"ကျနော်တို့ လွတ်လပ်ရေး ရစကတည်းက အမျိုးသားပြည်နယ်များနဲ့ ဖွဲ့စည်းတဲ့ ပြည်ထောင်စုကြီးဖြစ်အောင် ကျနော်တို့ ခေါင်းဆောင် ကွယ်လွန်သွားပြီးကတည်းက တိုင်းရင်းသားခေါင်းဆောင်တွေက ရည်မှန်းထားပြီးသားပါ။ အဲတော့ နှစ်ပေါင်း (၆၀) ကျော် လွတ်လပ်ရေး အလွန်ကာလမှာလည်းပဲ အမျိုးသားပြည်နယ်များအဖြစ် ဖွဲ့စည်းသော ပြည်ထောင်စုကြီးအဖြစ် မဖြစ်လာဘူး။ စစ်မှန်တဲ့ ပြည်ထောင်စုကြီးလည်း ဖြစ်ရမယ်။ ပြည်ထောင်စုကြီးကလည်း ညီညီညွတ်ညွတ်နဲ့ ခုနကလို ငြိမ်းငြိမ်းချမ်းချမ်း ဖွံ့ဖြိုးတိုးတက်ရမယ်ဆိုတဲ့ အယူအဆရှိတဲ့အခါ အမျိုးသားပြည်နယ်ကို အမျိုးသားပါတီတွေ ဦးဆောင်နိုင်မယ့် ကာလတစ်ခု လိုအပ်တယ်" ဟု ရခိုင်အမျိုးသားပါတီ (ANP) ၏ ဒု-ခေါင်းဆောင် ဒေါက်တာ ဦးအေးမောင်က ယနေ့ စစ်တွေမြို့တွင် ကျင်းပပြုလုပ်ခဲ့သည့် ANP ဗဟိုဌာနချူပ်ရုံး ဖွင့်ပွဲအခမ်းအနားတွင် ပြောကြားခဲ့ခြင်း ဖြစ်သည်။
ရခိုင်အမျိုးသားပါတီ (ANP) ဆိုင်းဘုတ်တင်ပွဲအခမ်းအနား။ ရခိုင်အမျိုးသားပါတီ (ANP) ဆိုင်းဘုတ်တင်ပွဲအခမ်းအနား။
ညီညွတ်မှုပြိုကွဲလျှင် အခြား ဘေးပယောဂများ ၀င်နိုင်သည် ဟူသော ခံယူချက်နှင့် ညီညွတ်သည့် အမျိုးသားပါတီတရပ်ပေါ်ပေါက်လာစေရန် ရခိုင်တိုင်းရင်းသားများတိုးတက်ရေးပါတီ (RNDP) နှင့် ရခိုင်ဒီမိုကရေစီအဖွဲ့ချူပ် (ALD) တို့သည် နှစ်ပါတီကို တစ်ပါတီအဖြစ် ပေါင်းစည်းခဲ့ခြင်းဖြစ်ကြောင်း သိရသည်။
အမျိုးသားပြည်နယ်ကို အမျိုးသားပါတီကြီးများက ဦးဆောင်ပြီးမှ ပြည်ထောင်စုကြီးကို ပိုပြီး ခိုင်မာအောင် လုပ်နိုင်မည်ဖြစ်ပြီး ပြည်သူတို့ မျှော်လင့်သော စစ်မှန်သည့် ငြိမ်းချမ်းရေးကို ရရှိနိုင်မည်ဖြစ်ကြောင်းလည်း ဒေါက်တာ ဦးအေးမောင်က ပြောသည်။
"ကိုယ့်ပါတီ သူ့ပါတီဆိုတဲ့ အစွဲလေးတွေကိုလျှော့ရတာပေါ့။ အမျိုးသားပါတီဖြစ်အောင် အမျိုးသားတခုလုံး လက်ခံနိုင်တဲ့ ပြည်ထောင်စုကြီးထဲမှာ ခိုင်ခိုင်မာမာနဲ့ တည်ဆောက်နိုင်အောင်ပေါ့။ ဒီ အလျှော့အတင်းလေး တွေပေါ့။ သူ့ဘက်ကိုယ့်ဘက်။ ပြည်ထောင်စု အစိုးရကလည်း လက်ခံနိုင်ရမယ်။ တခြားတိုင်းရင်းသားတွေ ကလည်း လက်ခံနိုင်ရမယ်။ ရခိုင်ပြည်ရဲ့အနာဂတ်ကိုလည်း ဖန်တီးနိုင်ရမယ်"
ရခိုင်အမျိုးသားပါတီ၏ ပထမဆုံး ညီလာခံအား လာမည့် စက်တင်ဘာလ နောက်ဆုံးအပတ်တွင် ကျင်းပပြုလုပ်သွားမည်ဖြစ်ကာ အဆိုပါ ညီလာခံမှ ပါတီ၏ ဥက္ကဌ ၊ ဒု-ဥက္ကဌ ၊ အတွင်းရေးမှူး အဖွဲ့များကို ရွေးချယ်တင်မြှောက်သွားမည်ဖြစ်ကြောင်း သတင်းရရှိသည်။
(သတင်းအရင်းအမြစ်- Arakantimes)