စစ်တွေ အထူးစီးပွားရေးဇုန်အတွက် အိန္ဒိယဒေါ်လာ သန်း ၁၅၀ ချေးမည်

အိန္ဒိယနိုင်ငံက စစ်တွေ အထူးစီးပွားရေးဇုန်တွင် ဘဏ်လုပ်ငန်းများ လုပ်ကိုင် ခွင့် ရရှိစေရန် ရည်ရွယ်၍ မြန်မာအစိုးရကို အမေရိကန်ဒေါ်လာ သန်း ၁၅၀ ငွေချေးမည်ဟု ကမ်းလှမ်းထားကြောင်း အိန္ဒိယအစိုးရ၏ ထုတ်ပြန်ချက် ကို ကိုးကား၍ The Economic Times သတင်းစာက ရေးသားသည်။

အိန္ဒိယကုန်သွယ်ရေးနှင့် စက်မှုလုပ်ငန်းဝန်ကြီး Anand Sharma ၏ သုံးရက်ကြာ မြန်မာနိုင်ငံခရီးစဉ်အတွင်း မြန်မာအစိုးရနှင့် ဆွေးနွေးချက်များအပေါ် အခြေတည်၍ ယင်းထုတ်ပြန်ချက် ထွက်ပေါ်လာခြင်းဖြစ်သည်။

ယင်း အထူးစီးပွားရေးဇုန်စီမံကိန်းတွင် မြန်မာအစိုးရက သင့်တော် သည့် မြေနေရာ ချထားပေးရန် အိန္ဒိယက တောင်းဆိုထားသည်။

ဘဏ်လုပ်ငန်းနယ်ပယ်တွင် ကျယ်ပြန့်စွာ ပူးပေါင်းဆောင်ရွက်နိုင်ရန် United Bank of India နှင့် State Bank of India တို့ကိုလည်း လုပ်ငန်းလုပ်ပိုင်ခွင့် များခွင့်ပြုရန် ဝန်ကြီး Anand Sharma က မြန်မာအစိုးရကို တိုက်တွန်းသည်။

မြန်မာ-အိန္ဒိယ ဖက်စပ် ဘဏ်လုပ်ငန်းနှင့် ငွေတိုက်စာချုပ်များ အကျိုးတူ ပူးပေါင်းဆောင်ရွက်ခြင်းသည်လည်း နှစ်နိုင်ငံကြား ဘဏ်လုပ်ငန်း နယ်ပယ်နှင့် ကုန်သွယ်ရေးကြား ခိုင်မာသည့် ဆက်ဆံရေးတစ်ရပ် ထူထောင်နိုင်မည်ဖြစ်ကြောင်း ယင်းထုတ်ပြန်ချက်က ဆိုသည်။
(သတင်းအရင်းအမြစ်- The Voice Weekly's Facebook page)

2