Friday, November 1, 2013

ဧရာဝတီတိုင်းမှ ရေမျောကမ်းတင် ငါးဖမ်းသမား သုံးဦး ဘင်္ဂလားဒေ့ခ်ျမှ ပြန်ပို့

တက်ကနက်မြို့နယ်မှ ရှေ့မူ မပျက် ဆောက်လုပ်ထားသော ဘုန်းတော်ကြီးကျောင်း။
 
ဧရာဝတီတိုင်းမှ မုန်တိုင်းမိပြီး ဘင်္ဂလာဒေခ်ျ့သို့ မျောပါလာသော ငါးဖမ်းသမား (၃) ဦးကို ယနေ့ နံနက်ပိုင်းက ဘင်္ဂလားဒေခ်ျ့မှ မြန်မာနိုင်ငံသို့ ပြန်လည် ပို့ဆောင်လိုက်ကြောင်း သိရသည်။

သူတို့ (၃) ဦးသည် တက်ကနက်( ကယုချောင်း) ဘုန်းတော်ကြီးကျောင်းတွင် ရက်အတန်ငယ် တည်းခိုနေထိုင်ပြီးနောက် ယနေ့ နံနက်တွင် မြစ်နားရွာမှ တဆင့် နတ်မြစ်ကို ဖြတ်ကျော်ကာ ပြန်သွားကြကြောင်း မျက်မြင် ဒေသခံများက ပြောသည်။

” သူတို့ သုံးဦးက ဧရာဝတီတိုင်း ဟိုင်းကြီးကျွန်းနဲ့ တစ်ဘက် တစ်ကမ်း ငပုတော မြို့နယ်က ဗမာလူမျိုးတွေ ဖြစ်ကြပါတယ်။ ပိုက်ချနေစဉ် မုန်တိုင်းမိပြီး လှေကြိုးပြတ်ကာ မျောပါလာတဲ့သူတွေ ဖြစ်တယ်လို့ သိရပါတယ်″ ဟု ဒေသခံ တစ်ဦးက ပြောသည်။

သူတို့ (၃) ဦးသည် ဘင်္ဂလာဒေခ်ျ့ နိုင်ငံ ဆင်မဖြူကျွန်းတွင်ပါးပြီး ဒေသခံများ အကူအညီဖြင့် တက်ကနက် ဘုန်းတော်ကြီးကျောင်းသို့ လွန်ခဲ့သော ငါးရက်ခန့်က ရောက်ရှိလာခဲ့သည်ဟု ဆိုသည်။

ယခုအခါ သူတို့မှာ မြန်မာပြည်သို့ ရောက်ရှိသွားပြီး မောင်တောမြို့နယ် ငါးခူရ ကျေးရွာ အုပ်ချုပ်ရေးမှူးမှ စောင့်ရှောက်ထားကြောင်း၊ များမကြာမီ မောင်တောမြို့သို့  ပို့ဆောင်သွားမည် ဖြစ်ကြောင်း သိရသည်။

သူတို့ ဘင်္ဂလာဒေခ်ျ့တွင် နေထိုင်နေစဉ် ဒေသခံ ရခိုင်လူမျိုးများက ကောင်းမွန်စွာ စောင့်ရှောက်ထားခဲ့ပြီး သူတို့၏ စီစဉ်ပေးမူကြောင့် ယခုကဲ့သို့ ကောင်းမွန်စွာ မြန်မာနိုင်ငံသို့ ပြန်သွားနိုင်ခဲ့ကြသည်ဟု သိရသည်။
(သတင်းအရင်းအမြစ်- နိရဉ္စရာသတင်းဌာန)
Post a Comment