 |
| စည်မော်ကျေးရွာမှ လူထုတွေ့ဆုံပွဲမြင်ကွင်း (ဓာတ်ပုံ-နိရဉ္စရာ) |
၎င်းဆွေးနွေပွဲကို အောက်တိုဘာလ ၈ ရက်နေ့ က ကျောက်ဖြူမြို့နယ် စည်မော်ကျေးရွာ ဘုန်းတော်ကြီး ကျောင်းတွင် ဒေသဖွံ့ဖြိုးရေး ကော်မီတီက ဦးဆောင်ပြီး ကျင်းပခဲ့ရာ ရွာပေါင်း ၄၂ ရွာက လူပေါင်း ၄၀၀ ကျော်တက်ရောက်ခဲ့သည်။
ဆွေးနွေးပွဲကို ပြုလုပ်ရသည့် ရည်ရွယ်ချက်မှာ အထူး စီးပွားရေး ပတ်သက်ပြီး အဆိုးအကောင်းကို သိရှိနိုင်ရန်အတွက် ပြုလုပ်ခြင်း ဖြစ်ကြောင်း ဒေသဖွဲ့ဖြိုးရေး ကော်မီတီ ယာယီ ဥက္ကဌ ကိုမောင်အေးက နိရဉ္စရာသို့ ပြောသည်။
“ ကျောက်ဖြူ အထူးစီးပွားရေးဇုံနဲ့ ပတ်သက်ပြီးတော့ ၀န်ကြီး ဦးမြင့်သိန်းက ဒီလ ၂ ရက်နေ့က စစ်တောကျေး ရွာမှာ အစည်းအဝေးတခု လုပ်ပါတယ်။ အစည်းအဝေးမှာ ၀န်ကြီးက ရွာသားတွေ နားမလည်တဲ့ အသုံးအနှုန်း တွေသုံးပြီး ပြောပြပါတယ်။ ရွာသားတွေက နားမလည်ပေမယ့် ဆုံးတဲ့အခါ သြဘာလက်ခုတ်တီးကြတယ်။ အဲဒါကို ၀န်ကြီးက ကျောက်ဖြူ မြို့မိမြို့ဖတွေနဲ့ တွေ့ဆုံတဲ့အခါ သူတို့ချပြခဲ့တာတွေကို ရွာသားတွေ လက်ခံတယ်ဆိုပြီး ပြောပါတယ်။ အဲဒါ လက်ခုတ်တီးတဲ့ ဒီကိစ္စကိုလည်း ဆွေးနွေးခဲ့ကြတယ်” ဟု ဆိုသည်။
ဆွေးနွေးပွဲတွင် ၀န်ကြီး ဦးမြင့်သိန်း၏ ပြောဆိုချက်များကို နားလည်၊ မလည် မေးမြန်းခဲ့ကြရာ ကျေးရွာအုပ်စု ၁၄ ခုရှိ ကျေးရွာ ၄၂ ရွာမှ ရွာသားများက နားမလည်ကြောင်း၊ ထုံးတန်းစဉ်လာအရ စကားပြော၍ အပြီးတွင် လက်ခုတ်တီးကြခြင်းသာ ပြောဆိုခဲ့သည်ဟု ဆိုသည်။
သို့အတွက် ကျေးရွာသားများက ကျောက်ဖြူမြို့နယ်တွင် တည်ဆောက်မည့် အထူးစီးပွားရေးဇုံနှင့် ပတ်သက်ပြီး အချက် (၆) ချက်ကို တောင်းဆိုရန် အစည်းအဝေးတွင် ဆုံးဖြတ်ခဲ့ကြသည်ဟု သိရသည်။
အဓိက အချက် ၆ ခုကို သက်ဆိုင်ရာ အစိုးရ အာဏာပိုင်များမှ သဘောတူမှ အထူး စီးပွားရေးဇုံ တည်ဆောက်မူကို ဒေသခံများ လက်ခံနိုင်မည် ဖြစ်ကြောင်း အစည်းအဝေး တက်ရောက်ခဲ့သူ ကျောက်ဖြူမြို့ ဘိုးဘွား ရိပ်သာကျောင်း ဆရာတော်က နိရဉ္စရာသို့ မိန့်ကြားသည်။
“ သဘာဝ ပတ်ဝန်းကျင်ကို ထိခိုက်မယ့် စက်မှု လက်မှု လုပ်ငန်းတွေကို လက်မခံဘူး၊ နံပတ် (၂) အချက်က ဒေသဖွံ့ဖြိုးရေး လုပ်ငန်းများ အတွက် လုပ်ဆောင်တဲ့အခါ သဘာဝ ပတ်ဝန်းကျင်ကို မထိခိုက်စေတဲ့ လုပ်ငန်းတွေ ဖြစ်ရမယ်။ သိမ်း ဆည်းခံရတဲ့ လယ်ယာမြေတွေရဲ့ လျော်ကြေးကို နိုင်ငံတကာ စံချိန် စံညွှန်းနဲ့အညီ ပေးဆောင် ရမယ်။ အထူးစီးပွားရေးဇုံ ဖြစ်တဲ့ အခါ ဒေသခံများကို အဓိက အလုပ် ခန့်ထားရမယ်။ ယဉ်ကျေးမှုအရ ၀ါးမျိုမခံရအောင်နဲ့ အမျိုးဘာသာ သာသနာ မပျောက်ပျက်သွားရအောင် စီမံကိန်းတွေ ချမှတ်ပြီး ထိန်းသိမ်းပေးရမယ်၊ ပြောင်းရွေ့ခံရတဲ့ ကျေးရွာသားတွေကို စနစ်တကျ နေရာ ပြန်လည်ချထားပေးရမယ်။ ဒါတွေကိုရမှ အဲဒီ စီးပွားရေးဇုံကို ဒေသခံတွေက သဘောတူနိုင်မယ်” ဟု ဆုံးဖြတ်ခဲ့ကြကြောင်း ဆရာတော်က ဆိုသည်။
အစည်းအဝေးသို့ အုပ်စု ၁၄ စုမှ ကျေးရွာ ၄၂ ရွာက ကိုယ်စားလှယ်များ၊ ကျောက်ဖြူမြို့ ရပ်မိရပ်ဖများ၊ ပါတီပေါင်းစုံက ကိုယ်စားလှယ်များ ၊ လူမှုအဖွဲ့အစည်းများမှ တာဝန်ရှိသူများ တက်ရောက်ခဲ့ကြသည်ဟု သိရသည်။
ဆွေးနွေးပွဲတွင် တက်ရောက်လာသော ကိုယ်စားလှယ်များက ကျောက်ဖြူ အထူးစီးပွားစုံ တည်ဆောက်ရေး ကိစ္စ၊ ၀န်ကြီး ဦးမြင့်သိန်းပြောဆိုသွားသော ကိစ္စ၊ လျော်ကြေးကိစ္စများအပြင် သဘာဝပတ်ဝန်းကြည် ဆုံရှုံးမှု ကိစ္စရပ်များ အပေါ် အလေးပေး ဆွေးနွေးခဲ့ကြသည်ဟု သိရသည်။
ကျောက်ဖြူ အထူး စီးပွားရေးစုံအတွက် သတ်မှတ် မြေဧက ၃၀၀၀ ခန့်ရှိပြီး ၎င်း အထူးစီးပွားရေးဇုံ သတ်မှတ် နေရာများတွင် သိပ်ပုတ်တောင်၊ စည်မော်၊ ကြံချိန်နှင့် စစ်တောကျေးရွာများ ပါဝင်နေသဖြင့် ဒေသခံများက စီမံကိန်းကြောင့် မြေမဲ့ ယာမဲ့ ဖြစ်သွားမည်ကို အထူးစိုးရိမ်နေကြသည်ဟု ဆိုသည်။
အစည်းအဝေးကို နံနက် ၁၁ နာရီမှ ၄၅ မိနစ်မှ စတင်ကာ ညနေ ၄ နာရီခွဲတွင် အောင်မြင်စွာ ရုတ်သိမ်းခဲ့သည်ဟု သိရသည်။
(သတင်းအရင်းအမြစ်- နိရဉ္စရာသတင်းဌာန)
No comments:
Post a Comment