Tuesday, September 3, 2013

မသင်္ကာဖွယ်ရာ သင်္ကန်းဝတ် ၆ ဦး ရဲလက်က ထွက်ပြေးလွတ်မြောက်

မသင်္ကာဖွယ်ရာ သင်္ကန်းဝတ် (၆) ဦးကို ဆားပြင်ကျောင်းအရောက်တွင် တွေ့ရစဉ်။
မသင်္ကာဖွယ်ရာ သင်္ကန်းဝတ် ၆ ဦးကို ဆားပြင်ကျောင်းအရောက်တွင် တွေ့ရစဉ် (ဓာတ်ပုံ- နိရဉ္စရာ)
ရခိုင်ပြည်နယ် တောင်ကုတ်မြို့နယ်တွင် မသင်္ကာဖွယ်ရာ သင်္ကန်းဝတ်ထားသူ ၆ ဦးသည် ရဲလက်မှ တဆင့် ထွက်ပြေး လွှတ်မြောက်သွားခဲ့သည်ဟု သတင်း ရရှိသည်။

၎င်းသင်္ကန်းဝတ် (၆) ဦးသည် လွန်ခဲ့သောလ ၀ါတွင်းကာလ အတွင်း တောင်ကုတ်မြို့နယ်သို့ အလှူခံ ကားတစ်စီးဖြင့် ရောက်ရှိလာပြီး ကျေးရွာ အနှံ့သွားရောက်ကာ အလှူခံခဲ့ကြသည်ဟု သိရသည်။

သြဂတ်စ်လ ၃၁ ရက်နေ့က တောင်ကုတ်မြို့နယ် ဆားပြင်ကျေးရွာ ဘုန်းတော်ကြီး ကျောင်းသို့ ရောက်ရှိလာရာ ကျောင်းထိုင် ဆရာတော်မှ သံဃာများ ကိုင်ဆောင်သည့် သံဃာ့အသင်းဝင် ကဒ်ပြားအား စစ်ဆေးရာ သူတို့ ကိုင်ဆောင် ထားသော သံဃာ့ စိစစ်ရေး ကဒ်ပြားတွင် တရားဝင် ဆီးလ် တံဆိပ် များ ရိုက်နှိပ်ထားခြင်း မရှိကြောင်း တွေ့ရှိရသည်ဟု ဆိုသည်။
သင်္ကန်းဝတ် (၆) ဦး၏ အလှူခံ ကားအားတွေ့ရစဉ်။
သင်္ကန်းဝတ် (၆)ဦး၏ အလှူခံကားအားတွေ့ရစဉ် (ဓာတ်ပုံ- နိရဉ္စရာ)



သို့အတွက် ဆားပြင် ကျောင်းထိုင်ဆရာတော်မှ သင်္ကာမကင်း ဖြစ်သဖြင့် အနီးအနားရှိ လမူးရဲစခန်း စခန်းမှူးကို ခေါ်ယူပြီး မသင်္ကာဖွယ်ရာ သင်္ကန်းဝတ် ၆ ဦးကို စစ်ဆေးရန် အပ်နှံလိုက်သည်ဟု သိရသည်။

စခန်းမှူးနှင့် ရဲတပ်သား အချို့သည် ၎င်းသင်္ကန်းဝတ် ၆ ဦးအား စစ်ဆေးရန် တောင်ကုတ်မြို့သို့ ခေါ်ယူသွားရာ တောင်ကုတ် အရောက်တွင် ၎င်း ၆ ဦးသည် ရဲလက်မှ ထွက်ပြေး လွှတ်မြောက်သွားကြသည်ဟု သိရသည်။

မျက်မြင်များ အပြောရ အဆိုပါ သင်္ကန်းဝတ်များသည် ရခိုင်ရိုးမပေါ်သို့ သူတို့တွင် ပါလာသော အလှူခံ ကားဖြင့် ထွက်ပြေး သွားကြသည်ဟု ဆိုသည်။

သူတို့ ထွက်ပြေးသွားရာ ရခိုင်ရိုးမပေါ် ရှိ ပန်းတောင်း- တောင်ကုတ်လမ်းတွင် စစ်ဆေးရေးဂိတ်များ ထူထပ်စွာ ချထားသော်လည်း ယအခုအချိန်ထိ မသင်္ကာဖွယ်ရာ သင်္ကန်းဝတ် ၆ ဦးနှင့် အလှူခံကားအား ဖမ်းဆီးနိုင်ခြင်း မရှိသဖြင့် ပြည်သူများ အနေဖြင့် အထူး အံ့သြနေကြသည်ဟု သိရသည်။
(သတင်းအရင်းအမြစ်- နိရဉ္စရာသတင်းဌာန)
Post a Comment