Tuesday, November 26, 2013

ကမ်းထောင့်ကြီးအား မြို့နယ်ခွဲအဖြစ်သတ်မှတ်ရန်အဆိုအား ရခိုင်ပြည်နယ်လွှတ်တော်က အတည်ပြု

မြေပုံမြို့နယ် ကမ်းထောင့်ကြီးကျေးရွာအား မြို့နယ်ခွဲအဆင့် တိုးမြှင့်ပေးပါရန် နှင့် ပြည်နယ်အစိုးရက ထပ်ဆင့် တင်ပြပေးနိုင်ရန် တိုက်တွန်းသောအဆိုအား ၊ ပထမအကြိမ် ရခိုင်ပြည်လွှတ်တော် အဋ္ဌမ ပုံမှန်အစည်း အဝေးတွင် ကန့်ကွက်သူမရှိ အတည်ပြုခဲ့ကြောင်း သိရှိရသည်။

ကမ်းထောင့်ကြီးသည် မြေပုံမြို့နယ်၏ အရှေ့ခြမ်းတွင် တည်ရှိသော ကျေးရွာကြီးတစ်ရွာဖြစ်ပြီး၊ အိမ်ခြေပေါင်း ၂၀၂၀၊ အိမ်ထောင်စုပေါင်း ၂၂၃၂ ၏ လူဦးရေ ၁၀၂၅၅ ဦးနေထိုင်ကြသည်။ ကမ်းထောင်းကြီးကျေးရွာ ပတ်ဝန်းကျင်တွင်လည်း ကျေးရွာအုပ်စုပေါင်း ၁၄ အုပ်စုမှ ကျေးရွာပေါင်း ၁၉ ရွာ တို့၏ အိမ်ခြေပေါင်း ၆၉၀၈ ရှိပြီး လူဦးရေ ၄၆၀၀၀ ဦးနေထိုင်လျက်ရှိကြောင်းသိရှိရသည်။

(ဤသတင်းအား Coral Arakan News မှ ကူးယူဖော်ပြပါသည်)
Post a Comment