ပြည်တွင်း တိုင်းရင်းသားနိုင်ငံရေးပါတီများမှ ခေါင်းဆောင်များနှင့် ပြည်ပအခြေစိုက် တိုင်းရင်းသား အဖွဲ့အစည်းများ ကိုယ်စားပြုသည့် " တိုင်းရင်းသား ပူးပေါင်းဆောင်ရွက်ရေး အလုပ်အဖွဲ့ (Working Group for Ethnic Coordination-WGEC) " မှ ကိုယ်စားလှယ်တို့ ရန်ကုန်မြို့၊ ဗဟန်းမြို့နယ်၊ ရွှေဂုံတိုင်လမ်းရှိ တော်ဝင်နှင်းဆီခန်းမတွင် ဧပြီလ၂၁ - ၂၂ နေ့များက တွေ့ဆုံ ဆွေးနွေးခဲ့ကြကြောင်း သိရသည်။
ပြည်တွင်းပြည်ပ တိုင်းရင်းသားခေါင်းဆောင်များ ရန်ကုန်မြို့ တော်ဝင်နှင်းဆီခမ်းမတွင် ကျင်းပနေစဉ်။ပြည်တွင်းပြည်ပ တိုင်းရင်းသားခေါင်းဆောင်များ ရန်ကုန်မြို့ တော်ဝင်နှင်းဆီခမ်းမတွင် ကျင်းပနေစဉ်။
WGEC မှာ ပြည်ပအခြေစိုက် တိုင်းရင်းသား လက်နက်ကိုင်အင်အားစုများနှင့် တိုင်းရင်းသား နိုင်ငံရေးပါတီ အဖွဲ့အစည်းများပါဝင်ပြီး၊ ရခိုင်လွတ်မြောက် ရေးပါတီ(ALP)မှ ဒေါ်စောမြရာဇာလင်းနှင့် ချင်းအမျိုးသားတပ်ဦး (CNF)မှ ဒေါက်တာရွှေခါးတို့က ယခုဆွေးနွေးပွဲ WGEC ကိုယ်စားလှယ်များအဖြစ် လာရောက်ကြ ခြင်းဖြစ်သည်။
ဧပြီ ၂၂ ရက်နေ့ တွေ့ဆုံ ဆွေးနွေးပွဲနှင့် ပတ်သက်၍ ဆွေးနွေးပွဲတက်ရောက်ခဲ့သူ ရခိုင်တိုင်းရင်းသားများ တိုးတက်ရေးပါတီ (RNDP)အတွင်းရေးမှူး ဦးခိုင်ပြည်စိုးက " ဒီဆွေးနွေးပွဲမှာ ၂၀၁၀ ရွေးကောက်ပွဲ ၀င်နိုင်ငံရေးပါတီ ၁၂ ခုက လူ ၅၀ လောက်တက်ရောက်ကြတယ်။ အဓိကအားဖြင့် ငြိမ်းချမ်းရေး ဆွေးနွေးဖို့အတွက် သူတို့မှာ ချမှတ်ထားတဲ့ မူဘောင်အချက်အလက်တွေကို ချပြဆွေးနွေးသွားတာပါ။ အဲဒီမှာ သူတို့ရဲ့ တိုင်ရင်းသား လူမျိုးများ၏ ငြိမ်းချမ်းရေးဆိုင်ရာ နိုင်ငံရေးလုပ်ငန်းစဉ် ၆ ချက်၊ ကျယ်ပြန့်သော ပြည်ထောင်စု ငြိမ်းချမ်းရေးနဲ့ အပစ်အခတ် ရပ်စဲရေး သဘောတူညီချက် (ပြည်ထောင်စုမြန်မာနိုင်ငံ) သဘောထားမူကြမ်းဆိုတာကို ချပြခဲ့တယ်။ " ဟု ဆိုသည်။
ဧပြီ ၂၁ ရက်နေ့ ဆွေးနွေးပွဲနှင့် ပတ်သက်၍ ဆွေးနွေးပွဲတက်ရောက်ခဲ့သူ ရခိုင်ဒီမိုကရေစီအဖွဲ့ချုပ် (ALD) အတွင်းရေးမှူး ဦးမျိုးကျော်က " သူတို့က
ညီညွတ်သော တိုင်းရင်းသား လူမျိုးများမဟာမိအဖွဲ့(UNA) ခေါင်းဆောင် တွေနဲ့ တော်ဝင်နှင်းဆီခန်းမမှာ တွေ့ဆုံခဲ့တာပါ။ UNA အဖွဲ့ဝင် ၂၀ ကျော် တက်ရောက်ခဲ့ပါတယ်။ အဓိကကတော့ အစိုးရနဲ့ သူတို့ဆွေးနွေးဖို့ပြင်နေတယ်။ အဲဒီမှာ သူတို့တင်ပြမယ့် အချက်တွေကို ပြည်တွင်း တိုင်းရင်းသား နိုင်ငံရေးခေါင်းဆောင်တွေကို လာချပြတာပါ။ သူတို့ရဲ့တင်ပြမှုကို အားကောင်းစေလိုတဲ့သဘောမျိုး ထင်တယ်။ တထိုင်တည်းနဲ့တော့ ဒီကလူတွေ တုန့်ပြန်ဖို့က မဖြစ်နိုင်ဘူး။ ဒါကြောင့် နောက်တော့မှ အကြံပြုရမှာပေါ့။ အဲဒီမှာ ပင်လုံညီလာခံလို တိုင်းရင်းသားညီလာခံ ခေါ်ယူရေး၊ ဖွဲ့စည်းပုံပြင်ဆင်ရေးတို့ကိုလည်း ဆွေးနွေးဖြစ်တယ်။ " ဟု ဆိုသည်။
" ငြိမ်းချမ်းရေး၊ တွေ့ဆုံ ဆွေးနွေးပွဲတွေဖြစ်လာရင် ဘာတွေကိုဆွေးနွေးမယ်။ တိုင်းရင်းသား ပေါင်းစုံပါတဲ့ ဆွေးနွေးပွဲ ကိုဘယ်မှာလုပ်မယ်။ ဘယ်လိုအဖွဲ့အစည်းတွေပါမယ်။ အရင်က မတရားအသင်းကြေညာခံထားရတဲ့ အဖွဲ့တွေပါလာရင် အစိုးရအနေနဲ့ဘယ်လို သဘောထားမလဲ။ ၁၇(၁)နဲ့ အရေးယူမလား။ အစိုးရက သူတို့လုပ်ချင်ရင် ဥပဒေကိုဘေးဖယ် လက်နက်ကိုင်တွေနဲ့တွေ့တယ်။ ဖမ်းချင်ရင် မတရားအသင်းနဲ့တွေ့တယ် ဆိုပြီးဖမ်းတယ်။ အခုကိစ္စ ဘယ်သူတာဝန်ယူမလဲ။ ဒါတွေကိုဆွေးနွေးဖြစ်တယ်။ ဒါက တိုင်းရင်းသားပါတီတွေ အဆင့်ပဲရှိသေးတယ်။ ဗမာပါတီတွေ မပါသေးဘူး။ ငြိမ်းချမ်းရေးအတွက် ကြိုးစားတာကို ၀မ်းသာတယ်။ ဖြစ်မြောက်အောင် လုပ်ကြပါလို့ ဒါပဲပြောချင်တယ်။ " ဟု UNA ခေါင်းဆောင်တဦးဖြစ်သူ မွန်ဒီမိုကရေစီအဖွဲ့ချုပ် ဥက္ကဋ္ဌ နိုင်ငွေသိန်းက ရှင်းပြသည်။
နောက်တစ်ကြိမ် တိုင်းရင်းသားခေါင်းဆောင်များ တွေ့ဆုံဆွေးနွေးပွဲကို လာမည့်ဧပြီ ၂၉၊ ၃၀ နေ့များတွင် ပြုလုပ်သွားမည်ဖြစ်ပြီး၊ ကျင်းပမည့်နေရာ အတိအကျကိုမူ မသတ်မှတ်ရသေးကြောင်း ၄င်းက ဆိုသည်။
ညီညွတ်သော တိုင်းရင်းသား လူမျိုးများမဟာမိအဖွဲ့မှာ စစ်အစိုးရ လက်ထက်က တိုင်းရင်းသားများအရေးကို ဆောင်ရွက်နိုင်ရန် ၁၉၉၀ ပြည့်နှစ် ရွေးကောက်ပွဲနိုင် တိုင်းရင်းသားပါတီများဖြစ်ကြသည့် ရှမ်းအမျိုးသား ဒီမိုကရေစီအဖွဲ့ချုပ်၊ ရခိုင်ဒီမိုကရေစီအဖွဲ့ချုပ်၊ မွန်ဒီမိုကရေစီအဖွဲ့ချုပ်၊ ဇိုမီးအမျိုးသား ကွန်ဂရက် စသည့် တိုင်ရင်းသား နိုင်ငံရေးပါတီများ ပါဝင်ပေါင်းစည်းထားခြင်းဖြစ်သည်။
တိုင်းရင်းသား ပူးပေါင်းဆောင်ရွက်ရေး အလုပ်အဖွဲ့၏ " ချပြဆွေးနွေးချက်များ" အပေါ်တွင် "မူအရ" လက်ခံကြပြီး၊ ပြန်လှန်ဆွေးနွေးရန်မှာ ပြည်တွင်း တိုင်းရင်းသား အင်အားစုများအနေဖြင့် လေ့လာသုံးသပ်မည့်အချိန် လိုအပ်နေသေးသဖြင့် နောက်ပိုင်းတွင် သဘောထား ပြန်ကြားကြမည်ဟုလည်း တက်ရောက်ခဲ့ကြသည့် တိုင်းရင်းသား ခေါင်းဆောင်များက တုန့်ပြန်ကြသည်။
(သတင်းအရင်းအမြစ်- Arakantimes ၊ ရေးသားသူ- ဇင်ကီး)