တရားစွဲခံရသူ
နှစ်ဦးမှာ ရခိုင်ပြည်နယ် အမျိုးသမီးကွန်ယက် ဥက္ကဌ ဒေါ်မညိုအေးနှင့်
ရခိုင်လူမှု ကွန်ယက်မှ ဦး ကျော်ဇောဦးတို့ ဖြစ်ကြသည်။သူတို့ နှစ်ဦးကို စီတန်း လှည့်လည်မှု ဆိုင်ရာ ပုဒ်မ ၁၈ နှင့် အမှတ် ၁ ရဲစခန်းမှူး မိုးကျော် မှ တရားလို လုပ်ပြီး စစ်တွေ မြို့နယ်တရားရုံးတွင် ယမန် နေ့ နေ့လည်ပိုင်းက ရုံးတင် တရားစွဲဆိုခဲ့သည် ဟု ဒေါ်မညိုအေးက ပြောသည်။
“ကျမတို့က စီတန်းလှည့်လည်မှုဆိုင်ရာ ဥပဒေကို ဖောက်ဖျက်တာမရှိဘူး။ နိုင်ငံတော်က ချမှတ်ထားတဲ့ ဒို့ တာဝန် အရေးသုံးပါးကိုလည်း ထိခိုက်ခဲ့တာမရှိ။ ကျမတို့ လျှောက်လွှာကို မြို့နယ်ကို သာမက ပြည်နယ်အဆင့်ကိုလည်း တင်ခဲ့ပါတယ်။ ခွင့်ပြုချက်မပေးတာ ကျမတို့ အပြစ်လား၊ သူတို့အပြစ်လားဆိုတာ အားလုံးသိကြ မှာပါ။ ကျမတို့က ပြည်သူလူထု အားလုံးသဘောတူ ဆုံးဖြတ်ချက်နဲ့ ကျမတို့ ဦးစီး ဦးဆောင်လုပ်တာ သာ ဖြစ်တယ်။ ဒါကြောင့် ကျမတို့ လျှောက်လဲချက်တင်ဖို့ အစီအစဉ်လုပ်နေပါတယ်” ဟု ဆိုသည်။
ဆန္ဒပြခွင့်ကို ဖေဖော်ဝါရီလ ၂၈ ရက်နေ့က မြို့နယ်အဆင့်တွင် တင်ပြခဲ့သော်လည်း ပါယ်ချ လိုက်သည့် အ တွက်မတ်လ ၁ ရက်နေ့တွင် ပြည်နယ်အဆင့်သို့ ခွင့်ပြုမိန့်တင်ခဲ့သည်။
ပြည်နယ်အဆင့်သို့ ခွင့်ပြုမိန့်တင်ပြီးနောက် ပြည်နယ်အဆင့် အာဏာပိုင်များက မြို့မိမြို့ဘများ၊ နိုင်ငံရေးပါတီများ မှ ခေါင်းဆောင်တချို့အပါအ၀င် ခွင့်ပြုမိန့်တင်သူ ဒေါ်မညိုအေးတို့ကို ခေါ်ယူ တွေ့ဆုံခဲ့သည်။
ခွင့်ပြုမပြုကို
ပြည်နယ် ၀န်ကြီးချုပ်၏ ဆုံးဖြတ်ချက်အပေါ် မူတည်ကြောင်း ပြောကြားခဲ့ပြီး
တစ်စုံတစ်ရာ အကြောင်း မပြန်သဖြင့် ခွင့်ပြုချက်မရှိဘဲ မတ်လ ၇ ရက်နေ့က
စစ်တွေမြို့လမ်းမများပေါ် တွင် မြို့သူမြို့သားများက ငြိမ်းချမ်းစွာ
ဆန္ဒထုတ်ဖော်ခဲ့ကြသည်။ဆန္ဒဖေါ်ထုတ်ပွဲတွင် ရဟန်းတော်များ အပါအ၀င် ထောင်နှင့်ချီသည့် မြို့လူထုက ဘင်္ဂလီဒုက္ခသည်များ အတွက် တူရကီ အစိုးရ အကူအညီဖြင့် နေအိမ် ၅၀၀၀ နီး ပါး ဆောက်ပေးမည့် အစီအစဉ်ကို နိုင်ငံသား ဟုတ် မဟုတ် စိစစ်ပြီးမှ နေရာ ချပေးရန် ငြိမ်းချမ်းစွာ ဆန္ဒ ထုတ်ဖော်ခဲ့ကြသည်။
၎င်းပြင် ၁၉၈၂ ခုနှစ် နိုင်ငံသားဥပဒေကို အမြန်ဆုံး အကောင်အထည်ဖော်ရန် တောင်းဆိုခဲ့ကြသည်။
ဒေသခံ တိုင်းရင်းသားများ ဆန္ဒကိုလေးစားပါ၊ ဒေသခံများ ဆန္ဒမပါဘဲ ဒေသအရေးမဆုံးဖြတ်ပါနှင့် စသည့်အချက်များကို တောင်းဆိုခဲ့ကြသည်။
အဆိုပါ ဆန္ဒပြပွဲ အပြီးတွင် စစ်တွေရဲစခန်းမှ ဒေါ်မညိုအေးနှင့် ဦးကျော်ဇောဦးတို့ နှစ်ဦးကို ခေါ်ယူကာ တရားစွဲဆိုမည် ဖြစ်ကြောင်း ပြောကြားခဲ့သည်။ ၎င်းနောက် ဧပြီလ ၉ ရက်နေ့တွင် စစ်တွေ မြို့နယ် တရားရုံးတွင် ရုံးတင် တရားစွဲဆိုခြင်း ဖြစ်သည်။ လာမည့် ဧပြီလ ၂၃ ရက်နေ့တွင် နောက်ထပ် ရုံးချိန်းပေးထား ကြောင်း သိရသည်။
“မနေ့က ကျမတို့ အာမခံငွေတော့ မပေးခဲ့ရဘူး။ အာမခံအတွက် လူ ၃ ဦး လိုပါတယ်။ အနည်းဆုံး တစ်ဦးမှာ သူတို့ ပိုင်ဆိုင်မှု ကျပ် ၅ သိန်းတန်ဖိုးရှိရမယ်။ ပြီးတော့ သူတို့က ကျမတို့ကို အမြဲတမ်းအာမ ခံထားရမယ် ဆိုဒါတွေကို ပြောလိုက်ပါတယ်” ဟု ဒေါ်မညိုအေးက ဆက်ပြောသည်။
အလားတူ မတ်လ ၁၀ ရက်နေ့က ရသေ့တောင်မြို့ ဆန္ဒပြပွဲကို ဦးဆောင်ခဲ့သူ ကိုတိုးတိုး၊ဦးသန်းဌေးနှင့် မတ်လ ၂၃ ရက်နေ့က ဘင်္ဂလီဒုက္ခသည်များအား အိမ်ဆောက်ပေးမည့်ကိစ္စကို ကန့်ကွက်သည့် တောင်ကုတ် ဆန္ဒပြပွဲ ဦးဆောင်သူ စိုးဝင်း အပါအ၀င် ၃ ဦးကိုလည်း အာဏာပိုင်များ မှ တရားစွဲဆိုထားကြောင်း သိရသည်။
(သတင်းအရင်းအမြစ်- နိရဉ္စရာသတင်းဌာန၊ ရေးသားသူ- မောင်အေး)
No comments:
Post a Comment