သမိုင်းပညာရှင် ပါမောက္ခ ဒေါက်တာအေးချမ်းအား " ရက္ခဝံသ ရက္ခိတ " ဆုပေးအပ်ပွဲ အခမ်းအနားကို ရခိုင်ပြည်နယ် စစ်တွေမြို့၊ စစ်တွေဟိုတယ်တွင် ယနေ့တွင် ကျင်းပပြုလုပ်ကြောင်း သတင်းရရှိသည်။
Dr. Aye Chan in Siwatty Hotel copy
ရခိုင်အမျိုးသားရေးဖက်မှ သတ္တိရှိရှိနှင့် ရပ်တည်ကာ မိမိတို့ အမျိုးသားရေးအတွက် တစိုက်မက်မက်လုပ်ဆောင်ပေးနေသော ဂျပန်နိုင်ငံ Kanda တက္ကသိုလ် နိုင်ငံတကာ လေ့လာရေးဌာမှ သမိုင်းပညာရှင် ပါမောက္ခ ဒေါက်တာအေးချမ်းအား ဂုဏ်ပြုသည့်အနေဖြင့် "ရခိုင်မျိုးနွယ်ကိုစောင့်သူ" ဆုကို ချီးမြှင့်ခြင်းဖြစ်ကြောင်း ဝံလက်ဖေါင်ဒေးရှင်းမှ ဒါရိုက်တာအဖွဲ့ဝင် ကိုဇော်ဇော်ထွန်းက ပြောသည်။
သမိုင်းပါမောက္ခ ဒေါက်တာအေးချမ်းအား "ရခိုင်မျိုးနွယ်ကိုစောင့်သူ" ဆုကိုပေးရခြင်းအကြောင်းဖြစ်ပေါ်လာခြင်းကို ဆရာသိန်းထွန်းအေးက ရှင်းပြသည်။
" ပထမတော့ ကျနော်တို့ ၀ံလက်အနေနဲ့ ဆရာကြီးရဲ့ သြ၀ါဒကို ခံယူလိုတယ်ဆိုပြီး ဖိတ်ထားတာဖြစ်တယ်။ နောက် ကျွန်တော်တို့စဉ်းစားတယ်။ ဆရာဟာ အမျိုးသားခေါင်းဆောင် တစ်ဦးလည်း ဖြစ်တယ်။ ဒါကြောင့် ကျနော်တို့ ၀ံလက်ကဆုပေးတာထက် ရခိုင်တမျိုးသားလုံးကဆုပေးတာ ကောင်းမယ်ဆိုပြီး ရခိုင်စာပေပညာရှင်တွေ သမိုင်းပညာရှင်တွေနဲ့ တိုင်ပင်ပြီး ဆရာဟာ ပညာရှင်တစ်ဦးဆိုတာထက် တိုင်းပြည်နဲ့လူမျိုးအတွက် အသက်ကိုပါစွန့်ပြီး လုပ်နေတဲ့ ပုဂ္ဂိုလ်တစ်ဦးဖြစ်တဲ့အတွက် "ရက္ခ၀ံသ ရက္ခိတ" ဆိုပြီး ပညရှင်ဆုပေးဖို့ ဆုံးဖြတ်ထားတာ ဖြစ်ပါတယ်။ ဒီဆုက ရခိုင်တမျိုးသားလုံးကပေးတာ ဖြစ်တယ်။ ကျနော်တို့ ၀ံလက်က ကမကထလုပ်ပေးတာ သာဖြစ်ပါတယ်။ " ဟု ဆိုသည်။
အဆိုပါ အခမ်းအနားတွင် ဒေါက်တာအေးချမ်းမှ သမိုင်းဆိုင်ရာ အတွေ့အကြုံများကို ရှင်းလင်းပြေားကြားခဲ့ကြောင်း သိရသည်။
ထိုရှင်းလင်းပွဲသို့ တက်ရောက်လာကြသော ရခိုင်ပြည်သူများမှာ ၁၀၀၀ နီးပါးခန့်ရှိပြီး ခန်းမအတွင်း၌ ၃၀၀ ကျော်နှင့် ၄င်းခန်းမတွင် မဆန့်၍ အပြင်တွင် ၅၀၀ ကျော်တက်ရောက်ခဲ့ကြောင်း သိရသည်။
အဆိုပါဆု၏ ပုံသဏ္ဍန်မှာ ဝေသာလီခေတ်က ဒင်္ဂါးပြားကို ရွှေ(၁)ကျပ် ခွဲ ကျော်ဖြင့် ရွှေအတိပြုလုပ်ကာ ၄င်းဒင်္ဂါးပြားကို သဇင်ခတ်များဖြင့် ဝန်းရံထားကြောင်း သိရသည်။