Thursday, November 21, 2013

ကျောက်တော်နှင့် ပေါက်တောမြို့နယ်များတွင် ကလေးငယ်နှစ်ဦး အသတ်ခံရပြီးနောက် ရခိုင်အမျိုးသမီးများ၏ ဘ၀မှာ လုံခြုံမှုမရှိတော့ကြောင်း ရခိုင်အမျိုးသမီးကွန်ရက် ပြောကြား

နိုဝင်ဘာ ၁၈ ရက်က ရခိုင်ပြည်နယ် ကျောက်တော်နှင့် ပေါက်တောမြို့နယ်တို့တွင် ကလေးငယ်နှစ်ဦး အသတ်ခံရပြီး ရခိုင်အမျိုးသမီးများ၏ ဘ၀မှာ လုံခြုံမှု မရှိတော့ကြောင်း၊ ထိရောက်စွာ ကာကွယ်စောင့်ရှောက်ရန် လိုအပ်နေကြောင်း ရခိုင် အမျိုးသမီးကွန်ရက်မှ တာဝန်ရှိသူများက ပြောကြားခဲ့ကြသည်။
နိုဝင်ဘာ ၁၈ ရက်က ငါးနှစ်နှင့် ခြောက်နှစ်အရွယ် မိန်းကလေးငယ်နှစ်ဦး  ပုံစံတူ လူသတ်မှုနှစ်မှု ရခိုင်ပြည်နယ် မြို့နယ်နှစ်ခုတွင် တစ်ပြိုင်တည်း ဖြစ်ပွားခဲ့ကြောင်း သိရသည်။
ဖြစ်စဉ်မှာ နိုဝင်ဘာ ၁၈ ရက် ညနေပိုင်းတွင် ရခိုင်ပြည်နယ် ကျောက်တော်မြို့နယ် ကြာညိုပြင် ကျေးရွာမှ ဦးရွှေအောင်နှင့် ဒေါ်မိုးမိုးစံတို့၏သမီး အသက်ခြောက်နှစ် အရွယ်ရှိ မ..........ပျောက်ဆုံးပြီး နောက်တစ်နေ့ နံနက်တွင်  အလောင်းအား ရွာပြင်စပါးခင်း၌ ဦးခေါင်းနှင့် ပါးတစ်ဖက်တစ်ချက်စီ၌ ဒဏ်ရာတစ်ချက်စီနှင့် မုဒိမ်းကျင့် ခံထားရသည့် လက္ခဏာများဖြင့် တွေ့ရှိခဲ့ကြောင်း သိရသည်။ ၎င်းအပြင် ပေါက်တောမြို့နယ်၊ အနောက် ဖရုံဂါကျွန်း၊ စိုးမဲကျီကျေးရွာမှ အသက် (၅) နှစ်အရွယ် မိန်းကလေးတစ်ဦးသည် နိုဝင်ဘာ ၁၇ ရက်၊ တန်ဆောင်မုန်း လပြည့်ညနေ ၆နာရီခန့်တွင် ပျောက်ဆုံးခဲ့ပြီး ရွာသားများက လိုက်လံ ရှာဖွေခဲ့ကြရာ နိုဝင်ဘာ ၁၈ ရက် နံနက် ၁၀ နာရီခွဲခန့်တွင် သတ်ဖြတ်မြေမြှုပ်ခြင်း ခံထားရသည်ကို ရှာဖွေတွေ့ရှိခဲ့ကြောင်း သိရသည်။
ယင်းဖြစ်စဉ်များနှင့် ပတ်သက်၍  စစ်တွေမြို့ ရခိုင်အမျိုးသမီးများ ကွန်ရက်အဖွဲ့မှ ပြည်နယ်ကော်မတီဝင် ဒေါ်ကျော့စိန်က "ရခိုင်ပြည်နယ်က အမျိုးသမီးတွေဟာ လက်ရှိမှာ ဘ၀လုံခြုံမှုမရှိ ဖြစ်နေတယ်။ ငါးရှာ ဟင်းခူးတောင် သွားလာ လုပ်ကိုင်စားသောက်လို့ မရနိုင်တော့တဲ့ အနေအထားကို ရောက်လာတယ်။ ဒီလိုအဖြစ်မျိုးတွေ ထပ်မဖြစ်စေဖို့ ကာကွယ် စောင့်ရှောက်ပေးသင့်တယ်"ဟု ပြောကြားသည်။
ပဋိပက္ခဖြစ်တဲ့ ဒေသတွေနဲ့ စစ်ပွဲဖြစ်တဲ့ ဒေသတွေမှာ ထိခိုက်နစ်နာမှု အများဆုံးကတော့ အမျိုးသမီးတွေနဲ့ ကလေးတွေပဲ ဖြစ်ပါတယ်။ အခု ရခိုင်ပဋိပက္ခကြောင့် ဒုက္ခဖြစ်သူတွေထဲမှာ အမျိုးသမီးတွေဟာ ပိုလို့ဒုက္ခရောက်ပါတယ်။ အခုဆိုရင် ရခိုင်မှာ အမျိုးသမီးတွေ အကြမ်းဖက်ခံလာရတာ ဆက်တိုက် ဖြစ်လာ . . .
ရခိုင်အမျိုးသမီးများ အစည်းအရုံးမှ ဒေါ်စောမြရာဇာလင်းက "ရခိုင်ပဋိပက္ခ နောက်ပိုင်းမှာ အမျိုးသမီးတွေ ဆက်တိုက် အကြမ်းဖက်ခံလာရတယ်။ လူတွေသိတဲ့ အမှုတွေရှိသလို လူတွေမသိတဲ့ အမှုတွေရှိတယ်။ အခု လွန်ခဲ့တဲ့ နှစ်ရက်ကပဲ ပေါက်တောနဲ့ ကျောက်တော်မှာ ပုံစံတူကလေးတွေ အသတ်ခံရတယ်။ အကြမ်းဖက်ခံရတဲ့ ဖြစ်စဉ်ကတော့ ၁၀ ခုမက ဖြစ်ပွားခဲ့တယ်။ ဒါတွေကို သက်ဆိုင်ရာက အမြန်ဆုံးဖော်ထုတ်ပေးဖို့ တောင်းဆိုပါတယ်။ တရားဥပဒေ စိုးမိုးရေးအတွက် တရားခံတွေကို ဖော်ထုတ် ဖမ်းဆီးဖို့နဲ့ ပွင့်လင်းမြင်သာစွာ တရားစီရင်မှုတွေရှိဖို့ တောင်းဆိုပါတယ်။ အခုဟာ အရွယ်ရောက် အမျိုးသမီးတွေသာ မကတော့ဘဲ လူမမယ် ကလေးငယ်တွေပါ တိုက်ခိုက် ခံလာရတာ ရှိပါတယ်" ဟု ပြောကြားသည်။
"ပဋိပက္ခဖြစ်တဲ့ ဒေသတွေနဲ့ စစ်ပွဲဖြစ်တဲ့ ဒေသတွေမှာ ထိခိုက်နစ်နာမှု အများဆုံးကတော့ အမျိုးသမီးတွေနဲ့ ကလေးတွေပဲ ဖြစ်ပါတယ်။ အခု ရခိုင်ပဋိပက္ခကြောင့် ဒုက္ခဖြစ်သူတွေထဲမှာ အမျိုးသမီးတွေဟာ ပိုလို့ဒုက္ခရောက်ပါတယ်။ အခုဆိုရင် ရခိုင်မှာ အမျိုးသမီးတွေ အကြမ်းဖက်ခံလာရတာ ဆက်တိုက် ဖြစ်လာပါတယ်။ ဒါဟာ တရားဥပဒေ စိုးမိုးမှုမရှိလို့ ဖြစ်ရတာဖြစ်ပြီး အမျိုးသမီးတွေ အေးအေးချမ်းချမ်း နေထိုင်နိုင်အောင် လုံခြုံမှုရှိအောင် တာဝန်ရှိသူတွေက ဆောင်ရွက်ပေးဖို့ တိုက်တွန်းပါတယ်" ဟု ဒေါ်စောသီရိမွန်က ပြောကြားသည်။
(သတင်းအရင်းအမြစ်- Eleven Media Group)

No comments: