Wednesday, November 5, 2014

ဘူးသီးတောင်ဗုံးကွဲမူနှင့် ပတ်သက်ပြီး လူ (၃) ဦးကို ရဲက ဖမ်းဆီး


Buthidaung-map
ရခိုင်ပြည်နယ် ဘူးသီးတောင်မြို့တွင် ယမန်နေ့က ဖြစ်ပွားခဲ့သော ဗုံးနှစ်လုံးပေါက်ကွဲမူနှင့် ဆက်စပ်ပြီး လူ (၃) ဦးကို ရဲက ဖမ်းဆီးစစ်ဆေးနေကြောင်း ဘူးသီးတောင်မြို့နယ် ရဲမှူးက အတည်ပြု ပြောကြားသည်။
“ ကျွန်တော်တို့ ဘင်္ဂလီ လူမျိုး သုံးဦးကို ဖမ်းဆီး စစ်ဆေးနေပါတယ်။ သူတို့ဆီက မနေ့က ပေါက်ကွဲခဲ့တဲ့ ဗုံးတွေနဲ့  ဆက်စပ်တဲ့ ပစ္စည်းအချို့ကို သိမ်းဆည်းရမိတဲ့ အတွက် ဖမ်းဆီး စစ်ဆေးနေတာ ဖြစ်ပါတယ်” ဟု ရဲမှူးက ဆိုသည်။
သူတို့ဆီမှ ၀ါယာကြိုးများ၊ ဖုံးဆင်းကတ်နှင့် တခြား ပစ္စည်းအချို့ကို ဖမ်းဆီးမိသည်ဟု ဆိုသည်။
“ အကြမ်းဖက် အဖွဲ့တွေနဲ့ ဆက်စပ်မူ ရှိသလားဆိုတာကိုတော့ စစ်ဆေးနေတုန်း ဖြစ်တဲ့ အတွက် မပြောနိုင်သေးဘူး။ ဒီထက်ပိုပြီး မပြောနိုင်သေးဘူး” ဟု ဆိုသည်။
ဖမ်းဆီးခံရသူ (၃) ဦးမှာ ဘူးသီးတောင်မြို့ပေါ်က ဖြစ်ကြောင်း သိရသည်။
ဘူးသီးတောင်မြို့ အထွေထွေအုပ်ချုပ်ရေးမှူးရုံး အနီးရှိ ရိပ်သာရှေ့တွင် အောက်တိုဘာလ ၃၁ ရက်နေ့ ညဥ့် ၉ နာရီ အချိန်က ဗုံးနှစ်လုံး ပေါက်ကွဲခဲ့သည်။ ယင်းဗုံးများမှာ လက်လုပ်ဗုံးများ ဖြစ်ကြောင်း သိရသည်။
ဗုံးပေါက်ကွဲမူမှာ ညဥ့်အချိန်ဖြစ်သဖြင့် တစ်စုံတစ်ဦးမျှ ထိခိုက် ဒဏ်ရာ ရရှိခဲ့ခြင်း မရှိကြောင်း သိရသည်။
(သတင်းအရင်းအမြစ်- နိရဉ္စရာသတင်းဌာန)
Post a Comment