Thursday, August 29, 2013

သယံဇာတ ပွင့်လင်းမြင်သာမှု ဖော်ဆောင်ရေးကော်မတီ စစ်တွေ၌ ဆွေးနွေး


မြန်မာနိုင်ငံ၏ တွင်းထွက်သယံဇာတ တူးဖော်သည့်လုပ်ငန်းများ ပွင့်လင်းမြင်သာရေး ဦးဆောင်ကော်မတီသည် သတ္ထုတူးဖော်ရေးဆိုင်ရာ နိုင်ငံတကာပွင့်လင်းမှုစံနှုန်းအဖွဲ့ (EITI)သို့ ၀င်ရောက်နိုင်ရေးနှင့်စပ်လျဉ်း၍ သြဂုတ်လ ၂၂ ရက် နေ့လည်က စစ်တွေမြို့၌ ရှင်းလင်းပွဲတစ်ရပ်ပြုလုပ်ခဲ့သည်။

ပြီးခဲ့သည့် ၂၀၁၂ခုနှစ် ဒီဇင်ဘာ ၁၄ရက်က သမ္မတအမိန့်ဖြင့် ဖွဲ့စည်းခဲ့သည့် အဆိုပါကော်မတီတွင် ဥက္ကဋ္ဌအဖြစ် သမ္မတရုံးဝန်ကြီး ဦးစိုးသိန်း ဦးဆောင်၍ အဖွဲ့ဝင်များအဖြစ် ပတ်ဝန်းကျင်ထိမ်းသိမ်းရေးနှင့် သစ်တော ရေးရာဝန်ကြီး၊ စွမ်းအင်ဝန်ကြီးနှင့် သတ္တုတွင်းဝန်ကြီး၊ ဘဏ္ဍာရေးဝန်ကြီးတို့ ပါဝင်ကြသည်။

ကော်မတီ၏ ညှိနှိုင်းရေးတာဝန်ခံ ဒေါ်ကေသီနှင့် ပြင်ပဆက်သွယ်ရေးတာဝန်ခံ ဦးခင်မောင်ထွေးတို့က ကော်မတီ
တာဝန်ပေးချက်အရ စစ်တွေမြို့ရှိ လူမှုအဖွဲ့အစည်းများ၊ လွှတ်တော်အမတ်များ၊ နိုင်ငံရေးပါတီများနှင့် ယခုကဲ့သို့
ဆွေးနွေးခဲ့ခြင်းဖြစ်သည်။

ရခိုင်ပြည်နယ်မှ ထွက်ရှိသော သယံဇာတများနှင့်ပတ်သက်၍ အကျိုးအမြတ်ခွဲဝေရာတွင် ပွင့်လင်းမှုမရှိခြင်းနှင့်
ဒေသခံတိုင်းရင်းသားတို့ ခံစားခွင့်နည်းပါးခြင်းတို့ကြောင်း ရခိုင်တိုင်းရင်းသားများက အစဉ်တစိုက်ကန့်ကွက်မှုများ
ရှိခဲ့သည်။ ထိုလှုပ်ရှားမှုများ အဆက်မပြတ် ဖြစ်ပေါ်လာခဲ့ပြီးနောက် အစိုးရမှဖွဲ့ထားသည့် သယံဇာတနှင့် ဆိုင်သည့်
ကော်မတီက ထိုသို့ သွားရောက်ဆွေးနွေးကြခြင်းဖြစ်သည်။

သယံဇာတတူးဖော်မှု ပွင်းလင်းမြင်သာရေးကော်မတီနှင့် ပြုလုပ်သည့် စစ်တွေမြို့မှဆွေးနွေးပွဲသို့ တက်ရောက်ခဲ့သည့် ရခိုင်ပြည်နယ်လွှတ်တော် ဥပဒေအကြံပေးအဖွဲ့ဝင် ဦးကောင်းစံရွှီက “အဓိကချပြတာက နိုင်ငံတကာ EITI ၀င်ရောက်ရေး ဖြစ်တယ်။ အဖွဲ့ဝင်ဖြစ်ဖို့ လိုအပ်ချက်တွေ၊ အဖွဲ့ဝင်ဖြစ်ရင်ရရှိလာမယ့် အကျိုးကျေးဇူးတွေကို ချပြပြီး အကြံတောင်းခံတာဖြစ်ပါတယ်”ဟုဆိုသည်။

Extractive Industries Transparency Initiative(EITI) ဟုခေါ်သည့် သတ္ထုတူးဖော်သည့် လုပ်ငန်းများ ပွင့်လင်းမြင်သာရေး နိုင်ငံတကာအဖွဲ့ဝင်ရန် မြန်မာအစိုးရက အကြိုသဘောတူညီထားပြီးဖြစ်သည်။

“နောက်ထပ် ကျွန်တော်တို့ပါတီအနေနဲ့ တင်ပြခဲ့တာက နိုင်ငံတကာ EITIအဖွဲ့ဝင်နိုင်ငံဖြစ်ရေးကို လက်ခံပါတယ်။ ဒါပေမယ့် ပထမလုပ်သင့်တာက ပြည်ထောင်စုအစိုးရနဲ့ ပြည်နယ်တွေကြားမှာ လုပ်ပိုင်ခွင့်ခွဲဝေမှု၊ သယံဇာတ စီမံခွင့်ခွဲဝေမှုကို လုပ်သင့်တယ်။ ပြီးမှသာလျင် EITI ကိစ္စကို ဆက်လုပ်သင့်တယ် ဆိုတာကို အကြံပြုခဲ့ပါတယ်” ဟု ဦးခင်မောင်ကြီးက ဆက်ပြောသည်။

သြဂုတ် ၂၂ ရက်က ကျင်းပသည့် ဆွေးနွေးပွဲသို့ ဖိတ်ကြားထားသူ ၁၀၀ ခန့် တက်ရောက်ခဲ့ကြပြီး၊ မွန်းလွဲ ၁ နာရီမှ ၄ နာရီထိ ကျင်းပခဲ့သည်။

ရခိုင်ပြည်နယ်တွင် ရွှေသဘာဝဓာတ်ငွေ့အပါအ၀င် ရခိုင်ပြည်နယ်မှထွက်ရှိသော သယံဇာတအကျိုးခံစားခွင့် ရရှိရေးအတွက် ရခိုင့်သယံဇာတ အကျိုးခံစားခွင့်ရရှိရေး ကော်မတီက သြဂုတ် ၁၈ ရက်မှစ၍ ပြည်သူ့ဆန္ဒ လက်မှတ် သုံးသိန်း ရသည်အထိ လက်မှတ် ကောက်ခံလျှက်ရှိကြောင်း သက်ဆိုင်ရာပါတီက သတင်းထုတ်ပြန်ထားသည်။
(Source: Mizzima Burmese)

No comments: