတင်းအရင်းအမြစ်- Eleven Media Group၊ ဓာတ်ပုံ- အင်တာနက်)

စစ်တွေသို့ ခိုးဝင်လာသည့် ဘင်္ဂါလီများကို ဖမ်းဆီးရမိ

 
ရခိုင်ပြည်နယ် စစ်တွေမြို့သို့ ကျောက်တော်မြို့မှ ခိုးဝင်လာသည့် ဘင်္ဂါလီ ၁၀ ဦးကို အောက်တိုဘာ ၂၂ ရက်နေ့က စစ်တွေမြို့ စစ်ကဲပြင်ရွာတွင် ဖမ်းဆီး ရမိကြောင်း ရခိုင်ပြည်နယ် ရဲတပ်ဖွဲ့မှူးရုံးမှ သိရသည်။

ကျောက်တော်မြို့နယ်၊ ပိုက်သည်၊ ဝါးကုန်း၊ ပေါက်တောပြင်စသည့် ရွာများမှ ဘင်္ဂါလီ ၁၅ ဦးသည် စစ်တွေမြို့တွင် ငါးဖမ်း
လုပ်ငန်းလုပ်ကိုင်ရန်ဟု ဆိုကာ အောက်တိုဘာ ၂၁ ရက်နေ့လယ်က ပေါက်တောမြို့မှ လောင်းလှေနှင့် ထွက်ခွာလာပြီး၊ စစ်တွေ ကမ်းခြေအရောက်တွင်ရခိုင်တိုင်းရင်းသားများနေထိုင်သည့်ကျိုင်းတောင်ရွာကိုဘင်္ဂါလီရွာဟုထင်မှတ်ကာကမ်းကပ်ရာတွင် မြင်တွေ့လိုက်သည့် ရခိုင်တိုင်းရင်းသားများက လုံခြုံရေးယူနေသည့် တပ်မတော်စစ်ကြောင်းကို သတင်းပေးခြင်းကြောင့် ဖမ်းမိခြင်း ဖြစ်သည်ဟု သိရ သည်။

“ကျိုင်းတောင်မှာ ကမ်းကပ်ချိန်မှာ ရခိုင်တွေကမြင်တော့ တပ်ကို
သတင်းပေးတယ်။ တပ်ကလိုက်ဖမ်း တော့ စစ်ကဲပြင်ကို ထွက်ပြေးတယ် အဲဒီမှာမိတာ”ဟုဘင်္ဂါလီလူမျိုး များနေထိုင်သည့် စစ်ကဲပြင်ရွာမှ ဦးကျော်နိုင်က ပြောသည်။

စစ်ကဲပြင်သို့ ဆိုက်ကပ်သည့်အခါ လောင်းလှေပေါ်တွင်ပါဝင်လာသည့် ဘင်္ဂါလီ ၁၅ ဦးထဲမှ ၁၁ ဦးမှာ ရွာထဲသို့
ပြေးဝင်သွားသည့်အတွက် ကျေးရွာတာဝန်ရှိသူများကလိုက်လံရှာဖွေ ဖမ်းဆီးရာတွင် ၁၀ ဦးကို နေ့တွင်းချင်း ဖမ်းဆီး ရမိကြောင်း ဦးကျော်နိုင်က ဆက်လက် ပြောကြားသည်။

“သူတို့က ကျောက်တော် ပိုက်သည်က ပွဲစားနဲ့စစ်ကဲပြင်ဗလီက ချိတ်ဆက်ပြီးတော့ ဒီလူတွေကို ခေါ်လာ တာ၊တစ်ယောက်ကို တစ်သိန်းလောက် ပေးရတယ် ကြားတယ်”ဟုဦးကျော်ဟိုးက ဆက်လက် ပြောကြားသည်။

၂၀၁၂ ခုနှစ် ရခိုင်ပြည်နယ်က ပဋိပက္ခ မဖြစ်ပွားမီအချိန်ကပင်ရခိုင်ပြည်နယ်အတွင်းရှိ ဘင်္ဂါလီလူမျိုးများ မိမိနေထိုင်ရာ
ဒေသမှ အခြားဒေသများသို့ ထွက်ခွာပါက လူဝင်မှုကြီးကြပ်ရေးနှင့် မြို့နယ်အုပ်ချူပ်ရေး ဌာနများ၏ထောက်ခံချက်ဖြင့်သာ သွားလာ
ခွင့်ရှိကြောင်း သိရသည်။

“အခုလို ပဋိပက္ခဖြစ်ပွားပြီးချိန်မှာ ဒီလို နယ်ကျော်လာတဲ့သူတွေကိုတော့ သူတို့ရဲ့ မူရင်းဒေသကို ပြန်ပို့မယ်။တစ်ခြားနည်းနဲ့တော့ အရေးမယူပါဘူး”ဟု ရခိုင်ပြည်နယ် အစိုးရအဖွဲ့၏ ပြောရေးဆိုခွင့်ရှိသူ ဥိးဝင်းကြိုင်ကဆိုသည်။
(ဤသတင်းကို Share Arakan News Facebook မှ ကူးယူဖော်ပြပါသည်။ ဓာတ်ပုံ-အင်တာနက်)