Tuesday, May 27, 2014

ပြည်ဆေးရုံတချို့ HIV လူနာကို ငွေပိုတောင်း


ပြည်မြို့ ပုဂ္ဂလိကဆေးရုံတွေမှာ HIV ရောဂါပိုးကူးစက်ခံရသူတွေဟာ တခြားလူနာတွေထက်  ဝန်ဆောင်မှု (၂)ဆ ပေးနေရတယ်လို့ လူနာတွေအရေးဆောင်ရွက်နေတဲ့ ပြည်မြို့မှ MPG  အဖွဲ့ တာဝန်ရှိသူတဦးဖြစ်တဲ့ ကိုထင်လင်းဦးက ဧရာဝတီကို ပြောပါတယ်။
 
~
 

 


အဓိကခွဲခြားဆက်ဆံတဲ့လူတွေက ကျန်းမာရေးဗဟုသုတ နည်းပါးတဲ့ လူတွေနဲ့ ကျန်းမာရေးဝန်ဆောင်မှု လုပ်ငန်းလုပ်ကိုင်နေတဲ့ ပုဂ္ဂလိကဆေးရုံတွေပါ။
ဆေးရုံအဝင်ဝတွေမှာ ကူးစက်ရောဂါ လက်မခံ ဆိုတဲ့ ဆိုင်းဘုတ်တွေလည်း ချိတ်ထားတယ်။
ကူးစက်ရောဂါတွေက အများကြီးပါ။
ဘယ်လိုရောဂါမျိုးကိုပြောသလဲ ဆိုတာတော့ ရေးမထားဘူး။
HIV ရှိတဲ့လူနာတော့ ဝန်ဆောင်မှုအတွက်(၂)ဆ ပေးဆောင်ရတယ်။
Speical Nurse ဆိုလည်း (၂)ဆ။
 ဒါ ကျန်းမာရေးဝန်ဆောင်မှုပေးတဲ့ ဆေးရ
ုံတွေကစပြီး ခွဲခြားဆက်ဆံမှတော့ ဆေးပညာဗဟုသုတမရှိတဲ့လူတွေဆို ပိုးဆိုးတာပေါ့


WHO ကမ္ဘာ့ကျန်းမာရေးအဖွဲ့နဲ့ မြန်မာနိုင်ငံ ကျန်းမာရေးဝန်ကြီးဌာနတို့ရဲ့  (Three Zero) စီမံကိန်းအရ ခွဲခြားဆက်ဆက်ခံရမှု (Zero)၊ ရောဂါကူးဆက်ပျံ့ပွားမှု (Zero)နဲ့ ရောဂါဖြင့် သေဆုံးသူ (Zero) ဖြစ်ရမယ်လို့ စီမံကိန်းချမှတ်ထားသော်လည်း
ခွဲခြားဆက်ဆံခံရမှုကို အရင်ဆုံး ပပျောက်အောင်ကြိုးစားသင့်ကြောင်း သူကဆက်ပြောပါတယ်။

“ပြည်မြို့မှာ ဒီရောဂါရှိတဲ့ အရေအတွက် (၁၅၀၀) ကျော်ရှိတယ်။ အဲဒီ အထဲက ၆၀၀ ကျော်ပဲ လူသိခံရဲတယ်။
လူသိခံရဲတဲ့လူတွေကလဲ ဆေးရုံကြီးမှာ ART ဆေး လာထုတ်ရင်း လူသိခံရတာလည်း ပါတယ်။ အများအားဖြင့် အသိ မခံရဲကြဘူး၊  ပတ်ဝန်းကျင်ရဲ့ ခွဲခြား ဆက်ဆံခံရမှာကို မလိုလားလို့ပါ။
ဒီရောဂါဖြစ်ရင် မကောင်းတဲ့ ကိစ္စတွေကြောင့်လို့ပဲ လူတွေက ထင်ကြပါတယ်။
တချို့မိသားစုဝင်တွေ ကိုယ်တိုင်က ထမင်းပန်းကန် ခွဲထားတယ်၊ သောက်ရေခွက်တွေ ခွဲထားတယ်”

 လူသိမခံချင်ကြခြင်းကလည်း  ကူးစက်နှုန်း ပိုများရခြင်းရဲ့ အကြောင်းရင်းတခုဖြစ်တယ်လို့ သူက သုံးသပ်ပါတယ်။

သိပ်မကြာသေးခင် ကာလအတွင်း  ပြည်မြို့မှာ အသက် (၁၄)နှစ်အောက် ကလေးငယ် (၅)ဦးထက်မနည်း  ရောဂါပိုးကူးစက်ခံခဲ့ရတယ်လို့ ဆိုတယ်။

 အဲသလိုကူးစက်ခံရသူ ကလေးငယ်များဟာ ငယ်ရွယ်စဉ်က သွေးလွန်တုတ်ကွေးရောဂါကြောင့် သွေးသွင်းခဲ့ကြသူတွေသာဖြစ်တဲ့အတွက် သွေးလှူရှင်များအနေနဲ့ ဓါတ်ခွဲခန်းမှ သွေးလှူရန်လျှောက်ထားရတဲ့လျှောက်လွှာမှာ  မှန်ကန်စွာဖြေဆို ဖြည့်စွက်သင့်ကြောင်း သူကဆက်ပြောပါတယ်။

“သွေးလှူရင် ဖြည့်စွက်ရတဲ့ Form မှာ လွန်ခဲ့သည့် သုံးလအတွင်း အန္တရာယ်ရှိတဲ့ အပြုအမှုတွေ ကျူးလွန်မိတာ ရှိသလားဆိုတဲ့ ဖြေရတဲ့နေရာမှာ မှန်မှန်ကန်ကန်ဖြေဖို့ လိုအပ်ပါတယ်။ 
ကုသိုလ်ရချင်လို့ သွေးလှူတာပဲ အဲဒိနေရာမှာ သွားထားတယ်ဆိုရင် မလှူပါနဲ့လို့ တိုက်တွန်းလိုပါတယ်”


 မြန်မာနိုင်ငံမှာ HIV ရောဂါပိုးကူးစက်ခံရသူ (၂)သိန်းကျော်ခန့်ရှိတယ်လို့ ကုလသမဂ္ဂက ခန့်မှန်းထားကြောင်း၊  ART ဆေးဝါးလိုအပ်သူတွေထဲမှာ (၅)သောင်းကျော်က ဆေးဝါးမရရှိသေးကြောင်း သိရပါတယ်။

AIDS ရောဂါကြောင့် ကွယ်လွန်သွားသူများအတွက် ရည်စူးပြီး ဘာသာကြီးလေးခု  ဆုတောင်းပွဲကို ပြည်မြို့ ကမ်းနားလမ်းက ဂင်္ဂါဝတီခန်းမမှာ  ကြာသပတေးနေ့ ညပိုင်းက ကျင်းပပြုလုပ်ခဲ့တာ တွေ့ရပါတယ်။

ဆုတောင်းပွဲကို ဗုဒ္ဓဘာသာ၊ ခရစ်ယာန်ဘာသာ၊ အစ္စလမ်ဘာသာနှင့် ဟိန္ဒူဘာသာတွေက  ဘာသာရေးခေါင်းဆောင်တွေ လာရောက်ပြီး   ၀တ်ပြုဆုတောင်းခြင်း၊  ဧရာဝတီမြစ်အတွင်း  ဆီမီးမျှောခြင်းများပြုလုပ်ခဲ့ပါတယ်။

Myanmar Positive Group (MPG) နဲ့ ပြည်မြို့မှ ဘဝသစ်ရှေ့သို့ ကိုယ်အားကိုယ်ကိုးအဖွဲ့တို့ ပူးပေါင်း စီစဉ်ကျင်းပတဲ့ ဆုတောင်းပွဲပါ။

ပြည်မြို့မှာတော့ HIV, AIDS နဲ့ ပတ်သက်ပြီး အမျိုးမျိုး ခွဲခြားဆက်ဆံမှုတွေ ရှိနေသေးကြောင်း၊  အဲဒိလိုခွဲခြားဆက်ဆံခံရမှုတွေ ပပျောက်သွားအောင် အထိမ်းအမှတ်ပွဲတွေကို စီစဉ်ကျင်းပရတာဖြစ်ကြောင်း  ကိုထင်လင်းဦးက ဧရာဝတီကို ပြောပါတယ်။


ကောင်းမြတ်မင်း

(ဤသတင်းအား ဧရာဝတီဘလော့ဂ်မှ ကူးယူဖော်ပြပါသည်) 
 

မောင်တောနယ်စပ်ကျေးရွာတွေမှာ လုံခြုံရေးအတွက် လက်နက်တွေ တပ်ဆင်ပေး

bangladesh-border-305
မြန်မာ-ဘင်္ဂလားဒေရှ့် နယ်စပ်ခြံစည်းရိုးကို မြန်မာဘက်ခြမ်း က တွေ့ရစဉ်။
photo: RFA/Kyaw Kyaw Aung
ရခိုင်ပြည်နယ် မောင်တောမြို့နယ် မြန်မာ-ဘင်္ဂလားဒေ့ရ်ှ နယ်စပ်က ဗန္ဓုလ၊ တပ်ချောင်းနဲ့ ဝေလာတောင်ရွာတွေ မှာ ဖွဲ့စည်းထားတဲ့ ပြည်သူ့စစ်တပ်ဖွဲ့တွေအတွက် နယ်စပ်လုံခြုံရေးတာဝန်ရှိသူတွေက ကျေးရွာတစ်ရွာကို လက်နက် ၁၀ လက်စီ  မနေ့ကစတင်ပြီး တပ်ဆင်ပေး လိုက်တယ်လို့ သိရပါတယ်။
ရခိုင်ပြည်နယ် မောင်တောနယ်စပ်က လုံခြုံရေးစိုးရိမ်ရ တဲ့ ကျေးရွာပေါင်း ၁၀ ကျော်လောက်မှာ ပြီးခဲ့တဲ့ ၂၀၀၇ ခုနှစ်လောက်ကတည်းက လက်နက်တွေတပ်ဆင် ပြီး ပြည်သူ့စစ်တပ်ဖွဲ့တွေ ဖွဲ့စည်းခဲ့တာဖြစ်တယ်လို့ သိရပါတယ်။

ပြီးခဲ့တဲ့နှစ်လောက်က နယ်စပ်လုံခြုံရေးတာဝန်ရှိသူတွေ က အဲဒီလက်နက်တွေကို ပြန်လည်သိမ်းဆည်းခဲ့တာ ဖြစ်တယ်လို့လည်း သိရပါတယ်။
မောင်တောနယ်စပ်မှာ RSO မွတ်စလင် လက်နက်ကိုင်တွေနဲ့ မြန်မာနယ်ခြားစောင့် ရဲတပ်ဖွဲ့တို့ ပြီးခဲ့တဲ့ရက်ပိုင်းက တိုက်ပွဲတွေဖြစ်ပွားခဲ့တာကြောင့် လုံခြုံရေးစိုးရိမ်ရတဲ့ ကျေးရွာ ၃ ရွာမှာ လက်နက်တွေကို ပြန်လည်တပ်ဆင်ပေးခဲ့ တာဖြစ်ကြောင်း နယ်စပ်လုံခြုံရေးအရာရှိတစ်ဦးက RFA ကို ပြောပါတယ်။
(သတင်းအရင်းအမြစ်- RFA Burmese)

ရခိုင်အဆိုတော် ခိုင်မင်းဟိန်း၏ “ကိုယ့်ရိုးရာ” တေးစီးရီး စတင်ဖြန့်ချီ

Band-Horizon-Sittwe
ရခိုင်လူငယ်အဆိုတော် ခိုင်မင်းဟိန်း၏ တစ်ကိုယ်တော်တေးစီရီးတစ်ခွေဖြစ်သော ကိုယ့်ရိုးရာ တေးစီးရီးကို စစ်တွေမြို့တွင် ယနေ့ စတင်ဖြန့်ချီကြောင်း သတင်း ရရှိသည်။
“ကိုယ့်ရိုးရာ” စီးရီးကို အကောင်းဆုံးဖြစ်အောင်ကြိုးစားထားကြောင်း ကိုခိုင်မင်းဟိန်းက နိရဉ္စရာသို့  ပြောသည်။
“ပထမတစ်ခွေ စဖြန့်အချိန်က ဂီရိမုန်တိုင်းနဲ့ကွက်တိဖြစ်နေတယ်။ ဒုတိယခွေကို စစ်တွေမှာစဖြန့်တော့လည်း မောင်တောမြို့မှာ ကုလားရခိုင်အရေးအခင်းစဖြစ်တော့ ဖြန့်ချီရေးတွေ အဆင်မပြေပြန်ဘူး။ နှစ်ကြိမ်လုံး အရှုံးပေါ်ပါတယ်။ ဒါပေမယ့်ဒီလိုအခက်အခဲတွေရှိပေမယ့်လည်းကျွန်တော်တန်ဖိုးထားမြတ်နိုးတဲ့အနုပညာ လုပ်ငန်းဆက်ကြိုးရင်းတတိယအခွေထွက်လာတာပါ၊ဒီခွေဖြစ်မြောက်ဖို့တစ်နှစ်ကျော်လောက်အချိန်ယူခဲ့ရပါ တယ်”ဟု ဆိုသည်။
အဆိုပါတေးစီရီးမှာ ခိုင်မင်းဟိန်း၏ တတိယမြောက် တစ်ကိုယ်တော်တေးစီရီးဖြစ်ပြီး အမျိုးသားရေးသီချင်း (၂)ပုဒ်အပါအဝင် စုစုပေါင်းသီချင်း(၁၃)ပုဒ် ပါရှိကြောင်းသိရသည်။
ယနေ့ စစ်တွေမြို့တွင် ဖြန့်ချီလိုက်သော ‘ကိုယ့်ရိုးရာ’ တေးစီးရီးတွင် ပါဝင်သော သီချင်းများအား ကိုပေါက်၊ ဖိုးသား ၊ မင်းညီ(ဦးရာဇ်မြေ) ၊ ရဲလင်းအောင် ၊ ကျော်လှိုင်ဝင်းဇံ ၊ ကျော်မင်းဦး(စေတီပြင်) ၊ မိုက်ကယ် ၊ သီဟကိုကို ၊ ဇော်လင်းဌေး(ပိုးရွှီပြင်) နှင့် ခိုင်မင်းဟိန်းတို့က ရေးဖွဲ့ထားကြသည်ဟု ကိုခိုင်မင်းဟိန်းက ပြောသည်။
ယနေ့ ဖြန့်ချီသော ကိုယ့်ရိုးရာ တေးစီရီးအား ကိုမြတ်ကျော်( ငွေကြယ်ဦး )က ရိုက်ကူးတည်းဖြတ်ထားပြီးKISS စတူဒီယိုတွင် အသံသွင်းထားကြောင်း သိရသည်။
ယင်း DVD  တစ်ခွေ၏ တန်ဖိုးမှာ ကျပ် ၁၅၀၀ ဖြစ်ကြောင်း သိရသည်။
ရခိုင်လူငယ်အဆိုတော် ခိုင်မင်းဟိန်းမှာ ရခိုင့်ဂီတလောကသို့ ၂၀၀၁ ခုနှစ်တွင် စတင်ဝင်ရောက်ခဲ့ပြီး တပင်တိုင်ရွှေမင်းသမီး တေးစီရီးနှင့် မျှော်နိန်ပါ ချစ်သူ တေးစီရီးများကို ထုတ်လုပ်ခဲ့ပြီးဖြစ်သည်။
(သတင်းအရင်းအမြစ်- နိရဉ္စရာသတင်းဌာန)

ဖခင်နှင့်ဖောက်ပြန်သည်ဟုဆိုကာသားဖြစ်သူက (၁၀) ရက်သားအရွယ်ကလေးမိခင် အမျိုးသမီးတစ်ဦးအား ဓါးဖြင့် ခုတ်သတ်

ဆတ်ရိုးကျ ရခိုင်ဒုက္ခသည် စခန်း (ဓါတ်ပုံ- နိရဉ္စရာ)
ဆတ်ရိုးကျ ရခိုင်ဒုက္ခသည် စခန်း (ဓါတ်ပုံ- နိရဉ္စရာ)
ရခိုင်ပြည်နယ် စစ်တွေမြို့ရှိ ဆတ်ရိုးကျ ကယ်ဆယ်ရေးစခန်းတွင် နေထိုင်သူ (၁၀) ရက်သားအရွယ် ကလေးမိခင် အမျိုးသမီးတစ်ဦးအား သူ၏ ဖခင်နှင့် ဖောက်ပြန်သည်ဟုဆိုကာ သားဖြစ်သူက ဓါးဖြင့် ခုတ်သတ်လိုက်သည်ဟု သတင်း ရရှိသည်။
သေဆုံးသူအမျိုးသမီးမှာ စစ်တွေမြို့ဆတ်ရိုးကျ ကယ်ဆယ်ရေးစခန်း အမှတ်(၂)တွင်နေထိုင်သူ ဒေါ်လှသိန်းဦး အသက်(၄၂) နှစ်ဖြစ်ကြောင်း  အမှတ် (၂)စခန်းမှူးက နိရဉ္စရာသို့ အတည်ပြု ပြောကြားသည်။
“ မေလ ၂၃ ရက် ညနေ ၈ နာရီ ၄၅မိနစ်အချိန်မှာ စကားများရန်ဖြစ်ရာကနေ မောင်စံသိန်း အသက်(၂၁)နှစ်က ဒေါ်လှသိန်းဦးကို ဓါးနဲ့ ခုတ်သတ်လိုက်တာ ဖြစ်ပါတယ်။”
မောင်စံသိန်းက ဓါးဖြင့် ခုတ်သတ်သည့် အခြေခံ အကြောင်းအရင်းကိုလည်း သူက ယခုလို ပြောသည်။
“တရားခံက ဒေါ်လှသိန်းဦးကို သူ့အဖေနဲ့ဖောက်ပြန်တယ်လို့ ပြောပြီးတော့ အသင့်ကိုင်ဆောင်လာတဲ့ သုံးပေလောက်ရှိတဲ့ ဓားရှည်နဲ့ ခုတ်သတ်လိုက်တာလို့ သိရတယ်” ဟု ဆိုသည်။
ဒေါ်လှသိန်းဦး၏ ရင်ဘတ်တွင် ဓားဒဏ်ရာတစ်ချက်၊ ဦးခေါင်းတွင် ဓားဒဏ်ရာ တစ်ချက်စီရရှိပြီး  အခင်းဖြစ်သော နေရာ၌ပင် ပွဲချင်းပြီး သေဆုံးသွားကြောင်း စခန်းမှူးက ဆက်လက် ပြောဆိုသည်။
မောင်စံသိန်းအား စစ်တွေမြို့ နယ်မြေ(၂)ရဲစခန်းမှ ချက်ချင်း ဖမ်းဆီးကာ  ပြစ်မှုဆိုင်ရာ ဥပဒေပုဒ်မ ၃၀၂ ဖြင့် စစ်တွေ ပြည်နယ် တရားရုံးတွင် အမှုဖွင့် တရားစွဲဆိုထားကြောင်း သိရသည်။
သေဆုံးသွားသူ ဒေါ်လှသိန်းဦးမှာ သားသမီး (၇)ဦးကျန်ရစ်ခဲ့ပြီး အငယ်ဆုံး ကလေးမှာ (၁၀) ရက် အရွယ်သာ ရှိသေးကြောင်း သိရသည်။ ဒေါ်လှသိန်းဦး၏ အလောင်းအား မေလ ၂၄ ရက် နေ့လည် ၂ နာရီအချိန်က သဂြိုလ်လိုက်ကြောင်းသိရသည်။
(သတင်းအရင်းအမြစ်- နိရဉ္စရာသတင်းဌာန)

လုပ်ငန်းစီစစ်မှုအားနည်း၍ စစ်တွေမြို့ ကွန်ကရစ်လမ်းမကြီး အရည်အသွေးမပြည့်မီဘဲ ပျက်စီးရဟုဆို

New construction road Arakan
ရခိုင်ပြည်နယ် စစ်တွေမြို့ရှိ ကွန်ကရစ်လမ်းမကြီးမှာ လမ်းဆောက်လုပ်စဉ်က လုပ်ငန်း၏အရည်အသွေးကို သက်ဆိုင်ရာမှ စီစစ်မှုအားနည်း၍ စောလျင်စွာပျက်စီးသွားရခြင်း ဖြစ်ကြောင်း စစ်တွေမြို့မိမြို့ဖ တစ်ဦးဖြစ်သူ ဦးသန်းထွန်းက နိရဉ္စရာသို့ ပြောဆိုသည်။
စစ်တွေမြို့ရှိ လမ်းမကြီးအား ငွေကြေးအမြောက်အမြား အကုန်ကျခံပြီး တည်ဆောက်ခဲ့ရာ တည်ဆောက်ပြီး များမကြာမီ လမ်းတွင် အကွက်လိုက် ပျက်စီးသွားခဲ့သဖြင့် ယခုအခါ ပြန်လည် ပြုပြင်နေရသည်ဟု သိရသည်။
ထိုသို့ ပြုပြင်နေရသဖြင့် စစ်တွေလူထုအနေဖြင့် အထူးစိတ်မကောင်းဖြစ်နေရကြောင်း စစ်တွေမြို့မောလိပ်ရပ်ကွက် မှ အမျိုးသမီးတစ်ဦးဖြစ်သူ ဒေါ်ချိုနွယ်ကပြောသည်။
“ကျွန်မတို့က စစ်တွေလမ်းမကြီးကို ကွန်ကရစ်လမ်းမကြီးအဖြစ် ပြုလုပ်တော့ အရမ်းဝမ်းသာတယ်။ အရင်က ရှိခဲ့တဲ့ ကတ္တရာလမ်းက မကြာခဏပျက်စီးတော့ ဒီလမ်းမကြီး ဒီတစ်ခါတော့  မပျက်စီးနိုင်တော့ဘူးလို့ အောက်မေ့နေတာ။ အခု တစ်လတောင်မကြာဘူး ဟိုတစ်ကွက်၊ ဒီတစ်ကွက် ပြန်ပျက်စီးသွားတယ်။ ဒီအပေါ်မှာ ကျွန်မတို့ အထူး စိတ်မသက်မသာဖြစ်ရပါတယ်” ဟု သူမက ဆိုသည်။
New construction road Arakan
စစ်တွေမြို့လမ်းမကြီးမှာ ယခင်က ကတ္တရာလမ်းမတစ်ခုဖြစ်ပြီး မိုးရာသီတွင်မကြာခဏ ပျက်စီးသည့်အတွက် ကွန်ကရစ်လမ်းခင်းရန် နယ်စပ်ရေးရာဝန်ကြီးဌာနမှ ဘက်ဂျက်ငွေအမြောက်အများချပေးခဲ့ပြီး ယင်းငွေဖြင့်စစ်တွေလမ်းမကြီးကို တည်ဆောက်ခဲ့သည်။
ယင်းကွန်ကရစ်လမ်းမကြီးမှာ အရည်အသွေးမပြည့်မီသဖြင့် ယခုချိန်တွင် စတင် ပျက်စီး လျှက်ရှိကြောင်းကို စစ်တွေမြို့မှ မြို့မိမြို့ဘ ဦးသန်းထွန်းက နိရဉ္စရာသို့ ပြောသည်။
“လမ်းက လုပ်တာမကြာသေးဘူး။ အပေါက်တွေ၊ ချိုင့်တွေနဲ့ ဖြစ်နေပြီ။ ဒီနှစ် မိုးကုန်ရင် လမ်းမကြီးကို အသုံးပြုလို့ ရနိုင်ပါ့မလားလို့တောင်စိုးရိမ်မကင်းဖြစ်မိတယ်။ နယ်စပ်ရေးရာဝန်ကြီးဌာနက ချပေးတဲ့ ဘတ်ဂျက်ငွေပမာဏ အများအပြားနဲ့ လမ်းကိုတည်ဆောက်ခဲ့တာဖြစ်တယ်။ အဲဒီငွေနဲ့ ထိုက်တန်တဲ့ လမ်းတစ်ခု ဖြစ်လာမယ်လို့ ထင်ခဲ့တာ။ ဆောက်လုပ်တဲ့ ကုမ္ပဏီလည်း လုပ်ချင်ရာလုပ်သွားတယ်။ ဒါပေမယ့် လမ်းရဲ့ အရည်အသွေး စံချိန် စံနှုန်းကို သက်ဆိုင်သူတွေက အသေအချာ စီစစ်မှုမရှိတဲ့အတွက် နောက်ဆုံးမှာ စစ်တွေမြို့သူ မြို့သား တွေပဲ ဒုက္ခရောက်ကြရတယ်။ လမ်းသွားလမ်းလာတွေကိုလည်း ပိုပြီးအန္တရာယ် ဖြစ်စေတယ်” ဟု ဆိုသည်။
စစ်တွေတွင် ကွန်ကရစ်လမ်းမကြီး ပြုလုပ်ပြီးစီးသည်မှာအချိန်အနည်းငယ်ခန့်သာရှိသေးကြောင်း၊ သို့ရာတွင် လမ်းမှာခိုင်ခံ့မှုမရှိသည့် အတွက် ပျက်စီးနေပြီး ကွန်ကရစ်ခင်းထားသော ၄င်းလမ်းမှ သဲနှင့် ဖုန်များလွှင့်နေသည့် အတွက် ပတ်ဝန်းကျင်ထိခိုက်မှုနှင့်အတူ လမ်းမတစ်လျှောက် နေထိုင်သူများနှင့် လမ်းသွားလမ်းလာများ၏ မျက်စိများထဲသို့ ဖုန်မှုန့်များဝင်ကာ မျက်စိကျန်းမာရေးကိုလည်း ထိခိုက်မှုများလည်းရှိကြောင်း ဦးသန်းထွန်းက ဆက်လက် ပြောဆိုသည်။
“ခုတော့ အကျိုးဖြစ်ဖို့ထက် အကျိ်ုးယုတ်တာတွေ ဖြစ်သွားတဲ့အတွက်ကုန်ကျသွားတဲ့ငွေတွေကို နှမြောမိတာပေါ့၊ အခု လမ်းကဖုန်မှုန့်တွေ ဝင်ပြီး လူတွေ မျက်စိထိခိုက်မှုတွေဖြစ်နေကြပြီ။ ဆိုင်ကယ်နဲ့ မော်တော်ကားတွေ ဖြတ်သွားတိုင်း ကွန်ကရစ်လမ်းက သဲမှုန့်တွေ လွှင့်တက်လာပြီး ပတ်ဝန်းကျင်ကို ထိခိုက်နေတာဖြစ်ပါတယ်” ဟု သူကပြောသည်။
ကွန်ဂရက်ခင်းပြီး များမကြာမီ လမ်းမကြီးပျက်စီးနေခြင်းမှာ လမ်းဆောက်လုပ်စဉ်က စီစစ်မူ အားနည်း၍ ဖြစ်ကြောင်း စစ်တွေမြို့နယ် သုံးဘီး ဆိုင်ကယ်အသင်းဥက္ကဌ ဦးညွှန့်မောင်က ဆိုသည်။
New construction road Arakan
“ကွန်ကရစ်လမ်းမကြီးရဲ့ အပေါ်ယံလွှာတွေ ပျက်စီးနေပြီ။ လမ်းပျက်စီးနေရင် ယာဉ်မောင်းတွေ၊ လမ်းသွား လမ်းလာတွေအတွက် အဆင်မပြေပါဘူး။ လမ်းမကြီးဆိုတာမြို့တစ်မြို့ရဲ့ အရေးပါတဲ့ အင်္ဂါရပ်တစ်ခု ဖြစ်တဲ့ အတွက်အမြဲတန်း ကောင်းမွန်နေဖို့လိုပါတယ်။ လမ်းတွေဆောက်တဲ့အခါမှာ အစိုးရကလည်းတာဝန်ယူပြီး တည်ဆောက်တဲ့ ကုမ္ပဏီတွေတွေရဲ့ လုပ်ဆောင်ချက်တွေကို စီစစ်ကြပ်မတ်ပေးဖို့ လိုအပ်တာပေါ့” ဟု နိရဉ္စရာသို့ ပြောသည်။
စစ်တွေမြို့ရှိ ကွန်ကရစ်လမ်းမကြီးကို(၂၀၁၃) ခုနှစ်တွင် ANC ဆောက်လုပ်ရေး ကုမ္ပဏီက တာဝန်ယူ တည်ဆောက်ခဲ့ခြင်းဖြစ်ကြောင်း သိရသည်။သို့သော်လည်း ယင်းလမ်းမကြီးအား ကွန်ကရစ်ခင်းရာတွင် ပွင့်လင်းမြင်သာမှုမရှိကြောင်း၊ ဘက်ဂျက်ငွေမည်မျှသုံးစွဲခဲ့သည်ကို မသိရှိရကြောင်း စစ်တွေမြို့နယ်ပြည်နယ် လွှတ်တော်ကိုယ်စားလှယ် ဦးအောင်မြကျော်က ပြောသည်။
(သတင်းအရင်းအမြစ်- နိရဉ္စရာသတင်းဌာန)

တိုင်းရင်းသားရိုးရာယဉ်ကျေးမှုအမွေအနှစ်များထုတ်ဖော်တင်ဆက်ရန် SKY NET ရုပ်သံရုံး စစ်တွေတွင်ဖွင့်လှစ်

sky-net-
စစ်တွေတွင် ဖွင့်လှစ်ထားသော Sky Net ရုံး ( ဓါတ်ပုံ- နိရဉ္စရာ)
ရခိုင်ပြည်နယ်တွင်းရှိ တိုင်းရင်းသားရိုးရာ ယဉ်ကျေးမူအမွေအနှစ်များနှင့် လတ်တလော ဖြစ်ရပ်မှန်များကို ဖော်ထုတ် တင်ဆက်ရန် အတွက် Sky Net ရုပ်သံရုံးတစ်ခုကို စစ်တွေမြို့တွင် များမကြာမှီက ဖွင့်လှစ်ခဲ့ပြီး ယခုအခါ လုပ်ငန်းများ စတင် လည်ပတ်နေပြီဖြစ်ကြောင်း သိရသည်။
ယင်း Sky Net ရုပ်သံရုံးကို စစ်တွေမြို့ ကျေးပင်ကြီးရပ်ကွက် ကျောင်းကြီးလမ်းရှိ အိမ်နံပါတ် (၁၈) တွင် ဧပြီလ ၁ ရက်နေ့ ကစတင်ဖွင့်လှစ်ခဲ့ကြောင်းသိရသည်
“ တိုင်းရင်းသားရိုးရာယဉ်ကျေးမှုအမွေအနှစ်များနဲ့ လတ်တလော ဖြစ်ရပ်မှန်တွေကို ထုတ်ဖော်တင်ဆက်ရန် ရည်ရွယ်ချက်နဲ့  Sky Net ရုပ်သံရုံး စစ်တွေမြို့မှာ ဖွင့်လှစ်တာ  ဖြစ်ပါတယ်။ ရခိုင်တိုင်းရင်းသားတွေအတွက် အကျိုးရှိမယ့်အစီအစဉ်ဖြစ်ပါတယ်” ဟု Sky Net သတင်းထောက်ကိုကျော်သန်းလွင်က Sky Net ရုံး စစ်တွေတွင် ဖွင့်လှစ်ခြင်းနှင့် ပတ်သက်ပြီး နိရဉ္စရာသို့  ပြောကြားသည်။
ယင်းအပြင်သူက “ကျနော်တို့ ရုပ်သံမီဒီယာဟာ ရုပ်ရောအသံပါ ပြည့်စုံပါဝင်တဲ့အတွက် တခြားမီဒီယာ အမျိုးအစားတွေထက် ပိုစိတ်ဝင်စားဖို့ကောင်းပါတယ်။ပြည်သူများအတွက် Sky Net ဆိုသည့် ဆောင်ပုဒ် အတိုင်း ပြည်သူများကို အကျိုးပြုနိုင်ဖို့ ကြိုးစားသွားမှာပါ” ဟု သူက ဆိုသည်။
Sky Net ရုပ်သံဌာနတွင် လိုင်းပေါင်း (၁၁၇)လိုင်းရှိပြီး ယင်းလိုင်းများထဲမှ Myanmar National TV အစီအစဉ်နှင့် Up to Date TV အစီအစဉ်တို့ကို ပရိသတ်များက ပိုမိုစိတ်ဝင်စားကြကြောင်း သိရှိရသည်။
ယင်းရုပ်သံလိုင်းတွင်တင်ဆက်ထုတ်လွှင့်မှုများတွင် သတင်းတင်ဆက်မှုပိုင်းနှင့်လတ်တလောဖြစ်ပေါ်နေသော ပညာရေး၊ လူမူရေး၊ ကျန်းမာရေး၊ သုတရသကဏ္ဍများကို ပိုမိုပြည့်စုံကောင်းမွန်အောင် တင်ဆက်နေပြီး ဘုရား သမိုင်း၊ တိုင်းရင်းသားရိုးရာယဉ်ကျေးမူအမွေအနှစ်တို့ကိုပါ ကြိုးစားဖော်ထုတ်တင်ဆက်မည်ဖြစ်ကြောင်း ကိုကျော်သန်းလွင်က ဆက်လက်ပြောကြားသည်။
Sky Net ရုပ်သံလိုင်းနှင့်ပတ်သက်၍ ရခိုင်ဒေသခံတစ်ဦးဖြစ်သံ ကိုစိုးနိုင်မှ ရခိုင်ပြည်နယ်တွင် လျှပ်စစ်မီး အလုံအလောက်မရရှိသဖြင့်  Sky Net ရုပ်သံကို အားပေးရန်မှာ မလွယ်ကူ နိုင်ဟုဆိုသည်။

sky-net
“Sky Net ရုပ်သံကို အားပေးချင်ပေမယ့်လည်း ရွာမှာ လျှပ်စစ်မီးက နှစ်နာရီ၊ သုံးနာရီဘဲ ရတဲ့အတွက် ကြည့်ရှုရတာ အားမရဘူးဖြစ်နေတယ်” ဟုဆိုသည်။
မြန်မာနိုင်ငံတွင် Sky Net ရုပ်သံများကို တိုင်းဒေသကြီးများတွင်သာမက စစ်တွေ၊ တောင်ကြီး၊ မော်လမြိုင်မြို့ များတွင်လည်း ရုံးများ တိုးချဲ့ဖွင့်လှစ်ထားကြောင်း သတင်းရရှိသည်။
လက်ရှိမြန်မာနိုင်ငံတွင် မီဒီယာကဏ္ဍအား နိုင်ငံ၏ စတုတ္ထမဏ္ဍိုင်အဖြစ်သတ်မှတ်ထားသည်။ရေဒီယို မီဒီယာ၊ ပုံနှိပ်မီဒီယာ၊ အွန်လိုင်းမီဒီယာနှင့် ရုပ်သံမီဒီယာတို့တွင် ရုပ်သံမီဒီယာသည် လူကြိုက်အများဆုံး မီဒီယာဖြစ်ကြောင်း လေ့လာသိရှိရသည်။
(သတင်းအရင်းအမြစ်- နိရဉ္စရာသတင်းဌာန)

မူးယစ်ဆေးဝါးနှင့် လောင်းကစားခြင်း၏ လူမူဆိုင်ရာဆိုးကျိုးသက်ရောက်မူများအကြောင်း စာမူဆုပေးပွဲနှင့် စာပေဟောပြောပွဲ စစ်တွေတွင်ကျင်းပ

ရခိုင်လူငယ်မျိုးဆက်သစ် အဖွဲ့ဝင်များ စီတန်း လမ်းလျှောက်ပြီး လူပ်ရှားနေကြစဉ်( ဓါတ်ပုံ- နိရဉ္စရာ)
ရခိုင်လူငယ်မျိုးဆက်သစ် အဖွဲ့ဝင်များ စီတန်း လမ်းလျှောက်ပြီး လူပ်ရှားနေကြစဉ်( ဓါတ်ပုံ- နိရဉ္စရာ)
ရခိုင်လူငယ်မျိုးဆက်သစ်မှ ဦးဆောင်ပြီး စာရေးဆရာကြီးများ၏ ကြီးကြပ်မှုဖြင့် အရက်၊ ဆေးလိပ်၊ ကွမ်းယာ၊ မူးယစ်ဆေးဝါးသုံးစွဲခြင်းနှင့် လောင်းကစားခြင်း၏ လူမှုဆိုင်ရာဆိုးကျိုးသက်ရောက်မှုများ အကြောင်း စာမူဆုပေးပွဲနှင့် စာပေဟောပြောပွဲ အခမ်းအနား တစ်ခုကို ယမန်နေ့က စစ်တွေမြို့တွင် ကျင်းပခဲ့သည်။
ယင်းအခမ်းအနားကို စစ်တွေမြို့ရှိ  အတုလမာရဇိန် ပြည်လုံးချမ်းသာ ဘုရားဓမ္မာရုံ၌ နေ့လည် တစ်နာရီခွဲမိနစ်မှ ညနေ လေးနာရီခွဲထိ ကျင်းပ ပြုလုပ်ခဲ့ပြီး ရဟန်းရှင်လူ ပြည်သူလူထု (၂၀၀)နီးပါး တက်ရောက်ခဲ့ကြသည်။
အခမ်းအနားတွင် ကျားရုပ်ကျောင်း ဆရာတော်ကြီး၊ ရခိုင်ပြည်နယ် ရဲမှူးကြီးဦးနေမျိုးနှင့် ရခိုင်ပြည်နယ် ဥပဒေချုပ် ဦးလှသိန်းတို့က အဖွင့်အမှာစကားများ အသီးသီး ပြောကြားခဲ့ကြသည်။
သြဝါဒစကား မိန့်ကြားသော စစ်တွေမြို့ကျားရုပ်ဆရာတော်ကြီးက ရခိုင်ပြည်နယ် တစ်ဝန်းလုံးတွင် မူးယစ်ဆေးဝါးနှင့် လောင်းကစားခြင်း ပပျောက်အောင် ပြည်နယ်အစိုးရကိုယ်တိုင် ကြပ်မတ် ဆောင်ရွက်ပေးစေလိုကြောင်း မိန့်ကြားသွားခဲ့သည်။
ရခိုင်ပြည်နယ်ရဲမှူးကြီး နေမျိုးမှလည်း မူးယစ်ဆေးဝါးပပျောက်အောင် ပြည်သူများနှင့် အတူ အသိ ပညာပေးရေး လုပ်ငန်းများကို လေးလေးနက်နက် ဆောင်ရွက်သွားမည် ဖြစ်ကြောင်း ပြောကြားသည်။
“ ဗမာ၊ ရခိုင် လူမျိုးတွေဟာ ဗုဒ္ဓဘာသာ ကိုးကွယ်သူတွေဖြစ်ကြပြီး ငါးပါးသီလတွင် ပါဝင်တဲ့ သူရာ မေရိယကို ရှောင်ကြည်ကြမယ်လို့ အလွယ်တကူ ပြောဆို ဆုတောင်းနေကြတာကိုတွေ့နေရပါတယ်။  ဒါပေမယ့် အများစုက မရှောင်ကြပါဘူး။ ဒါကြောင့် ကျွန်တော့် အနေနဲ့လည်း အတတ်နိုင်ဆုံး မူးယစ် ဆေးဝါး ပပျောက်အောင် ပြည်သူများနဲ့အတူ အသိပညာပေးရေးတွေ လေးလေးနက်နက် ဆက်လက် ဆောင်ရွက်သွားမှာပါ” ဟု ပြောသည်။
ပြည်နယ် ဥပဒေချုပ် ဦးလှသိန်းကလည်း လူသတ်မှုတော်တော်များများမှာ အရက်ကြောင့် ဖြစ်သည်ဟု ဆိုသည်။
“ အရက်သောက်တာ ကောင်းလားလို့မေးရင် မကောင်းဘူးလို့ဖြေတယ်။ ဒါပေမယ့် (၇၅) ရာခိုင်နှုန်း ကတော့ သောက်ကြတာပါပဲ။ အရက်ဆိုတာ လူတွေရဲ့ သည်းခြေကြိုက် ဖြစ်နေတာကိုတွေ့နေ ရတယ်။ ကျွန်တော့ဆီရောက်လာတဲ့ အမူတွေထဲမှာ လူသတ်မှု တော်တော်များများဟာ အရက်ကြောင့် ဖြစ်တာပါ” ဟု ဆိုသည်။
ရခိုင်စာရေးဆရာများဖြစ်ကြသော ကဗျာဆရာ စစ်တွေညိုသန့်၊ ဦးလှမြင့်အောင်(တောင်ကုတ်)၊ဆရာ ကျွန်းသားငမန်းတို့မှလည်း လောင်းကစားနှင့် မူးယစ်ဆေးဝါးတို့ကြောင့် လူမှုဆိုင်ရာ ဆိုးကျိုးများ  ဖြစ်ပေါ်လာပုံ အကြောင်းများကို စာပေရှု့ထောင့်မှ စိတ်ဝင်စားဖွယ် ဟောပြောခဲ့ကြသည်။
အခမ်းအနားတွင် ရခိုင်လူငယ်မျိုးဆက်သစ်မှ အသံတိတ်ပညာပေး တစ်ခန်းရပ် ပြဇာတ်တစ်ခုကိုလည်း တင်ဆက်ခဲ့ကြသည်။
ထိုအစီအစဉ်များအပြီးတွင် စာမူဆုရသည့် ကဗျာရှင်နှင့် ဆောင်ပါးရှင်များအား ဆုချီးမြှင့်ရာ အလွတ်တန်း ကဗျာပြိုင်ပွဲတွင် မေဃမင်းသူရိန် (မာန်အောင်)က ပထမဆုနှင့် မောင်နေပူ (တောင်ကုတ်) က ဒုတိယဆု ရရှိသည်။
အခမ်းအနား ကျင်းပနေစဉ် (ဓါတ်ပုံ- နိရဉ္စရာ)
အခမ်းအနား ကျင်းပနေစဉ် (ဓါတ်ပုံ- နိရဉ္စရာ)
အလွတ်တန်းဆောင်းပါးပြိုင်ပွဲတွင် ပထမဆုကို ကိုကျော်ဟိန်း(ပေါက်တော)မှလည်းကောင်း၊ ဒုတိယဆုကို တိုးလေး(မြို့ပျံ)သံတွဲမှလည်းကောင်း၊ တတိယဆုကို မိုးယံမှလည်းကောင်း၊ အထူး ဆုများကို ဇော်သစ်(စကုကျွန်း)၊ မင်းသွေးငယ်(ရာမညမြေ)နှင့် ကိုအောင်(ဘားအံ)တို့က ဆွတ်ခူး ရရှိခဲ့ကြသည်။
အခမ်းအနားအပြီးတွင် ရခိုင်လူငယ်မျိုးဆက်သစ်မှ လူငယ်မောင်မယ်များသည် လောင်းကစားနှင့် မူးယစ်ဆေးဝါး ဆန့်ကျင် တိုက်ဖျက်ရေး ပိုစတာများကို အသီးသီးကိုင်ဆောင်ပြီး ၀င်္ကဘာကွင်းကို တစ်ပတ် စီတန်းလှည့်လည်ပြီး လူပ်ရှားမူ ပြုလုပ်ခဲ့ကြသည်။
ရခိုင်လူငယ်မျိုးဆက်သစ်သည် လူမူရေး လုပ်ငန်းများကို တက်ကြွစွာဆောင်ရွက်နေသော အဖွဲ့အစည်း တစ်ခု ဖြစ်ပြီး ရခိုင်ပြည်နယ်တစ်ဝန်းတွင် လူငယ်စွမ်းရည်မြှင့်သင်တန်းများ မကြာခဏ ဖွင့်လှစ် သင်ကြားပေးနေကြောင်း သိရသည်။
(သတင်းအရင်းအမြစ်- နိရဉ္စရာသတင်းဌာန)

အစိုးရနှင့် NCCT အကြား ဒုတိယမူကြမ်း ရရှိခဲ့သော်လည်း ဖယ်ဒရယ်အပါဝင် အရေးကြီးအချက်များ ညှိနှိုင်းရန် ကျန်ရှိနေသေး

NCCT UPWC MPC
ပြည်ထောင်စုငြိမ်းချမ်းရေးဖော်ဆောင်ရေး လုပ်ငန်းကော်မတီ (UPWC) နှင့် တစ်နိုင်ငံလုံး အပစ်အခတ်ရပ်စဲ ရေးဆိုင်ရာ တိုင်းရင်းသား ညှိနှိုင်းရေးအဖွဲ့ (NCCT) တို့သည် တစ်နိုင်ငံလုံး အပစ်ခတ်ရပ်စဲရေးအတွက် ဒုတိယအကြိမ် ညှိနှိုင်းဆွေးနွေးပွဲတွင် ဒုတိယမူကြမ်းတစောင် ရရှိပြီး ဖယ်ဒရယ်အပါအဝင် အရေးကြီး အချက်အချို့ ညှိနှိုင်းရန် ကျန်ရှိနေသေးကြောင်း တိုင်းရင်းသား ခေါင်းဆောင်များက ပြောသည်။
အစိုးရနှင့် တိုင်းရင်းသားလက်နက်ကိုင်အဖွဲ့များအကြားတွင် အပစ်ရပ်မူကြမ်းတစ်ခုတည်းရရှိရန်အတွက် ဒုတိယအကြိမ် တွေ့ဆုံဆွေးနွေးပွဲကို မေလ ၂၁ရက်နေ့မှ ၂၃ရက်နေ့အထိ ရန်ကုန်မြို့ ရွှေလီလမ်းရှိ မြန်မာနိုင်ငံငြိမ်းချမ်းရေး ပြန်လည်ထူထောင်ရေးလုပ်ငန်း ဗဟိုဌာန (MPC) တွင် နှစ်ဘက်ခေါင်းဆောင်များ ဆွေးနွေးခဲ့ကြခြင်းဖြစ်သည်။
“သိပ်များများတော့ မကျန်ပါဘူး။ ဒါပေမယ့် တော်တော်အရေးကြီးတဲ့ဟာတွေ ကျန်တယ်။ သူ့ဘက် ကိုယ့်ဘက် သတိကြီးစွာထားပြီးတော့ ကာကွယ်ထားတဲ့ ကိစ္စတွေရှိတယ်။ အဲဒီကိစ္စတွေကိုတော့ ကျနော်တို့လည်း ကျေကျေ လည်လည် ပြောပြီးပြီ၊ ဘယ်လိုအခြေခံတရားကြောင့် ဖြစ်တယ်ဆိုတာကို” ဟု ဆွေးနွေးပွဲအပြီးတွင် NCCT မှ ခေါင်းဆောင် တစ်ဦးဖြစ်သူ ဗိုလ်မှူးကြီးခွန်ဥက္ကာ ပြောသည်။
ဒို့တာဝန် အရေးသုံးပါး၊ လွှတ်တော်ပြင်ပ နိုင်ငံရေးဆွေးနွေးပွဲစသည့်အချက်များနှင့် တစ်ချို့ ဝေါဟာရ အဓိပ္ပါယ် ဖွင့်ဆိုချက်များမှာ ယခုတစ်ကြိမ် အတည်ပြုနိုင်ခြင်း မရှိခဲ့ပဲ အစိုးရ(UPWC)ဘက်မှ သမ္မတ၊ ကာချုပ်အပါအဝင် အထက်လူကြီးများကို တင်ပြဆွေးနွေးရဦးမည့် အချက်များဖြစ်သည်။
“အစိုးရဘက်ကနေပြီးတော့ လက်မခံတဲ့ အချက်တွေတော့ မရှိဘူး။ ဒါပေမယ့် အတည်မပြုနိုင်ဘူး သို့မဟုတ် ဆွေးနွေးပွဲမှာပါတဲ့  ခေါင်းဆောင်တွေ လက်ခံရင်တောင်မှ အထက်လူကြီးတွေ လက်မခံရင် ခက်တယ်။ မဖြတ်နိုင်တဲ့ဟာတွေတော့ ရှိတာပေါ့။ လက်မခံတဲ့ဟာက ဘာမှ မရှိသလောက်ပဲ။ တပုဒ်လုံးပယ်တာတွေတော့ မရှိဘူး။ စာလုံးပေါင်းတို့ အဓိပ္ပါယ်ဖွင့်ဆိုချက်တို့ကိုပဲ ညှိနှိုင်းပြီးရင်တော့ လက်ခံသွားမယ့် အကြောင်း အရာတွေပဲဖြစ်တယ်” ဟု သူက ဆက်ပြောသည်။
ဖယ်ဒရယ်နှင့် ပတ်သက်ပြီး NCCT ဘက်မှ ဆွေးနွေးတင်ပြခဲ့ပုံကိုလည်း NCCT မှ ဒေါက်တာ ဆလိုင်းလျှန်မုန်းဆာခေါင်းက“ဖယ်ဒရယ်နဲ့ ပတ်သက်ပြီး ကျနော်တို့က ၂နေရာမှာထည့်တယ်။ ပထမ အခြေခံမူထည့်တယ်။ သို့သော် အခြေခံမူမှာ စကားလုံးအနေနဲ့ မဟုတ်ပဲနဲ့ အဲဒါ ဖယ်ဒရယ်ဆိုတဲ့ အနှစ်သာရ ကျနော်တို့ တိုင်းရင်းသားတွေရဲ့ အဓိပ္ပါယ်ဖွင့်ဆိုချက်နဲ့ ထည့်ဖို့စဉ်းစားတယ်။ နောက်ပြီးတော့ ဆွေးနွေးရမယ့်အကြောင်းအရာထဲမှာ စစ်မှန်တဲ့ ဖယ်ဒရယ် ပြည်ထောင်စု တည်ဆောက်ရေးအပါအဝင် ပြည်ထောင်စုရဲ့ အရင်းခံ ပြဿနာများကို ဆွေးနွေးရမယ်ဆိုပြီးတော့ တိုင်းရင်းသားဘက်က ၂နေရာမှာ တင်ပြထားပါတယ်” ဟု နိရဉ္စရာ၏ မေးမြန်းချက်ကို ဖြေကြားခဲ့ သည်။
“ဖယ်ဒရယ်ဆိုတဲ့ စကားလုံးရဲ့ အနှစ်သာရကို ကျနော်တို့က အခြေခံမူသုံးခုအပေါ်မှာ အဓိပ္ပါယ်ဖွင့် တာဖြစ်ပါ တယ်။ ကျနော်တို့ ဆိုလိုတာက ဒီမိုကရေစီအရေးရှိရမယ်၊ တိုင်းရင်းသားတွေရဲ့ အမျိုး သား တန်းတူရေးရှိ ရမယ်၊ တိုင်းရင်းသားတွေရဲ့ ကိုယ်ပိုင်ပြဌာန်းခွင့်ရှိရမယ် ဆိုတဲ့ ဒီအခြေခံ သုံးခုအပေါ် မှာ ကျနော်တို့ အဓိပ္ပါယ် ဖွင့်ဆိုတာဖြစ်တယ်။ အဲဒီထဲမှာ ကိုယ်ပိုင်ပြဌာန်းခွင့်ဆိုတဲ့ နေရာမှာလည်းပဲ ကျနော်တို့က ရှင်းရှင်းလင်းလင်းပဲ ပြောချင်တယ်၊ ဒါခွဲထွက်ခွင့်မပါသော ကိုယ်ပိုင်ပြဌာန်းခွင့်ပါပဲ။ ဒါကို သူတို့(UPWC) အထက်အကြီးအကဲ တွေကို တင်ပြဖို့ရှိပါတယ် ” ဟု တိုင်းရင်းသားများဖက်မှ လိုလားသည့် ဖယ်ဒရယ်၏ အဓိပ္ပါယ်ဖွင့်ဆိုချက်နှင့် ပတ်သက်၍လည်း သူကပြောသည်။
NCCT UPWC MPC
တော်လှန်ရေးဆိုသည့် အသုံးအနှုန်းမှာ မတရားမှုကို တော်လှန်ခြင်းဖြစ်သည့်အတွက် လက်ရှိအစိုးရအတွက် သိက္ခာနှင့် နစ်နာမှုများရှိသည့်အတွက်ကြောင့် မျက်နှာဖုံး (သို့မဟုတ်) နိဒါန်းတွင် တော်လှန်ရေး အသုံးအနှုန်းကိုမထည့်ရန် အစိုးရဘက်မှ မေတ္တာရပ်ခံခဲ့သည်ဟု ဗိုလ်မှူးကြီးခွန်ဥက္ကာ ကပြောသည်။
“ဒါပေမယ့် အတွင်းထဲမှာတော့ ပြောင်းပြီးတော့ထည့်မယ်။ ဒီအဖွဲ့အစည်းတွေဟာ တော်လှန်ရေး အဖွဲ့အစည်းတွေဖြစ်ခဲ့တယ်၊ နှစ်ပေါင်း(၆၀) ကျော် တိုက်ပွဲဝင်လာကြတယ် ဆိုတာကျတော့ အတွင်းထဲမှာ ထည့်မယ်” ဟု ပြောသည်။
နောက်တစ်ကြိမ်အစည်းဝေးကို ၂၀၁၄ ခုနှစ် ဇွန်လအတွင်း ရန်ကုန်မြို့ ရွှေလီလမ်းရှိ မြန်မာနိုင်ငံငြိမ်းချမ်းရေး ပြန်လည်ထူထောင်ရေးလုပ်ငန်း ဗဟိုဌာန (MPC) တွင် ထပ်မံတွေ့ဆုံ ညှိနှိုင်းရန် သဘောတူခဲ့ကြသည်ဟု ပူးတွဲ သတင်းထုတ်ပြန်ချက်တွင် ဖော်ပြထားသည်။
တစ်နိုင်ငံလုံး အပစ်ခတ်ရပ်စဲရေးစာချုပ်ကို အခန်း(၇)ခန်းဖြင့် ရေးဆွဲမည်ဖြစ်ပြီး ဧပြီလ (၅)ရက်နေ့မှ (၈)ရက်နေ့အထိ ပြုလုပ်ခဲ့သည့် နှစ်ဘက်တာဝန်ရှိသူများ တွေ့ဆုံဆွေးနွေးပွဲတွင် ပထမမူကြမ်း တစ်စောင်ကို ရရှိခဲ့သည်။
(သတင်းအရင်းအမြစ်- နိရဉ္စရာသတင်းဌာန)

INGO နှင့် NGO များကို စောင့်ကြည့်ရန် စစ်တွေတွင် စောင့်ကြည့်ရေးအဖွဲ့ ဖွဲ့

INGO-NGO-WATCH-TEAM
စောင့်ကြည့်ရေး အဖွဲ့ ဖွဲ့စည်းနေစဉ် (ဓါတ်ပုံ- နိရဉ္စရာ)
ရခိုင်ပြည်နယ်အတွင်းမှ UN INGOs အဖွဲ့များ၏ လုပ်ဆောင်ချက်များအား စောင့်ကြည့်နိုင်ရန် အန်ဂျီအို စောင့်ကြည့်ရေး အဖွဲ့ တစ်ခုကို စစ်တွေမြို့တွင် ယမန်နေ့က ဖွဲ့စည်းလိုက်ကြောင်း သတင်းရရှိသည်။
ယမန်နေ့ နေ့လည်(၁) နာရီမှ ညနေ(၃)နာရီအထိ စစ်တွေမြို့ စစ်ကဲတော်မင်းကျောင်းတိုက်တွင် ပြုလုပ်ခဲ့သော အဖွဲ့အစည်း (၄၀) မှ ကိုယ်စားလှယ်ပေါင်း ၆၀ ခန့် တက်ရောက်ခဲ့သည့် အစည်းအဝေးမှ ယင်းအဖွဲ့အစည်းကို ဖွဲ့စည်းလိုက်ခြင်း ဖြစ်သည်။
တက်ရောက်ခဲ့သည့် အဖွဲ့အစည်းများတွင် သာရေးနာရေးအဖွဲ့အစည်းများ၊ ရခိုင်သဟာယအသင်း၊ သွေးအလှူရှင်အသင်း၊ ရခိုင်စည်တော်အဖွဲ့များ ပါဝင်သည်။
ယူအန် အပါအ၀င် အိုင်အန်ဂျီအိုများ စောင့်ကြည့်ရေး အဖွဲ့ ဖွဲ့စည်းခြင်းနှင့်ပတ်သက်၍ အစည်းအဝေးကို ကိုယ်တိုင်တက်ရောက်ခဲ့သူ စစ်တွေလူမှုကွန်ရက်မှ ကိုသူရိန်က နိရဉ္စရာသို့ ယခုလိုပြောသည်။
“ဒီနေ့ စစ်တွေ အဖွဲ့ကို အဖွဲ့ဝင် (၂၂) ယောက်နဲ့ ဖွဲ့ပါတယ်။ ကျောက်ဖြူညီလာခံကတည်းက ဒီအဖွဲ့  ဖြစ်မြောက်ရေး ကွန်ရက် ဖွဲ့စည်းထားပြီးသားပါ” ဟုဆိုသည်။
ရှေ့ဆက်မည့် လုပ်ငန်းစဉ်များနှင့်ပတ်သက်၍လည်း သူက ဤသို့ ဆက်ပြောသည်။
“ကျွန်တော်တို့အဖွဲ့ဟာပြည်သူထဲက လူမှုအဖွဲ့အစည်းတွေစုပေါင်းပြီးဖွဲ့ထားတာဖြစ်တယ်။ လောလောဆယ် တော့ ကျွန်တော်တို့က အရေးပေါ် ပူးပေါင်း ဆောင်ရွက်ရေး (ECC)  ကိုရော အစိုးနဲ့ရော ဆက်သွယ်သွားမှာပါ။ ခေါင်းဆောင်မူနဲ့ပတ်သက်တာတွေ၊ ရှေ့ဆက်မယ့် လုပ်ငန်းစဉ်ရည်ရွယ်ချက်တွေကို လာမယ့် မေလ(၂၇) ရက်နေ့ အစည်းအဝေးမှာ အကြမ်းအားဖြင့် ဆုံးဖြတ်သွားမယ်။ ဆုံးဖြတ်ချက်ရလာရင် ကျွန်တော်တို့ ပြည်သူတွေကို အသိပေးမယ်၊ အစိုးရကို အသိပေးမယ်။ UN အဖွဲ့အစည်းတွေ INGOs တွေကို အသိပေးမှာပါ။ စစ်တွေတစ်ခုတည်း မဟုတ်ဘဲ ရခိုင်ပြည်နယ် မြို့နယ်အားလုံးမှာ NGO INGO တွေမရှိတဲ့ မာန်အောင်လို မြို့တွေမှာပါ ဖွဲ့စည်းသွားမယ်။ ဖွဲ့ပြီးရင် ကွန်ရက်စနစ်နဲ့ တစ်မြို့နဲ့ တစ်မြို့ကူညီပြီး လုပ်ဆောင်သွားမှာပါ”  ဟုပြောသည်။
ရခိုင်ပြည်နယ် စစ်တွေမြို့တွင် မတ်လ ၂၆ ရက်နှင့် ၂၇ ရက်များ၌ အန်ဂျီအိုနှင့် အိုင်အန်ဂျီအို များနှင့် ဒေသခံတို့ အကြား ပြဿနာများ ဖြစ်ပေါ်ခဲ့ရာ ရခိုင်လူမျိုး(၁၂)ဦး ဖမ်းဆီးခံခဲ့ရပြီး ဖမ်းဆီးခံရသူ ဦးမောင်သိန်းမှာ ထိန်းသိမ်း ခံထားရစဉ် သေဆုံးခဲ့ရသည်။
ထို့သို့သော ပြဿနာများကြောင့်ပြီးခဲ့သောကျောက်ဖြူညီလာခံကာလအတွင်းအစည်းအဝေးတစ်ခုကိုပြုလုပ်ကာ အန်ဂျီအိုနှင့် အိုင်အန်ဂျီအိုများအား စောင့်ကြည့်မည့်ကော်မတီတစ်ခုကို ရခိုင်တစ်ပြည်နယ်လုံး အတိုင်းအတာဖြင့် ဖွဲ့စည်းရန် ဆုံးဖြတ်ခဲ့ကြခြင်းဖြစ်သည်။
(သတင်းအရင်းအမြစ်- နိရဉ္စရာသတင်းဌာန)

ရွှေမောင်း (၃၉) လုံးရ ပုဏ္ဍားကျွန်းမြိ့နယ် ကံချောင်းကျေးရွာမှ ကျင်သန်ကြီး ဦးမောင်ကျော်သောင်းနဲ့ တွေ့ဆုံ မေးမြန်းခန်း

ရခိုင်ပြည်နယ် ပုဏ္ဍားကျွန်းမြိ့နယ် ကံချောင်းကျေးရွာမှ ကျင်သန်ကြီး ဦးမောင်ကျော်သောင်းသည် ယခုအခါ အသက် (၆၄) နှစ်ရှိပြီ ဖြစ်သည်။ သူ့၏  ကျင်သက်တမ်း တလျှောက်တွင် ရွှေမောင်း (၃၉) လုံးကို အနယ်နယ်အရပ်ရပ်မှ ဆွတ်ခူး ရရှိခဲ့သည်။ ရခိုင်ရိုးရာကျင်အားကစားနှင့် ပတ်သက်ပြီးသာမက ရှေ့ဟောင်းနှောင်းဖြစ် သူ့ဘ၀ အခြေအနေများသူ့အမြင် သူ့အတွေးများကို ကျင်သန်ကြီး ဦးမောင်ကျော်သောင်းအား ကိုယ်တိုင်ကိုယ်ကျသွားရောက် မေးမြန်းပြီး နိရဉ္စရာမှ တင်ပြပေးလိုက်ပါသည်။
U-Mg-Kyaw-Thaung
မေး- ဘယ်အချိန်တုန်းက ကျင်စကိုင်တာပါလဲ။
 
ဖြေ- ကျွန်တော် အသက် (၂၅)နှစ်လောက်က စပြီး ကျင်ကိုင်ပါတယ်။ရသေ့တောင်မြို့ စေတီတောင်ပွဲမှာပါ။ အသက် ၃၈ နှစ်မှာ ကျင်လောကကနေ အနားယူခဲ့ပါတယ်။
မေး- ရွှေမောင်း ဘယ်နှစ်လုံး ရဖူးပါလဲ။
 
ဖြေ- ရွှေမောင်းဆုကတော့ အားလုံး(၃၉)လုံး ရရှိခဲ့ပါတယ်။ စစ်တွေ ဝင်္ကပါကွင်းမှာလည်း ရဖူးပါတယ်။ ဦးရာဇ်တောင်၊ နောက်ပြီး ရသေ့တောင်၊ ကူတောင်၊ ဦးခေါင်းတောင်၊ ကျောက်ဖြူ၊ ကျောက်တော်၊ မဟာမြတ်မုနိ အားလုံးမှာရဖူးပါတယ်။ ကျွန်တော်တို့တုန်းက ခုခေတ်လောက် ပွဲအများပါဘူး။ တစ်နှစ်မှာ လေးပွဲ ငါးပွဲလောက်ပဲကိုင်ရတာပါ။ ခုခေတ်မှာတော့ ကျင်ပွဲအများကြီးပေါ့။အားရစရာကောင်းပါတယ်။
မေး- ဟုတ်ကဲ့၊ အစ်ကိုကြီး ကျင်သန်တစ်ယောက် ဘယ်လိုဖြစ်လာပါလဲ။ ကျင်သန်တစ်ယောက်စဖြစ်လာပုံကို ရှင်းပြပေးပါ။
 
ဖြေ- ကျွန်တော်တို့ကတော့ကျင်သန်တစ်ယောက်ဖြစ်လာတာမိရိုးဖလာလည်းပါတာပေါ့။ကျွန်တော့် အဖေဆိုရင်လည်း ကျင်သန်တစ်ဦးပါ။ မိဘတွေဆီက ဆင်းသက်လာတဲ့ အမွေအနှစ်တွေပါ။ကျွန်တော်ရဲ့ ကာယဗလကတော့ နည်းပညာရယ်လို့မဟုတ်ပါ။ လုပ်သင့်လုပ်ထိုက်တဲ့ ကျန်းမာရေးလေ့ကျင့်ခန်းတွေတော့ လုပ်တာပေါ့။ ဒိုင်းထိုးတယ်၊ ထိုင်ထလုပ်တယ်ပေါ့။ နည်းစနစ်ကျကျ လေ့ကျင့်ခဲ့တာမျိုး မရှိခဲ့ပါဘူး။ အဲဒီတုန်းက ခုခေတ်လို မတိုးတက်ဘူးပေါ့။
မေး-ကျင်သန်တစ်ယောက်ဖြစ်ဖို့အတွက် ဘယ်လိုအခက်အခဲတွေ ရှိပါသလဲ။
 
ဖြေ- ကျွန်တော်တို့ကျင်သန်တစ်ယောက်ဖြစ်ဖို့အတွက် မိမိရဲ့အလုပ်အကိုင်တွေကို လျော့ရပါတယ်။ ကာယလေ့ကျင့် ခန်းတွေလုပ်ဖို့က သိပ်အရေးကြီးပါတယ်။ကျွန်တော်တို့က လယ်လုပ်တာဆိုတော့ လယ်မလုပ်ဘဲ အနားယူနေရ တာတွေလည်းရှိပါတယ်။ ဒီလိုမှမဟုတ်ဘဲ လယ်ထွန်တဲ့ အလုပ်ကြမ်းတွေ လုပ်နေရင် ကျင်သန်အလုပ်ကို လုပ်ဖို့မဖြစ်နိုင်ပါဘူး။
မေး- အခု ရခိုင်ပြည်မှာ ရိုးရာကျင်ပွဲတွေ အများကြီးလုပ်နေတာတွေ့ရပါတယ်။လက်ရှိ ရခိုင်ကျင်ရဲ့ အခြေအနေတွေအပေါ် ကျင်သန်ကြီးတစ်ယောက်အနေနဲ့ ဘယ်လိုမြင်ပါသလဲ။
 
ဖြေ- ကောင်းပါတယ်။ ခုကတော့ လွယ်ပါတယ်။ ပွဲကလည်းများပါတယ်။ ပွဲများတဲ့အတွက် ကျင်သန်တွေက ကျွန်တော်တို့တုန်းကလို ရွာထဲမှာလေ့လာနေဖို့မလိုပါဘူး။ ပွဲတွေမှာ လိုက်ကိုင်ရင်းနဲ့ လေ့လာလို့ရတဲ့
သဘောပေါ့။ ကျင်ပွဲတွေက တစ်ပွဲပြီး တစ်ပွဲပေါ့။ ကျွန်တော်တို့ ဒီဇင်ဘာလလောက်ဆိုရင် ကျင်စကိုင်
လို့ရပါပြီ။ ဒီဇင်ဘာမှာဆို ရခိုင်ပြည်နယ်မှာ ပွဲတွေရှိတယ်။ ပြည်နယ်ပွဲပြီးရင် ဘုရားပွဲတွေ၊ ခုချိန်ဆိုရင် စေတီပွဲတွေ ဦးရာဇ်တောင်စေတီ နောက်ပြီး စမြုံတော်ဓာတ် စတဲ့ ပွဲတွေမှာ ရခိုင်လူမျိုးတွေဟာ ကျင်ပွဲတွေကို
ကျင်းပလာလို့ ကျင်ပွဲတွေမှာ အများအပြားပါဝင်နိုင်တဲ့အတွက် ပွဲတွေလိုက်ကိုင်ရင်း လေ့ကျင့်နိုင်တဲ့ သဘော ဖြစ်နေပါတယ်။ နိစ္စဓူဝ ဆိုသလို ဖြစ်နေပါတယ်။ တစ်ပွဲနဲ့တစ်ပွဲ သိပ်မကွာပါဘူး။
မေး- ရခိုင်ရိုးရာကျင် ဖွံ့ဖြိုးတိုးတက်ဖို့အတွက် ဘယ်လိုလုပ်ရင်ဖြစ်မယ်လို့ မျှော်လင့်ပါသလဲ။ ဘယ်လို အကြံပြုချင်ပါသလဲ။
 
ဖြေ- ကျွန်တော်မြင်တာကတော့ ကျင်သန်တွေဟာ အလုပ်အကိုင်တွေကိုလျော့ပြီး အားကစားပညာတွေကို လေ့ကျင့်ဖို့လိုပါတယ်။Training ဆင်းဖို့လိုပါတယ်။Training မရှိဘဲ ရိုးရာတစ်ခုအနေနဲ့ ကိုင်ချင်သလို
ကိုင်နေကြရင် ပွဲရောက်တဲ့အချိန်မှာ သိပါတယ်။ အမောမခံနိုင် အပင်ပန်းမခံနိုင်တာတွေဖြစ်လာပါတယ်။
အဲ့ဒီလိုတွေမဖြစ်အောင် Training ဆင်ပြီးလေ့ကျင့်တာကပိုကောင်းပါတယ်။
မေး- ခုချိန်မှာ ရခိုင်လူထုက ရခိုင်ရိုးရာကျင်ကို နေရာတိုင်းမှာ တော်တော်အားပေးလာကြတာတွေ့ရတယ်။ အဲဒီအပေါ်မှာဘယ်လိုမြင်ပါသလဲ။
 
ဖြေ- ကျွန်တော်တို့ ရခိုင်လူမျိုးတွေအတိုင်းအတာနဲ့ဆိုရင် ရိုးရာကျင်အသိတွေ နည်းနေသေးတယ်လို့ ပြောချင်ပါတယ်။ ရခိုင်လူမျိုးတစ်ယောက်အနေနဲ့ ရိုးရာကျင်ဆိုတာဘာလဲ ၊ ရိုးရာကျင်ပညာရဲ့ စည်းကမ်းတွေက ဘာရှိလဲဆိုတာတွေကို အသိနည်းကြပါသေးတယ်။ကျင်မှာက နည်းစနစ်တွေ အများကြီး ရှိပါတယ်။ အဲဒီနည်းစနစ်တွေကို တစ်ချို့က မသိကြတဲ့အတွက် ကျင်သန်တွေကို အထင်အမြင်လွဲတာတွေ ရှိပါတယ်။ ဘယ်လိုမျိုးလဲဆိုတော့ ကျင်သန်တွေက ပွဲမှာ တစ်ယောက်နဲ့ တစ်ယောက် ညှိပြီးဆုယူတယ်ဆိုတဲ့ အမြင်တွေရှိပါတယ်။ ပွဲကြည့်ပရိသတ်က ဒါတွေကို နားလည်ဖို့လိုပါတယ်။ဒါတွေက အားနည်းချက်တွေပါ။ ဘာဖြစ်လဲဆိုတော့ ရိုးရာကျင်ပညာတွေနဲ့ ပါတ်သတ်တဲ့ စာအုပ်တွေထွက်လာတယ်ဆိုရင် အဲ့ဒီစာအုပ်တွေကို ဖတ်ရတယ်ဆိုရင် အများကြီးနားလည်လာကြမှာ ဖြစ်ပါတယ်။
မေး- ရခိုင်ကျင်ပညာမှာ အရေးကြီးတဲ့ စည်းကမ်းချက်တွေကို ပြောပြပေးပါ။
 
ဖြေ- ကျွန်တော်တို့ကျင်ပညာအတိုင်းအတာအရဆိုရင် ဥပမာ ပြိုင်ဘက် လက်ကာပြရှိရင် နောက်ထပ် မကိုင်ရတော့ပါဘူး။ ကျင်ကိုင်တဲ့အခါ ခေါင်းပန်းလှန်ရပါတယ်။ အဖမ်းကို လိုလို့ ခေါင်းပန်းလှန်ယူရပါတယ်။ ခေါင်းပန်းလှန်လိုက်တဲ့အခါ ဥပမာ ပန်းကျတဲ့သူက  အဖမ်းဆို အဖမ်းပေါ့။ အဖမ်းကို နှစ်ကြိမ်ဆို နှစ်ကြိမ်၊ နှစ်ခေါက်ဆို နှစ်ခေါက်ပေါ့။ တစ်ချို့ကျင်ဒိုင်တွေက အဲ့ဒါတွေကို နားမလည်ဘဲ တစ်ဘက်ကျင်သန်ဟာ ကိုယ့်နယ်သား ကိုယ့်ရွာသားဆိုပြီး လုပ်လိုက်တဲ့အတွက် ကျင်သန်တွေ နစ်နာတာရှိပါတယ်။ ကိုယ့်ကာယ ဥာဏအားနဲ့ လုပ်မယ့်အတိုင်းအတာကို မလုပ်လိုက်ရဘဲ ကျင်သန်တွေဆီမှာ မရှုံးဘဲ ကျင်ဒိုင်တွေဆီမှာ ရှုံးတာတွေ အများကြီးရှိပါတယ်။ စစ်တွေက ပွဲတွေမှာ များသောအားဖြင့် ကြုံရပါတယ်။
မေး- ကျင်ပညာနဲ့ပတ်သက်တဲ့ စာအုပ်စာတမ်းတွေရှိပါသလား။ အဲဒီစာအုပ်စာတမ်းတွေကိုကော ပြုစုရေးသားထုတ်ဝေဖို့ အစီအစဉ်တွေရှိပါသလား။ သိချင်ပါတယ်။
 
ဖြေ- ကျွန်တော်တို့ လုပ်ဖို့အစီအစဉ်ရှိပါတယ်။လေ့လာနေပါတယ်။ကျွန်တော်တို့က နည်းပညာတွေကိုရှာပြီး
ရေးတတ်ခြစ်တတ် ပုဂ္ဂိုလ်တွေနဲ့လုပ်ဖို့ အစီအစဉ်ရှိပါတယ်။ခုလည်းထွက်ထားတာတွေရှိပါတယ်။
ကျင်စည်းကမ်းဆိုတာလည်း ထွက်လို့ရှိတယ်။ ပြီးတော့ ကျင်ကွင်းနည်း အစခပ်သိမ်းပါ။
မေး- ရခိုင်ရိုးရာကျင်ပညာနဲ့ ပတ်သက်ပြီး ရခိုင်အမျိုးသားတွေ၊ ရခိုင်လူမျိုးတွေကို ဘယ်လိုအမှာစကား ပြောချင်ပါလဲ။
ဖြေ- ပြောချင်တာကတော့ ကျင်ကိုင်ခြင်းဟာ မိရိုးဖလာ ရိုးရာဖြစ်တဲ့အတွက် ပျောက်ပျက်မသွားစေချင်ပါ။ အဲ့ဒါကြောင့် စည်းကမ်းမူ တစ်ခုတည်းဆွဲပြီးတော့ လိုက်နာဖို့လိုပါတယ်။ ခုဘယ်လိုဖြစ်နေလဲဆိုတော့ ရခိုင်ပြည်နယ် (၁၇) မြို့နယ်မှာ စည်းကမ်း တစ်ယောက်တစ်မျိုးစီဖြစ်နေပါတယ်။ စည်းမျဉ်းစည်းကမ်း တစ်ခုတည်းလိုအပ်ပါတယ်။ ဘယ်လိုမျိုးလဲဆိုတော့ ဥပမာ လက်လိမ်ပြီး မပစ်ရ၊ ခေါင်းချိုးခြေလိမ်စတဲ့ အလွန်တရာ နာကျင်စေမယ့် အစိတ်အပိုင်းတွေကို မဆွဲကိုင်ရ စတဲ့စည်းကမ်းတွေကို တိတိကျကျ သတ်မှတ် ထားဖို့ လိုပါတယ်။ ခုတော့ ပုဏ္ဏားကျွန်းမှာတစ်မျိုး၊ ကျောက်တော်မှာတစ်မျိုး၊ မင်းပြားမှာတစ်မျိုး၊ ပေါက်တောမှာ တစ်မျိုး ဖြစ်နေတဲ့အတွက် ကျင်သန်တွေ ကျင်ပွဲတွေမှာ လိုက်ပြီးလုပ်ရတာ အခက်အခဲတွေ အများကြီး ရှိလာပါတယ်။ ဒါကြောင့် ရိုးရာ မပျက်ရအောင် အတွက်ဆို ကျွန်တော်တို့မှာ စည်းကမ်း တစ်ခုတည်း လိုပါတယ်။ ကျင်ပစ်တဲ့အခါမှာတော့ အမျိုးမျိုးရှိပါတယ်။ အိပ်လို့ပစ်ခြင်း၊ လက်ထောက်လို့ပစ်ခြင်း၊ ကျွမ်းထိုးပြီး ပစ်ခြင်း၊ လည်ကုတ်ကို လက်နှစ်ဘက်နဲ့  ညစ်ပြီး တအား နာကျင်အောင်လုပ်ခြင်းတွေဟာ အလွန်တရာ နာကျင်စေတဲ့ နည်းတွေ ဖြစ်တဲ့ အတွက်  ကျွန်တော်တို့ ပုဏ္ဏာကျွန်းမြို့နယ် အတိုင်းအတာအရဆိုရင် ခွင့်မပြုပါ။ ဒါပေမယ့် ပေါက်တော၊ မင်းပြား၊ မြေပုံတွေမှာကျတော့ လိမ်လို့ပစ်ပြီးမှ ကျင်ခြင်းပေါ်လွင်တယ်ဆိုပြီး ထည့်ထားတာ ရှိပါတယ်။ စည်းကမ်းတစ်ခုတည်းသာရှိရင် ရိုးရာကျင်ကို ထိန်းသိမ်းလို့ရမယ်လို့ ထင်မြင်ပါတယ်။
(သတင်းအရင်းအမြစ်- နိရဉ္စရာသတင်းဌာန)

ဘတ်ဂျက် အခြေအနေကြောင့် ရသေ့တောင်-ပုဏ္ဍားကျွန်းကားလမ်းအချိန်မှီ ပြီးစီးနိုင်မည် မဟုတ်

 တောဖျားချောင်းတံတား တည်ဆောက်နေသည်ကို တွေ့ရစဉ်။ (ဓါတ်ပုံ- နိရဉ္စရာ)
တောဖျားချောင်းတံတား တည်ဆောက်နေသည်ကို တွေ့ရစဉ်။ (ဓါတ်ပုံ- နိရဉ္စရာ)
ရခိုင်ပြည်နယ် ဖွံ့ဖြိုးတိုးတက်ရေးအတွက် မြို့ချင်းဆက် လမ်းများ၊ ရွာချင်းဆက်လမ်း အများအပြားကို ရခိုင်ပြည်နယ် အတွင်း နိုင်ငံတော် အစိုးရမှ တာဝန်ယူ ဖေါက်လုပ်နေရာ ယင်းအထဲတွင် ပါဝင်သော ရသေ့တောင်-ပုဏ္ဍားကျွန်း ကားလမ်းမှာ ဘတ်ဂျက်ငွေ လုံလုံလောက်လောက်မရရှိသဖြင့် သတ်မှတ်ချိန် အတိုင်း ပြီးစီးရန် အခြေအနေမရှိဘဲ ဖြစ်နေကြောင်း သတင်း ရရှိသည်။
ဘတ်ဂျက်ငွေ မလုံလောက်မူကြောင့် ရသေ့တောင်-ပုဏ္ဍားကျွန်းကားလမ်း ဖေါက်လုပ်မူကို ရပ်တန့်ထားရပြီး ယင်းလမ်းတွင် တည်ရှိသော တောဖျားချောင်းတံတား တစ်ခုကိုသာ နှစ်အလိုက်ထုတ်ပေးသော ဘတ်ဂျက်ငွေ အနည်းငယ်ဖြင့် မစို့မပို့ တည်ဆောက်နေရသည်ဟု သက်ဆိုင်ရာ တာဝန်ရှိသူများက ပြောသည်။
Tawphyr-chaung-bridge
ဘတ်ဂျက်ငွေ အလုံအလောက် မရရှိမူကြောင့် ပေ ၁၂၀၀ အရှည်ရှိသော တောဖျားချောင်း တံတားကို အပိုင်းလိုက် တည်ဆောက်နေရပြီး ၂၀၁၂ ခုနှစ်က စတင် တည်ဆောက် ခဲ့သော တံတားမှာ ၂၀၁၅- ၂၀၁၆ နှစ်ကုန်လောက်မှ ပြီးစီးနိုင်မည်ဟု ခန့်မှန်းထားကြောင်း  တံတားအထူးအဖွဲ့ (၁၀) မှ အငယ်တန်း အင်ဂျင်နီယာ တစ်ဦးဖြစ်သူ ဦးဝင်းနိုင်က နိရဉ္စရာသို့ ပြောသည်။
“ ကျွန်တော်က ရေလယ်တိုင်အမှတ် (၄) ကို တာဝန်ယူပြီး တည်ဆောက်နေပါတယ်။ အခုတည်ဆာက်နေပါပြီ။ အုတ်မြစ်ကတော့ ပြီးသွားပါပြီ။ ၂၀၁၅-၁၆ လောက်မှာ ပြီးစီးဖို့ မျှော်လင့်ထားပါတယ်” ဟု ဆိုသည်။
တောဖျားချောင်း တံတားသည် ရသေ့တောင်-ပုဏ္ဍားကျွန်းကားလမ်းပိုင်းတွင် ပါဝင်သော အရှည်ဆုံးနှင့် အရေးပါသော တံတားတစ်ခုဖြစ်ပြီး ယင်းတံတား အတွက်  ၂၀၁၂-၂၀၁၃ မှာ ကျပ်သန်း (၆၀၀) ၊  ၂၀၁၃- ၂၀၁၄ ခုနှစ်တွင် ကျပ်သန်း ၁၀၀၀ ကို အစိုးရထံမှ ရရှိခဲ့သည်ဟု သူက ဆိုသည်။
“ စုစုပေါင်း တောဖျားချောင်းတံတား တစ်ခုတည်းအတွက် ခန့်မှန်းကုန်ကျငွေက ကျပ်သန်းက ၄၆၀၀ ဖြစ်ပါတယ်။ နှစ်အလိုက် ရခိုင်ပြည်နယ် အစိုးရအဖွဲ့က ချပေးတဲ့ ဘတ်ဂျက်နဲ့ဘဲ လုပ်ကိုင်ဆောင်ရွက်နေရတာ ဖြစ်ပါတယ်” ဟု ဆိုသည်။
Tawphyr-chaung-bridge-2
ရသေ့တောင်- ပုဏ္ဍားကျွန်း ကားလမ်းပေါ်တွင် တောဖျားချောင်း တံတားအပြင် ထွန်းရဝေ တံတားနဲ့ ရသေ့တောင်တံတားကြီး (၂) ခု ကျန်နေသေးကြောင်း၊ ယင်းတံတား (၂) စင်းမှာ ယခုအချိန်ထိ လုပ်ငန်း မစရသေးကြောင်း သိရသည်။ သို့အတွက် ၂၀၂၀ ခုနှစ်တွင်ပင် ရသေ့တောင်-ပုဏ္ဍားကျွန်းကားလမ်းမှာ ပြီးစီးနိုင်မည်မဟုတ်ကြောင်း ဒေသအတွင်းက လမ်းအရေး ကျွမ်းကျင်သူများက ပြောသည်။
ယင်းပြင် ဘတ်ဂျက်ငွေ မရရှိသဖြင့် ကားလမ်း ဖေါက်လုပ်မူကိုလည်း ရပ်တန့်ထားရကြောင်း၊ သို့အတွက် ယခင် ဖို့ထားသော ကားလမ်းပေါ်မှ မြေများမှာ မိုးရာသီတွင် ရေတိုက်စားမူကြောင့် ပျက်စီးနေကြောင်း၊ လမ်းကြမ်းအဆင့်မှာပင် ပျက်စီးနေသဖြင့် အပိုင်းလိုက်ပင် နွားလှည်း၊ ဆိုင်ကယ်များဖြင့် သွားလာ၍ မရဘဲ ဖြစ်နေကြောင်း ကားလမ်းပေါ်တွင် တည်ရှိသောစေတီပြင် ကျေးရွာသား တစ်ဦးက ပြောသည်။
ရသေ့တောင်- ပုဏ္ဍားကျွန်းကားလမ်းသည် ရန်ကုန်-စစ်တွေ ကားလမ်းမကြီးနှင့် ဆက်စပ်ပေးမည့် လမ်းတစ်လမ်း ဖြစ်ပြီး ဒေသဖွံ့ဖြိုးရေး အတွက် များစွာ အထောက်အကူ ပြုနိုင်သော လမ်းတစ်ခုဖြစ်သည်။ အဆိုပါ ကားလမ်းပြီးစီးပါက ရသ့တောင်၊ ဘူးသီးတောင်နှင့် မောင်တောမြို့နယ်မှ ပြည်သူများအနေဖြင့်  ရသေ့တောင်မှ တဆင့် ရန်ကုန်သို့ တိုက်ရိုက်သွားလာနိုင်မည် ဖြစ်သည်။
“ တံတားအပါအ၀င် ဒီလမ်းကိုတော့ အမြန် ပြီးစီးစေချင်ပါတယ်။  ဒီလမ်းပြီးစီးရင် စီးပွားရေ၊ ပညာရေးကအစ တိုးတက်လာလိမ့်မယ်လို့ မျှော်လင့်ပါတယ်။ စစ်တွေတို့၊ ပုဏ္ဍားကျွန်းတို့ကိုလည်း ချက်ချင်းသွားလာလို့ ရလာမယ်။ ဒီဒေသက သီးနှံတွေအကြီးအကျယ် ထွက်တော့ ချက်ချင်း မြို့ကြီးတွေကို တင်ပို့လို့ ရလာနိုင်မှာ ဖြစ်တဲ့အတွက် တောဖျားချောင်း ဒေသခံတွေ အတွက် စီးပွားရေးအရ ဖွံ့ဖြိုး တိုးတက်လာနိုင်ပါတယ်” ဟု တံတားအနီး စေတီပြင်ကျေးရွာမှ အလပြ ဆရာ တစ်ဦးက ဆိုသည်။
(သတင်းအရင်းအမြစ်- နိရဉ္စရာသတင်းဌာန)

အမေရိကန်သံရုံးအရာရှိတစ်ဦး ရခိုင်အမျိုးသားပါတီခေါင်းဆောင်များနှင့် လာရောက်တွေ့ဆုံ

ANP-Office
ရန်ကုန်အခြေစိုက် အမေရိကန်သံရုံးနိုင်ငံရေးအရာရှိ Mr Clint Fenning သည် မေလ ၂၁ ရက်နေ့က စစ်တွေမြို့ရှိ ရခိုင်အမျိုးသားပါတီ ဗဟိုရုံးသို့ လာရောက်ပြီး ရခိုင်အမျိုးသားပါတီ ခေါင်းဆောင်များနှင့် တွေ့ဆုံ ဆွေးနွေးသွားခဲ့သည်ဟု သတင်းရရှိသည်။
ရခိုင်အမျိုးသားပါတီမှ ခေါင်းဆောင်များဖြစ်ကြသည့် ဦးခင်မောင်ကြီး၊ ဦးကျော်ဇော်ဦး၊ ဦးရွှေမောင် တို့နှင့် တစ်နာရီခန့်ကြာ တွေ့ဆုံဆွေးနွေးခဲ့ကြသည်ဟု ဆွေးနွေးပွဲတွင် ကိုယ်တိုင်ပါဝင်ခဲ့သူ ဦးခင်မောင်ကြီးက ပြောသည်။
ယင်းသို့ ဆွေးနွေးရာတွင် ရခိုင်ပြည်နယ်တွင် ဖြစ်ပေါ်ခဲ့သော ပဠိပက္ခများနှင့်ပတ်သက်၍ အဓိကဆွေးနွေးခဲ့သည်ဟု သူက ဆိုသည်။
“အဓိကကတော့ ဒီမှာ ဖြစ်ပျက်နေတဲ့အခြေအနေတွေပေါ့။ ပဋိပက္ခအခြေအနေနဲ့ ပတ်သက်ပြီး ပါတီရဲ့မူဝါဒတွေဘာရှိလဲ။ ပဋိပက္ခအပေါ် ပါတီကဘယ်လိုဖြေရှင်းမလဲပေါ့နော်၊ အဲဒါလေးတွေကို သူကမေးတာပါ။”
ရခိုင်အမျိုးသားပါတီခေါင်းဆောင်များ၏ တုန့်ပြန်ပြောကြားချက်များကိုလည်း သူက ယခုလိုပြောသည်။
“ကျွန်တော်တို့က ပဋိပက္ခပြေငြိမ်းဖို့ကိစ္စနဲ့ပတ်သက်ပြီးတော့ နိုင်ငံတကာရယ်၊ ပြည်ထောင်စုအစိုးရရယ်၊ ရခိုင်ပြည်သူတွေရယ် ၀ိုင်းဝန်း အဖြေရှာရမှာပေါ့၊ ဒါဟာ လူမျိုးအဖွဲ့အစည်းနှစ်ခုရဲ့ ဘာသာရေး လူမျိုးရေးဆန်တဲ့ ပဋ္ဌိပက္ခမဟုတ်ဘူး။ ကျွန်တော်တို့ရခိုင် အမျိုးသားတွေရဲ့ အမျိုးသားရပ်တည်ရေးနဲ့ အမျိုးသားလုံခြုံရေးအတွက် ရပ်တည်ဖြေရှင်းမှ ပြေငြိမ်းမှုကို ရလိမ့်မယ်။ အဲဒါမှ ဒီပဋိပက္ခတွေကို ဖြေရှင်းနိုင်လိမ့်မယ် လို့ကျွန်တော်တို့ယုံကြည်တယ်ဆိုပြီးကျွန်တော်တို့ ပြောတာပေါ့။”
အမေရိကန် သံအရာရှိမှ ယခုကဲ့သို့ တုန့်ပြန်ပြောကြားခဲ့သည်ဟု သူက ဆိုသည်။
“သူတို့ဘက်ကတုန့်ပြန်တာကတော့ သူတို့အနေနဲ့ ဒီဟာကို အဖြေထုတ်နိုင်တဲ့ အနေအထားတော့ မရှိဘူးပေါ့နော်။ ဒီအနေအထားတွေကို သူက သံရုံး၊ အမေရိကန်နိုင်ငံခြားရေး ဝန်ကြီးဌာနတွေထိ ရောက်အောင် သူ့အနေနဲ့ တတ်နိုင်သမျှ တင်ပြပေးမယ်ပေါ့အဲ့ဒီအတွက် ကျွန်တော်တို့နဲ့ဆွေးနွေးတာပါဆိုပြီးပြောပါတယ်။”
ပါတီ၏ သဘောထားနှင့်ပတ်သက်ပြီးလည်း ဦးခင်မောင်ကြီးက ယခုလိုရှင်းပြပြောဆိုသည်။
“ အဓိက ကတော့ ကျွန်တော်တို့ဆီမှာ ဖြစ်နေတဲ့ ပြဿနာက ရိုဟင်ဂျာဆိုတဲ့ နာမည်က ပဋိပက္ခဖြစ်စေတဲ့ အဓိက အကြောင်းအရင်း တစ်ခုပဲလေ။ အဲဒီအပေါ်မှာ ကုလသမဂ္ဂတို့၊ အမေရိကန်အစိုးရတို့ပေါ့၊ အဲဒီကနေပြီးတော့  တိုင်းရင်းသားဖြစ်ရမယ်၊ နိုင်ငံသားဖြစ်ရမယ်ဆိုပြီးတော့ သူတို့က ဖိအားပေးတဲ့ သဘောမျိုး ပြောတာပေါ့နော်။ အဲဒီအနေအထားတွေကို ကျွန်တော်တို့က လက်မခံနိုင်ပါဘူးလို့ ကျွန်တော်တို့က အဲ့ဒါကို ရှင်းပြတယ်။”
ယင်းပြင်သူက ယခုလို ဆက်ဆိုသည်။
“ နောက်ပြီးတော့ အခုနောက်ဆုံးအမေရိကန်အစိုးရရဲ့ မြန်မာပြည်ကို စီးပွားရေး ပိတ်ဆို့ဖို့အတွက် တစ်နှစ် သက်တမ်းတိုးလိုက်တဲ့အပိုင်းမှာ ကျွန်တော်တို့ ရခိုင်ပြည်မှာဖြစ်နေတဲ့ ပဋိပက္ခက အကြောင်းပြချက် တစ်ခု အနေနဲ့ပါတယ်။ အဲဒီအကြောင်းပြချက်က ဘာလဲဆိုရင် ရခိုင်ပြည်မှာဖြစ်နေတဲ့ ပဋိပက္ခတွေဟာ အမေရိကန် နိုင်ငံရဲ့ အမျိုးသားလုံခြုံရေးနဲ့အမျိုးသားအကျိုးစီးပွားတွေကို ထိခိုက်စေတယ်ဆိုပြီး အကြောင်း ပြထားတာ ရှိတယ်။ အဲဒီတော့ ကျွန်တော်တို့ရဲ့ ရခိုင်အမျိုးသားလုံခြုံရေးနဲ့ ကျွန်တော်တို့ ရခိုင်အမျိုးသားတည်တံ့ရေး အတွက် ဒီပြဿနာကို ဖြေရှင်ရမယ့် တာဝန် ကျွန်တော်တို့မှာလည်း ရှိတယ်။ ပါတီတစ်ခုအနေနဲ့လည်း ရှိတယ် ပေါ့နော်။ ကျွန်တော်တို့ရဲ့ အမျိုးသားလုံခြုံရေးနဲ့ ပတ်သက်ပြီး အမေရိကန်ရဲ့ အမျိုးသား လုံခြုံရေး၊ အမေရိကန်ရဲ့ အကျိုးစီးပွားကို ထိခိုက်တယ်ဆိုလို့ရှိရင် ကျွန်တော်တို့အမျိုးသားလုံခြုံရေးနဲ့ ကျွန်တော်တို့ အမျိုးသား တည်တံ့ရေး အတွက်ကျတော့ အမေရိကန်က ဘာမျာလုပ်ပေးနိုင်မလဲ။ အဲ့ဒါတွေကို ကျွန်တော်တို့ ဆွေးနွေးခဲ့ကြတယ်။”
ဆွေးနွေးပွဲမှာ အကျိုးရှိသော ဆွေးနွေးပွဲ တစ်ခု ဖြစ်ကြောင်း ဦးခင်မောင်ကြီးက သုံးသပ် ပြောဆိုသည်။
(သတင်းအရင်းအမြစ်- နိရဉ္စရာသတင်းဌာန)

တိုက်ခိုက်မူများဆက်လက် ပြုလုပ်ပါ ဘင်္ဂလာနှင့် တပ်မှူးအဆင့် အလံတင်ဆွေးနွေးပွဲများကို နောင်တွင် ရပ်ဆိုင်းမည်ဟု မြန်မာဘက်ကခြိမ်းခြောက်

Bandarban-BGB-meeting
ယမန်နေ့က တပ်မှူးအဆင့် ဆွေးနွေးပွဲ။
ဘင်္ဂလာဒေခ်ျ့တွင် ခိုအောင်းနေသော အကြမ်းဖက်အဖွဲ့အစည်းများမှ မြန်မာဘက်သို့ နောက်ထပ် ၀င်ရောက် တိုက်ခိုက်ပါက နောင်လာမည့် တပ်မှူးအဆင့် အလံတင် ဆွေးနွေးပွဲများကို ရပ်ဆိုင်းပစ်တော့မည်ဖြစ်ကြောင်း မြန်မာ တာဝန်ရှိသူများက ပြောကြားလိုက်သည်ဟု သိရသည်။
ယမန်နေ့က ဘင်္ဂလာဒေ့ခ်ျနိုင်ငံ စစ်တကောင်းတောင်တန်းနယ် နတ်ကျောက်ဆရီ မြို့နယ်တွင် ပြုလုပ်သည့် နှစ်နိုင်ငံနယ်ခြားစောင့်တပ် တပ်မှူးအဆင့် ဆွေးနွေးပွဲတွင် မြန်မာဘက်မှထိုသို့ ပြောကြားလိုက်သည်ဟု ဆိုသည်။
ယင်းပြင် မြန်မာဘက်မှ ယင်းအကြမ်းဖက်အဖွဲ့များကို ဘင်္ဂလားဒေ့ခ်ျနိုင်ငံတွင် ခိုလှုံခွင့်မပေးရန်ကိုလည်း တောင်းဆိုခဲ့ကြောင်း ဘင်္ဂလာ နယ်ခြားစောင့်တပ်ဖွဲ့ တာဝန်ရှိသူတစ်ဦးက သတင်းထောက်များသို့ ထုတ်ဖေါ်ပြောဆိုသည်။
“ မြန်မာနယ်ခြားစောင့်တပ်မှ အကြမ်းဖက်အဖွဲ့အစည်းများ ဘင်္ဂလာမြေတွင်အခြေစိုက်ပြီး မြန်မာ နယ်ခြားစောင့်တပ်ဖွဲ့ဝင်များကို တိုက်ခိုက်နေသည်ကိုခွင့်မပြုဖို့၊ အလားတူတိုက်ခိုက်မှုများ ဆက်လက် ဖြစ်ပေါ်လာပါက နယ်ခြားစောင့်တပ်မှူး အဆင့် ဆွေးနွေးမှုများ ပြုလုပ်တော့မည်မဟုတ်ဟု ပြောဆိုခဲ့ ကြောင်း”  သူက ဆိုသည်။
ဘင်္ဂလာနယ်ခြားစောင့်တပ် တာဝန်ရှိသူများက ဘင်္ဂလာဒေ့ခ်ျနိုင်ငံ နယ်နိမိတ်တွင် မည့်သည့် အကြမ်းဖက်အဖွဲ့အစည်းများမှ  ခိုလှုံ၍ မရှိဟု ငြင်းဆိုခဲ့ကြောင်း သူက ဆိုသည်။
မြန်မာ-ဘင်္ဂလာ တပ်မှူး အဆင့် ဆွေးနွေးပွဲတွင် ဘင်္ဂလာဒေ့ခ်ျနိုင်ငံ နတ်ကျောက်ဆရီမြို့နယ်တွင် အခြေစိုက်သည့်  အကြမ်းဖက် အဖွဲ့အစည်းများနယ်စပ်ဖြတ်ကျော်ပြီး မြန်မာနယ်ခြားစောင့်တပ်ဖွဲ့ဝင်များကို တိုက်ခိုက် နေသည့်ကိစ္စကို အဓိက ဆွေးနွေး ခဲ့ကြပြီး နယ်စပ်တွင်ရှိနေသည့် အကြမ်းဖက်အဖွဲ့အစည်းများကို တိုက်ခိုက်ရာတွင် ဘင်္ဂလာနယ်ခြား စောင့် တပ်ဖွဲ့မှ ကူညီပေးရန်ကိုလည်းတောင်းဆိုခဲ့သည်ဟု သိရသည်။
ယင်းပြင်  တရားမ၀င် နယ်စပ်ဖြတ်ကျော်မှု၊ နယ်စပ်တလျှောက် မူးယစ်ဆေး ၀ါးနှိမ်နှင်းရေးကိစ္စများကို ဆွေးနွေးခဲ့ကြကြောင်း သူက ဆိုသည်။
မေလ ၁၃ ရက်နေ့က မောင်တောမြို့နယ် နယ်မြေ (၁)  နယ်စပ်မှတ်တိုင် ၃၇ နှင့် ၃၈ အနီးတွင်တစ်ကြိမ် မေ လ ၁၇ ရက်နေ့က နယ်စပ်မှတ်တိုင် ၅၂ အနီးတွင် တစ်ကြိမ် (၂ )ကြိမ်တိုင်တိုင် မြန်မာနယ်ခြားစောင့်တပ်ကို RSO မှ ၀င်ရောက်တိုက်ခိုက်ခဲ့ပြီး တပ်မတော်မှ လိုက်လံရှင်းလင်းစဉ်  ဘင်္ဂလာဒေခ်ျ့ဘက်သို့ ထွက်ပြေး ၀င်ရောက်သွားသည်ဟု မြန်မာဘက်က ပြောဆိုခဲ့သည်ဟု သိရသည်။
မေလ ၁၇ ရက်နေ့ ဖြစ်ပွားခဲ့သည့် တိုက်ခိုက်မှုတွင် မြန်မာ ရဲတပ်သား ၄ ဦးသေဆုံးပြီး အရာရှိတစ်ဦး ဒဏ်ရာ ရရှိခဲ့ကာ မူဆလင် အကြမ်းဖက် သောင်းကျန်းသူ အုပ်စုမှ (၂) ဦးကျဆုံးခဲ့သည်။
ဆွေးနွေးပွဲကို ဘင်္ဂလာဘက်မှ ကော့စ်ဘာဇားအခြေစိုက် နယ်ခြားစောင့်တပ်မှ ဗိုလ်မှူးကြီး ဖောရိဟောဆန်း ဦးဆောင်တက်ရောက်ခဲ့ပြီး  မြန်မာဘက်မှ ရဲမှူးကြီး တင်ကိုကိုမှ ဦးဆောင်တက်ရောက်ခဲ့သည်။
ယခုအခါ နယ်စပ်တလျှောက်တွင် နှစ်နိုင်ငံ လုံခြုံရေးတပ်ဖွဲ့များကို ဖြန့်ကျက် ချထားပြီ အခြေအနေကို အနီးကပ် စောင့်ကြည့် နေကြသည်ဟု သတင်း ရရှိသည်။
(သတင်းအရင်းအမြစ်- နိရဉ္စရာသတင်းဌာန)

ဘွဲ့ ရဆွဲခန့် လုပ်ငန်းခွင်ဆရာ၊ဆရာမများအား အမြဲတန်းဝန်ထမ်းခန့် အပ်နိုင်ရန် အထူးသင်တန်းဖွင့်

သင်တန်းပြုလုပ်ရာ ရမ်းဗြဲမြို့မှ ကျောင်း ( ဓါတ်ပုံ- နိရဉ္စရာ)
သင်တန်းပြုလုပ်ရာ ရမ်းဗြဲမြို့မှ ကျောင်း ( ဓါတ်ပုံ- နိရဉ္စရာ)
မြန်မာနိုင်ငံ အတွင်း ဘွဲ့ရဆွဲခန့် လုပ်ငန်းခွင် ဆရာ ဆရာမများအား အမြဲတန်း ၀န်ထမ်း ခန့်အပ်နိုင်ရန်အတွက် တစ်နိုင်ငံလုံး အတိုင်းအတာဖြင့် အထူးသင်တန်းများကို မြို့နယ်တိုင်းတွင် ဖွင့်လှစ်ပို့ချနေကြောင်း သတင်း ရရှိသည်။
ရခိုင်ပြည်နယ် ရမ်းဗြဲမြို့နယ်တွင် ယင်းအခြေခံပညာမြို့နယ် အခြေပြု မူလတန်းဆရာအတတ်ပညာ အထူးသင်တန်းကို ၂၀၁၄ခုနှစ် ဧပြီလ(၂၃)ရက်မှ စတင် ဖွင့်လှစ်နေပြီး မေလ(၂၂ )ရက်နေ့ တွင် ပြီးဆုံးမည်ဟု သိရသည်။
သင်တန်းကာလမှာ (၁)လတိတိ ဖြစ်ကြောင်း၊ သင်တန်းမှာ ယခင် သင်တန်းနှင့် မတူဘဲ ထူးခြားမူ အချို့ရှိကြောင်း ရမ်းဗြဲမြို့ ဇရပ်ပြင်ကျေးရွာမှ သင်တန်းဆရာ အထက်တန်းပြ ဆရာဦးထွန်းဆွေက ပြောသည်။
“သင်တန်းရဲ့ထူးခြားချက်ကတော့ ယ္ခင် မြန်မာနိုင်ငံရဲ့ သင်ကြားမူ့စနစ်က ဆရာဗဟိုပြု သင်ကြားမူမူ(Teacher Center Approach- TCA) ဖြစ်ပါတယ်။    ယ္ခုကတော့ ကလေးဗဟိုပြုသင်ကြားမှု ( Children Center Approach – CCA) ဖြစ်ပါတယ်။ ဆရာဗဟိုပြု (TCA ) မှာ သီအိုရီ ပိုင်းကို ဦးစားပေးပြီးသင်တဲ့ အတွက် ဆရာတဦးတည်းသာ သင်ကြားရမူကြောင့် ကျောင်းသားရဲ့ တွေးခေါ်မူ အာနည်း သွားတဲ့အတွက်၊ ဆရာသင်တာလောက်ပဲ တတ်ပြီး ရှင်းရှင်းပြောရရင် အာဂုံဆောင် ကျောင်းသားဖြစ်သွားကြပါတယ်။ ဒါကြောင့်  သင်ကြားမူစနစ် လိုအပ်ချက်ကို ကမ္ဘာအဆင့်အတန်းမှီရန် ပြောင်းလဲမူကြောင့် ကျောင်းသားတွေရဲ့ တွေးခေါ်မူတွေ တိုးတက်လာပြီး၊ တီထွင် ကြံဆတတ်လာကာ  မိမိကိုယ်မိမိ အားထားတတ်လာမှာ ဖြစ်ပါတယ်”ဟု နိရဉ္စရာသို့ ပြောကြားသည်။
ယင်းသင်တန်တွင် ဘာသာရပ် (၁၃) ခုကို သင်ကြားပို့ချခဲ့ပြီး ယင်းဘာသာရပ်များမှာ မြန်မာစာ၊ အင်္ဂလိပ်စာ၊ သင်္ချာစာ၊ လူမူရေး၊ သပ္ပံ၊ ပညာရေးသဘောတရား၊ ပညာရေးစိတ်ပညာ၊ ပညာရေးစီမံခန်ခွဲမှု၊ ကာယ၊ ပန်းချီဂီတ၊ စိုက်ပျိုးရေး၊ စက်မူ၊ အိမ်တွင်မှု စသည် တို့ဖြစ်ကြောင်း သင်တန်းဆရာ တစ်ဦးဖြစ်သူ ရမ်းဗြဲမြို မီးကျောင်းတက်မှ အထပြဆရာ  ဦးအောင်ကျော်ထွန်းက ဆိုသည်။
ကျောက်နီမော်ကျေးရွာမှ သင်တန်းသားဆွဲခန့် ဆရာ ဦးသက်ခိုင်က CCA သင်တန်း တက်ရောက်ရ၍ တန်ဖိုးရှိကြောင်း ယခုလိုပြောသည်။
“သင်ထောက်ကူပစ္စည်းများ စနစ်တကျအသုံးချတတ်ပြီး၊ ကျောင်းသားများကို ယ္ခင်ကထက် သင်ပြမူစနစ်  ပြောင်းလဲ တိုးတက်လာတာကြောင့် ပိုမိုနားလည်တတ်မြောက်လာမှာ ဖြစ်ပါတယ်။ ထူးခြားဘာသာရပ်ကတော့ ဂီတပန်းချီ။၊ ပညာသဘောတရား စိတ်ပညာနဲ့ စီမံခန့် ခွဲမူ ဖြစ်ပါတယ်။ ဂီတပန်ချီက ရသကို ခံစားတတ်တဲ့အပြင်၊ လူအသိုင်းအဝိုင်းနဲ့ လိုက်လျှော ညီထွေ ဆက်ဆံတတ်မူ၊ အဖွဲ့အစည်းနဲ့ လှုပ်ရှားတတ်မူများနဲ့ ပညာကို တန်ဖိုးထားလာတတ်တဲ့အတွက် ပေးသူရော ယူသူပါ တန်ဖိုးရှိပါတယ်”ဟု သူကဆိုသည်။
ရမ်းဗြဲမြို့နယ် အထက်တန်းကျောင်း၌ ဖွင့်လှစ်ပို့ချသော သင်တန်းတွင် နည်းပြ ဆရာ (၁၃) ယောက် ဖြင့် သင်ကြားပို့ချပြီး၊ ဘွဲ့ရ သင်တန်း ဆရာဆရာမ (၉၀) ယောက်အပြင် ဆယ်တန်းအောင် ဆရာဆရာမ (၁၉) ယောက် စုစုပေါင်း(၁၀၉) ယောက်တက်ရောက်သင်ကြားခဲ့ကြောင်း သိရသည်။
(သတင်းအရင်းအမြစ်- နိရဉ္စရာသတင်းဌာန)

ပုဇွန်မွေးရန်ဆည်ဖို့ထားသောချောင်းကို အစိုးရအာဏာပိုင်များ၏ ခွင့်ပြုချက်ဖြင့် ဖေါက်ချခဲ့သူ လယ်သမား(၈) ဦးတရားစွဲဆိုခံရ

Pauk-taw-si
ချောင်းကို ဖေါက်ချစဉ်က နိရဉ္စရာက ယခုလို မှတ်တမ်းတင်ထားခဲ့သည်။
စစ်အစိုးရလက်ထက်က ပုဇွန်မွေးမြူရန် ပိတ်ဆို့ဆည်ဖို့ထားခဲ့သော ပေါက်တောမြို့နယ်မှ မင်းဗာချောင်း (ခေါ်) ငပြီကြီးချောင်းကို မြို့နယ်အာဏာပိုင်များ၏ ခွင့်ပြုချက်ဖြင့် ဖောက်ချခဲ့သူ လယ်သမား(၈)ဦးကို တရားစွဲဆို လိုက်သည်ဟု သတင်း ရရှိသည်။
ယင်းချောင်း၌ ပုဇွန်မွေးမြူနေသူ ဦးလှထွန်းဖြူမှ တရားလိုပြုလုပ်၍ တရားစွဲဆိုခြင်းဖြစ်ကြောင်း ယင်းအမှုကို တာဝန်ယူ စစ်ဆေးနေသူ ပေါက်တောရဲစခန်းမှ ဒုရဲအုပ်မောင်အေးမှ အတည်ပြုပြောကြားသည်။
“ အကျိုးစီးပွားပျက်စီးစေမူနဲ့  စစ်တပ်က ဌားရမ်းပြီး ပုဇွန် မွေးမြူရေးလုပ်နေတဲ့ စစ်တွေမြို့၊ ဓည၀တီ ရပ်ကွက်က ဦးလှထွန်းဖြူက လွန်ခဲ့တဲ့ ဧပြီလ ၁၂ ရက်နေ့က တရားစွဲတာပါ။  ပေါက်တောရဲစခန်းက အမူအမှတ်  ပ-၅၁/၂၀၁၄၊ ပုဒ်မ-၄၂၇၊၄၄၇ နဲ့ လက်ခံပြီး လယ်သမား(၈)ဦးကို စစ်ဆေးနေပါတယ်” ဟု သူက ပြောသည်။
အများပြည်သူများ အသုံးပြုနေသော မင်းဗာချောင်း(ခေါ်) င/ပြီကြီးချောင်းအား လွန်ခဲ့သော နှစ်ပေါင်း (၁၀) ကျော်က အမှတ်(၈၁၈) ဆက်သွယ်ရေးတပ်ရင်းမှ တပ်ရင်းရန်ပုံငွေရရှိရေး rအတွက်ဟုဆိုကာ စီးပွားရေးလုပ်ရန် သိမ်းယူ သွားခဲ့သည်။
ယင်းနောက်ပိုင်းတွင် စစ်တပ်က ယင်းချောင်းအား ပိတ်ဆို့ပြီး စီးပွားရေးသမားများကို ပုဇွန်လုပ်ကိုင်ရန် ဌားရမ်းခဲ့သည်။ နောက်ဆုံး ပုဇွန်မွေးမြူးရေး လုပ်ကိုင်သူမှာ စစ်တွေမြို့ ဓညဝတီရပ်ကွက်မှ ဦးလှထွန်းဖြူ ဖြစ်သည်။
ယင်းချောင်းကို ပိတ်ဆို့ပြီး ပုဇွန် မွေးမြူခြင်းကြောင့် မိုးရာသီတွင် ယင်းချောင်း တစ်လျှောက်ရှိ လယ်မြေများ အတွင်းသို့ ဆားငန်ရေများ ၀င်ရောက်သဖြင့် လယ်ယာစိုက်ပျိုးရန် ခက်ခဲခြင်း၊ နွေရာသီတွင် ကျွဲနွား သောက်သုံးရေ အခက်အခဲရှိခြင်း၊ ဒေသခံပြည်သူများ သွားရေးလာရေး ခက်ခဲခြင်းများဖြစ်ပေါ်ခဲ့ကြရဟု သိရသည်။
သို့အတွက် ယင်းချောင်းကို ဆည်ဖို့ထားခြင်းအား ဖောက်ချပေးရန် အနီးအနား ကျေးရွာများရှိ ဒေသခံပြည်သူများမှ တောင်းဆိုမူများ အကြိမ်ကြိမ်ပြုလုပ်ခဲ့သည်ဟု သိရသည်။
သို့အတွက် အရပ်သား အစိုးရတက်လာသောအခါ ပေါက်တောမြို့နယ်အုပ်ချုပ်ရေးမှူး ဦးကျော်ငြိမ်း၏ ညွှန်ကြားချက်ဖြင့် လွန်ခဲ့သောဧပြီလ (၁) ရက်နေ့က ရွာသားများက ယင်းချောင်းကို ပြန်လည် ဖောက်ချခဲ့သည်ဟု သိရသည်။
ယင်းချောင်းကို ဖေါက်ချစဉ်က ပေါက်တောမြိုနယ် ဒုတိယမြို့နယ်အုပ်ချုပ်ရေးမှူး၊ ငါးလုပ်ငန်းဌာန ဦးစီးမှူး၊ မြို့နယ် မြေတိုင်းဌာန ဦးစီးမှူးတို့ကပါ လိုက်ပါကြီးကြပ် ဆောင်ရွက်ပေးခဲ့သည်ဟု ဆိုသည်။
အစိုးရတာဝန်ရှိသူများ ကိုယ်တိုင်ပါဝင်ပြီး ချောင်းကို ဖေါက်ချခြင်း ဖြစ်ကြောင်း၊ ဖေါက်ချစဉ် ရဲတပ်ဖွဲ့ဝင်များလည်း ရှိနေခဲ့ကြောင်း၊ သို့သော်လည်း နောက်ဆုံးတွင် လယ်သမား (၈) ဦးကို အကျိုးဖျက်ဆီးမူဖြင့် ဦးလှထွန်းဖြူက တရားစွဲဆိုခဲ့ခြင်း ဖြစ်ကြောင်း၊ ယင်းကို ရဲက အမူလက်ခံပြီး စစ်ဆေးနေခြင်း ဖြစ်ကြောင်း တရားစွဲဆိုခံရသူများ အထဲမှ တစ်ဦးဖြစ်သူ ဦးအောင်ကျော်မင်းက ပြောသည်။
“ကျွန်တော်တို့ကို ချောင်းဖောက်တဲ့နေရာမှာ ဘယ်လိုအစီအစဉ်နဲ့ဖောက်သလဲဆိုပြီး ရဲက စစ်ဆေးပါတယ်။ မြို့နယ်အုပ်ချုပ်ရေးဌာန အပါအဝင် ဌာန(၅) ခုနဲ့ ကျွန်တော်ကိုယ်တိုင် သူတို့နောက်က လိုက်ခဲ့ပြီး တဲတွေကို ခုတ်တယ်၊ ဖျက်ဆီးတယ်လို့  ကျွန်တော်တို့ကို စွပ်စွဲပါတယ်။ ကျွန်တော်တို့က အဲဒီတဲနားကိုတောင် မကပ်ခဲ့ပါဘူး။ ကျွန်တော်တို့ အဲ့ဒီနေ့က နံနက်(၈)နာရီ (၁၅)မိနစ်လောက်မှာ ဌာနဆိုင်ရာတွေနဲ့အတူ ချောင်းဖောက်ဖို့ ဆင်းခဲ့ကြပါတယ်။ ချောင်းဖေါက်ချပြီး ကျွန်တော်တို့ကို (၁၁)နာရီကျော်လောက်မှာ ဌာနဆိုင်ရာတွေက ရွာကိုပြန်ခေါ်လာပါတယ်။ ပြဿနာ တစ်စုံတစ်ရာ မဖြစ်ခဲ့ပါဘူး” ဟုဆိုသည်။
ဦးလှထွန်းဖြူမှ လယ်သမား (၈) ဦးအား တရားစွဲဆိုခြင်းနှင့် ပတ်သက်ပြီး နောက်ကွယ်က ဖိအားတစ်ခုခု ရှိနိုင်ကြောင်း၊ သို့အတွက် အစိုးရတာဝန်ရှိသူများ ကိုယ်တိုင် ကြီးကြပ်ပြီး ဖေါက်ချခဲ့ပါလျှက် လယ်သမား (၈) ဦးကို တရားစွဲခြင်း ဖြစ်ကြောင်း အမည် မဖေါ်လိုသူ ပေါက်တောဒေသခံ တစ်ဦးက ပြောသည်။
ယင်းတရားစွဲဆို စစ်ဆေးခံနေရသူများမှာ – (၁) ဦးအောင်ကျော်ညွှန့်(ဘ)ဦးစိန်မောင်/ကျောက်ဆိပ်ကျေးရွာ (၂) ဦးအောင်ကျော်မင်း (ဘ)ဦးအောင်ကျော်ဇံ/ကျောက်ဆိပ်ကျေးရွာ (၃) ဦးစံရွှေမောင်(ဘ)ဦးလုံးမောင်/ ကျောက်ဆိပ်ကျေးရွာ (၄) ဦးထွန်းအောင်ကျော်(ဘ)ဦးသာအောင်/တောင်ညိုကျေးရွာ (၅)ဦးမောင်သိန်းလှ(ဘ) ဦးမောင်ထွီးဖြူ/တောင်ညိုကျေးရွာ (၆)ဦးသာစိန်အောင်(ဘ)ဦချစ်ထွန်းဦး/ အနောက်ပိုင်းရပ်ကွက် (၇)ဦးသောင်းထွန်းအောင် (ဘ)ဦးသာရ/ဘ၀မ်းချောင်းဝစုရပ်ကွက် (၈) ဦးအောင်စိုး(ဘ) ဦးလှသိန်းကျော်/ ဘဝမ်းချောင်းဖျားစု ရပ်ကွက် တို့ဖြစ်ကြကြောင်း ပေါက်တောရဲစခန်းက ပြောသည်။
(သတင်းအရင်းအမြစ်- နိရဉ္စရာသတင်းဌာန)

မြန်မာ-ဘင်္ဂလားဒေ့ရှ် နယ်စပ် ပစ်ခတ်မှု ရဲတပ်သား ၄ ဦး ကျဆုံး

 မြန်မာ-ဘင်္ဂလားဒေ့ရှ် နယ်စပ်, ရဲတပ်ဖွဲ့ဝင်, တိုက်ပွဲ, ဘူးသီးတောင်, မောင်တော, ရခိုင်
မြန်မာ-ဘင်္ဂလားဒေ့ရှ် နယ်စပ်တွင် တာဝန် ထမ်းဆောင်နေသော ရဲဝန်ထမ်း တဦးကို ၂၀၁၂ ခုနှစ် အတွင်းက တွေ့ရစဉ် (ဓာတ်ပုံ – ဂျေပိုင် / ဧရာဝတီ)

မြန်မာ နယ်ခြားစောင့် လုံခြုံရေး တပ်ဖွဲ့နှင့် ဘင်္ဂလားဒေ့ရှ် နိုင်ငံဘက်မှ အမည်မသိ အကြမ်းဖက် လက်နက်ကိုင် တပ်ဖွဲ့တို့ အကြား မေလ ၁၇ ရက်က အပြန်အလှန် ပစ်ခတ်မှုကြောင့် မြန်မာ ရဲတပ်ဖွဲ့ဝင် ၄ ဦး ကျဆုံးကြောင်း သိရသည်။
“မေလ ၁၇ ရက်နေ့ တိုက်ခိုက်မှုမှာ တပ်သား ၄ ဦး ကျဆုံးပြီး ဒုရဲအုပ် တဦး ဒဏ်ရာ ရပါတယ်၊ ၂ ဦး ပျောက်နေတာတော့ ပြန် တွေ့ပါပြီ၊ ကျဆုံးတဲ့ တပ်ဖွဲ့ဝင်တွေရဲ့ အလောင်းတွေကိုလည်း ပြန်ရပါတယ်၊ ဒီနေ့ အခြေအနေကတော့ အေးအေး ဆေး ဆေးပါပဲ”ဟု မောင်တော ခရိုင် ရဲတပ်မှူးရုံးမှ တာဝန်ရှိသူ တဦးက ဧရာဝတီကို ပြောသည်။
မြန်မာ-ဘင်္ဂလားဒေ့ရှ် နယ်စပ်တွင် လုံခြုံရေး တာဝန် ယူထားသည့် လုံထိန်း ရဲ တပ်ဖွဲ့ဝင်များသည် မိုင်တိုင် အမှတ် ၅၂ အနီး ၀န်းကျင်၌ ကင်းလှည့်နေစဉ် ဘင်္ဂလားဒေ့ရှ် နယ်စပ်တွင် အခြေစိုက် လှုပ်ရှားနေသည့် RSO (Rohingya Solidarity Organization ) အကြမ်းဖက် အဖွဲ့ဝင် အင်အား ၆၀ ၀န်းကျင်က ခြုံခို တိုက်ခိုက်မှုကြောင့် မြန်မာ ရဲတပ်ဖွဲ့ဝင်များ သေဆုံးခဲ့ခြင်း ဖြစ်ကြောင်းလည်း ၎င်းက ဆက်ပြောသည်။
တိုက်ခိုက်မှု ဖြစ်ပွားခဲ့သည့် နယ်စပ် တလျှောက်၌ လုံခြုံရေး တပ်ဖွဲ့ဝင်များ အပြင် ဒေသဆိုင်ရာ စစ်တပ်ကပါ တာဝန်ယူ ဆောင်ရွက်နေကြောင်း၊ လက်ရှိတွင် တည်ငြိမ်နေပြီ ဖြစ်ကြောင်း ရခိုင်ပြည်နယ် အစိုးရ၏ သတင်းထုတ်ပြန်ရေး တာဝန်ခံ ဦးဝင်းမြိုင်ကလည်း ဧရာဝတီကို ပြောသည်။
“ဒီတိုက်ခိုက်မှုတွေနဲ့ ပတ်သက်ပြီး ဘင်္ဂလားဒေ့ရှ် အစိုးရနဲ့ ဆွေးနွေးဖို့ အစီအစဉ် မရှိသေးပါဘူး၊ နယ်စပ် ဒေသေတွေမှာက ဘယ်နယ်စပ်ပဲ ဖြစ်ဖြစ် ဒီလိုဖြစ်လေ့ ရှိပါတယ်၊ အခု ဖြစ်နေတာလည်း ဘယ်အဖွဲ့နဲ့ ဆိုတာ ကျနော်တို့ တိတိကျကျ ပြောလို့ မရသေးပါဘူး”ဟုလည်း ၎င်းက ပြောဆိုသည်။
မေ ၁၇ ရက်က တိုက်ခိုက်မှုများကြောင့် ကျဆုံးခဲ့သည့် ရဲတပ်ဖွဲ့ဝင်များမှာ တပ်သား သီဟအောင်၊ လှမင်း၊ မင်းထွေး၊ နေလင်း စိုးတို့ ဖြစ်ပြီး၊ ဒဏ်ရာ ရရှိခဲ့သည့် ဒုရဲအုပ် နွေဦးမောင်မှာ မောင်တောဆေးရုံ၌ ဆေးကုသမှု ခံယူလျက် ရှိကြောင်း သိရသည်။
အလားတူ မေလ ၁၃ ရက်က နယ်ခြား မှတ်တိုင် အမှတ် ၃၉ အနီး အပြန်အလှန် ပစ်ခတ်မှုကြောင့် အကြမ်းဖက် အဖွဲ့မှ လူ ၂ ဦး သေဆုံးခဲ့သည်ဟု သိရှိရကြောင်း မောင်တော ခရိုင် ရဲတပ်ဖွဲ့မှ ဒုရဲမှူးကြီး ရွှေသန်းက ဧရာဝတီကို ပြောသည်။
ယင်းအကြမ်းဖက် လက်နက်ကိုင် အဖွဲ့အား မည်သည့် အဖွဲ့ဟု အတိအကျ မပြောနိုင်သော်လည်း ဘင်္ဂလားဒေ့ရှ် နယ်စပ်တွင် လှုပ်ရှားနေသည့် အကြမ်းဖက် အုပ်စုမှာ RSO  အဖွဲ့သာ ရှိကြောင်း ဒုရဲမှူးကြီး ရွှေသန်းက ဆက်ပြောသည်။
မြန်မာ-ဘင်္ဂလားဒေ့ရှ် နယ်စပ်၌ ခြံစည်းရိုး ကာရံနေသည့် တပ်ဖွဲ့ တချို့နှင့် နယ်ခြားစောင့် လုံထိန်း တပ်ဖွဲ့တို့က သက်ဆိုင်ရာ စခန်း အလိုက် တာဝန် ယူထားခြင်း ဖြစ်ပြီး စခန်း တခုလျှင် လူ ၇ ဦး ၀န်းကျင်သာ ရှိကြောင်း သိရသည်။
မောင်တော နယ်စပ် ဒေသတွင် တာဝန်ယူထားသည့် နယ်ခြားစောင့် ရဲတပ်ဖွဲ့ဝင်များသည် ရက်တိုသင်တန်း တက်ရောက်ပြီး တာဝန် ထမ်းဆောင် နေကြရသူများ ဖြစ်ကြောင်း၊ ၎င်းတို့သည် စစ်ရေး တိုက်ခိုက်မှု အတွေ့အကြုံ မရှိသည့် အပြင် ၎င်းတို့ ကိုင်ဆောင်ထားသည့် လက်နက်များမှာလည်း အရည်အသွေး ညံ့ကြောင်း၊ ယင်းအခြေအနေများကြောင့် တိုက်ပွဲ ဖြစ်ပါက လုံထိန်း ရဲတပ်ဖွဲ့တို့၏ အသက်အန္တရာယ်ကို စိုးရိမ်ရကြောင်း မောင်တော ဒေသခံများက ပြောဆိုသည်။
(ဤသတင်းအား ဧရာဝတီသတင်းဌာနမှ ကူးယူဖော်ပြပါသည်)

ဆင်းရဲနွမ်းပါး ရခိုင် ဒေသများ အတွက် ဖွံ့ဖြိုးရေး အကူအညီ မရေရာသေး

ရခိုင်, ဘင်္ဂါလီ,  ကုလသမဂ္ဂ, UN, INGO ,NGO , WFP, လူသားချင်း စာနာမှု ဆိုင်ရာ အကူအညီ
ရန်ကုန်မြို့တွင် ၂၀၁၂ ခု သြဂုတ် ၁၉ ရက်က ကုလသမဂ္ဂ နှင့် နိုင်ငံတကာ INGO များကို ဆန္ဒပြနေသော ရခိုင် လူငယ်များ (ဓာတ်ပုံ – ဧရာဝတီ)

ရခိုင်ပြည်နယ်အတွင်းမှာ လူသားချင်း စာနာမှု ဆိုင်ရာ အကူအညီတွေကို ထောက်ပံ့ပေးနေကြတဲ့ ကုလသမဂ္ဂ(UN) လက်အောက် ခံ အဖွဲ့တွေနဲ့နိုင်ငံတကာ INGOs, NGO အဖွဲ့တွေ အနေဖြင့် ဒေသခံ ရခိုင်တိုင်းရင်းသားတွေရဲ့ ဖွံဖြိုးရေး လုပ်ငန်းတွေအတွက် မျှမျှတတ ဆောင်ရွက်ပေးဖို့ ကတိပေး၊ သဘောတူထားပေမယ့် လက်တွေ့မှာ ဘာမှဆောင်ရွက်မှု မရှိသေးဘူးလို့ စစ်တွေ ဒေသခံ တွေ က ပြောကြပါတယ်။
ရခိုင်ဒေသက ဒေသခံ ရခိုင်လူမျိုးတွေနဲ့ဘင်္ဂါလီလူမျိုး တွေ နှစ်ဘက်စလုံးမှာ အကူအညီလိုအပ်နေကြပေမယ့် နိုင်ငံတကာ အဖွဲ့တွေက ဘင်္ဂါလီတွေကိုသာ ဘက်လိုက်ပေးတယ်ဆိုပြီး ဆန့်ကျင် ကန့်ကွက်မှုတွေ ဖြစ်ပေါ်ပြီးနောက်ပိုင်းမှာတော့ နှစ်ဘက်စလုံးကို အကူအညီပေးဖို့ကို ပြည်ထောင်စု အစိုးရ၊ ပြည်နယ်အစိုးရ၊ ဒေသခံ ရပ်မိရပ်ဘတွေနဲ့ တွေ့ဆုံးပြီး ဧပြီလအတွင်းက ကတိပေးခဲ့ကြ ပါတယ်။
“ဒေသခံ ဖြွံဖိုးရေးအတွက် ဘာလုပ်ပေးမယ်၊ ညာလုပ်ပေးမယ် ဆိုတာမျိုးတွေက ခဏခဏ ပြောနေကြတာပဲ၊ ဒါပေမယ့် လက်တွေ့ မှာက ဘာမှဖြစ်မလာတော့ ၀ါဒ ဖြန့်ရုံ သက်သက်ပဲ ဖြစ်နေတယ်၊ ဒေသတွင်းမှာ လုပ်ဆောင်နေတဲ့ ကိစ္စတွေကိုလည်း မြို့ခံလူထု က ဘာမှ မသိရပါဘူး၊ ရပ်မိရပ်ဘဆိုသူတွေကလည်း သူတို့ စိတ်ကြိုက်လူတွေကို ခေါ်ယူခန့်ထား သူတွေပါ” လို့ စစ်တွေ ဒေသခံနဲ့ပြည်နယ် လွှတ်တော် ကိုယ်စားလှယ် ဦးအောင်မြကျော် က ပြောပါတယ်။
ဒါ့အပြင် ဒေသဆိုင်ရာ ဖွံ့ဖြိ်ုးရေး၊ အကူအညီပေးရေး ကိစ္စတွေအတွက်လည်း အစိုးရ အာဏာပိုင်တွေအနေနဲ့ သက်ဆိုင်ရာ လွှတ်တော် ကိုယ်စားလှယ်တွေနဲ့ပူးပေါင်း ဆောင်ရွက်မှု လုံးဝ မရှိဘူးလို့ ဆိုပါတယ်။
ဒေသခံတွေကို ကူညီပေးဖို့ စစ်တွေ ရပ်မိရပ်ဘတွေ၊ ပြည်နယ်အစိုးရအဖွဲ့နဲ့ပြည်ထောင်စု အဆင့် ၀န်ကြီးတချို့ပါဝင် ဖွဲ့စည်းထားတဲ့ အရေးပေါ် ပေါင်းစပ်ညှိနှိုင်းရေး စင်တာ(ECC) အဖွဲ့ဝင်တွေနဲ့ နိုင်ငံတကာအဖွဲ့တချို့က တာဝန်ရှိသူတွေဟာ စစ်တွေမြို့နယ်အတွင်း က ဖွံ့ဖြိုးမှု အနိမ့်ကျဆုံးကျေးရွာ ၃ ခု ကို ပြီးခဲ့တဲ့ သီတင်းပတ် အနည်းငယ်က သွားရောက်လေ့လာခဲ့ပြီး ရွာခံတွေနဲ့ တွေ့ဆုံကာ ကူညီပေးမယ့် အရာတွေ ကို ပြောဆိုသွားကြပါတယ်လို့ ဒေသခံတွေက ပြောပါတယ်။
ECC အဖွဲ့ကို ပြည်ထောင်စု အဆင့် နယ်စပ်ရေးရာ ဒု ၀န်ကြီး ဗိုလ်ချုပ်မောင်မောင်အုန်း က ဥက္ကဋ္ဌ တာဝန်ယူ ဆောင်ရွက် နေတာဖြစ်ပြီး ဒုက္ခသည် စခန်းများထက် ဆင်းရဲကျပ်တည်းနေတဲ့ ရခိုင်တိုင်းရင်းသား ကျေးရွာတွေအတွက် ဖွံ့ဖြိုးရေး စီမံကိန်းတွေ စတင် ရေး ဆွဲနေပြီဖြစ်တယ်လို့ ဆိုပါတယ်။
ဗိုလ်ချုပ် မောင်မောင်အုန်း က “ထောက်ပံ့တဲ့ နေရာမှာ မျှတစွာ ထောက်ပံ့ဖို့ လိုလာပြီ။ ပြီးတော့ ရခိုင်ပြည်နယ်မှာလည်း ဖွံ့ဖြိုးရေး စီမံကိန်းတွေပါ ထည့်တော့မှ မျှတတော့မယ်၊ ကယ်ဆယ်ရေး တခုတည်းဆိုရင် ဟိုဘက်ကိုပဲ ရောက်တော့မယ် ဆိုတော့ UN က ဖွံ့ဖြိုးရေး စီမံကိန်းတွေ စလုပ်ဖို့ ပြင်နေပြီ” လို့ ဧရာဝတီကိုပြောပါတယ်။
လတ်တလောမှာတော့ ဖွံ့ဖြိုးမှု အနည်းဆုံး ကျေးရွာများအဖြစ် မြို့ခံတာဝန်ရှိသူတွေဘက်က တင်ပြလာတဲ့ ရခိုင်ပြည်နယ်၊ စစ်တွေမြို့အနီးက ကုန်းရေပေါ်ရွာ၊ လွန်မထက်ရွာနဲ့ သုံးဆောင်ရွာ တို့ကို UN လက်အောက်ရှိ INGO အဖွဲ့တွေနဲ့ နယ်စပ်ရေးရာလုံခြုံရေး ဝန်ကြီးဌာန၊ ရခိုင်ပြည်နယ်အစိုးရတို့က ပူးပေါင်းပြီး ရေ၊ မီး၊ လမ်း၊ တံတားနဲ့ ရေတွင်း၊ ရေန်ကန်တွေ ရရှိရေးကို ၃ လအတွင်း တပြိုင် တည်းလုပ်ဆောင် ပေးသွားမယ်လို့ ဆိုပါတယ်။
“အဲဒီ ၃ ရွာထဲက တရွာဖြစ်တဲ့ ကုန်းရေပေါ်ဆိုတဲ့ ရွာကို UN အဖွဲ့တွေနဲ့ သွားတယ်။ အဲဒီမှာတင် UN နဲ့ INGO တွေ မျက်ရည်ကျ သွားတယ်။ တိုင်းရင်းသားတွေရဲ့ တကယ့် အခြေအနေမှန်ကို သူတို့ နားလည်သွားတယ်” လို့ ဗိုလ်ချုပ်မောင်မောင်အုန်း က ပြောပါတယ်။
ဆင်းရဲနွမ်းပါးတဲ့ ရခိုင်ကျေးရွာတွေကို ဖွံ့ဖြိုးရေး အကူအညီတွေပေးဖို့ စီမံကိန်းတွေရေးဆွဲနေပြီလို့ ဗိုလ်ချုပ် မောင်မောင်အုန်းက ပြောဆိုနေပေမယ့် ရခိုင်ပြည်နယ် အစိုးရက ဖွဲ့စည်းထားပေးတဲ့ ပြန်ကြားရေးအဖွဲ့ တာဝန်ခံ ဦးဝင်းမြိုင် နဲ့ ရန်ကုန်အခြေစိုက် UN ရုံး ပြောရေးဆိုခွင့်ရှိသူ ဦးအေးဝင်း တို့ပြောတာကတော့ လေ့လာတဲ့ အဆင့်မှာပဲရှိသေးတယ်လို့ ဆိုပါတယ်။
ဦးအေးဝင်းက “အဲဒီ့ (ရခိုင်) ရွာတွေကိုကနဦးသွားပြီးတော့ လေ့လာဆဲ၊ အဲဒီကလူတွေနဲ့ စကားပြောတဲ့ အဆင့်ပဲ ရှိပါသေးတယ်၊ ဘာမှ မလုပ်ရသေးပါဘူး၊ နည်းနည်းအချိန်ယူရဦးမှာပါ”လို့ ဧရာဝတီကို ပြောပါတယ်။
ရခိုင်ပြည်နယ်ထဲမှာ ၂၀၁၂ ဇွန်နှင့် အောက်တိုဘာလထဲမှာ ရခိုင် တိုင်းရင်းသားတွေနဲ့ ဘင်္ဂါလီ လူမျိုးတွေအကြား ပဋိပက္ခတွေ ဖြစ် ပွားခဲ့ပြီး လူပေါင်း ၁ သိန်းကျော် အိုးမဲ့အိမ်မဲ့ဖြစ်ခဲ့ကြရပါတယ်။ နှစ်ဘက်လုံးမှာ အခက်အခဲနဲ့ ရင်ဆိုင်နေရာတာ၊ ဒုက္ခရောက် နေကြ ရတာတွေ တူကြပေမယ့် နိုင်ငံတကာ NGO ရုံးတွေက ဘင်္ဂါလီလူမျိုးတွေဘက်ကို ဘက်လိုက်ကူညီပေးတယ်ဆိုပြီး ဒေသခံ ရခိုင် တိုင်းရင်းသားတွေက ကန့်ကွက် ဆန့်ကျခဲ့ကြပါတယ်။
မတ်လ ၂၆ ရက်နှင့် ၂၇ ရက်ကလည်း စစ်တွေမြို့မှာ လူအုပ်စုအဖွဲ့တွေက NGO ရုံးတွေထွက်သွားဖို့ ဆန္ဒပြရင်း ရုန်းရင်းဆန်ခတ်ဖြစ်ပွားခဲ့ကြပါသေးတယ်။ ကမ္ဘာ့ စားနပ်ရိက္ခာ အစီအစဉ်(WFP) ရဲ့ ပစ္စည်းသိုလှောင်ထားတဲ့ ဂိုဒေါင်နဲ့ NGO ရုံးတချို့ကိုလည်း ဖျက် ဆီး ခဲ့ကြပါတယ်။ အဲဒီလူအုပ်စုကို ရဲတပ်ဖွဲ့က ပစ်ခတ် လူစုခွဲခဲ့ရာမှာ အသက် ၁၃ နှစ်အရွယ် ကလေးငယ်တဦး သေဆုံးခဲ့ရပါတယ်။
(ဤသတင်းအား ဧရာဝတီသတင်းဌာနမှ ကူးယူဖော်ပြပါသည်)
-------------------------------------------------------------------------------------------------------------------
(ဘလော့ရေးသူ၏ မှတ်ချက်- ယခုသတင်းတွင်ဖော်ပြထားသော ကျေးရွာများ၏ အမည်မှန်များမှာ အုန်းရေဖော်ကျေးရွာ(ရေချမ်းပြင်တစ်ဖက်ကမ်း)၊ ဇော်မဒတ်ကျေးရွာနှင့် သုံးဆောင်ရွာ တို့ဖြစ်ပါသည်)

Friday, May 9, 2014

မြန်မာ- ဘင်္ဂလာဒေခ်ျ့ နှစ်နိုင်ငံ နယ်စပ် တပ်မှူးအဆင့်ဆွေးနွေးပွဲ ကော့စ်ဘဇားတွင် ပြုလုပ်

BGB_flag meeting
( ဓါတ်ပုံ- အင်တာနက်)
မြန်မာ-ဘင်္ဂလာဒေခ်ျ့ နှစ်နိုင်ငံ  နယ်စပ် တပ်မှူးအဆင့် အလံတင်ဆွေးနွေးပွဲကို ယမန်နေ့က မြန်မာနယ်စပ်အနီးရှိ ကော့စ်ဘဇားမြို့တွင် ပြုလုပ်ခဲ့သည်။
ယင်းအစည်းအဝေးတွင် စိတ်ကြွဆေးပြားများ မြန်မာဘက်မှ ဘင်္ဂလာဒေခ်ျ့သို့ ၀င်ရောက်နေမူကို တားဆီးကာကွယ်ရန် အဓိက ဆွေးနွေးခဲ့ကြသည်ဟု သိရသည်။
မြန်မာတာဝန်ရှိသူများ အနေဖြင့် မြန်မာဘက်မှ ၀င်ရောက်နေသော စိတ်ကြွဆေးပြားများ ၀င်ရောက်နေမူကို တားဆီးပေးရန်  ဘင်္ဂလာနယ်ခြားစောင့် တပ်မှ တောင်းဆိုခဲ့သည်ဟု တာဝန်ရှိသူ တစ်ဦးက ပြောသည်။
“ ဆွေးနွေးပွဲမှာ  မြန်မာဘက်မှာ တည်ရှိနေတဲ့  စိတ်ကြွဆေးပြား စက်ရုံများကို ပိတ်ပေးဖို့နဲ့ မြန်မာဘက်မှ စိတ်ကြွ ဆေးပြားများ ဘင်္ဂလာသို့ ၀င်ရောက်နေတာတွေကို တားဆီးရာမှာ မြန်မာဘက်က  ကူညီပူးပေါင်းပါဝင်ရန်စတဲ့ အချက်တွေကို ဘင်္ဂလာအရာရှိတွေက တောင်းဆို ခဲ့ကြပါတယ်” ဟု ဆိုသည်။
၎င်းအပြင် နှစ်နိုင်ငံ နယ်စပ်စီးပွားရေးလုပ်ငန်းများကို ပိုမိုမြှင့်တင်ရန် ကိစ္စများကိုလည်း ဆွေးနွေးခဲ့ကြသည်ဟု သူက ဆက်ပြောသည်။
ဆွေးနွေးပွဲကို မြန်မာဘက်မှ ရဲမှူးကြီး တင်ကိုကိုဦးဆောင်သော ရဲအရာရှိများ၊ လူဝင်မှုကြီးကြပ်ရေးဌာနမှ အရာ ရှိများ၊ အကောက်ခွန်အရာရှိများအပါအ၀င် စုစုပေါင်း ၂၁ ဦးတက်ရောက်ခဲ့သည်။
ဘင်္ဂလာနယ်ခြား စောင့်တပ်မှ ဖလောင်းချိတ်ခရိုင် Depurty Director General, Khondoker Farid Hassan ဦးဆောင်ပြီး ၂၂ ဦးတက် ရောက်ခဲ့သည်။
နံနက်ပိုင်း ၁၁ နာရီခန့်က စတင်ခဲ့သော ဆွေးနွေးပွဲမှာ နေ့လည် ၂ နာရီကျော်တွင်ပြီးဆုံးသွားပြီး မြန်မာဘက်မှဆွေးနွေးပွဲ တက်ရောက်လာသူများမှာ ညနေ ၅ နာရီခန့်တွင် ပြန်သွားကြောင်း သိရသည်။
(သတင်းအရင်းအမြစ်- နိရဉ္စရာသတင်းဌာန)

မောင်တောနယ်မှ အိန္ဒိယ ကသည်းလူမျိုး (၃၃၇) ဦးတို့ ဗုဒ္ဓဘာသာသို့ ကူးပြောင်း

Khathay
အိန္ဒိယနိုင်ငံမှ လာရောက်ပြီး မြန်မာနိုင်ငံ အနောက်ဘက်နယ် စပ် မောင်တောမြို့နယ်တွင် ရွာတည်ပြီးနေကြသော ဘာသာမဲ့ ကသည်းလူမျိုး (၃၃၇) ဦးတို့သည် မေလ (၆) ရက်နေ့က ဗုဒ္ဓဘာသာသို့ ကူးပြောင်းခဲ့ကြသည်ဟု သတင်း ရရှိသည်။
၎င်းဘာသာကူးပြောင်းသော အခမ်းအနားအား ရခိုင်ပြည်နယ်၊ မောင်တောမြို့ အလိုတော်ပြည့် ကျောင်းတိုက်အတွင်း ကျင်းပပြုလုပ်ခဲ့သည်။
၎င်းကသည်းလူမျိုးတို့သည် ပြည်တွင်း၊ ပြည်ပ သာသနာပြု အလိုတော်ပြည့်ဆရာတော်ကြီး ဒေါက်တာဘဒ္ဒန္တအရိယ၀ံသ၏ မေတ္တာရိပ်ကို ခိုလှုံကာ ဗုဒ္ဓ၏ အဆုံးအမတော်ကို ခံယူခဲ့ကြခြင်း ဖြစ်ကြောင်း အရှင်ကုမာရခေါ် ဦးဇင်းဘီလူးက ပြောသည်။
ကသည်းလူမျိုး (၃၃၇) ဦးထဲမှ အမျိုးသား (၁၈) ဦးသည် ရဟန်းဝတ်ခဲ့ကြသည်ဟု သိရသည်။
Khathay
ယင်းအခမ်းအနားသို့ သာသနာရေးဝန်ကြီးဌာန ပြည်ထောင်စုဝန်ကြီး ဦးဆန်းဆင့်၊ နယ်စပ်ရေးရာဝန်ကြီးဌာန  ပြည်ထောင်စု ဒုတိယ၀န်ကြီး ဗိုလ်ချုပ်မောင်မောင်အုန်း၊ ရခိုင်ပြည်နယ် အစိုးရအဖွဲ့ ၀န်ကြီးချုပ် ဦးလှမောင်တင်၊ အနောက်ပိုင်တိုင်းစစ်ဌာနချုပ် ဗိုလ်ချုပ်ကိုကိုနိုင် တိုင်းမှူး နှင့် ပြည်နယ်အစိုးအရအဖွဲ့ဝင်းများ ဌာနဆိုင်ရာ အရာရှိများနှင့်အတူ ဒေသခံပြည်သူ ၁၂၀၀ ကျော်တက်ရောက်ခဲ့ကြောင်း ဦးဇင်းက ဆက်လက် ပြောဆိုသည်။
၎င်းကသည်းလူမျိုးများအား ဗိုလ်ချုပ်ခင်ညွှန့် ထောက်လှမ်းရေး အကြီးအကဲဘ၀ဖြင့် ရှိနေစဉ် ၁၉၉၅ ပတ်ဝန်းကျင်က မောင်တောမြို့နယ် မြောက်ပိုင်း ငရံ့ချောင်းတွင် နေရာချပေးထားခဲ့သည်။
နေရာချပေးထားသည့် ရည်ရွယ်ချက်ကိုမူ ယခုအချိန် သဲကွဲစွာ မသိရှိရသေးကြောင်း မောင်တော ဒေသခံတို့က ပြောသည်။
(သတင်းအရင်းအမြစ်- နိရဉ္စရာသတင်းဌာန)

ကမန်လူမျိုးများကို ရက္ခိုင့်တပ်မတော်တွင် တပ်ဖွဲ့ဝင်အဖြစ် လက်ခံမည့်ကိစ္စ ဘူးသီးတောင်ဒေသခံတို့မေးမြန်း

Arakan Army (AA)
ရက္ခိုင့်တပ်မတော်- Arakan Army ( AA) မှ ဒုစစ်ဦးစီးချုပ် ဗိုလ်မှူးကြီး ဒေါက်တာညိုထွန်းအောင်ဦးစီးသော ကိုယ်စားလှယ်အဖွဲ့နှင့် ဘူးသီးတောင်မြို့ ဒေသခံတို့ ယနေ့ နေ့လယ်က တွေ့ဆုံရာ ကမန်လူမျိုးများကို ရက္ခိုင့်တပ်မတော်တွင် တပ်ဖွဲ့ဝင်အဖြစ် လက်ခံမည်ဆိုသည်မှာ ဟုတ်မှန်ပါသလားဟု ဒေသခံတစ်ဦးက မေးမြန်းခဲ့သည်ဟု ဆွေးနွေးပွဲသို့ တက်ရောက်ခဲ့သူ ဗေဒါပျံက နိရဉ္စရာသို့ သတင်း ပေးပို့သည်။
ရက္ခိုင်တပ်မတော် ကိုယ်စားလှယ်အဖွဲ့သည် ယနေ့ နေလယ်က ရွှေပြည်တန်အမြန်ရေယာဉ်ဖြင့် ဘူးသီးတောင်မြို့သို့ ဆိုက်ရောက်လာခဲ့ကြရာ ပြည်သူ တစ်ထောင်ခန့်က စီတန်းကြိုဆိုခဲ့ကြသည်။ ယင်းနောက်ပိုင်း ဘူးသီးတောင်မြို့၊ အေးစေတီပရိယတ္တိစာသင်တိုက်၊ ဓမ္မာရုံတွင် မြို့လူထုနှင့် တွေ့ဆုံရာဒေသခံ ပြည်သူတစ်ဦးက“ ကမန်လူမျိုးများကို ရက္ခိုင့်တပ်မတော်တွင် တပ်ဖွဲ့ဝင်များအဖြစ် လက်ခံမည်ဟု Facebook တွင် တွေ့ရှိကြောင်း၊ ၎င်းကိစ္စ မှန် မမှန် ရှင်းလင်းပေးစေလိုကြောင်း” မေးမြန်းခဲ့သည်ဟု ဆိုသည်။
ယင်းသို့  ပြည်သူတစ်ဦး၏ မေးမြန်းချက်ကို ရက္ခိုင့်တပ်မတော်မှ ဗိုလ်မှူးကြီးကျော်ဟန်က
“ ရခိုင့်တပ်မတော်အနေနဲ့ တင်ပြရဖို့ဆိုရင် ကမန်လူမျိုးဆိုတာ ရခိုင် တစ်ပြည်နယ်လုံးမှာ အမှန် သုံးသောင်းလောက်ပဲ ရှိပါတယ်။ ဒါပေမယ့် လက်ရှိအခြေအနေမှာ ရန်ကုန်တစ်ခုတည်းမှာ ကမန်အမည်ခံပြီး နေထိုင်သူ တစ်သိန်းကျော်ရှိတယ်လို့ သိရပါတယ်။ တစ်ဖက်ကလည်း ကမန်လူမျိုးဆိုတာ တိုင်းရင်းသား (၁၃၅)မျိုးထဲမှာ ပါနေသလို ရှေးယခင် ရခိုင်မင်း အဆက်ဆက် ကလည်း လေးသည်တော်အဖြစ်ခန့်အပ်ပြီး ရခိုင်မျိုးနွယ်စုအဖြစ် သတ်မှတ်ခဲ့ပါတယ်။ ရှောင်ရှုခန်ဗလီဆိုပြီး ဆောက်ပေးခဲ့တာတောင်ရှိတယ်။ နောက်တစ်ဖက်က ဘင်္ဂလီတွေဟာ သူတို့လိုချင်တဲ့ နာမည်အသုံးအနုန်း အတိုင်း သုံးခွင့်မရခဲ့တဲ့အခါ ကမန် ဆိုတဲ့ လူမျိုး အမည်ကို ပြောင်းသုံးဖို့ စိတ်ပြင်းပြလာကြပါတယ်။ ဒီတော့ သုံးသောင်းလောက်ရှိတဲ့ ကမန်လူမျိုးတွေကို ကျွန်တော်တို့ ဘက်ကို သွင်းမလား၊ ဒါမှမဟုတ် သန်းနဲ့ချီရှိနေတဲ့ ဘင်္ဂလီတွေကို ကမန် လူမျိုးအမည်ခံဖို့ အသုံးပြုခွင့် ပေးမလားဆိုတာ တော်တော်ကြီးကို အလေးအနက်ထား စဉ်းစား ရပါလိမ့်မယ်။ တကယ်လို့သာ သူတို့ကို ကျွန်တော်တို့ ရင်ခွင်ထဲကို မစည်းရုံးနိုင်ခဲ့ရင် ကမန်တွေက ဘင်္ဂလီတွေဘက် ပါသွားခဲ့ပြီး ကမန်အတုလုပ်သူ ဘင်္ဂလီတွေကို ကမန်မျိုးနွယ်စုပါလို့ ထောက်ခံလာခဲ့မယ်ဆိုရင် အန္တရာယ်ဟာ ပိုကြီင်္းထွားလာနိုင်ပါတယ်။ ဒါကို အလေးအနက်ထား စဉ်းစားရပါမယ်။ ဒါက ကျွန်တော့်ရဲ့ သဘောထားပါ။ ဒါကို ရက္ခိုင်တပ်မတော်မှာ လက်ခံဖို့ကို တင်ပြသွားမှာဖြစ်ပါတယ်။ ဘာဖြစ်လို့ သူတို့ကို စစ်သည်တော်အဖြစ် လက်ခံစေချင်တာလဲဆိုရင် ဒီနေ့နိုင်ငံရေးအခင်းအကျင်းမှာ အိုအိုင်စီ အပါအ၀င် သူရဲ့ အဖွဲ့ဝင် နိုင်ငံတွေက အစ္စလာမ်ဘာသာဝင်တွေကို ကျွန်တော်တို့ ရခိုင်တွေက တိုက်ခိုက်နေတယ်လို့ စွပ်စွဲနေကြတယ်။ ကျွန်တော်တို့က အစ္စလာမ်ဘာသာကို တိုက်ခိုက်နေတာ မဟုတ်ဘူး။ ကျွန်တော်တို့က မတရားကျူးကျော်သူ ဘင်္ဂလီတွေကို ခုခံနေတာသာဖြစ်တယ်။ ကမန်လူမျိုးတွေကို ကျွန်တော်တို့ လက်ခံခြင်းအားဖြင့် အစ္စလာမ်ဘာသာဝင်တွေကို ဦးတည် တိုက်ခိုက်တာမဟုတ်ကြောင်း ဖြေရှင်းနိုင်ဖို့ အခွင့်အလမ်း တစ်ခု ဖြစ်လာပါမယ်”ဟု ဖြေဆိုသည်။
Arakan Army (AA)
သို့သော်လည်း သူက လက်ခံမည့် ဆိုရာတွင် အကန့်အသတ်ကြောင်း၊ မိမိလုံခြုံရေးအတွက် အချိုးကျ လက်ခံနိုင်မည့် အင်အားကို သတ်မှတ်ရမည် ဖြစ်ကြောင်း၊ လက်ရှိရခိုင်ပြည်နယ်၏ အခြေအနေ၊ နိုင်ငံတကာ၏ နိုင်ငံရေး အခင်းအကျင်းအရ သုံးသပ်ချက် ဖြစ်ကြောင်း၊ ယင်းကို  ရခိုင်အမျိုးသား ညီလာခံမှာ တင်ပြခဲ့ပြီ ဖြစ်ကြောင်း၊  ဒီကပြန်ရင် ရခိုင့်တပ်မတော်မှာ တင်ပြသွားမည် ဖြစ်ကြောင်း ဖြေဆိုသွားခဲ့သည်ဟု ဆိုသည်။
ယင်းနောက်ပိုင်းတွင် ရက္ခိုင့်တပ်မတော် (AA) နှင့် ရခိုင်ပြည် လွတ်မြောက်ရေးတပ်မတော် ALA နှင့် အမြန်ဆုံး ပူးပေါင်းနိုင်ရန် ညှိနှိုင်းမှုများ ရှိနေပြီဖြစ်ကြောင်းလည်း ပြောကြားသွားသည်။
ရက္ခိုင့်တပ်မတော်သည် ရခိုင်ပြည်နယ်စပ် လုံခြုံရေးအတွက် တာဝန်ယူသွားနိုင်မည့် အခြေအနေများနှင့် ပတ်သက်၍ ဖြစ်နိုင်ခြေအများကြီးရှိကြောင်း၊  ပြည်ထောင်စု ငြိမ်းချမ်းရေးဖော်ဆောင်ရေး ဆွေးနွေးပွဲများတွင်လည်း တင်ပြ ဆွေးနွေးနေကြာင်း၊ အစိုးရနှင့်ရော တပ်မတော်နှင့်ပါ ညှိနှိုင်းနေကြောင်း ဗိုလ်မှူးကြီး ကျော်ဟန်က ရှင်းပြပြောဆိုသည်။
ရက္ခိုင့်တပ်မတော်မှ ကိုယ်စားလှယ်အဖွဲ့တွင် အဖွဲ့ဝင်(၁၄)ဦးပါဝင်ပြီး ယနေ့ နေ့လယ် ၃ နာရီခွဲခန့်တွင် မောင်တောမြို့သို့ ဆက်လက် ထွက်ခွါသွားခဲ့ကြသည်ဟု သိရသည်။
(သတင်းအရင်းအမြစ်- နိရဉ္စရာသတင်းဌာန)

ALP နှင့် ပြည်ထောင်စုအဆင့် ဆွေးနွေးပွဲ ဆိုင်းငံ့ထားရခြင်းမှာ ရခိုင်မတည်ငြိမ်မူကြောင့်ဟုဆို

alp-in-Conference
( ကျောက်ဖြူ ရခိုင်အမျိုးသားညီလာခံ တက်ရောက်နေကြသော ALA ရဲဘော်များ)
ရခိုင်ပြည်လွတ်မြောက်ရေးပါတီ/တပ်မတော် ( ALP/ALA) နှင့် အစိုးရအကြား ပြည်ထောင်စုအဆင့် ဆွေးနွေးပွဲပြုလုပ်ရန် ဆိုင်းငံ့ထားရခြင်းမှာ ရခိုင်ပြည်နယ် မတည်ငြိမ်မူများကြောင့်ဟု ပြည်ထောင်စု ဝန်ကြီး ဦးအောင်မင်းက မေလ ၅ရက်နေ့က ပြောကြားလိုက်သည်။
“အခု ရခိုင်ပြည်နယ်မှာ ဖြစ်နေတဲ့ အရေးအခင်းက ရခိုင်နဲ့ ဘင်္ဂါလီ အရေးဖြစ်တယ်။ အဲဒီ မတည်ငြိမ်မူ တွေကြောင့်  ALP အဖွဲ့နဲ့  ပြည်ထောင်စု အဆင့်ဆွေးနွေးပွဲဆီ မရောက်နိုင်ဘဲ ဖြစ်နေတယ်” ဟု ဆိုသည်။
ALP နှင့် ပြည်ထောင်စု အဆင့် ဆွေးနွေးပါက တပ်နေရာချထားရေးကိစ္စကိုပါ ဆွေးနွေးရမည်ဖြစ်ရာ မတည်ငြိမ်မူ ဖြစ်နေသော ရခိုင်ပြည်နယ်တွင် ပိုမို ရှုပ်ထွေးလာနိုင်သည်ဟု ၀န်ကြီးက ဆိုသည်။
“ ဆွေးနွေးလိုက်လို့ရှိရင် ဘာလုပ်ရမလဲဆိုတော့ တပ်နေရာချထားရေတွေ စဉ်းစားပေးရမယ်။ အဲဒီတော့ ကျနော်တို့က နိုင်ငံတကာက ပြောနေတဲ့ ပြဿနာတွေကို ရှင်းလို့ ရတော့မှာ မဟုတ်ဘူး။”
တပ်နေရာချထားရေးကိစ္စနှင့် ပတ်သက်၍ အစိုးရဘက်မှ စိုးရိမ်သည့်အချက်မှာ ALP တပ်ဖွဲ့ဝင်များ ရခိုင်ပြည်နယ်အတွင်းရှိ ဒေသများတွင် နေရာချထားပေးပြီးနောက် လူမျိုးရေး အသွင်ဆောင်သည့် လက်နက်ကိုင် ပဋိပက္ခများ ထပ်ဖြစ်ပွားလာမည့် အရေးပင်ဖြစ်ကြာင်း ၀န်ကြီး၏ ပြောသည်။
၎င်းအပြင် ဝန်ကြီးဦးအောင်မင်းက“ဒီတော့ ပြည်ထောင်စုအဆင့် ဆွေးနွေးပွဲကို ခဏနေဦး ရခိုင်ပြည်နယ် ငြိမ်းချမ်းတော့မှ ခင်ဗျားတို့နဲ့ ကျနော် ဆွေးနွေးမယ်ဆိုပြီးတော့ အဲလို သူတို့ကို ပြောထားတယ်။ ဒါကြောင့် အမျိုးသားလုံခြုံရေးကို ကြည့်ပြီးတော့ မလုပ်သေးတာ” ဟု ဆိုသည်။
ပြည်ထောင်စုအဆင့် လက်မှတ်မထိုးနိုင်သေးခြင်းမှာ အစိုးရဘက်မှ နှောင့်နှေး ကြန့်ကြာနေမှုကြောင့် ဖြစ်သည်ဟု ALP အထွေထွေ အတွင်းရေးမှူး ခိုင်သုခက ပြောကြားသည်။
မေလ ၅ရက်နေ့ထုတ် 7day Daily သတင်းစာတွင် ယခုလို ဖော်ပြသည်။
“ပြည်ထောင်စု အဆင့်ကို မသွားနိုင်တာ အစိုးရဘက်က လိုလိုအားအား မရှိလို့ မသွားနိုင်တာ။ ဘာကြောင့် လိုလိုလားလား မရှိတာလဲဆိုတာတော့ အစိုးရပဲ သိလိမ့်မယ်” ဟု ခိုင်သုခက အဆိုပါ သတင်းစာသို့ ပြော ကြားသည်။
ALP နှင့် အစိုးရအကြား ပြည်နယ်အဆင့် အပစ်ရပ်စဲရေး သဘောတူမှုကို ၂၀၁၂ ခုနှစ် ဧပြီလ ၅ရက်နေ့ လက်မှတ်ရေးထိုးခဲ့ကြသည်။
ပြည်နယ်အဆင့် လက်မှတ်ရေးထိုးပွဲတွင် ALP ဘက်မှ အချက် (၁၇) ချက်တောင်းဆိုခဲ့သော်လည်း အစိုးရဘက်မှ အချက် (၅)ချက်သာ လိုက်လျော သဘောတူညီခဲ့သည်။
ALP/ALA တပ်များသည် ရခိုင်-အိန္ဒိယနယ်စပ်၊ ကရင်-ထိုင်းနယ်စပ်တို့တွင် အခြေစိုက် လှုပ်ရှားလျှက် ရှိကြောင်း သိရှိရသည်။
(သတင်းအရင်းအမြစ်- နိရဉ္စရာသတင်းဌာန)

မြန်မာနိုင်ငံကူးလက်မှတ်အတုဖြင့် ၀င်ရောက်လာသူ ရွှေချောင်း (၆)ချောင်းနှင့်ဖမ်းမိ

gold-bar
(ဖမ်းမိသောရွှေချောင်းများ)
ဘင်္ဂလာဒေခ်ျ့သို့ အလည်ပတ်သွားရောက်သူများကို ထုတ်ပေးသည့် မြန်မာနိုင်ငံကူး လက်မှတ်အတုဖြင့် မြန်မာနိုင်ငံမှ ဘင်္ဂလီလူမျိုး တစ်ဦးကို ရွှေချောင်း (၆) ချောင်းနဲ့အတူ စစ်တကောင်းမြို့တွင် ဘင်္ဂလာရဲက ဖမ်းဆီးလိုက်သည်။
ဖမ်းဆီး ခံရသူမှာ မိုဟာမတ် ဆာလာမ် (၄၅) နှစ်ဆိုသူဖြစ်ပြီး၊ ရခိုင်ပြည်နယ် မောင်တောမြို့နယ်က ဖြစ်ကြောင်း စစ်တကောင်းရဲတာဝန်ရှိသူက သတင်းထောက်များသို့ ပြောကြားသည်။
စစ်တကောင်းမြို့ ရှောဟောလ်အာမင် တံတားအနီးတွင် မသင်္ကာမကင်းရာမှ ရဲကစစ်ဆေးစဉ် သူစီးလာသော  ဖိနပ်အထဲမှ အလေးချိန် ၁၀ ဂရမ်စီရှိသော ရွှေချောင်း ၆ ချောင်းကို ဖမ်းမိခြင်း ဖြစ်သည်ဟု ဆိုသည်။
သူသည် မြန်မာနိုင်ငံမှ ဘင်္ဂလာဒေခ်ျ့ကို တရားဝင်နိုင်ငံကူးလက်မှတ်ဖြင့် ၀င်ရောက်လာသူ ဖြစ်သည်ဟု ဆိုသည်။
(သတင်းအရင်းအမြစ်- နိရဉ္စရာသတင်းဌာန)

စစ်တွေသို့ ရောက်ရှိနေသောရက္ခိုင့်တပ်မတော်ကိုယ်စားလှယ်များ ဒေသခံပြည်သူများနှင့်တွေ့ဆုံ

111
(ဓါတ်ပုံ- Ray Lum Kyaw)
စစ်တွေမြို့သို့ ရောက်ရှိနေသည့် ကချင်အခြေစိုက် ရက္ခိုင့်တပ်မတော် (AA)မှ ဒု-စစ်ဦးစီးချုပ် ဗိုလ်မှူးကြီး ဒေါက်တာညိုထွန်းအောင် ဦးဆောင်သည့် ကိုယ်စားလှယ်အဖွဲ့သည် ယမန်နေ့က ရဟန်း သံဃာတော်များအပါအ၀င် ဒေသခံ စစ်တွေလူထုနှင့် တွေ့ဆုံခဲ့သည်ဟု သတင်း ရရှိသည်။
တွေ့ဆုံပွဲကို ယင်းနေ့ နံနက်ပိုင်းက စစ်တွေမြို့ ပြည်တော်သာရပ်ကွက်ရှိ အောင်မြေကုန်းဘုန်းတော်ကြီး ကျောင်းတွင် နံနက် ၉ နာရီမှ ၁၁ နာရီအထိ ပြုလုပ်ခဲ့သည်။
စစ်တွေလူထုနှင့် ရက္ခိုင့်တပ်မတော် (AA) တို့ တွေ့ဆုံပွဲတွင် ပြောဆိုခဲ့ကြသည့် အကြောင်းအရာများကို ရက္ခိုင့် တပ်မတော်မှ ဒုဗိုလ်မှူးကြီး ကျော်ဟန်က ယခုကဲ့သို့ပြောသည်။
“ ကျွန်တော်တို့က ကျောက်ဖြူ ရခိုင်အမျိုးသားညီလာခံရဲ့ အတွေ့အကြုံ၊ ရခိုင်ပြည်နယ် တည်ငြိမ်အေးချမ်း ရေးနဲ့ လုံခြုံရေးအတွက် ဘာတွေလုပ်သင့်တယ်၊ အဲဒီနေရာမှာ လုံခြုံရေးအတွက် ရက္ခိုင့်တပ်မတော်အနေနဲ့ ဘယ်လို အခန်းကဏ္ဍတွေမှာ ပါဝင်ဖို့ အသင့်ရှိတယ်ဆိုတဲ့ အကြောင်းတွေကို ပြောဆိုဆွေးနွေးကြတာ ဖြစ်ပါတယ်” ဟု ဆိုသည်။
တွေ့ဆုံပွဲကို စစ်တွေမြို့မိမြို့ဖများ၊ ရခိုင်လူမှုအဖွဲ့အစည်းများမှ အဖွဲ့ဝင်များ၊ ရဟန်းသံဃာတော်များနှင့် လူငယ်များ တက်ရောက် ခဲ့ကြသည်။
ရက္ခိုင့်တပ်မတော် အပေါ်အမြင် သဘောထားများကိုလည်း မေးမြန်းခဲ့ကြကြောင်း ဒုဗိုလ်မှူးကြီးကျော်ဟန်ကပြောသည်။
“ ဘာကြောင့် ရက္ခိုင့်တပ်မတော်ကို တည်ထောင်ရသလဲ။ ရက္ခိုင့်တပ်မတော် သဘောထားက ဘယ်လိုရှိလဲ။ ရက္ခိုင့်တပ်မတော်ရဲ့ ရပ်တည်ချက်တွေကဘာတွေလဲ စသဖြင့်ပေါ့လေ တက်ရောက်လာတဲ့သူတွေက မေးကြတာတွေရှိပါတယ်။ လူထုက ကျနော်တို့ရဲ့ အခြေအနေကို အရမ်းသိချင်ကြတယ်။ ကျနော်တို့ကလည်း  ပြန်လည် ရှင်းပြ ပြောဆိုခဲ့ပါတယ်” ဟု ဆိုသည်။
ရခိုင်ပြည်သူများနှင့် ရက္ခိုင့်တပ်မတော်သားများ တွေ့ဆုံခွင့်ရသည့်အတွက် ရက္ခိုင့်တပ်မတော်နှင့် ပြည်သူ ကြား တွင်ပူးပေါင်းဆောင်ရွက်ရန် အခွင့်အလန်းတစ်ခု ဖြစ်ကြောင်းလည်း သူကဆိုသည်။
(ဓါတ်ပုံ- Ray Lum Kyaw)
(ဓါတ်ပုံ- Ray Lum Kyaw)
“ ကျွန်တော်တို့က ရခိုင်ပြည်သူတွေနဲ့ ထိတွေ့ခွင့်ရတယ်။ ပြည်သူတွေရဲ့ လိုလားချက်တွေ၊ မျှော်လင့်ချက် တွေကိုလဲ သိရသလို ရက္ခိုင့်တပ်မတော်က ရခိုင်ပြည်သူတွေအပေါ် ဘယ်လို သဘောထား ရှိတယ်။ ပြည်သူနဲ့ ရက္ခိုင့် တပ်မတော် တသားတည်းရှိတယ်ဆိုတာကို ပြောပြခွင့်ရတယ်။ ဒါကြောင့် ကျွန်တော်တို့ ရပ်တည်ချက် ကိုလည်း ပြည်သူတွေသိခွင့်ရတယ်။ ပြည်သူတွေရဲ့ ဘဘောထားတွေကိုလည်း သိခွင့်ရတဲ့အတွက် အပြန်အ လှန် နှစ်ဘက်လုံးက ပူးပေါင်းဆောင်ရွက်ဖို့ အခွင့်အလန်းရရှိခဲ့ပါတယ်” ဟု ဆိုသည်။
ရက္ခိုင့်တပ်မတော် ကိုယ်စားလှယ်များအနေဖြင့် ယခုခရီးစဉ်တွင် အစိုးရ တာဝန်ရှိသူများနှင့် တွေ့ဆုံရန် အစီ အစဉ် တချို့ရှိကြောင်း၊ အစိုးရအနေဖြင့် သူတို့အပေါ် မည်သို့သဘောထားမည်ကို မသိရှိကြောင်း၊ ရက္ခိုင့် တပ်မတော်အနေဖြင့် ရခိုင်ပြည်သူများလိုလားသည့် လုံခြုံ၊ တိုးတက်ရေး အချက်များကို အစိုးရကို တင်ပြ တောင်းဆို ထားမှုများရှိကြောင်း၊ အစိုးရအနေဖြင့် ယင်းတောင်းဆို အချက်များအပေါ် မည်သို့ အကောင်အထည် ဖော်မည်ဆိုသည်မှာ အစိုးရနှင့်သာသက်ဆိုင်မည်ဖြစ်ကြောင်း သူကပြောဆိုသွားသည်။
ရက္ခိုင့်တပ်မတော် ကိုယ်စားလှယ်များမှာ ကျောက်ဖြူ ရခိုင်အမျိုးသားညီလာခံတက်ပြီး မေလ ၄ ရက်နေ့က စစ်တွေမြို့ သို့ ရောက်ရှိလာခြင်းဖြစ်သည်။
စစ်တွေမြို့သို့ ရောက်ရှိလာသည့် ရက္ခိုင့်တပ်မတော် ကိုယ်စားလှယ်များကို ထောင်ပေါင်းများစွာသော စစ်တွေ မြို့ခံများက ကြိုဆိုခဲ့ကြသည်။
(သတင်းအရင်းအမြစ်- နိရဉ္စရာသတင်းဌာန)

DPA နှင့် NUPA ခေါင်းဆောင်များ ငြိမ်းချမ်းရေး ဖေါ်ဆောင်ရေးကော်မီတီ ဒုဥက္ကဌ ၀န်ကြီးဦးအောင်မင်းနှင့် တွေ့ဆုံ

DPA & NUPA
ရန်ကုန်မြို့သို့ ရောက်ရှိနေသော ရခုိုင်ပြည်ဒီမိုကရက်တစ်ပါတီ(DPA)နှင့် ရခိုင်ပြည်အမျိုးသား ညီညွတ်ရေး ပါတီ(NUPA) တို့မှ ခေါင်းဆောင်များသည် ယမန်နေ့က မြန်မာနိုင်ငံ ငြိမ်းချမ်းရေး ဖေါ်ဆောင်ရေး ကော်မီတီ ဒုတိယ ဥက္ကဌ ဦးဆောင်သော အဖွဲ့နှင့် ရန်ကုန်မြို့ MPC ခန်းမတွင် တွေ့ဆုံ ဆွေးနွေးခဲ့သည်။
ယင်းတွေ့ဆုံပွဲသို့ DPA  ခေါင်းဆောင်များ ဖြစ်ကြသော ဦးသိန်းဖေ၊ ဦးထွန်းအောင်ကျော်၊ ဦးညီညီလွှင်နှင့် NUPA ခေါင်းဆောင်များဖြစ်ကြသော ခိုင်မြ၀ါနှင့် ဦးမောင်အေးချမ်းတို့ အတူတကွ တက်ရောက်ခဲ့ကြသည်ဟု သိရသည်။
တနိုင်ငံလုံး အပတ်အခတ်ရပ်စဲရေး ငြိမ်းချမ်းရေးတည် ဆောက်ရေးလုပ်ငန်းစဉ်များဖြစ်သော ကျယ်ပြန့်သည့် အမျိုးသားညီလာခံဖြစ်ပေါ်ရေး ထိုမှတဆင့်ဖက်ဒရယ်မူ ပေါ်တွင်အခြေခံ ပြီး အမျိုးသားသဘောတူ ပဌိညာဏ်စာချုပ် ချုပ်ဆိုနိုင်ရေးတို့ကို မြန်မာနိုင်ငံ ငြိမ်းချမ်းရေးပြန်လည်ထူထောင်ရေး လုပ်ငန်းဖေါ်ဆောင်ရေး ကော်မီတီ ဒုတိယ ဥက္ကဌ ပြည်ထောင်စုဝန်ကြီး ဦးအောင်မင်းဦးဆောင်သည့် မြန်မာနိုင်ငံ ငြိမ်းချမ်းရေး ပြန်လည် ထူထောင်ရေး လုပ်ငန်းဖေါ်ဆောင်ရေးကော်မီတီအဖွဲ့ဝင်များနှင့် နှင့် မေလ (၅)ရက်နေ့ နံနက် (၁၀း၃၀) နာရီတွင် MPC အစည်းအဝေးခန်းမ၌ တွေ့ဆုံ ဆွေးနွေးခဲ့ကြောင်း ယင်းအဖွဲ့များမှ ယမန်နေ့က ထုတ်ပြန်သော ကျေညာချက်တွင် ဖေါ်ပြသည်။
ယင်းပြင် ဆွေးနွေးပွဲတွင် ရခိုင်ပြည်နယ် ငြိမ်းချမ်းရေး တိုးတက်ဖွံ့ဖြိုးရေးနှင့် DPA နှင့် NUPA တို့ နိုင်ငံရေး ဆွေးနွေးပွဲတွင် ပါဝင်ခွင့်ရရှိ ရေးကိုပါ ဆွေးနွေးခဲ့ကြကြောင်း ကျေညာချက်တွက် ဖေါ်ပြသည်။
အထူးသဖြင့် မြန်မာနိုင်ငံ၏ နိုင်ငံရေးပြသနာဖြစ်သော ပြည်တွင်းစစ်နှင့် နှစ်ရှည်လများဖြစ်ပွားလျှက်ရှိသောပြည်တွင်းစစ်ချုပ်ငြိမ်းနိုင်ရေး နိုင်ငံရေးအရဖြေရှင်းရန် နည်းလမ်းကောင်းများကို အပြန်အလှန် ဆွေးနွေးခဲ့ကြသည်ဟု ကျေညာချက်က ဆိုသည်။
ဆွေးနွေးပွဲတွင် MPC ဘက်မှ အောက်ပါအချက်အလက်များအား သဘောတူညီမှု ရရှိခဲ့ကြောင်း ဖေါ်ပြထားသည်။
၁။ တနိုင်ငံလုံးအပစ်အခတ်ရပ်စဲရေး ဆွေးနွေးပွဲများတွင် မပါဝင်နိုင်သော်လည်း အပစ်အခတ်ရပ်စဲရေး သဘောတူညီချက် လက်မှတ်ရေးထိုးပြီးနောက် တနိုင်ငံလုံးအတိုင်းအတာဖြင့်ပြု လုပ်သွားမည့်နိုင်ငံရေးတွေ့ဆုံဆွေးနွေးပွဲတွင် ပါဝင်မည့် ပါတီအဖွဲ့အစည်းများအဖြစ် အသိအမှတ်ြ့ပုသည်။
၂။ နိုင်ငံရေးသဘောတူညီချက် ဆွေးနွေးပွဲများ မစတင်နိုင်မီကြားကာလတွင် DPA နှင့် NUPA ခေါင်းဆောင် များအား ရခိုင်ပြည်နယ်အတွင်း သွားလာခွင့်ကို သက်ဆိုင်ရာအဖွဲ့အစည်းများအား အကြောင်းကြား၍ သွားလာ ခွင့် ပြုလိုက်သည်။
၃။ ငြိမ်းချမ်းရေးတည်ဆောက်ရေးလုပ်ငန်းစဉ်များတွင် တက်ကြွစွာ ပါဝင်ခွင့်ပြုသည်။ ပြည်ထောင်စု ၀န်ကြီး ဦးအောင်မင်းကလည်း ပါတီနှစ်ရပ်စလုံးမှ ပါတီခေါင်းဆောင်များအား တနိုင်ငံလုံးး အပစ် အခတ်ရပ်စဲရေး ဆွေးနွေးပွဲများ ကြားကာလတွင်ပင် လက်နက်ကိုင်အဖွဲ့အစည်းများဖြစ်သော AA(Sourth), AA(North),
ALP, DPA နှင့် NUPA တို့သည် တစုတစည်းတည်း အများ သဘောတူညီသည့် အဖွဲ့အစည်းခေါင်းစဉ် တခုအောက်တွင် စုစည်းသွားနိုင်မည်ဆိုက အပစ်အခတ်ရပ်စဲရေး ဆွေးနွေးပွဲအတွက် ပိုမိုထိရောက်သွားမည် ဖြစ်သောကြောင့် ပါတီများအားလုံးစုစည်း အဖြေရှာသွားရန် အထူးအလေးထား တိုက်တွန်း သွားကြောင်း ဖေါ်ပြသည်။
DPA & NUPA
အဆိုပါကိစ္စများအား ဆောင်ရွက်ရန်သဘောတူညီချက် ရသည်ဆိုပါက မိမိတို့ အစိုးရ အနေဖြင့် အစွမ်းကုန်ကူညီ သွားမည်ဖြစ်သည်ဟု ကတိက၀တ်ပြုခဲ့ကြောင်း ကျေညာချက်တွင် ဖေါ်ပြထားသည်။
DPA ပါတီသည်ယခင် ရခိုင်ပြည်ကွန်မြူနစ်ပါတီဝင်ဟောင်းများ တည်ထောင်ထားသည့် အဖွဲ့ဖြစ်ပြီး နှစ်ပေါင်း(၅၁)နှစ်တွင် ပြည်ထောင်စုငြိမ်းချမ်းရေး တည်ဆောက် ရေး လုပ်ငန်းကော်မီတီ(UPWC) ဒုတိယ ဥက္ကဌ ဦးအောင်မင်းနှင့် ငြိမ်းချမ်းရေးကိစ္စများကို ပထမဆုံး အကြိမ် တွေ့ဆုံ ဆွေးနွေးခြင်း ဖြစ်သည်။
၁၉၆၃-ခုတွင် တော်လှန်ရေးကောင်စီ ဥက္ကဌ ဦးနေ၀င်း နှင့်လည်း အလားတူ ဆွေးနွေးခဲ့သော်လည်း ရခိုင်ပြည်ကွန်မြူနစ်ပါတီ ခေါင်းဆောင်ဖြစ်သူ ဦးကျော်စံရွှီမှ ရခိုင်ပြည် သမ္မတ နိုင်ငံ ထူထောင်ရန် တောင်းဆိုမူကြောင့် ဆွေးနွေးပွဲမှာ ပျက်ပြားသွားခဲ့ကြောင်း သိရသည်။
NUPA သည် ၁၉၉၄-ခုနှစ် ဖွဲ့စည်းတည်ထောင်ပြီး နှစ်(၂၀)ကျော်အတွင်း နိုင်ငံတော်အစိုးရနှင့် ပထမဆုံးအကြိမ် တွေ့ဆုံဆွေးနွေးနိုင်ခဲ့ခြင်း ဖြစ်ကြောင်း သိရသည်။
ယင်းပါတီ ကိုယ်စားလှယ်များသည် ကျောက်ဖြူ ရခိုင်အမျိုးသားညီလာခံသို့ တက်ရောက်ပြီးနောက် ယခုကဲ့သို့ နိုင်ငံတော် အစိုးရမှ ဖွဲ့စည်းပေးထားသော ငြိမ်းချမ်းရေး ဖေါ်ဆောင်ရေး ကော်မီတီ အဖွဲ့ဝင်များနှင့် တွေ့ဆုံခဲ့ကြခြင်း ဖြစ်သည်။
(သတင်းအရင်းအမြစ်- နိရဉ္စရာသတင်းဌာန)

ဘင်္ဂလီဒုက္ခသည် စခန်းသို့ ယမ်းများပို့ဆောင်သူ (၂) ဦး ဖမ်းဆီးခံရ

Two-arrest Arakan
(ယမ်းနှင့် ဒီဇယ်ဆီများသယ်ဆောင်လာသူများကို ဖမ်းမိစဉ်) ဓာတ်ပုံ-မင်းသူရိန်
လွန်ခဲ့သော မေလ(၂) ရက်နေ့က ငှက်ချောင်း ဘင်္ဂါလီ ဒုက္ခသည်စခန်းသို့ ယမ်းနှင့် ဒီဇယ်ဆီများကို ဟွန်ဒါစက်လှေဖြင့် ပို့ဆောင်ရန် သယ်ဆောင်လာသူ ဆင်ပိုက်ရွာသား ရခိုင်နှစ်ဦးအား စိုင်းတုတ် ကျေးရွာသားများက ပိတ်ဆို့ဖမ်းဆီး၍ပေါက်တောမြို့နယ်ရဲစခန်းသို့ အပ်နှံလိုက်ကြကြောင်း ဒေသခံများထံမှ သိရသည်။
အဆိုပါ ယမ်းနှင့်ဒီဇယ်ဆီများသယ်ဆောင်လာသူနှစ်ဦးမှာ ဆင်ပိုက်ရွာသား ဦးမောင်သိန်းထွန်း(အသက်-၄၂)နှစ်နှင့် မောင်အေးခင်(အသက်၂၁)တို့ဖြစ်ကြကြောင်း၊ ယင်းတို့ကို စိုင်းတုတ်ရွာအနီး မြစ်ထဲတွင် စိုင်းတုတ် ရွာသားများက ဟွန်ဒါစက်လှေ နှစ်စင်းဖြင့် ပိတ်ဆို့ဖမ်းဆီးလိုက်ခြင်းဖြစ်ကြောင်း သူတို့က ပြောဆိုသည်။
ယင်းဆင်ပိုက်ရွာသားများထံမှ မုန့်နှင့် စားစရာများ ထည့်လာသော ဆာလာအိတ် (၁၇)အိတ်၊ သကာခြင်းတောင်း (၃)တောင်း၊ အ၀ါရောင်လေးထောင့်ပုံးဖြင့်ထည့်လာသော ဒီဇယ်ဆီ(၄)ပုံးနှင့် အလေးချိန် တစ်ပိဿာခန့်ရှိ ယမ်းစိမ်း(၂)ထုပ်ကို သိမ်းဆည်းရရှိခဲ့သည်ဟု ဆိုသည်။
သိမ်းဆည်းရရှိသော ယမ်းနှင့် ဒီဇယ်ဆီများကို စိုင်းတုတ်ရွာ အုပ်ချုပ်ရေးမှူးဦးမောင်နုဖြူက ဦးဆောင်ကာ ရဲစခန်းသို့ အပ်နှံခဲ့သည်။
သူတို့ နှစ်ဦးအား ပါက်တောမြို့နယ်ရဲစခန်း (ပ)၆၈/၂၀၁၄၊ ပေါက်ကွဲစေတတ်သော ပစ္စည်းများ အက်ဥပဒေ ပုဒ်မ(၅)အရအမှုဖွင့် အရေးယူထားကြောင်း ပေါက်တောရဲစခန်းမှ အတည်ပြုပြောကြားလိုက်သည်။
(သတင်းအရင်းအမြစ်- နိရဉ္စရာသတင်းဌာန)

စစ်တွေကောလိပ်ကျောင်းသားကျောင်းသူဟောင်းများ(ရန်ကုန်) အာစရ်ိယပူဇော်ပွဲနှင့် မိတ်ဆုံ ညစာစားပွဲကျင်းပ

sitwe-collage
စစ်တွေကောလိပ် ကျောင်းသား ကျောင်းသူဟောင်းများ၏ အာစရိယ ပူဇော်ပွဲနှင့် မိတ်ဆုံ ညစာစားပွဲကို ရန်ကုန်မြို့တွင် မေလ ၅ ရက်နေ့က ကျင်းပရာ ဆရာ ဆရာမများနှင့် ကျောင်းသားကျောင်းသူ ၃၀၀ ခန့် တက်ရောက်ခဲ့သည်။
ယင်းအခမ်းအနားအား (၂) ပိုင်းခွဲပြီး ကျင်းပရာ နံနက်ပိုင်းတွင် စစ်တွေကောလိပ် ကျောင်းသား ကျောင်းသူဟောင်းများ၏ တတိယ အကြိမ်မြောက် အာစရိယပူဇော်ပွဲနှင့် ဂါရ၀ပြုပွဲ အခမ်းအနားကို ရန်ကုန်တိုင်း၊ ဗဟန်းမြို့နယ်ရှိ ရခိုင်ဓမ္မာရုံတွင် ကျင်းပခဲ့သည်။
အာစရိယပူဇော်ပွဲနှင့် ဂါရ၀ပြုပွဲ အခမ်းအနားသို့ ၁၉၇၃ ခုနှစ်မှ ၁၉၈၈ ခုနှစ်ထိ ပညာသင်ကြားပြသခဲ့သော ဆရာ ဆရာမ ၉၂ ဦးအား ဖိတ်ကြားရာ ၆၂ ဦးတက်ရောက်ခဲ့ပြီး ကျောင်းသား ကျောင်းသူဟောင်း ၂၀၀ ကျော် တက်ရောက်ခဲ့ကြောင်း အခမ်းအနား စီစဉ်သူ ဦးလှမြင့်က နိရဉ္စရာသို့ ပြောသည်။
“ ဆရာ ဆရာမ ၆၂ ဦးတက်ရောက်တယ်။ ကျောင်းသား ကျောင်းသူတွေက ၂၀၀ ကျော်တက်ရောက်ခဲ့ကြပါတယ်။ ခုလို ဆရာ ဆရာမကြီးတွေကို ပြန်လည် တွေ့ဆုံပြီး ကန်တော့ ပူဇော်ရတဲ့ အတွက် အထူးဝမ်းသာမိပါတယ်” ဟု ဆိုသည်။
ညနေပိုင်းတွင် ကျောင်းသား ကျောင်းသူဟောင်းများ၏ ဆဌမ အကြိမ်မြောက် မိတ်ဆုံ ညစာစားပွဲကို အမ်းသရီး စားသောက်ဆိုင်တွင် ပြုလုပ်ရာ ဆရာ ဆရာမများအချို့နှင့် ရန်ကုန်တိုင်း ရခိုင်သားရေး ၀န်ကြီး ဦးဇော်အေးမောင်ပါအ၀င် ကျောင်းသား ကျောင်းသားဟောင်းများ တက်ရောက်ပြီး အခမ်းအနားအား ပျော်ရွှင်စွာဆင်နွဲခဲ့ကြသည်။
၁၉၈၂- ၈၂ ခုနှစ်သူ ကျောင်းသူ တစ်ဦးဖြစ်သူ စစ်တွေကောလိပ် လက်ရွှေးစင် အားကစားသမားဟောင်းဖြစ်သူ ဒေါ်ဆွေဆွေသန်းက ယခုကဲ့သို့ ဆရာ ဆရာမကြီးများ အပါအ၀င် ကျောင်းသား ကျောင်းသူ အစ်ကိုကြီး အစ်မကြီးများနှင့် ပြန်လည် တွေ့ဆုံရ၍ အတိုင်းမသိ ၀မ်းသာကြည်နူးမိကြောင်း ပြောဆိုသည်။
sitwe-collage
“ အတိုင်းမသိ ၀မ်းသာမိပါတယ်။ ဆရာ ဆရာမတွေ အပါအ၀င် ကျောင်းတက်ဖေါ်သူငယ်ချင်းတွေနဲ့ ပြန်ဆုံရတဲ့ အတွက် ငယ်ဘ၀တွေကို ပြန်လည်ရောက်ရှိသွားသလို ခံစားမိပါတယ်။ အတိုင်းမသိလည်း ၀မ်းသာကြည်နူးမိပါတယ်” ဟု ဆိုသည်။
၁၉၈၂ ခုနှစ် ကျောင်းသူဟောင်း တစ်ဦးဖြစ်သူ ဒေါ်တေစန္ဒာအောင်ကလည်း သူမ၏ စိတ်ကြည်နူး ခံစားရမူကို ယခုလို ပြောသည်။
“ ပျော်ပါတယ်။ အရမ်းကို ပျော်ပါတယ်။ အမှတ်ရစရာတွေက စစ်တွေကောလိပ်တက်တုန်းက အများကြီးပါဘဲ။ အဲဒီတုန်းက စစ်တွေကောလိပ်တက်ရတာ အရမ်းကို ပျော်စရာကောင်းပါတယ်။ အဆောင်တွေလည်း ရှိနေတော့ စည်းစည်းလုံးလုံးနဲ့ အရမ်းကို ပျော်စရာကောင်းပါတယ်။ လွမ်းစရာလေးတွေ အထွေအထူး မရှိခဲ့ပေမယ့် ခုလို ပြန်ဆုံရတာ သိပ်စိတ်ကြည်နူးခံစားရမိပါတယ်” ဟု ပြောသည်။
၁၉၇၇ ခုနှစ်မှ ၁၉၈၇ ခုနှစ်ထိ စစ်တွေကောလိပ်တွင် တာဝန် ထမ်းဆောင်ခဲ့သော ဆရာမ ဒေါ်ကျော့စိန်ကလည်း စစ်တွေကောလိပ် ကျောင်းသား ကျောင်းသူဟောင်းများကို ပြန်တွေ့ရ၍ ဖေါ်ပြလို့ မရအောင်ထိ ကြည်နူးပျော်ရွှင်မ်ိကြောင်း ပြောဆိုသည်။
“ အရမ်ကို ကြည်နူးပျော်ရွှင်မိပါတယ်။ ဆရာမ စစ်တွေကောလိပ်မှာ အမှတ်ရတာလေး တစ်ခုကို ပြောရရင် အခု သင်္ချာဌာနမှူးဖြစ်နေတဲ့ ဆရာ တစ်ဦး၊ သူစစ်တွေကောလိပ် ကျောင်းသားဘ၀တုန်းက အဉ္စလီ သီချင်းကို ဆိုတာ အဆုံးမသတ်နိုင်လို့ ဆရာမ ရင်တမမနဲ့ စောင့်နေခဲ့ရတဲ့ အဖြစ်အပျက်လေးကို ဆရာမက ဒီကနေ့ သတိရနေပါတယ်” ဟု ဆိုသည်။
၁၉၈၃-၈၄ ခုနှစ် ကျောင်းသားဟောင်း တစ်ဦးဖြစ်သူ စစ်တွေမှ ကိုအောင်ကျော်ဇောမှလည်း ယခုကဲ့သို့ ကျောင်းသား ကျောင်းသူဟောင်းများကို ပြန်တွေ့ရ၍ ရှေ့ဟောင်း နောင်းဖြစ်များကို ပြန်လည် သတိရမိကြောင်း ပြောဆိုသည်။
“ ခုလို ပြန်ဆုံတွေ့တော့ ရှေ့ဟောင်း နှောင်းဖြစ် သတိရစရာလေးတွေကို ပြန် အတွက်ပေါ်မိပါတယ်။ အများကြီးလည်း ပျော်မိပါတယ်။ နောက်နောင်လည်း ဒီလို ချစ်ချစ်ခင်ခင်နဲ့ တွေ့ဆုံပွဲတွေ လုပ်ပြီး ပြန်ဆုံတွေ့ရဖို့ မျှော်လင့်ပါတယ်” ဟု ဆိုသည်။
၁၉၈၅-၈၆ စစ်တွေကောလိပ်တွင် သင်္ချာအဓိကဖြင့် တက်ရောက်ခဲ့သူ ကိုကျော်နိုင်မှလည်း သူ၏ ခံစားရမူကို ယခုလို ပြောဆိုသည်။
“ အသက်အရွယ်ကြီးရင့်နေကြပြီ ဖြစ်တဲ့ ဆရာ ဆရာမတွေကို ပူဇော်ကန်တော့ရတာ အရမ်းကို ကြည်နူးပျော်ရွှင်ရပါတယ်။ ခံစားရမူ အတိုင်းအတာကိုတော့ နိုင်းပြ မတတ်အောင် ဖြစ်မိပါတယ်။ ဆရာ ဆရာမတွေဆီက သြ၀ါဒ ခံယူရတာလည်း ဗဟုသုတတွေနဲ့ အများကြီး အကျိုးရှိပါတယ်” ဟု သူက ပြောဆိုသည်။
ဆဌမ အကြိမ်မြောက် မိတ်ဆုံ ညစာစားပွဲတွင် ကျောင်းသား ကျောင်းသူဟောင်းများက တေးသီချင်းများ သီဆိုပြီး ကျောင်းသူဟောင်းများက အကများဖြင့်လည်း ဖြေဖျော်ခဲ့ကြရာ တက်ရောက်သူများက လက်ခုပ်လက်ဝါးတီး၍ ပျော်ရွှင်စွာဖြင့် အားပေးခဲ့ကြသည်။
(သတင်းအရင်းအမြစ်- နိရဉ္စရာသတင်းဌာန)

မောင်တောတွင် ကျေးရွာအုပ်ချုပ်ရေးမှူးနှင့်ဇနီးအပါအ၀င် လူ ၄ ဦး အသတ်ခံရ

maungdaw-fense
( ခြံစည်းရိုးကာရံသော်လည်း အနောက်ဘက်နယ်စပ် မလုံမခြုံ ဖြစ်နေ)
ရခိုင်ပြည်နယ် အနောက်ဘက်နယ်စပ် မောင်တောမြို့နယ်တွင် ကျေးရွာအုပ်ချုပ်ရေးမှူးနှင့် သူ့ဇနီးအပါအ၀င် လူ (၄) ဦးကို အမည်မသိ အုပ်စု တစ်ခုက လွန်ခဲ့သော စနေနေ့ ညဉ့်က ၀င်ရောက် သတ်ဖြတ်သွားခဲ့သည်။
အသတ်ခံရသူမှာ မောင်တောမြို့နယ် တောင်ပိုင်း သင်္ဘောကွေ့ ဘင်္ဂလီကျေးရွာမှ အုပ်ချုပ်ရေးမှူး၊ သူ၏ ဇနီးနှင့် နောက်ထပ် ဘင်္ဂလီအမျိုးသား (၂) ဦးတို့ ဖြစ်ကြောင်း မောင်တောမြို့နယ် ရဲတပ်ဖွဲ့ရုံးက အတည်ပြု ပြောကြားသည်။
“ အသတ်ခံရတာက ၄ ဦးဖြစ်ပါတယ်။ ဒီအထဲမှာ ဘင်္ဂလီလူမျိုး သင်္ဘောကွေ့ ကျေးရွာအုပ်ချုပ်ရေးမှူးနဲ့ သူ့ရဲ့ ဇနီးလည်း ပါဝင်ပါတယ်။ ဒဏ်ရာရတဲ့သူ ၁၅ ဦး ရှိပါတယ်။ သတ်တဲ့လူတွေက ဘင်္ဂလီ ၃၀ လောက်လို့ သိရပါတယ်။ တစ်ဘက်နိုင်ငံက ၀င်ပြီးကျုးလွန်သွားတာလို့ သိရှိရပါတယ်” ဟု သူက ပြောသည်။
ယခုအခါ အမူကို စုံစမ်းစစ်ဆေးနေတုန်းဖြစ်၍ သတ်ဖြတ်ခံရသည့် အသေးစိတ်အချက်အလက်များကိုမူ  မပြောဆိုနိုင်သေးကြောင်းသူက ဆိုသည်။
“ ကျွန်တော်တို့အနေနဲ့ စုံစမ်းဆဲ ဖြစ်ပါတယ်။ နောက်နေ့လောက်မှ အသေးစိတ် ပြောနိုင်မယ်။ အခု အခင်းဖြစ်တဲ့ နယ်မြေက ရဲတွေရဲ့ လက်အောက်မှာ မရှိတော့ဘဲ နယ်စပ်လုံခြုံရေးတပ်ဖွဲ့အောက်ကို ရောက်သွားတဲ့ အတွက် ဟိုက သတင်းတက်လာမှဘဲ အသေးစိတ် ပြောပြနိုင်မယ်” ဟု ဆိုသည်။
ရခိုင်ပြည်နယ် အနောက်ဘက်နယ်စပ် မောင်တောမြို့နယ်တောင်ပိုင်းတွင် လွန်ခဲ့သော တစ်ပတ်ကျော်ခန့်က စပြီး ဓါးပြတိုက်မူများ ဆက်လက် ဖြစ်ပေါ်နေခဲ့ပြီး ယင်းနောက်ပိုင်းတွင် ယခု လူသတ်မူ ဖြစ်ပွားခဲ့ခြင်း ဖြစ်သည်။
ရသေ့တောင်မြို့နယ်နှင့် မောင်တောမြို့နယ် နယ်စပ် မယူတောင်ကို ဖြတ်ပြီး ဖေါက်လုပ်ထားသော အင်းဒင်- အထက်နန်းရာ တောင်ကျော်လမ်းတွင်လည်း လွန်ခဲ့သော ဗုဒ္ဓဟူးနေ့ ဓါးပြတိုက်မူတစ်ခု ဖြစ်ပြီး ကုန်သည်များ အပါအ၀င် လူပေါင်း (၃၀) ခန့်မှာ ဓါးပြတိုက်ခံခဲ့ရသည်ဟု ယင်းတောင်ကျော်လမ်း အနီးရှိ ချွတ်ပြင်ရွာသား ဦးအောင်သိန်းမျှက ပြောဆိုသည်။
“ တိုက်တဲ့အဖွဲ့က အဒူလာကိန်းအဖွဲ့ ဖြစ်တယ်လို့ သိရပါတယ်။ သူတို့မှာ လူခုနှစ်ဦးပါတယ်လို့ ပြောပါတယ်။ အတိုက်ခံရတာကလည်း မွတ်လင် ၃၀ ခန့်ဖြစ်ပါတယ်။ သူတို့ကို ကြိုးနဲ့ တုတ်ပြီး ပါလာတဲ့ ပိုက်ဆံတွေကို အကုန်ယူသွားတယ်လို့ ပြောပါတယ်။ သိန်း ၆၀ ဖိုးခန့် ပါသွားတယ်လို့ သိရပါတယ်” ဟု သူက ဆိုသည်။
၎င်းဓါးပြအဖွဲ့သည် ယင်းနေ့ ညနေပိုင်းတွင် မောင်တောမြို့နယ် တောင်ပိုင်း အင်ဒင်ကျေးရွာအနီးရှိ ဟိန္ဒူလူမျိုးများပိုင် ပန်းထိမ်ဆိုင်များကိုလည်း ၀င်ရောက် ဓါးပြတိုက်သွားခဲ့သည်ဟု သူက ဆက်ဆိုသည်။
ဓါးပြတိုက်မူများနှင့် ယခု လူသတ်မူမှာ ဆက်စပ်မူ ရှိ မရှိကို မသိရသေးသော်လည်း ဒေသခံပြည်သူများ အကြား စိုးရိမ်မူ အထူးတိုးပွားနေပြီး နယ်စပ် လုံခြုံရေးကို ပိုမို တိုးမြှင့်ချထားရန် လိုလားနေကြသည်ဟု သိရသည်။
(သတင်းအရင်းအမြစ်- နိရဉ္စရာသတင်းဌာန)

အကျဉ်းကျနေသည့် ရခိုင်အမျိုးသမီးတစ်ဦး ဘင်္ဂလာဒေခ်ျ့ ဆေးရုံတစ်ခုတွင် ကွယ်လွန်

Bangladesh jail
ဘင်္ဂလားဒေ့ခ်ျနိုင်ငံ ကောစ့်ဘဇားမြို့ ထောင်တွင် အကျဉ်းကျခံနေရသည့် ရခိုင်အမျိုးသမီးတစ်ဦး ယမန်နေ့ နေ့လည်ပိုင်းက ဆေးရုံတွင် ကွယ်လွန်သွားကြောင်း သတင်းရရှိသည်။
ကွယ်လွန်သွားသည့် အဆိုပါ ရခိုင်အမျိုးသမီးမှာ ရခိုင်ပြည်နယ် မောင်တောမြို့မှ ဒေါ်မလှမေ (၄၀) နှစ်ဖြစ်ပြီး ရင်ကျပ်ရောဂါဖြင့် သေဆုံးခြင်းဖြစ်ကြောင်း ကော့စ်ဘဇားမှ ရခိုင်လူငယ် တစ်ဦးက ပြောသည်။
`ဒီနေ့မနက်က ထောင်ထဲမှာ ရင်ကျပ်တဲ့အတွက် သူမကိုဆေးရုံကိုပို့လိုက်တယ်။ ဆေးရုံကို မနက် ၇ နာရီကျော်မှာ ရောက်တယ်။ မနက် ၁၀ ကျော်မှာ သူမ ရုတ်တရက် ဆုံးသွားခဲ့ပါတယ်” ဟု ဆိုသည်။
ဒေါ်လှမေကို ၂၀၁၃ ခုနှစ်က ဘင်္ဂလား-မြန်မာနယ်စပ်တွင် တည်ရှိသော တက်ကနက်မြို့တွင် ရွှေချောင်း အချို့ဖြင့် ဘင်္ဂလာရဲ တပ်ဖွဲ့က ဖမ်းဆီးခဲ့သည်။ ၎င်းနောက် တရားမ၀င် ရွှေအရောင်းအ၀ယ်လုပ်မှုဖြင့် တရားစွဲဆို ထောင်ချခဲ့သည်။
သေဆုံးသူ ဒေါ်မလှမေ၏ မောင်တောမြို့မှ မိသားစုဝင်များ ကော့စ်ဘာဇား ဆေးရုံကိုရောက်ရှိနေပြီး သူမအား ကောင်းမွန်စွာ သဂြိုလ်နိုင်ရန် စီစဉ်နေသည်ဟု ကော့စ်ဘာဇားမှ ရခိုင်လူငယ်က ဆက်လက်ပြောဆိုသည်။
(သတင်းအရင်းအမြစ်- နိရဉ္စရာသတင်းဌာန)

ရခိုင်အမျိုးသားညီလာခံပိတ်ပွဲသို့ တက်ရောက်မည့် ပြည်သု့ လွှတ်တော် ဥက္ကဌ သူရဦးရွှေမန်း ဂွမြို့သို့ စတင်ရောက်ရှိ

Arakan conference
ကျောက်ဖြူမြို့မှာ ကျင်းပနေတဲ့ ရခိုင်အမျိုးသား ညီလာခံ နောက်ဆုံးနေ့မှာ တက်ရောက် အမှာစကား ပြောကြားမယ့် ပြည်သူ့ လွှတ်တော် ဥက္ကဌ သူရ ဦးရွှေမန်းဟာ မနေ့က ဧရာဝတီတိုင်းဘက်ကနေ ဂွမြို့နယ်သို့ ကားတန်းကြီးတစ်ခုနဲ့ အတူ စတင် ရောက်ရှိလာခဲ့တယ်လို့ သိရပါတယ်။
ပြည်သူ့လွှတ်တော် ဥက္ကဌ သူရ ဦးရွှေမန်းနဲ့အတူ ကမ္ဘောဇ ဦးခင်ရွှေ ဦးဆောင်တဲ့ စီးပွားရေး လုပ်ငန်းရှင်တွေ၊ မျက်စိအထူးကု ဆရာဝန်ကြီးတွေလည်း အတူလိုက်ပါလာတယ်လို့ ပြောပါတယ်။
ဂွမြို့နယ် ကမ်းသာယာမှာတော့ ဒေသခံ လူထုနဲ့ တွေ့ဆုံပြီး စစ်တပ်က ကမ်းခြေတလျှောက် သိမ်းထားတဲ့ လယ်မြေတွေကို ပြန်ပေးဖို့ ဂတိပြု ပြောဆိုသွားတယ်လို့ ဒေသခံ လူကြီး တစ်ဦးက ပြောပါတယ်။
ခုလို ပြည်သူ့လွှတ်တော် ဥက္ကဌ သူရ ဦးရွှေမန်း ဂွမြို့နယ်ကို လာရောက်တာဟာ တချက်ခုတ် နှစ်ချက်ပြတ် ပုံစံမျိုးနဲ့ လာရောက်တာ ဖြစ်တယ်လို့ တရားရုံးရှေ့နေ (အငြိမ်းစား) ဦးတင်ညိုက ပြောပါတယ်။
“ သူက ဂွမြို့နယ်ကို လာရောက်တာက ဂွမြို့နယ် လူထုကို စည်းရုံးရေး အတွက် ဖြစ်တယ်လေ။ ဂွမှာက ကြားဖြတ်ရွှေးကောက်ပွဲအတွက် ပြည်နယ် လွှတ်တော် ကိုယ်စားလှယ် နေရာ တစ်ခု လစ်လပ်နေတယ်လေ။ ဒီအတွက် စည်းရုံးရေး ဆင်းတာမျိုး ဖြစ်ပါတယ်။ နောက်တစ်ချက် စီးပွားရေး လုပ်ငန်းရှင်တွေကို ခေါ်လာတာကတော့ ဂွမြို့နယ်က သာယာလှပတဲ့ ကမ်းသာယာကမ်းခြေမှာ အပန်းဖြေစခန်းလုပ်မယ့် ကိစ္စတွေလည်း ပါဝင်နိုင်ပါတယ်” ဟု ဆိုသည်။
ပြည်သူ့လွှတ်တော် ဥက္ကဌ သူရ ဦးရွှေမန်းသည် ဂွမြို့နယ်မှ တဆင့် သံတွဲမြို့သို့ ယမန်နေ့ ညနေက ရောက်ရှိလာပြီး ဧပြီလ ၃၀ ရက်နေ့ ညနေပိုင်းတွင် ကျောက်ဖြူသို့ ရောက်ရှိမည် ဖြစ်သည်။
မေလ (၁) ရက်နေ့တွင် ကျောက်ဖြူမြို့တွင် ကျင်းပနေသော ညီလာခံ နောက်ဆုံးနေ့တွင် ရခိုင်ပြည်နယ် အနာဂတ်အရေးနှင့် ပတ်သက်ပြီး အမှာစကား တက်ရောက် ပြောကြားသွားမည်ဟု သိရသည်။
(သတင်းအရင်းအမြစ်- နိရဉ္စရာသတင်းဌာန)