 |
| ရခိုင်ပြည်နယ်၊ ကျောက်ဖြူမြို့နယ် မလကျွန်းမှာရှိတဲ့ ရွှေဂတ်စ်စီမံကိန်း အဆောက်အဦးပုံကို တွေ့ရစဉ် |
ရခိုင်ပြည်နယ် ကျောက်ဖြူမြို့နယ်အတွင်း ရွှေသဘာဝ ဓာတ်ငွေ့ပိုက်လိုင်းဖြတ်သန်းရာတစ်လျှောက် က ဒေသခံတွေရဲ့ နစ်နာမှုတွေကို သက်ဆိုင်ရာ အစိုးရအဆင့်ဆင့်ကို တင်ပြတောင်းဆိုဖို့ ကျေးရွာပေါင်း ၂ဝ ကျော်နဲ့ လူမှုအဖွဲ့အစည်း ၃ ခုက တာဝန်ရှိသူတွေ အစည်းအဝေးပြုလုပ်ပြီး ဆုံးဖြတ်လိုက်ကြပါတယ်။
ကျောက်ဖြူမြို့နယ် ကြက်တိန်ကျေးရွာမှာ မနေ့ကကျင်းပတဲ့ အဲ့ဒီအစည်းအဝေးမှာ အချက် ၃ ချက် ချမှတ်တောင်းဆို သွားဖို့ ဆုံးဖြတ်ခဲ့တယ်လို့ ရွှေသဘာဝဓာတ်ငွေ့ စောင့် ကြည့်လေ့လာရေးအဖွဲ့က ဦးထွန်းလွင်က RFA ကို အခုလို ပြောပါတယ်။
"ပိုက်လိုင်းတစ်လျှောက်မှာ ထိခိုက်နစ်နာမှု ရှိတဲ့ဟာတွေကို ဆောင်ရွက်ပေးဖို့ရယ်၊ နောက် တစ်ချက်က စာသင်ကျောင်း၊ ဆေးပေးခန်း နဲ့ သောက်သုံးရေရရှိမဲ့ကိစ္စတွေမှာ ဆောင်ရွက်ပေးဖို့ရယ်၊ နောက်တစ်ခုက ရွာရှိတဲ့လမ်းတွေမှာ လျှပ်စစ်မီးရရှိရေး ဆောင်ရွက်ပေးဖို့ရယ်ဆိုပြီး အဲဒီ ၃ ချက်ကိုတောင်းဆိုဖို့ သူတို့ဆုံးဖြတ်ခဲ့ကြတယ်”
သဘာဝဓါတ်ငွေ့ပိုက်လိုင်း ဖြတ်သန်းတဲ့နေရာတစ်လျှောက် သိမ်းပိုက်ထားတဲ့တစ်ချို့ မြေယာတွေအတွက် လျော်ကြေးငွေ အပြည့်အဝ မရရှိသေးတာတွေ၊ လယ်ယာမြေ ထိခိုက်ပျက်စီးမှုရှိနေတာတွေ၊ ပိုက်လိုင်းကြောင့် ရေအရင်းအမြစ် ဆုံးရှုံးမှုဖြစ်ပေါ်နေတာတွေ၊ လျှပ်စစ်မီးရရှိရေးကိစ္စရပ်တွေစတဲ့ ဒေသခံတွေရဲ့ထိခိုက်နစ်နာမှုတွေကို ဆွေးနွေးအဖြေရှာခဲ့ကြတာဖြစ်တယ်လို့ ဦးထွန်းလွင်က ပြောပါတယ်။
ဒါ့အပြင်ထိခိုက်နစ်နာမှုတွေအတွက် တောင်းဆိုဖို့ဒေသခံ၁၈ဦးပါဝင်တဲ့ ကော်မတီတစ်ရပ်ကိုအစည်းအဝေးမှာ ဖွဲ့စည်းခဲ့တယ်လို့ ပြောပါတယ်။
(သတင်းအရင်းအမြစ်- RFA)
No comments:
Post a Comment