Friday, February 6, 2015

ဝှိုက်ကတ်ကိုင်ဆောင်သူများမဲထည့်ခွင့် ၈၈ ရခိုင်အဖွဲ့ကန့်ကွက်

88-gဖေဖော်ဝါရီလ ၂ ရက်နေ့က ပြုလုပ်ခဲ့သော ပြည်ထောင်စု လွှတ်တော်တွင် ၀ှိုက်ကတ် ကိုင်ဆောင်သူများအား ဆန္ဒမဲခံယူရာတွင် မဲထည့်ခွင့်ပြုရန် အတည်ပြု ဆုံးဖြတ်ချက်ကို ၈၈ ရခိုင်မျိုးဆက်များ လူမှုဖွံ့ဖြိုးရေး အဖွဲ့က ကြေငြာချက် တစ်စောင်ထုတ်ပြန်ပြီး ကန့်ကွက်လိုက်သည်။
ယခုကိစ္စသည် တည်ငြိမ်အေးချမ်းစ ပြုနေသော ရခိုင်ပြည်နယ်၏ အခြေအနေကို အပြင်းထန်ဆုံး ပြန်လည်လူပ်နိုးလိုက်ခြင်း ဖြစ်သည်ဟု ၈၈ ရခိုင်မျိုးဆက်များ လူမှုဖွံ့ဖြိုးရေး အဖွဲ့က သဘောထားကြောင်း ထုတ်ပြန်သည်။
ယင်းအပြင် ယင်းအဖွဲ့က ၁၉၈၈ အရေးတော်ပုံသည် ပြည်သူ့လူထု၏ ဆန္ဒကို လျစ်လျူရှုသည့် အစိုးရ၏ လုပ်ရပ်များကြောင့် ဖြစ်ပွားခဲခြင်းကို အမှတ်ရစေလိုသည်ဟု ထောက်ပြပြောဆိုသည်။
ယခုလည်း နိုင်ငံအ၀ှန်းမှ ပြည်သူအများစု၏ ဆန္ဒကို လျစ်လျူရှု၍ အဖွဲ့အစည်း တစ်ခု၏ အတ္တမာနအကျိုးကို ကာကွယ်ရန် အလို့ငှာ အဖြူရောင်ကတ် ( White Card) ကိုင်ဆောင်သူများကို မဲပေးခွင့် ပြုလိုက်ခြင်းသည် ပြည်သူ တစ်ရပ်လုံး၏ သဘောထား ဆန္ဒကို လုံးဝ မျက်ကွယ်ပြုခြင်း ဖြစ်၍ ပြင်းထန်စွာကန့်ကွက်ကြောင်း ဖေါ်ပြထားသည်။
၈၈ ရခိုင်မျိုးဆက်များ လူမှုဖွံ့ဖြိုးရေး အဖွဲ့ ဥက္ကဋ္ဌ ဖြစ်သူ ဦးဦးသန်းနိုင်က “ ၂၀၀၈ ဖွဲ့စည်းပုံ အခြေခံ ဥပဒေမှာလည်း နိုင်ငံသားတွေထံမှ စီးဆင်းရမယ့် အခြေခံမှု ဖြစ်ရမယ်လို့ ဖေါ်ပြထားတယ်။ အခု နိုင်ငံသားလား၊ နိုင်ငံသား မဟုတ်ဘူးလားဆိုတာတောင် မစစ်ဆေးရသေးဘဲ သူတို့တွေကို မဲပေးခွင့်ပြုဖို့ ဆုံးဖြတ်တာဟာ သူတို့ ရေးဆွဲထားတဲ့ ဥပဒေကို သူတို့ကိုယ်တိုင်ချိုးဖေါက်တာ ဖြစ်တယ်။ ဒီလုပ်ရပ်ဟာ တိုင်းပြည်အတွက် အလွန်အန္တရာယ်များပြီး ထိခိုက်မှုတွေလည်း ရှိနိုင်ပါတယ်” ဟု ပြောဆိုသည်။
ဝှိုက်ကတ်ကိုင်ဆောင်သူများအား နိုင်ငံသား တစ်ဦး၏ အဆင့်မြင့်ဆုံး အခွင့်အရေး ဖြစ်သော မဲပေးပိုင်ခွင့်ကို ပေးလိုက်ခြင်းမှာ တိုင်းပြည်ကို ရောင်းစားရာ ရောက်သည်သာမက သစ္စာဖေါက်ရာရောက်နေသဖြင့် ဝေဖန်မှုများနှင့် ကန့်ကွက်မှုများလည်း နိုင်ငံ အ၀ှန်းတွင် ပေါ်ပေါက်နေကြောင်း သိရသည်။
(သတင်းအရင်းအမြစ်- နိရဉ္စရာသတင်းဌာန)
Post a Comment