Friday, March 8, 2013

စားကျက်ရှား၍ ရခိုင်၌ ကျွဲ၊ နွားမွေးမြူရေး ဆက်လက်လုပ်ကိုင်ရန် ခက်ခဲနေ





ရခိုင်ပြည်နယ် မောင်တောခရိုင် မောင်တော၊ ဘူးသီးတောင် ဒေသများအတွင်း ကျွဲ ၊နွားတိရစ္ဆာန်များအတွက်  စားကျက်မြေ ရှားပါးလာခြင်းကြောင့် တောင်သူတစ်ချို့မှာ ကျွဲ၊ နွားတိရစ္ဆာန်များကို ဆက်လက်မွေးမြူရန် ခက်ခဲလျက်ရှိသည်ဟု ဒေသခံများ ထံက သိရသည်။
 
အဆိုပါ ဒေသများတွင် ကျွဲ ၊ နွားများကို မြေယာလုပ်ငန်းများ အတွက် မွေးမြူကြပြီး တောင်သူများအနေဖြင့် မိမိပိုင်ဆိုင်သည့် လယ်မြေဧကအပေါ်မူတည်၍ အနည်းဆုံး ကောင်ရေ (၅) ကောင်မှ အများဆုံး ကောင်ရေ(၂၅) ကောင်ခန့် မွေးမြူ ကြကြောင်း  တောင်သူအချို့ထံမှ သိရှိရသည်။
 
 စားကျက်များကို ဦးပိုင်ဂရမ်အမည်ပေါက် ရရှိအောင်ဆောင်ရွက်လာခြင်း၊ သီးနှံစိုက်ပျိုးမြေများ ဖေါ်ထုတ်လုပ်ကိုင်လာခြင်း များနှင့်    ၊ ကျေးလက်လူနေ ပတ်ဝန်းကျင်များ ပြောင်းလဲလာခြင်းများကြောင့်  စားကျက်များမှာ တစ်နှစ်ထက် တစ်နှစ် ရှားပါးပျောက်ကွယ်လာခြင်းဖြစ်ကြောင်း သိရသည်။
 
ကျွန်တော်တို့ မောင်တောကျေးလက် ဒေသလယ်ယာစိုက်ပျိုးရေး ကဏ္ဍကို ခြုံပြီး ကြည့်ရင် ဒေသခံတောင်သူတွေက ကျွဲ။ နွားမမွေးနိုင် ၊ လယ်ယာမြေမလုပ်နိူင်သူတွေ ချည်းပဲ။ ဘယ်လိုအခြေအနေမျိုးနှင့် လုပ်ကိုင်နိုင်ကြမှာလဲဗျာ။  ပျောက်ကွယ် လာတာမှာ ဒေသခံတွေကအနာဂတ် ရည်ရည်အတွက် ထည့်တွက်စဉ်းစားမှု အားနည်းခဲ့တယ်။ စားကျက်မရှိလို့ ဆိုပြီး သူတို့တွေရဲ့ကျွဲ၊ နွားတွေနဲ့ လယ်ယာစိုက်ပျိုးမြေတွေကို မစဉ်းစား မဆင်ခြင် ရောင်းချလာကြတာ။ စားကျက်မရှိလို့  ကျွဲ ၊ နွားတိရစ္ဆာန်တွေကိုရောင်းချတာထက်  လယ်ယာမြေတွေကို ရောင်းချတာက ပိုဆိုးသွားတာပေါ့ ဟု မောင်တောဒေသ မှ ကျေးရွာအုပ်ချုပ်ရေးမှူးက ပြောသည်။
 
စားကျက်မြေရှားပါးလာရခြင်းမှာလည်း မြေများရောင်းစားခြင်း ၊ စိုက်ပျိုးမြေချဲ့ထွင်လာခြင်းကြောင့်   တာင်သူတစ်ဦးက ဆိုသည်။
 
ဒီမှာတော့ စားကျက်ရှားလာတဲ့ ပြဿနာကြောင့် တောင်သူတွေမှာ ကျွဲ။နွားတိရစ္ဆာန်များကိုအကောင်ရေလျော့ချ   မွေးမြူ လာတာတို့   ၊ တချို့တောင်သူတွေမှာ လုံးဝစွန့်လွတ်လာတာတို့ ထိရှိလာပါတယ်။ အရင်အထက်ထက်က ပိုင်ရှင်မဲ့ စားကျက်တွေမှာ ပိုင်ရှင်တွေပေါ်လာတာ ကတစ်မျိုး၊  စိုက်ပျိူးမြေနှင့် ကျေးလက်ချဲ့ထွင်လာတာက တစ်ဖုံနဲ့ရှေ့ဆက် ကျွဲ ၊နွားမွေးလို့ ဘယ်လိုအဆင်ပြေမှာလဲဟု ဘူးသီးတောင် မြို့နယ် မြောက်ပိုင်းရှိ တောင်ကြီးရင်းကျေးရွာနေ ဦးသာကျော်ဦး က ပြောသည်။
 
မောင်တော၊ ဘူးသီးတောင်ဒေသများတွင် လွန်ခဲ့သည့် နှစ်ပေါင်း(၂၀)ကျော်က ကျွဲ ၊ နွားတိရစ္ဆာန်များကို လွတ်ကျောင်းစနစ်ဖြင့် မွေးမြူခဲ့ပြီး ယခုထိန်းကျောင်း စနစ်သို့ ပြောင်းလဲမွေးမြူလာကြောင်း သိရသည်။

(သတင်းအရင်းအမြစ်- မြစ်မခမီဒီယာမှ အာရကန်ကိုကို(မောင်တော))
Post a Comment