Friday, January 31, 2014

White Card ကိစ္စ၊ ရဲကိစ္စ၊ နိုင်ငံသား ကိစ္စ စစ်တွေမှာ ဆန္ဒပြပွဲလုပ်မယ်

White Card ကိုင်တဲ့ လူတွေ ရွေးကောက်ပွဲဝင်ခွင့် မဲပေးခွင့် မရဖို့၊ ရဲတွေကို ခေတ်မီ လက်နက်နဲ့ တပ်ဆင်ပေးပြီးတော့ အရေးပေါ် ပစ်မိန့်တွေ
ပေးထားဖို့၊ ၁၉၈၂ခုနှစ် နိုင်ငံသား ဥပဒေအတိုင်း နိုင်ငံသား စီစစ်ဖို့ ဖေဖော်ဝါရီလ ၃ရက်နေ့ ဆန္ဒပြမယ်။

အသေးစိတ်ကို ဆက်လက်ဖတ်ပါ။

ရခိုင်လူမှုကွန်ရက်များအနေဖြင့်သိသာရန်
........................................................

ရခိုင်လူမှုကွန်ရက် - စစ်တွေ

ယခုအချိန်တွင် ရခိုင်ပြည်မှ အသံတစ်သံထွက်ရန် အရေးပေါ်လိုအပ်နေသည်။
ရခိုင်လူမှုအဖွဲ့အစည်းများ၏ ကွန်ရက်အဖြစ် ရခိုင်လူမှုကွန်ရက်အား မြို့နယ်ပေါင်းစုံမှ စည်းလုံးညီညွတ်စွာပါဝင်ပြီး ၂၀၁၄ သန်းခေါင်စာရင်းကောက်ယူမှုကိစ္စ မတိုင်မီ ဗဟိုအစိုးရအား လူထုမှ တစ်စုံတစ်ရာဖိအားပေးပြီး ပြုပြင်ပြောင်းလဲရေးလမ်းစဉ်ချက်မှတ်နိုင်ရန် အရေးပေါ် လိုအပ်လျှက်ရှိနေပါသည်။

ရခိုင်လူမှုကွန်ရက် (စစ်တွေ)အနေဖြင့် နိုင်ငံတော်အစိုးရ၏ ဆုံးဖြတ်ချက်မကျနိုင်သည့် ဆုံးဖြတ်ရခက်နေသောကိစ္စရပ်များအား ပြည်သူ့ဆန္ဒဖြင့် ၀ိုင်းရံထောက်ခံတွန်းအားပေးမှု တစ်ရပ်ပြုလုပ်ရန် အချက် (၃)ချက်ပါ ပုံစံ(၄) ငြိမ်းချမ်းစွာစီတန်းလှည့်လည် ဆန္ဒထုတ်ဖော်ခွင့်အား ၂၈-၁-၂၀၁၄ ရက်နေ့ ညနေ ၂ နာရီတိတိအချိန်တွင် ခွင့်ပြုစာတင်ခဲ့ကြရာ ယနေ့ ညနေ ၃ နာရီအချိန်တွင် ပုံစံ (၇)ဖြင့် ခွင့်ပြုချက်ပေးခဲ့သည်။

၁။ ၁၉၈၂ မြန်မာနိုင်ငံသားဖြစ်ခွင့်ဥပဒေအား လွှတ်တော်အတွင်းချက်ချင်းဆွေးနွေးပြီး အမြန်ဆုံးအကောင်အထည်ဖော်ဆောင်ရွက်ရန်။

၂။ White Card နှင့် ယာယီနိုင်ငံသားမှတ်ပုံတင်ကဒ် ကိုင်ဆောင်သူများသည် ဆန္ဒမဲခံယူပိုင်ခွင့်/မဲပေးပိုင်ခွင့်မရှိစေရန် ၂၀၁၄ သန်းခေါင်စာရင်းစစ်တမ်းကောက်ယူခြင်းကိစ္စ မတိုင်မှီ အစိုးရမှ တရားမ၀င်ကြောင်းကြေငြာရန်။

၃။ ဒေသခံများ၏လုံခြုံရေးကို တာဝန်ယူနေကြရသော လုံခြုံရေးဝန်ထမ်းများအား ခေတ်မီလက်နက်များတပ်ဆင်ထားပြီး အရေးပေါ်အခြေအနေများတွင် အထက်အမိန့်စောင့်နေစရာမလိုပဲ ကိုယ့်ကိုယ်ကိုယ် ခုခံကာကွယ်ပိုင်ခွင့်အရ ပစ်မိန့်ပေးထားရန်။

ဟူသောအချက် (၃)ချက်ဖြင့်
အချိန်။ ၃-၂-၂၀၁၄ ရက်နေ့တွင် နေ့လည် ၁း၀၀ တိတိ မှ ၁၅း၀၀ အထိ
နေရာ ။ ဦးဥတ္တမပန်းခြံ မှ ၀င်္ကပါကွင်းသို့

(ဤသတင်းအား Rakhine Citizen Journalists စာမျက်နှာမှ ကူးယူဖော်ပြပါသည်)
Post a Comment