ရခိုင်တစ်မျိုးသားလုံးအတွက် အသက်တမျှ အရေးကြီးသော ရခိုင်အမျိုးသားနေ့ သတ်မှတ်ရန်လိုအပ်/ ရခိုင်အမျိုးသားနေ့ သတ်မှတ်ရေးကြိုးပမ်းမူ(ယာယီ) ကော်မတီဖွဲ့စည်း

ရခိုင်တစ်မျိုးသားလုံးအတွက် အသက်တမျှအရေးကြီးသော ရခိုင်အမျိုးသားနေ့အဖြစ် သတ်မှတ်ရန်လိုလာသဖြင့် ရခိုင်အမျိုးသားနေ့ သတ်မှတ်ရေးကြိုးပမ်းမူ(ယာယီ) ကော်မတီ ဖေဖော်ဝါရီ ၂၈ ရက်နေ့က ဖွဲ့စည်းခဲ့ကြောင်း သတင်းရရှိသည်။
" ကျနော်တို့မှာ ရခိုင်လူမျိုးဆိုတာ သမိုင်းအစဉ်အလာအရ ထွန်းကားလာပေမယ့် ကျနော်တို့ ရခိုင်လူငယ်လူရွယ်တွေဟာ ကိုယ့်ကိုယ်တောင် ရခိုင်လူမျိုးဖြစ်နေတာကိုတောင်မှ မသိကြတဲ့အနေအထားမျိုးရှိတယ်။ နောက်တစ်ချက်က ရခိုင်ယဉ်ကျေးမှုတွေ၊ ရိုးရာဓလေ့တွေ၊ ပျောက်ကွယ်လုနီးပါးဖြစ်နေပြီဖြစ်တဲ့အတွက် အမျိုးသားနေ့တစ်ရပ်ကို ဖော်ထုတ်ပြီးတော့ ရခိုင်ယဉ်ကျေးမှုတွေ၊ ရခိုင်ရိုးရာဓလေ့တွေ၊ ဝတ်စားဆင်ယင်မှုတွေကို တညီတညွတ်တည်း ဖော်ထုတ်လို့ရှိရင် မိမိတို့ရခိုင်လူမျိုးတွေဟာ နောင်အနာဂတ်မှာလည်း ရေရှည်တည်တံ့ခိုင်မြဲသွားမှာဖြစ်ပါတယ်။ အမျိုးဂုဏ်ဇာတိဂုဏ် မပျောက်ပျက်အောင်၊ အမျိုးသားစိတ်ဓါတ်လည်း အခုထက်မက ရှင်သန်လာဖို့လို့ ယုံကြည်မိတဲ့အတွက် ရခိုင်အမျိုးသားနေ့ဟာ မဖြစ်မနေရှိသင့်ပါတယ်။ " ဟု RNDP တွဲဘက် အတွင်းရေးမှူး ခိုင်ပြည်စိုးက ပြောသည်။
အဆိုပါ ယာယီကော်မတီအား ရခိုင်တိုင်းရင်းသားများ တိုးတက်ရေးပါတီ(ဗဟိုဌါနချုပ်)ရုံးတွင် စစ်တွေမြို့မှ သမိုင်းပညာရှင်များ၊ တတ်သိပညာရှင်များ၊ ဥပဒေပညာရှင်များ၊ ၀န်ကြီးများ၊ ပါတီဗဟိုကော်မတီဝင်များနှင့် တခြားစိတ်ပါဝင်စားသော လူပုဂ္ဂိုလ် (၅၀) ခန့်တွေ့ဆုံဆွေးနွေးကာ ဖွဲ့စည်းခဲ့ကြကြောင်း သိရသည်။
" ကော်မတီ အတည်ပြုဖွဲ့စည်းပြီးတဲ့အခါ အချက်အလက်တွေကို စုဆောင်းပြီးတော့ မြို့နယ်တိုင်းမြို့နယ်တိုင်းကို သွားပြီးတော့ ရခိုင်အမျိုးသားနေ့ကို ဘယ်နေ့သတ်မှမလဲဆိုတာကို ဆန္ဒခံယူပွဲကျင်းပကာ လုပ်သွားမှာဖြစ်ပါတယ်။ သို့သော် အသေးစိတ်အချက်အလက်ကို လာမယ့်တနင်္ဂနွေနေ့ မှာ ထုတ်ပြန်သွားမှာဖြစ်ပါတယ်။ " ဟု ခိုင်ပြည်စိုးက ပြောသည်။
ရခိုင်အမျိုးသားနေ့အဖြစ် သတ်မှတ်ရန်အတွက် " ရခိုင်လူမျိုးတွေမှာ ရခိုင်ရာဇာဝင်ခေတ်၊ အင်္ဂလိပ်ခေတ်၊ ပြည်ထောင်စုမြန်မာနိုင်ငံခေတ်တွေမှာ ထူးခြားတဲ့ရက်တွေ အများကြီးရှိခဲ့ကြပါတယ်။ ရခိုင်ပြည် အချုပ်အခြာအာဏာကျဆုံးတဲ့နေ လည်းရှိတယ်။ အဲဒီအထဲက နေပြီးတော့ အခု ဦးတည်ချက်ကတော့ ကျဆုံးတဲ့နေ့ထက် အောင်ပွဲခံယူတဲ့နေ့ကို သတ်မှတ်မလားဆိုတဲ့ သဘောနှင့် စဉ်းစားထားကြပါတယ်။ အောင်ပွဲခံယူတဲ့နေ့မှာတောင်မှ စစ်ရေးနဲ့ အောင်ပွဲခံယူတဲ့ နေ့တွေရှိပါတယ်။ သဘောထားနဲ့ အောင်ပွဲခံယူတဲ့ နေတွေလည်းရှိပါတယ်။ အဲဒီနေ့တွေကို ရွေးချယ်သင့်တယ်လို့ သဘောထားကြပါတယ်။" ဟု ယာယီကော်မတီအဖွဲ့ဝင် ဦးမောင်ဗသိန်းက ပြောသည်။
ရခိုင်ပြည်နယ်(၁၇)မြို့နယ်၊ ရန်ကုန်မှရခိုင်များ၊ နိုင်ငံတကာရောက်ရခိုင်များမှ သမိုင်းပညာရှင်များ၊ တတ်သိပညာရှင်များ၊ စာရေးဆရာများ၊ ရဟန်းသင်္ဃာတော်များနှင့် ရခိုင်တမျိုးသားလုံး၏ သဘောဆန္ဒကို တောင်းခံပြီး ရခိုင်တမျိုးသားလုံး လက်ခံနိုင်သော နေ့တစ်ရက်ဖြစ်အောင် နိူးဆော်ပြီးသဘောထား တောင်းခံကာ လုပ်ဆောင်သွားမည်ကို ယာယီကော်မတီမှ ဆုံးဖြတ်ခဲ့ခြင်းဖြစ်သည်။
ယာယီကော်မတီအား ၁။ ဦးအောင်လှသိန်း၂။ ဦးအောင်ချစ် ၃။ ဦးမောင်ဗသိန်း ၄။ ဦးညိုသန့် ၅။ ဦးဖိုးကျော်သန်း ၆။ ဦးစောမောင် ၇။ ဒေါက်တာတင်အောင် ၈။ ဦးသာပွင့် ၉။ ဂေါရာမြေစောဝင်း ၁၀။ ဗဂျီးကျော်၁၁။ ဦးဝေစိန်အောင်၁၂။ ဦးကျော်ရွှေမောင် ၁၃။ ဦးကျော်ဆန်း ၁၄။ ဒေါ်အေးနုစိန် ၁၅။ ဦးအောင်မြကျော်တို့ဖြင့် ဖွဲ့စည်းခဲ့ကြပြီး ရဟန်းသင်္ဃာများထဲမှ ၂ ဦး၊ ရှေ့နေများမှ ၂ ဦး၊ ALD ပါတီမှ ၂ ဦး၊ စာရေးဆရာများမှ ၂ ဦး၊ ရဟန်းပျိုများမှ ၂ ဦး၊ အဖွဲ့အစည်းပေါင်းစုံမှ ၁ ဦး ကျစီ စည်းရုံးပြီး ကော်မတီအင်အားကို တိုးချဲ့ပြီး (၆) လအတွင်းတွင် ရခိုင်တမျိုးသားလုံးပါဝင်သော ရခိုင်အမျိုးသားနေ့ သတ်မှတ်ရေး ညီလာခံကြီးကို ပြုလုပ်ပြီး ရွေးချယ်သွားမည်ကို ဆုံးဖြတ်ခဲ့ကြသည်။

(သတင်းအရင်းအမြစ်- Arakantimes by မိုးဇော်)