Wednesday, February 4, 2015

ရွေးကောက်ပွဲ ကော်မရှင်ကို စောင့်ကြည့်သည့် အဖွဲ့များ အားကောင်းရန်လိုဟု ဒေါက်တာအေးမောင်ပြော

ပြည်ထောင်စုရွေးကောက်ပွဲ ကော်မရှင် ဥက္ကဋ္ဌ ဦးတင်အေး မီဒီယာများ၏ မေးမြန်းချက်များကို ပြန်လည်ဖြေကြားနေစဉ်။ (ဓာတ်ပုံ - ဆင်ဟွာ)

လက်ရှိပြည်ထောင်စု ရွေးကောက်ပွဲ ကော်မရှင်အားဖျက်သိမ်းပြီး၊အသစ်ပြန်လည်ဖွဲ့စည်းရန်အတွက် လက်မှတ်ရေးထိုး တောင်းဆိုမှုများရှိလာချိန်တွင် လက်ရှိရွေးကောက်ပွဲကော်မရှင်အား ဖျက်သိမ်းခြင်းထက်
ရွေးကောက်ပွဲကော်မရှင်အား စောင့်ကြည့်သည့် အဖွဲ့များ အားကောင်းရန်လိုအပ်ကြောင်း ရခိုင်အမျိုးသားပါတီ ဥက္ကဋ္ဌ ဒေါက်တာအေးမောင် က ပြောသည်။
“ဒီအချိန်မှာ ရွေးကောက်ပွဲ ကော်မရှင်ကို ဖျက်သိမ်းဖို့ထက် ရွေးကောက်ပွဲကော်မရှင် လုပ်ချင်တာ လုပ်လို့မရအောင် စောင့်ကြည့်တဲ့ အဖွဲ့တွေအင်အားတောင့်ဖို့ အရေးကြီးတယ် လို့ထင်တယ်” ဟု ဒေါက်တာအေးမောင် က Rakhine News Agency သို့ပြောသည်။
ယခုလက်ရှိ ပြည်ထောင်စု ရွေးကောက်ပွဲ ကော်မရှင်သည် ဖွဲ့စည်းပုံ အခြေခံဥပဒေနှင့် ကိုက်ညီမှု မရှိသောကြောင့် ရွေးကောက်ပွဲ ကော်မရှင်အားဖျက်သိမ်းပြီး၊ အသစ်ပြန်လည် ဖွဲ့စည်းပေးရန်အတွက် ပြည်သူ့လှုပ်ရှားမှုမြှင်တင်ရေး ကွန်ရက်က ဆောင်ရွက်လျက်ရှိပြီး၊ လက်မှတ်ရေးထိုး
တောင်းဆိုမှုများ ပြုလုပ်ရန်အတွက် လက်မှတ်များ ကောက်ခံလျက်ရှိသည်။
“ရွေးကောက်ပွဲ ကော်မရှင်ကို ဖျက်သိမ်းဖို့ထက် ရွေးကောက်ပွဲ ကော်မရှင်ရဲ့အသွင်သဏ္ဍာန်နဲ့ အနှစ်သာရကို ပြောင်းပေးနိုင်ဖို့ လွှတ်တော်တွင်း၊လွှတ်တော်ပြင်နဲ့ လူထုက တောင်းဆိုတဲ့ နည်းကဖြစ်နိုင်ခြေပိုများတယ်” ဟုဒေါက်တာအေးမောင် ကပြောသည်။
ဦးတင်အေး ဦးဆောင်သည့် ပြည်ထောင်စုရွေးကောက်ပွဲ ကော်မရှင်အားအသစ်ပြန်လည်ဖွဲ့စည်းပေးရန် အတွက် လက်မှတ်ရေးထိုးတောင်းဆိုခြင်းကိုနိုင်ငံတော် သမ္မတနှင့် လွှတ်တော် ထံသို့ တင်ပြသွားမည်ဖြစ်ကြောင်းပြည်သူ့လှုပ်ရှားမှု မြှင့်တင်ရေး ကွန်ရက် တာဝန်ရှိသူများကပြောဆိုထားသည်။
လက်ရှိ ပြည်ထောင်စု ရွေးကောက်ပွဲ ကော်မရှင်ဥက္ကဋ္ဌ ဦးတင်အေးသည် ယခင်အစိုးရလက်ထက်က ဒုတိယ ဗိုလ်ချုပ်ကြီး ရာထူးဖြင့် တာဝန်ထမ်းဆောင်ခဲ့ပြီး၊၂၀၁၀ပြည့်နှစ် ရွေးကောက်ပွဲတွင် ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးပါတီ ကိုယ်စားပြု မန္တလေးတိုင်းဒေသကြီး တံတားဦး မဲဆန္ဒနယ်၊
ပြည်သူ့လွှတ်တော် ကိုယ်စားလှယ်အဖြစ် အရွေးချယ်ခံခဲ့ရသူဖြစ်သည်။
(ဤသတင်းအား Rakhine News Agency မှ ကူးယူဖော်ပြပါသည်)
Post a Comment