ရဟန်းတော် အဖွဲ့အစည်းများ၊ လူမူ အဖွဲ့အစည်းများ၊ အမျိုးသမီး အဖွဲ့များ၊ ကျောင်းသား အဖွဲ့အစည်းများမှ တစ်ဖွဲ့ပြီး တစ်ဖွဲ့ ဆိုင်းဘုတ်များ၊ ပိုစတာများ၊ လွှမ်းသူ့ ပန်းခွေများ ကိုင်ဆောင်ကာ ဆရာတော် ဦးဥတ္တမ ရုပ်ထု ရှေ့သို့ ချီတက်လာကြပြီး ဂါရ၀ပြု ပန်းခွေများချနေကြကြောင်း စစ်တွေရှိ နိရဉ္စရာ သတင်းထောက် မှ သတင်းပေးပို့သည်။
အာဏာပိုင်များက တစ်စုံတစ်ရာ နှောင့်ယှက်ဟန့်တားမူ မရှိကြောင်း၊ ပြည်သူလူထု တစ်ရပ်လုံးက ကိုယ့်အသိစိတ်ဖြင့် ကိုယ် စုရုံး လာရောက်ပြီး ဆရာတော်အား လေးစားကြည်ညိုသည့်အားဖြင့် ပန်းခွေချ ဂါရ၀ပြုနေကြခြင်း ဖြစ်ကြောင်း၊ မြင်ရသည့် မြင်ကွင်းမှာ အထူး စိတ်လူုပ်ရှားဖွယ်ကောင်းကြောင်း နိရဉ္စရာ သတင်းထောက်က ဆိုသည်။
ယခုအချိန်ထိ တစ်ဖွဲ့ပြီး တစ်ဖွဲ့ ဆရာတော် ရုပ်ထု ရှိရာသို့ ချီတက်လာနေကြကြောင်း ယနေ့ ညနေပိုင်းထိ ဂါရ၀ပြုသူများဖြင့် စည်ကားနေမည် ဖြစ်ကြောင်း သိရသည်။
(သတင်းအရင်းအမြစ်- နိရဉ္စရာသတင်းဌာန)
No comments:
Post a Comment