 |
| မောင်တော-ဘူးသီးတောင် လမ်းပေါ်ရှိ တောင်ခေါင်းကြီး (ဓါတ်ပုံ- နိရဉ္စရာ) |
ဘူးသီးတောင်-မောင်တော ကားလမ်းပေါ်ရှိ တောင်ခေါင်းကြီးမှာ အင်္ဂလိပ်တို့ မြန်မာနိုင်ငံကို အုပ်ချုပ်စဉ်ကတည်းက ဖေါက်လုပ်ခဲ့ပြီး ယခုအခါ သက်တမ်းလွန်နေပြီ ဖြစ်သဖြင့် တောင်ခေါင်းကြီး အပေါ်ရှိ တောင်ကိုပတ်ပြီး ကားလမ်းသစ်တစ်ခုကို သက်ဆိုင်ရာမှ ဖေါက်လုပ်နေသည်ဟု သိရသည်။
ထိုသို့ ဖေါက်လုပ်နေစဉ် ဆက်လက် အသုံးပြုနေရဆဲ ဖြစ်သော တောင်ခေါင်းကြီးလမ်းကို မပြုပြင်ဘဲ ပစ်ပယ်ထားသဖြင့် ယခုအခါ သွားလာ၍ မရအောင် ပျက်စီးနေကာ အချိန်မရွှေး အန္တရယ်နှင့် ကြုံတွေ့ရနိုင်သည်ဟု မောင်းတော ဒေသခံ တစ်ဦးက နိရဉ္စရာသို့ ပြောသည်။
“ တောင်ခေါင်းကြီးလမ်းက အရင်က ကတ္တရာလမ်းခင်းထားတဲ့ အတွက် သွားလာရတာ အဆင်ပြေတယ်။ အခုတော့ ကတ္တရာတွေလည်း မရှိတော့တဲ့ အတွက် ချိုင့်ခွက်ကြီးတွေ ဖြစ်နေပြီး အောက်က သံချောင်း တွေလည်း ထိုထိုထောင်ထောင် လမ်းပေါ်ကို ထိုးထွက်နေတဲ့ အတွက် ခရီးသွားလာရာမှာ အထူးအခက်အခဲ ဖြစ်နေပါတယ်။ တစ်နေ့ မဟုတ်ရင် တစ်နေ့ အန္တရာယ်လည်း ကျရောက်နိုင်ပါတယ်။ ဒါကြောင်း ကိုက် ၅၀၀ ကျော်ရှိတဲ့ ဒီတောင်ခေါင်းကြီးလမ်းကို ကတ္တရာ မဟုတ်ရင်တောင်မှ ကျောက်ချောလမ်းခင်းပေးဖို့ သက်ဆိုင်ရာကို ကျွန်တော်တို့ တောင်းဆိုပါတယ်” ဟု ယင်းဒေသခံက ဆိုသည်။
လူသွား လူလား အလွန်များသော မောင်တော- ဘူးသီးတောင်ကားလမ်းသည် ၁၆ မိုင်သာ အကွားအဝေး ရှိသော်လည်း မတ်စောက်သော တောင်တန်းများကို ကွေ့ပတ် ဖေါက်လုပ်ထားသော ကားလမ်းဖြစ်သဖြင့် အန္တရာယ် အလွန်များကြောင်း သိရသည်။
နှစ်စဉ် မိုးရာသီတွင် မြေပြိုခြင်း၊ လမ်းများရေတိုက်စားခံရခြင်း၊ တံတားများကျိုးကျခြင်းများ ဖြစ်ပေါ်လေ့ရှိသည်ဟု ဆိုသည်။ သို့သော်လည်း အာဏာပိုင်များက ငွေကုန်ကြေးကျခံပြီး ၎င်းလမ်းအား ပြုပြင်ပေးခြင်း မရှိကြောင်း သိရသည်။
“ ပြင်နေတာကတော့ အချိန်မရွှေးပါဘဲ။ ဟိုနားမှာပြိုရင် သွားပြင်လိုက်။ ဒီနားမှာပျက်ရင် သွားလုပ်လိုက်နဲ့ ပြင်နေတာကတော့ ရာသီ မရွှေးပါဘဲ။ ဒါပေမယ့် စနစ်တကျ တိုင်းထွာ တွက်ချက်ပြီး လုပ်တာ မဟုတ်တဲ့ အတွက် ပြင်တော့ ပြင်တယ်။ ကောင်းလာတော့ မတွေ့ရပါဘူး။ အခုအချိန်ထိ ကားလမ်းက ပျက်စီးနေတုန်းပါ” ဟု ၎င်းက ဆိုသည်။
မောင်တော-ဘူးသီးတောင်ကားလမ်းမှာ ယခုနှစ်မိုးရာသီအတွင်းကလည်း အကြီးအကျယ် ပျက်စီးခဲ့ပြီး ယခုအချိန်ထိ ပြန်လည် ပြုပြင်နိုင်ခြင်း မရှိသေးကြောင်း ဒေသခံများက ပြောသည်။
ကားလမ်းကို မပြုပြင်နိုင်သော်လည်း တောင်ခေါင်းကြီးအတွင်းရှိ ကားလမ်းမှာ အထူးပျက်စီးနေ၍ အချိန်မရွှေး အန္တရာယ် ကျရောက်နိုင်သဖြင့် ယင်းလမ်းပိုင်းအား ကတ္တရာမခင်းနိုင်သည့်တိုင်အောင် ကျောက်ချောလမ်း အဖြစ် အမြန်ဆုံး ပြုပြင်ပေးရန် ဒေသခံ ပြည်သူများက လိုလားနေကြခြင်း ဖြစ်ကြောင်း သိရသည်။
(သတင်းအရင်းအမြစ်- နိရဉ္စရာသတင်းဌာန)
No comments:
Post a Comment