ရခိုင်ပြည်နယ် မင်းပြားမြို့နယ်မှ လွှတ်တော် သုံးရပ်တွင် ပါဝင်ယှဉ်ပြိုင်ကြမည့် ရခိုင်အမျိုးသားပါတီ ( ANP) ၏ ကိုယ်စားလှယ်လောင်းများ စာရင်းကို ဒီဇင်ဘာလ ၃၁ ရက်နေ့ကို နောက်ဆုံးထားပြီး တင်သွင်းရန် မြို့နယ် ကော်မတီက ကျေညာချက် ထုတ်ထားသည်ဟု သိရသည်။
“ မင်းပြားမြို့နယ် အတွင်းက လွှတ်တော် သုံးရပ်မှာ ၀င်ရောက်ယှဉ်ပြိုင်လိုတဲ့ ပါတီ ၀င်တွေ စာရင်းပေးပို့ကြဖို့ ဒီလ ၂ ရက်နေ့ကတည်းက ကျေညချက်ထုတ်ထားပါတယ်။ ဒီလ ၃၁ ရက်နေ့ကို နောက်ဆုံးထားပေးပို့ရပါမယ်” ဟု ယင်းမြို့နယ်၏ ANP ပြည်နယ် လွှတ်တော်ကိုယ်စားလှယ် ဦးသာကျော်က ပြောသည်။
မင်းပြားမြို့နယ်တွင် အမျိုးသားလွှတ်တော်နှင့် ပြည်သူ့လွှတ်တော်ကိုယ်စားလှယ် (၂) ဦး လစ်လပ်နေသဖြင့် ယခုလို စောစီးစွာ လွှတ်တော်ကိုယ်စားလှယ်စာရင်းကို တောင်းခံရခြင်း ဖြစ်ကြောင်း သူက ဆိုသည်။
“ ရွေးကောက်ပွဲကတော့ ဖြစ်မှာပါ။ အစိုးရက ၂၀၁၅ ခုနှစ် ရွေးကောက်ပွဲကို လုပ်ပေးလိမ့်မယ်လို့ ကျွန်တော်က အပြည့်အ၀ ယုံကြည်ပါတယ်။ ဒါကြောင့်လည်း လွှတ်တော်ကျင်းပမယ့်ရက် တိတိကျကျ မကျေညာခင်ကတည်းက လွှတ်တော်ကိုယ်စားလှယ်စာရင်းကို တောင်းခံထားတာ ဖြစ်ပါတယ်” ဟု ဦးသာကျော်က ဆက်ပြောသည်။
ယခင်က ပြုလုပ်ရန် စီစဉ်ခဲ့သည့် ကြားဖြတ် ရွေးကောက်ပွဲတုန်းက လစ်လပ်နေသော ကိုယ်စားလှယ် နှစ်နေရာအတွက် ကိုယ်စားလှယ် ၈ ဦးထိရှိခဲ့သည်ဟု သူက ဆိုသည်။
ယခုအခါ လွှတ်တော်ကိုယ်စားလှယ်များ လစာကို ၁၀ သိန်း တိုးမြှင့်ရန် ပြည်ထောင်စု လွှတ်တော်က သဘောတူထားရာ ရခိုင်ပြည်နယ် အနှံ့တွင် အမတ်လုပ်ချင်သူများ တိုးပွားနေသဖြင့် လွှတ်တော်တွင် ၀င်ရောက်ယှဉ်ပြိုင်လိုသည့် ကိုယ်စားလှယ် စာရင်းမှာ ယခင်ကထက် အဆမတန်များနိုင်ကြောင်း လေ့လာသုံးသပ်သူများက ပြောဆိုသည်။
(သတင်းအရင်းအမြစ်- နိရဉ္စရာသတင်းဌာန)
No comments:
Post a Comment