Friday, May 31, 2013

ကျွန်းပြန်ရဲဘော် ခိုင်ဓညလင်း၏ မိခင်ကွယ်လွန်

အိန္ဒိယ ထောင်ထဲတွင် နှစ်ပေါင်း ၁၃ နှစ်ကျော် ထိန်းသိမ်းခံခဲ့ရပြီး ယခု နယ်သာလန်နိုင်တွင် ခိုလုံရောက်ရှိနေသူ ခိုင်ဓညလင်း၏ မိခင်သည် လွန်ခဲ့သော အင်္ဂါနေ့က ကွယ်လွန်သွားခဲ့ကြောင်း သတင်း ရရှိသည်။
flowerသေဆုံးချိန်မှာ ခိုင်ဓညလင်း မိခင် ဖြစ်သူ ဒေါ်မကျော့သာမှာ အသက် (၈၆) နှစ်ရှိပြီ ဖြစ်သည်။ ပေါက်တောမြို့ အမှတ် (၃) ရပ်ကွက် နေအိမ်တွင် နာတာရှည် လူကြီး ရောဂါဖြင့် ကွယ်လွန် သွားခဲ့သည်ဟု သိရသည်။
၁၉၉၀ ခုနှစ်မှ စပြီး ပြည်ပသော ရောက်ရှိနေသော ခိုင်ဓညလင်းမှာ အိမ်မှ ထွက်ခွာလာပြီး နောက်ပိုင်း မိခင်ဖြစ်သူနှင့် တစ်ကြိမ် တစ်ခါမျှဆုံတွေ့ နိုင်ခဲ့ခြင်း မရှိကြောင်း ပြောသည်။
ခိုင်ဓညလင်း အပါအ၀င် ညီအစ်မ သုံးဦးကျန်ရှိခဲ့သည်ဟု သိရသည်။
ခိုင်ဓညလင်းသည် စစ်တွေ တက္ကသိုလ်တွင် တက်ရောက် ပညာသင်ကြားခဲ့သော ကျောင်းသား တစ်ဦး ဖြစ်ပြီး ၁၉၈၈ ခုနှစ် အရေးအခင်း နောက်ပိုင်းတွင် ကျောင်းမှ ထွက်ပြီး ပြည်ပသို့ ထွက်ခွာခဲ့ကာ ၁၉၉၅ ခုနှစ် ရခိုင်ပြည်လုံးဆိုင်ရာ ကျောင်းသားနှင့် လူငယ်များ အစည်းအရုံးတွင် ဒုဥက္ကဌ အဖြစ် စတင် ဆောင်ရွက်ခဲ့သူ ဖြစ်သည်။
ဗိုလ်ရာဇာ ဦးဆောင်သော NUPA နှင့် ပူးပေါင်းပြီးနောက်  ပါတီဗဟိုကော်မီတီ အဖြစ်ဆောင်ရွက်ခဲ့ကာ ၁၉၉၈ ခုနှစ် အိန္ဒိယ နိုင်ငံ အန်ဒမန်ကျွန်းတွင် ဗိုလ်ရာဇာတို့နှင့် အတူ အခြေစိုက် စခန်း တည်ဆောက်ရန် သွားရောက်စဉ် ပါဝင်ခဲ့သည်။
ဗိုလ်ရာဇာနှင့် ခေါင်းဆောင် (၅) ဦးအား အိန္ဒိယ စစ်တပ်မှ သတ်ဖြတ်ပြီး နောက် အိန္ဒိယ အစိုးရ၏ဖမ်းဆီး ထိန်းသိမ်းခြင်းကို ၁၃ နှစ်ကျော် ခံခဲ့ရသည်။
(ခိုင်ဓညလင်း မိခင် သေဆုံးမူ အပေါ် မိသားစုနှင့် ထပ်တူ ၀မ်းနည်းကြောင်း ဖေါ်ပြအပ်ပါသည်။/ နိရဉ္စရာ သတင်းဌာန) 
(သတင်းအရင်းအမြစ်- နိရဉ္စရာသတင်းဌာန)
------------------------------------------------------------------------------------------------------------------------------------------------
(ခိုင်ဓညလင်း၏ မိခင်ကွယ်လွန်မှုအပေါ် မိသားစုနှင့်ထပ်တူဝမ်းနည်းကြေကွဲရပါကြောင်း- ရခိုင်သတင်းများစုစည်းမှုဘလော့ဂ်)
Post a Comment