မြန်မာ-ဘင်္ဂလာနယ်စပ်တွင် မြေမြုပ်မိုင်း ၃၉ လုံးရှာဖွေတွေ့ရှိဟုဆို

ဘင်္ဂလာဒေခ်ျ့ လုံခြုံရေးတပ်ဖွဲ့ဝင်များက နယ်စပ်တွင် မြန်မာဘက်က ထောင်ထားသော မြေမြုပ်မိုင်း ၃၉ လုံးကို ယမန်နေ့က ရှာဖွေတွေ့ရှိခဲ့ပြီး ဖယ်ရှားပစ်ခဲ့ရသည်ဟု ဆိုသည်။
၎င်းသတင်းအား ယနေ့ထုတ် ဘင်္ဂလာဒေခ်ျ့ သတင်းစာအများအပြားတွင် ဖေါ်ပြပြီး ယင်းမိုင်းများမှာ အသစ်ဖွဲ့စည်းထားသော မြန်မာ နယ်စပ်လုံခြုံရေး တပ်ဖွဲ့ဝင်များက လွန်ခဲ့သော တစ်ပတ်ခန့်က ထောင်ထားခဲ့ခြင်း ဖြစ်ကြောင်း ဖေါ်ပြသည်။
တွေ့ရှိ မြေမြုပ်မိုင်းများကို နှစ်နိုင်ငံ နယ်စပ် စီရိုမျဉ်း အကြားတွင် ထောင်ထားခြင်း ဖြစ်ပြီး မိုင်တိုင်အမှတ် (၄၄) အနီးတွင် ဖြစ်သည်ဟု ဆိုသည်။ ၎င်းမိုင်တိုင်အမှတ် (၄၄) မှာ ဘင်္ဂလာဒေခ်ျ့နိုင်ငံ ဘင်ဒရိုင်ဘင် (ရွာတော်) ခရိုင် နတ်ကျောက်ဆရီမြို့နယ် အတွင်းရှိ Kachubunia ဒေသတွင် တည်ရှိပြီး မြန်မာဘက်က ဆိုလျှင် မောင်တောမြို့နယ် မြောက်ပိုင်း အောင်သပြေ အမှတ် (၁) နယ်မြေအနီးတွင် ဖြစ်ကြောင်း သိရသည်။
များမကြာမီက မြန်မာ လုံခြုံရေး တပ်ဖွဲ့တစ်ခုသည် နယ်စပ်တွင် မှတ်တိုင်များကို တိုင်းတာ စစ်ဆေးမူများ ပြုလုပ်ခဲ့ကြောင်း၊ ယင်းတိုင်းတာမူမှာ ဒီဇင်ဘာလ ၁၀ ရက်နေ့က ပြီးဆုံးခဲ့ကြောင်း၊ ယင်းနောက်ပိုင်းတွင် မြေမြုပ်မိုင်းများကို ထောင်ထားခဲ့ခြင်း ဖြစ်ကြောင်း၊ ထိုသို့ ထောင်ထားသည်ကို ဘင်္ဂလာဒေခ်ျ့ အာဏာပိုင်များသို့ တစ်စုံတစ်ရာ အကြောင်းကြားခြင်း မရှိကြောင်း သတင်းများက ဆိုသည်။
နယ်စပ် ဘင်္ဂလီကျေးရွာသားများက မြန်မာတပ်ဖွဲ့သည် ဒီဇင်ဘာလ ၁၈ ရက်နေ့က ဘင်ဒရိုဘင်ခရိုင် နတ်ကျောက်ဆရီမြို့နယ် အချာတိုလီ နယ်စပ်ရှိ ကီလိုမီတာ ၃၀ အတွင်း မြေမြုပ်မိုင်းများ ထောင်ထားခဲ့ကြောင်း ၎င်းမြို့ အခြေစိုက် အမှတ် (၃၁) ဘီဂျီဘီ နယ်ခြားစောင့်တပ်ဖွဲ့ကို အကြောင်းကြားခဲ့သည်ဟု သတင်းတွင် ဖေါ်ပြသည်။
နတ်ကျောက်ဆရီမြို့ အခြေစိုက် ဘီဂျီဘီအမှတ် (၃၁) တပ်ရင်း တပ်ရင်းမှူး ဗိုလ်မှူးကြီး ချာဖေကူလ် ရာဟာမန်မှ ၎င်းမိုင်း ၃၉ လုံးကို ဖယ်ရှားခဲ့ရခြင်းမှာ ဟုတ်မှန်ကြောင်း ပြောကြားပြီး ယခု နယ်စပ် စီရိုမျဉ်းအတွင်း မိုင်းထောင်ခြင်းမှာ နိုင်ငံတကာ သဘောတူညီချက်ကို ချိုးဖေါက်ခြင်း ဖြစ်သဖြင့် မြန်မာဘက်ကို ပြင်းပြင်းထန်ထန် သတိပေး ကန့်ကွက်မူများ ပြုလုပ်သွားမည်ဟု ဆိုသည်။
ယခုအခါ ယင်းမြေမြုပ်မိုင်းများကို ရှာဖွေ တွေ့ရှိသဖြင့် နယ်စပ်တွင် ဘင်္ဂလာဘက်က လုံခြုံရေး တပ်ဖွဲ့များကို တိုးချထားလိုက်သည်ဟု သိရသည်။
မြန်မာ-ဘင်္ဂလာဒေခ်ျ့ နယ်စပ် တလျှောက်တွင် လွန်ခဲ့သော ၁၀ နှစ်ခန့်က ယခင် နစက တပ်ဖွဲ့ဝင်များက မြေမြုပ်မိုင်းများ ထောင်ခဲ့ကြောင်း၊ သို့သော်လည်း နောက်ပိုင်းတွင် ဘင်္ဂလာဒေခ်ျ့က ကန့်ကွက်သဖြင့် ရုတ်သိမ်းသွားခဲ့ကြောင်း၊ မြန်မာဘက်က မြေမြုပ်မိုင်းများကြောင့် ဘင်္ဂလာဒေခ်ျ့ နိုင်ငံသား အချို့ သေဆုံးခဲ့ရသလို ဆင်စသော တောရိုင်း တိရစ္ဆာန်များလည်း သေကြေပျက်စီးခဲ့ရသည်ဟု ဆိုသည်။
မောင်တောခရိုင် ရဲတပ်ဖွဲ့သို့ ဆက်သွယ်သော်လည်း ဖုံးရိမ်းပြီး မကိုင်သဖြင့် ၎င်းမြေမြုပ်မိုင်း ကိစ္စနှင့် ပတ်သက်ပြီး မြန်မာဘက်က အမြင် သဘောထားကို မေးမြန်းနိုင်ခြင်း မရှိခဲ့ပါ။
(သတင်းအရင်းအမြစ်- နိရဉ္စရာသတင်းဌာန)