ရသေ့တောင်မြို့နယ်၊ လောင်းချောင်းကျေးရွာတွင် ကြွပ်ကြွပ်အိတ် အသုံးပြုမှုလျှော့ချရေးအတွက် လူငယ်စွမ်းရည်မြင့်တင်ရေး ကော်မတီမှ ကြွပ်ကြွပ်အိတ် ကောက်ခြင်းကို အပတ်စဉ် တနင်္ဂနွေနေ့တိုင်း ပြုလုပ်လျှက်ရှိကြောင်း သိရသည်။
ကြွပ်ကြွပ်အိတ် အသုံးပြုမှု လျှောချရေးအတွက် ကျေးရွာရှိ လူငယ်များ စံနမှုပြ အိတ်လိုက်ကောက်နေစဉ်။ ကြွပ်ကြွပ်အိတ် အသုံးပြုမှု လျှောချရေးအတွက် ကျေးရွာရှိ လူငယ်များ စံနမှုပြ အိတ်လိုက်ကောက်နေစဉ်။
" ကြွပ်ကြွပ်အိတ် အသုံးပြုတဲ့အတွက် ဆိုးကြိုးတွေ ရလာနိုင်တာကို ရွာသားတွေ သိဖို့လိုပါတယ်၊ ဒါကြောင့် ကော်မတီမှာ ပါဝင်တဲ့ လူငယ်တွေကို အသိပညာပေးမှုတွေလုပ်ပါတယ်၊ ရွာသားတွေက ကြွပ်ကြွပ် အိတ်အသုံးပြုပြီးတဲ့အခါမှလည်း စည်းစနစ်တကျနဲ့ အသုံးပြု လွင့်ပစ်လာကြဖို့နဲ့ ကြွပ်ကြွပ်အိတ် အသုံးပြုမှု လျှော့ချရေးအတွက် လောင်းချောင်းကျေးရွာက လူငယ်များတွေက စံပြအနေဖြင့် စတင်ပြုလိုက်တာဖြစ်တယ်။ " ကြွပ်ကြွပ်အိတ်ကောက် အဖွဲ့အား ဦးဆောင်နေသူ ဒေါ်စိုးစိုးဌေးက ဆိုသည်။
အဆိုပါ အဖွဲ့တွင် လက်ရှိ လူငယ်များ ၂၀ ခန့်ရှိပြီး ကြွပ်ကြွပ်အိတ်အပြင် ကျေးရွာသန့်ရှင်းရေးအဖြစ် အခြားအမှိုက်များကိုလည်း ကောက်ကြကြောင်း သိရသည်။
" ရွာမှာက ကြွပ်ကြွပ်အိတ် အသုံးပြုမှုများလာပါတယ်၊ သုံးပြီးတဲ့ ပလစတစ်ကို ချောင်းထဲကို ပစ်ချကြတယ်၊ ပလစတစ်တွေများလာတော့ ချောင်းမှာ ပိတ်ဆို့လာတဲ့အတွက် မိုးရာသီတိုင်းမှာ ရေကြီးတဲ့ဒဏ်ကို ခံရပါတယ်၊ နောက်ပြီး ပတ်ဝန်းကျင် ညစ်နွမ်းလာတယ်၊ ဒါကြောင့် လူငယ်တွေက ကျေးရွာရှိ လမ်းတွေ၊ ဘုန်းကြီးကျောင်း၊ စာသင်ကျောင်းတွေမှ လွင့်ပစ်ထားတဲ့ ကြွပ်ကြွပ်အိတ်တွေကို လိုက်ကောက်တယ်၊ နောက်ပြီး ရွာပြင်မှ မြေကျင်းတူးပြီး ရရှိလာတဲ့ ပလစတစ်တွေကို မြုပ်နှံကြပါတယ်။ " ဟု ကော်မတီမှ ကြွပ်ကြွပ်အိတ်ကောက်သော အဖွဲ့အား ဦးဆောင်သူ ဒေါ်စိုးစိုးဌေးမှ ပြောသည်။
ကမ္ဘာ့ကျန်းမာရေး အဖွဲ့ကြီး၏ ၂၀၁၁ ခုနှစ် ထုတ်ပြန်ချက် အစီရင်ခံစာ အရ မြန်မာနိုင်ငံတွင် ကမ္ဘာ့ကင်ဆာရောဂါ အဖြစ်အများဆုံး နိုင်ငံ ၁၀ နိုင်ငံ ထဲတွင် နံပါတ် ၂ နေရာတွင်ရှိနေပြီး ကင်ဆာရောဂါ ဖြစ်စေနိုင်သည့် အကြောင်းရင်းများထဲ၌ ပါဆယ်ထုပ်ပိုးသည့် ကြွပ်ကြွပ်အိတ် အမျိုးမျိုးနှင့် ဖော့ဘူးများကြောင့်လည်း ပါဝင်သည်ဟု သိရသည်။
လူစားသောက်ဖွယ်ရာများကို ပလစတစ်၊ ကြွပ်ကြွပ်အိတ် မျိုးစုံတို့ဖြင့် ထုပ်ပိုးနေကြပြီး အဆိုပါ ပလစတစ်တွင် ပါဝင်သော " ပလတ်စတစ် ဆိုက်ဇာ " ဆိုသည့် ဓာတ်နှင့် " စတိုင်းရင်း " ဟူသော ဓာတုပစ္စည်းများမှာ အပူဓာတ်၊ ဆီပါဝင်သည့် အစားအစာများနှင့် ထိတွေ့သောအခါ အစားအသောက် အတွင်းပျော်ဝင်ပြီး စားသုံးရာမှာ အန္တရာယ် ဖြစ်စေနိုင်သော ကင်ဆာရောဂါများ ဖြစ်ပွားစေခြင်း ဖြစ်ကြောင်း သိရသည်။
(သတင်းအရင်းအမြစ်- Arakantimes ၊ ရေးသားသူ- ဇင်ကီး)