ကိုရဲမင်းဦးသမ္မတရုံး ပြစ်ဒဏ်လွတ်ငြိမ်းခွင့်အမိန့် (အမိန့်အင်္မှတ် ၅၁/၂၀၁၃) အရ အင်းစိန်ထောင်မှာ အကျဉ်းကျခံနိန်ရရေ ရခိုင်ကျောင်းသား ကိုရဲမင်းဦး အင်းစိန်ထောင်က ဒေနိန့် မိုးထဖက် ၇ နာရီမှာ လွတ်မြောက်လာဗျယ်ဖြစ်တေလို့ လေးဝတီက သတင်း ရဟိပါရေ။
ကိုရဲမင်းဦးကို သာကေတမြို့နယ်တရားရုံးက ပုဒ်မ ၁၅၃ (က) အမျိုးသားတစ်စုနန့် တစ်စု ရန်ငြိမ်းထား စီအောင် လုပ်တေအမှုကို ရုပ်သိမ်းပြီးကေ ပုဒ်မ ၅၀၅ (ခ) နိုင်ငံတော်ကို အကြည်ညိုပျက်စီရေ အမှုနန့် ပြောင်းလဲတရားစွဲဆိုခံခရရေလို့ ကိုရဲမင်းဦး ရှေ့နေ ဦးကျော်ဟိုးကတစ်ဆင့် သိရပါရေ။
ကိုရဲမင်းဦးကို နာမယ်မသိ လူတစ်စုက ရန်ကုန်တိုင်း ဒေသကြီး ဗဟန်းမြို့နယ်ရှိ ဦးသာသနာ ကျောင်းတိုက်က မတ်လ ၂၅ ရက်နေ့ ညနေ ၉ နာရီမှာ ဖမ်းဆီးခေါ်ယူလားခစော်ကတစ်ဆင့် အဂုပိုင် ပုဒ်မ ၅၀၅ (ခ)နန့် တရားစွဲဆိုစော်ဖြစ်ပါရေ လို့ သိရပါရေ။ ယင်းနိန့် နောက် တစ်ရက် မတ်လ ၂၆ ရက်နိန့် မိုးထဖက် ၁၁ နာရီ ၁၅ မိနစ်မှာ ဗဟန်း ရဲစခန်းမှာ လူပျောက်မူ အမှတ် (၁၃/၂၀၁၃) နန့် တရားမစွဲခင် တိုင်ကြားထားရေလို့ ကိုခင်မောင်လင်းက တစ်ဆင့်သိရပါရေ။
"ကျွန်တော့်ကို OIC ရုံး မြန်မာနိုင်င့မှာ အခြီစိုက်ဖို့အတွက် ဆန္ဒပြစော်မှာ ပါရေအမှုနန့် အဂုပိုင်ဖမ်းဆီးအရေးယူစော်ဖြစ်ပါရေ။" လို့ ဧပြီလ ၄ ရက်နိန့်က ရန်ကုန်တိုင်း အနောက်ပိုင်းခရိုင် တရားရုံးမှာ ရုံးထုတ်လာရေအခါ ပြောကြားလားခပါရေ။
ဇာပင်ဖြစ်ဖြစ် အဂု လွတ်မြောက်လာဗျယ်ဖြစ်တေအတွက် အတိုင်း မသိဝမ်းသာကြောင်းကို ကိုရဲမင်းဦး အကိုဝမ်းကွဲ ကိုဖိုးသားက "နှစ်သစ်မှာ လူသစ်စိတ်သစ်နန့် လျှောက်လှမ်းနိုင်ဖို့လို့ ယုံကြည် ပါရေ။ ညီချေ လွတ်မြောက်လာဗျယ်ဖြစ်တေအတွက် အတိုင်းထက် မသိ ၀မ်းသာပါရေ။" လို့ လေးဝတီကို ပြောပါရေ။
ရခိုင်အကျဉ်သားတိအနိန်နန့် သံတွဲမှာ ပုဒ်မ ၅၀၅ (ဂ) နန့် ထိန်းသိမ်းခံ RNDP သံတွဲဥက္ကဌ ဦးမောင်ပုနန့် အမျိုးဘာသာ သာသနာ အဖွဲ့ ဦးကျော်ကျော်အပါအ၀င် ၁၁ ဦးရို့လည်း လွတ်မြောက်တေ လို့သတင်းရဟိပါရေ။
(အေသတင်းကို Arakan Laywaddy ကနိန်ကူးယူဗျာလ် ဖော်ပြခြင်းဖြိုက်ပါရေ။)
No comments:
Post a Comment