တက္ကဆက်ပြည်နယ် အမာရီလိုမြို့ မြန်မာတိုင်းရင်းသားများ သင်္ကြန် စည်ကားသိုက်မြိုက်စွာ ကျင်းပမည်

အမေရိကန်ပြည်ထောင်စု တောင်ဖက်ခြမ်း တက္ကဆက်ပြည်နယ် အမာရီလိုမြို့ မြန်မာတိုင်းရင်းသားများ၏ နှစ်စဉ်ကျင်းပလျက်ရှိသော နှစ်သစ်ကူး အတာသင်္ကြန်ပွဲတော်ကို ဧပြီလ (၁၄)ရက် တနင်္ဂနွေနေ့တွင် စည်ကားသိုက်မြိုက်စွာ ဆင်ယင်ကျင်းပကြမည်ဖြစ်ကြောင်း သတင်းရရှိသည်။

Myanmar Dance  

ထိုသို့ စည်ကားသိုက်မြိုက်စွာ ဆင်ယင်ကျင်းပနိုင်ရန်အတွက် သင်္ကြန်ပွဲတော် ဖြစ်မြောက်ရေးကော်မတီတရပ်ကို လွန်ခဲ့သည့် ဖေဖော်ဝါရီလ နောက်ဆုံးပတ်ထဲတွင် အမာရီလိုမြို့ဇေယျသုခ ဓမ္မရိပ်သာ မြန်မာထေရ၀ါဒဗုဒ္ဓဘာသာ ဘုန်းတော်ကြီးကျောင်း ၌ မြန်မာတိုင်းရင်းသား မိသားစုများက အောင်မြောင်စွာဖွဲ့စည်းနိုင်ခဲ့ကြောင်း သိရှိရသည်။
သင်္ကြန်ပွဲတော်ကို ယခင်နှစ်များထက် ထူးခြားစည်ကားစေရန် သင်္ကြန်ပွဲဖြစ်မြောက်ရေးကော်မတီကို လုပ်ငန်းကော်မတီခြောက်ရပ်ဖြင့် ဖွဲ့စည်းခဲ့ကြောင်း ပွဲတော်ဖြစ်မြောက်ရေးကော်မတီ၏ ဒုတာဝန်ခံ ဦးညီညီလွင်က အာရ်ကန်တိုင်းမ်စ်သို့ ပြောသည်။

" ဒီနှစ်သင်္ကြန်ပွဲကို ထူးထူးခြားခြားနဲ့ အပြောင်းအလဲတွေဖြစ်အောင် သင်္ကြန်ပွဲတော်ဖြစ်မြောက်ရေးကော်မတီကို လုပ်ငန်းကော်မတီခြောက်ခုနဲ့ အားဖြည့်ထားပါတယ်။ ဘဏ္ဍာငွေရှာဖွေရေး၊ ဖြေဖျော်ရေး၊ ဧည့်ခံကျွေးမွေးရေး၊ စည်းကမ်းထိမ်းသိမ်းရေး၊ သတင်းနှင့်ပြန်ကြားရေးကော်မတီနှင့် သက်ကြီးပူဇော်ပွဲကော်မတီ ဆိုပြီးတော့ ကော်မတီခြောက်ရပ်ဖြင့် အောင်မြင်စွာဖွဲ့စည်းနိုင်ခဲ့ပါတယ်။ အမာရီလိုမြို့အနီးတ၀ိုက်မှာ ရောက်ရှိနေကြတဲ့ ကျနော်တို့ တိုင်းရင်းသားတွေကလည်း မိမိတို့ရဲ့ ရိုးရာယဉ်ကျေးမှုအကအလှတွေကို ထုတ်ဖော်ပြသဖျော်ဖြေကြမှာဖြစ်ပြီးတော့ တိုင်းရင်းသားရိုးရာ အစားအသောက်တွေနဲ့လည်း ဧည့်ခံကျွေးမွေးကြမှာဖြစ်ပါတယ်။ " ဟု ဦးညီညီလွင်က ပြောဆိုသည်။

နှစ်သစ်အတာသင်္ကြန်ပွဲတော်နဲ့အတူ သက်ကြီးပူဇော်ပွဲကိုပါ မြန်မာတိုင်းရင်းသားများ၏ ရိုးရာအစဉ်အလာနဲ့အညီ တွဲဖက်ကျင်းပ ပူဇော်ကြမည်ဖြစ်ကြောင်း ဦးညီညီလွင်က ဆက်လက်ပြောကြားသည်။

" ကျနော်တို့တွေ ဘယ်နေရာ ဘယ်ဒေသကိုရောက်ရောက် ကြီးသူကိုရိုသေဆိုတဲ့ မြန်မာတိုင်းရင်းသားတွေရဲ့ ရိုးရာယဉ်ကျေးမှုအစဉ်အလာ ထိန်းသိမ်းစောင့်ရှောက်မှုနဲ့အညီ သက်ကြီးဝါကြီးရွယ်အိုတွေကို သင်္ကြန်ပွဲတော်ရက်မှာပဲ အခမ်းအနားပြုလုပ်ပြီး လက်သည်းခြေသည်း ညှပ်ပေးခြင်းနှင့် လက်ဆောင်ပစ္စည်းများနဲ့ ရှိခိုးပူဇော်ကန်တော့ကြမှာပါ။ မြန်မာတိုင်းရင်းသား မျိုးဆက်သစ်လူငယ်များက ကောင်းတဲ့ရိုးရာယဉ်ကျေးမှုအစဉ်အလာတွေကို လေးစားအားကျ အတုယူတတ်လာအောင်ရယ် ဒီပွဲကိုရောက်ရှိလာကြမယ့် နိုင်ငံခြားသားတွေကိုပါ ကျနော်တို့ မြန်မာတိုင်းရင်းသားတွေဟာ ရိုးရာယဉ်ကျေးမှုအစဉ်အလာတွေကို ထိန်းသိမ်းစောင့်ရှောက်ထားကြတယ်ဆိုတာကို သိရှိစေလိုတဲ့ ဆန္ဒရည်ရွယ်ချက်တွေလည်း ပါဝင်ပါတယ်။ " ဟု ၄င်းက ဆက်လက်ပြောဆိုသည်။

အဆိုပါ ပွဲတော်အခမ်းအနား ဖြစ်မြောက်ရေးအတွက် ခန်းမငှားရမ်းခ ကုန်ကျစရိတ်ငွေကို ဦးအေးနိုင်+ဒေါ်စမ်းလွင် (အေးဇမ်ဗျူ မြန်မာကုန်စုံဆိုင်)မှ ပါဝင်လှူဒါန်း ကူညီအားဖြည့်ထားပြီး ရွှေဗွီဒီယို ထုတ်လုပ်ပြသရေးမှ ဧပြီလ (၁၄)ရက် တနင်္ဂနွေနေ့တွင် အချိန်နဲ့တပြေးညီ တိုက်ရိုက်ထုတ်လွင့် ပြသသွားမည်ဖြစ်ကြောင်း ဦးညီညီလွင်က ပြောကြားသွားသည်။

(သတင်းအရင်းအမြစ်- Arakantimes written by အာရ်ကန်တိုင်းမ်စ်)