Thursday, December 26, 2013

တိုင်းရင်းသားပါတီ ၁၅ ပါတီမှ ကိုယ်စားလှယ်များဖြင့် ဖွဲ့စည်းထားသည့် ဖက်ဒရယ်ယူနီယံပါတီ မှတ်ပုံတင်ကျ

တိုင်းရင်းသားပါတီ ၁၅ ပါတီမှ ကိုယ်စားလှယ်ဦးရေ ၃၀ ဖြင့် ပါတီမှတ်ပုံတင် လျှောက်ထားခဲ့သော ဖက်ဒရယ်ပြည်ထောင်စုပါတီ (FUP) ကို မှတ်ပုံတင်ခွင့် ပြုလိုက်သည်ဟု ပြည်ထောင်စုရွေးကောက်ပွဲ ကော်မရှင်က ဒီဇင်ဘာ ၂၅ ရက်ထုတ် အစိုးရသတင်းစာများတွင် ထုတ်ပြန်ခဲ့သည်။
ဖက်ဒရယ် ပြည်ထောင်စုပါတီကို လွှတ်တော်တွင်း တိုင်းရင်းသားပါတီ အများစု ပါဝင်သည့် တိုင်းရင်းသားပါတီ ၁၅ ပါတီဖြင့် ဖွဲ့စည်းထားသည့် ညီနောင်တိုင်းရင်းသား ပါတီများ ဖက်ဒရေးရှင်း (NBF) က စုပေါင်းဖွဲ့စည်း ထားခြင်းဖြစ်ကြောင်း သိရသည်။
ပါတီတည်ထောင်ရခြင်း ရည်ရွယ်ချက် အနေဖြင့် ၂၀၁၅ ခုနှစ် မြေပြန့်ဒေသများ၌ ၀င်ရောက်ယှဉ်ပြိုင်ပြီး အင်အားကြီး ပါတီများကို ယှဉ်ပြိုင်နိုင်ရန်နှင့် အင်အားကြီး တိုင်းရင်းသားပါတီတစ်ခု ဖြစ်လာရန် ဖြစ်သည်။
လက်ရှိတွင် ပါတီခေါင်းဆောင်အဖြစ် ချင်းအမျိုးသားပါတီမှ ကိုယ်စားလှယ်အဖြစ် ပါဝင်လာသူ ဒေါက်တာကမ်ကျင်ဒါးလ်ကို ရွေးချယ်ထားပြီး ဒုတိယခေါင်းဆောင်အဖြစ် ယခင်ရှမ်းတိုင်းရင်းသားများ ဒီမိုကရက်တစ်ပါတီမှ ဘဏ္ဍာရေးမှူးဟောင်း ဦးစိုင်းစောသန်းမြင့်ကို ရွေးချယ်ထားကြောင်း သိရသည်။
“အခု မှတ်ပုံတင် ကျလာပြီဆိုတော့ အထက်မြန်မာပြည် မန္တလေးရုံးချုပ်ခွဲကို ထောင်မယ်။ ပြီးရင် ကျန်တဲ့မြို့နယ်ရုံးဖွင့်တာတွေ လုပ်မယ်။ ဇန်န၀ါရီလထဲ ကျရင်တော့ စီအီးစီဖွဲ့မယ်။ ပါတီဥက္ကဋ္ဌတွေ၊ အတွင်းရေးမှူးရွေးတာတွေ လုပ်မယ်” ဟု FUP ဒုတိယခေါင်းဆောင် ဦးစိုင်းစောသန်းမြင့်က ပြောကြားသည်။ ဖက်ဒရယ် ပြည်ထောင်စုပါတီအတွက် လုပ်ငန်းစဉ်များကို မှတ်ပုံတင်မကျခင် ကတည်းက ရေးဆွဲထားပြီးဖြစ်ကြောင်းနှင့် ပါတီစီအီးစီ ရွေးချယ်မှု ပြီးဆုံးပါက အဆိုပါလမ်းစဉ်များအတိုင်း ဆက်လက်လုပ်ဆောင်သွားမည်ဟု NBF ဒါရိုက်တာ ဒေါ်ချင်းချင်းက ပြောကြားသည်။
ဖက်ဒရယ်ပြည်ထောင်စုပါတီ၏ မိခင်တိုင်းရင်းသားပါတီ ၁၅ ပါတီမှာ ချင်းအမျိုးသားပါတီ၊ ရှမ်းတိုင်းရင်းသားများ ဒီမိုကရက်တစ်ပါတီ၊ မွန်ဒေသလုံးဆိုင်ရာ ဒီမိုကရေစီပါတီ၊ ရခိုင်တိုင်းရင်းသားများ တိုးတက်ရေးပါတီ၊ ဖလုံ-စဝေါ် ဒီမိုကရက်တစ်ပါတီ၊ ကယန်းအမျိုးသားပါတီ၊ အင်းအမျိုးသား ဖွံ့ဖြိုးတိုးတက်ရေးပါတီ၊ တိုင်းလိုင်(ရှမ်းနီ)အမျိုးသားများ ဖွံ့ဖြိုးတိုးတက်ရေးပါတီ၊ ဓနုတိုင်းရင်းသားလူမျိုးများ ဒီမိုကရေစီပါတီ၊ အရှိုချင်းအမျိုးသားပါတီ၊ တအာင်း(ပလောင်)အမျိုးသားပါတီ၊ ပအိုဝ်းအမျိုးသား အဖွဲ့ချုပ်၊ ‘၀’ ဒီမိုကရက်တစ်ပါတီ၊ ‘၀’ အမျိုးသား စည်းလုံးညီညွတ်ရေး ပါတီနှင့် တိုင်းရင်းသားလူမျိုးစုများ ဖွံ့ဖြိုးရေးပါတီတို့ ဖြစ်သည်။
(သတင်းအရင်းအမြစ်- Eleven Media Group)
Post a Comment