ငြိမ်းချမ်းရေး အထောက်အကူပြုရန် ပါတီ ၅၆ ခု နိုင်ငံရေးမူဘောင် ချမှတ်

နိုဝင်ဘာ ၂၅ ရက် နှင့် ၂၆ ရက် ၂ ရက်ကျင်းပသော နိုင်ငံရေးပါတီ ၅၆ ခု ၏ မူဘောင် ဆွေးနွေးပွဲသို့ တက်ရောက်လာသည့် ကိုယ်စားလှယ်များ (ဓာတ်ပုံ – ဇူးဇူး/ဧရာဝတီ)

ပြည်တွင်း ငြိမ်းချမ်းရေး ရရှိရန်နှင့် နိုင်ငံရေး ဆွေးနွေးပွဲများတွင် အထောက်အကူ ပြုနိုင်ရန် နိုင်ငံရေး ပါတီ ၅၆ ခုက နိုင်ငံရေးဆွေးနွေးပွဲ မူဘောင် တခု ချမှတ်လိုက်ကြောင်း သတင်းရရှိသည်။

ချမှတ်လိုက်သည့် ယင်းမူဘောင်(Political Frame Work)တွင် ပါဝင်ဆွေးနွေးမည့် အစုအဖွဲ့၎ ဖွဲ့ ၊ ဆွေးနွေးမည့် အချက် ၁၉ ချက်နှင့် စုစုပေါင်း အခန်း ၈ ခန်း ပါဝင်သည်ဟု သိရသော်လည်း အသေးစိတ် ထုတ်ပြန်ခြင်း မရှိသေးပေ။

သို့သော် မူဘောင်ကို အများပြည်သူ လေ့လာအကြံပြုနိုင်စေရန် ပါတီ ၅၆ ခု၏ အင်တာနက် စာမျက်နှာများတွင် ဖြန့်ဝေ တင်ပြသွားမည် ဖြစ်ကြောင်း ကိုယ်စားလှယ်များက ဧရာဝတီသို့ ပြောသည်။

နိုင်ငံရေး ပါတီ ၅၆ ခု ကိုယ်စားပြုသည့် ကိုယ်စားလှယ် ၁၅ ဦးက ဦးဆောင် ဆွေးနွေးထားသော နိုင်ငံရေး ဆွေးနွေးပွဲ မူဘောင် ရေး ဆွဲရေး ကော်မတီ (PPIC)က ၈ ကြိမ်မြောက် တွေ့ဆုံဆွေးနွေးခဲ့ပြီး ပါတီ ၅၆ ခုကို ကိုယ်စားပြုသည့် နုိုင်ငံရေး ဆွေးနွေးပွဲ မူဘောင် တရပ်ကို နိုဝင်ဘာလ ၂၆ ရက်နေ့က အတည်ပြုခဲ့ခြင်း ဖြစ်သည်။

“ကျနော်တို့ ဒါကို လုပ်တာဟာ ငြိမ်းချမ်းရေးကို တစုံတရာ အထောက်အကူ ပြုနိုင်မယ် ထင်လို့ လုပ်ရတာပါ”ဟု ရခိုင် အမျိုးသားပါတီ (ANP) ဗဟိုကော်မတီဝင် ဦးဦးလှစောက ဧရာဝတီသို့ ပြောသည်။

ယခု ဆွေးနွေးပွဲသို့ နိုင်ငံရေးပါတီ ၅၆ ပါတီမှ ကိုယ်စားလှယ်များက တနိုင်ငံလုံး အပစ်အခတ်ရပ်စဲရေး စာချုပ်ကို အမြန်ဆုံး ချုပ်ဆိုနိုင်ရန်နှင့် ၂၀၁၅ ခုနှစ် ရွေးကောက်ပွဲမတိုင်ခင် နိုင်ငံရေး တွေ့ဆုံ ဆွေးနွေးပွဲ ပြုလုပ်နိုင်ရန်တို့ကို မျှော်မှန်းထားကြသည်ဟု သိရ သည်။

လက်ရှိ အချိန်တွင် တနိုင်ငံလုံး အပစ်အခတ် ရပ်စဲရေးဆိုင်ရာ ညှိနှိုင်းရေးအဖွဲ့(NCCT)၊ ပြည်ထောင်စု ငြိမ်းချမ်းရေး ဖော်ဆောင် ရေး ကော်မတီ(UPWC) ၊ အမျိုးသား ဒီမုိုကရေစီ အဖွဲ့ချုပ် (NLD)နှင့် ညီညွတ်သော တိုင်းရင်းသား လူမျိုးများ မဟာမိတ်အဖွဲ့(UNA) တို့က ရေးဆွဲနေသည့် မူဘောင်များလည်း ရှိထားပြီး ဖြစ်သည်။

ထိုကဲ့သို့ ရေးဆွဲထားပြီး ဖြစ်သည့် မူဘောင်များနှင့် ညှိနှိုင်း ဆောင်ရွက်သွားမည် ဖြစ်ပြီး ကျန်ရှိနေသေးသည့် နိုင်ငံရေး ပါတီများနှင့် လည်း ဘုံသဘော တူညီမှုရရှိရန် ဆောင်ရွက်သွားမည်ဖြစ်ကြောင်း ပါတီကိုယ်စားလှယ်များက ပြောသည်။

“ကျနော်တို့ရဲ့ မူဘောင်ကို အတင်းအကျပ် ကိုင်ထားမှာ မဟုတ်ပါဘူး။ ညှိနှိုင်းမယ်၊ လျှော့သင့်တာ လျှော့မယ်၊ ယူသင့်တာ ယူမယ်။ ပြည်သူအတွက် အကောင်းဆုံးဖြစ်မယ့်ဟာကိုပဲ ကြည့်မှာပါ”ဟု ချင်းအမျိုးသား ပါတီ ဥက္ကဌ ဦးဇိုဇမ်က ပြောသည်။

PPIC တွင် တိုင်းရင်းသား ပါတီ ၂၂ ခု စုစည်းထားသော ညီနောင် တိုင်းရင်းသား ပါတီများ ဖက်ဒရေးရှင်း(NBF)မှ ကိုယ်စားလှယ် ၄ ဦး၊ ပါတီ ၁၁ ခု စုစည်းထားသော ဖက်ဒရယ် ဒီမိုကရေစီမဟာမိတ် (FDA) မှ ကိုယ်စားလှယ် ၃ ဦး၊ တိုင်းရင်းသား စည်းလုံးညီညွတ် ရေး ပါတီ မှ ၁ ဦး ၊ မြန်မာနိုင်ငံ တောင်သူလယ်သမားများ ဖွံ့ဖြိုးတိုးတက်ရေး ပါတီနှင့် တခြားပါတီများမှ ကိုယ်စားလှယ် ၅ ဦး စုစုပေါင်း ၁၅ ဦး ပါဝင်ကြောင်း သိရသည်။

PPIC ကို ပါတီ ၅၆ ခု၏ သဘောတူညီမှုဖြင့် ၂၀၁၄ ခုနှစ်၊ စက်တင်ဘာလ ၁၄ ရက်တွင် စတင် ဖွဲ့စည်းခဲ့ခြင်း ဖြစ်သည်။

(သတင်းအရင်းအမြစ်- ဧရာဝတီသတင်းဌာန)

စစ်တပ်သဘောထားတင်းမာမှုကြောင့် ၆ ပွင့်ဆိုင်သည့်တိုင် ဖွဲ့စည်းပုံ ပြင်ရေး မလွယ်ဟုဆို

အခြေခံဥပဒေ ပြင်ဆင်ရေး အောင်မြင်ရန် ၆ ပွင့်ဆိုင် ဆွေးနွေးရန် တောင်းဆိုခြင်း ဖြစ်သည် (ဓာတ်ပုံ – ဧရာဝတီ)

စစ်အစိုးရ စိတ်ကြိုက်ရေးဆွဲ ပြဋ္ဌာန်းခဲ့တဲ့ ၂၀ဝ၈ ဖွဲ့စည်းပုံအခြေခံဥပဒေ ပြင်ဆင်ရေးအတွက် လွှတ်တော်ဥက္ကဋ္ဌ ၂ ဦး၊ သမ္မတဦးသိန်းစိန်၊ ကာချုပ်၊ ဒေါ်အောင်ဆန်းစုကြည်နှင့် တိုင်းရင်းသား ကိုယ်စားပြု ခေါင်းဆောင် ၁ ဦးပါဝင်သော ၆ ပွင့် ဆိုင် တွေ့ဆုံရန် ပြည်ထောင်စုလွှတ်တော်က နိုဝင်ဘာလ ၂၅ ရက်နေ့တွင် တောင်းဆိုလိုက်သော်လည်း တပ်မတော်၏ သဘောထားတင်းမာမှုကြောင့် ၆ ပွင့်ဆိုင်သည့်တိုင် အခြေခံဥပဒေ ပြင်ဆင်ရန် မလွယ်ကူကြောင်း နိုင်ငံရေး အသိုင်း အဝိုင်းက သုံးသပ်သည်။

ပြည်ထောင်စုလွှတ်တော်က တောင်းဆိုလိုက် သော ၆ ပွင့်ဆိုင် တွေ့ဆုံဆွေးနွေးရေးအတွက် တိုင်းရင်းသားလွှတ်တော် ကိုယ်စားလှယ်များနှင့် နိုင်ငံရေးအသိုင်းအဝိုင်းက ထောက်ခံကြိုလိုက်သော်လည်း လက်ရှိအချိန်တွင် တပ်မတော်၏ ဖွဲ့ စည်းပုံ အခြေခံဥပဒေကို ကာကွယ်စောင့်ရှောက်မည်ဆိုသော သဘောထားခံယူချက်ကြောင့် ပုဒ်မ ၄၃၆ ပြင်ဆင် ရေး အပါအဝင်အဓိကကျ အရေးကြီးသော အခြေခံဥပဒေ ပြဋ္ဌာန်းချက်များ ပြင်ဆင်ရန်မလွယ်ကူဟု လွှတ်တော်ကိုယ်စား လှယ် တချို့က သုံးသပ်သည်။

အမျိုးသားလွှတ်တော်ကိုယ်စားလှယ် ဦးဖုန်း မြင့်အောင်က တပ်မတော်က အခြေခံဥပဒေတွင် ပုဒ်မ ၄၃၆၊ ၅၉ (စ) ကဲ့သို့ ပြဋ္ဌာန်းချက်များကို မပြင် ဆင်လိုဘဲအခြားသော တိုင်းပြည်ဖွံ့ဖြိုးတိုး တက်ရေးအတွက် လိုအပ်သည့် အချက်ကိုသာ ကွက် ၍ ပြင်လို သည့် သဘောမျိုးရှိကြောင်း သုံးသပ်ပြောဆိုသည်။

“သိပ်ထူးမယ် မထင်ဘူး ကာချုပ်ကို ကြံ့ခိုင်ရေး က ၃ ယောက်ဖြစ်တဲ့ သမ္မတနဲ့ လွှတ်တော် ဥက္ကဋ္ဌ ၂ ယောက်က ဩဇာ လွှမ်းနိုင်မယ်မထင်ဘူး။ လွှမ်း လည်း မလွှမ်းနိုင်ဘူး။ ကာချုပ်ကလည်းသူ့ရပ်တည် ရမယ့် ကိစ္စတွေမှာ ဘယ်လျှော့ ပေး မလဲ။ ၄၃၆ ပြင် လိုက်မယ်ဆိုရင် တပ်ပိုင်းဆိုင်ရာကိစ္စတွေပါ ပြင်ပေး ရမှာပေါ့” ဟု ဦးဖုန်းမြင့်အောင်က ပြောသည်။

ရှမ်းတိုင်းရင်းသားများဒီမိုကရက်တစ်ပါတီမှ သီပေါမြို့နယ် ပြည်သူ့လွှတ်တော်ကိုယ်စားလှယ် ဦးရဲထွန်းကလည်း ၆ ပွင့် ဆိုင် တွေ့ဆုံဆွေးနွေးဖြစ်လာ သည့်အတိုင် အခြေခံဥပဒေ ပြင်ဆင်ရေးအတွက် အပေးအယူမြောက်မြားစွာလုပ်ရမည်ဟု မျှော်လင့်ကြောင်း၊ ဥပမာအားဖြင့် သမ္မတသည် လွှတ်တော်ကို ထိန်းချုပ်လိုသော ကိစ္စမျိုးနဲ့ အခြေခံဥပဒေ ပြင်ဆင် ရေး အပေးအယူလုပ်နိုင်ကြောင်း၊ ယေဘုယျအားဖြင့် ၆ ပွင့်ဆိုင် တွေ့ဆုံဆွေးနွေးရေးမှ အခြေခံဥပဒေ ပြင်ဆင်နိုင်မည်ဟု မမျှော်လင့်ကြောင်းသုံးသပ်သည်။

“ကျနော်တော့ မထင်ဘူး။ ဒီကိစ္စမတိုင်ခင် လွှတ်တော်ထဲမှာ ဆွေးနွေးနေတဲ့ အချိန်တုန်းကလည်း သမ္မတကရော၊ ကာချုပ်ကရော ဒါတွေပြင်ဖို့အတွက်က လွှတ်တော်ထဲမှာပဲ တာဝန်ရှိပါတယ်လို့ပြောတာ။ သူတို့နဲ့ မဆိုင်ပါဘူးလို့ ပြောထားတာရှိတယ်။ ၆ ပွင့်ဆိုင်တွေ့ရင် ဖြစ်နိုင်ချေ ၂ ခု ရှိတယ်။ တခုက စစ်တပ်ကသူတို့ အရင်ပြောတဲ့အတိုင်းပဲ ရပ်ခံနေပြီးတော့ အဖြေတခု မရအောင် ရှောင်နေလိုက်တာမျိုး ဖြစ်နိုင်တယ်။ နောက်တခု သူတို့တပ်က တင်ပြထားတဲ့ လွှတ်တော်ကို သမ္မတကနေ ထိန်းချုပ်မယ်ဆိုတဲ့ ကိစ္စနဲ့ အပေးအယူ လုပ်နိုင်တယ်။

လက်ရှိ အချိန်တွင် သမ္မတမှာ လွှတ်တော်အပေါ် တွင် ဩဇာလွှမ်းမိုးနိုင်မှု လုံးဝမရှိဘဲ သမ္မတသဘော မတူသည့် ဥပဒေကြမ်းတချို့ကိုပင် လွှတ်တော်က အတည်ပြု ပြဋ္ဌာန်းနိုင်ခဲ့သဖြင့် သမ္မတနှင့်လွှတ်တော် ကြားတွင်လည်း အပေး အယူတခု ရှိလာနိုင်တယ်” ဟု ဦးရဲထွန်းက ဆိုသည်။

နိုင်ငံရေးလေ့လာသုံးသပ်သူ ဒေါက်တာ ရန်မျိုးသိမ်းကမူ တပ်မတော်၏ သဘောထားတင်းမာမှုကြောင့် အခြေခံ ဥပဒေ ပြင်ဆင်ရေး မဖြစ်နိုင်ကြောင်း သုံးသပ်သည်။

“အရေးကြီးတဲ့ အခြေခံဥပဒေပြဋ္ဌာန်းချက် ၉၅ ခုကို ပြင်ပေးဖို့တော့ တပ်ဘက်က အလျှော့ပေးမှာ မဟုတ်ဘူး။ ၄၃၆ လည်း ပြင်လို့ရမှာ မဟုတ်ဘူး။ ဖြစ်နိုင်တာက ဒီ ၆ ပွင့်ဆိုင်မှာ ဖွဲ့စည်းပုံပြင်ဖို့ရေရှည် အမြင်မျိုးနဲ့ လမ်းပြမြေပုံတခုပုံစံနဲ့ သဘော တူ လာနိုင်တယ်။ လွှတ်တော်မှာတပ်မတော်သား ပါဝင်နေမှုကို ဘယ်အချိန်မှာ ပြင်ပေးမယ်ဆိုတဲ့ ပုံစံမျိုးလည်း ဖြစ်လာ နိုင် တယ်။ ဒီ ၆ ပွင့်ဆိုင်ရုံနဲ့ ဖွဲ့စည်းပုံပြင်နိုင်ဖို့ကတော့ မဖြစ်နိုင်သေးဘူး။ ကျနော်ကတော့ မျှော်လင့်ချက်ကို မထားဘူး” ဟု ဒေါက်တာရန်မျိုးသိမ်းက ပြောသည်။

၂၀ဝ၈ ဖွဲ့စည်းပုံအခြေခံဥပဒေတွင် တပ်မတော် သည် အုပ်ချုပ်ရေး၊ တရားစီရင်ရေး၊ ဥပဒေပြုရေး ကဏ္ဍများတွင် အထူး အခွင့် အာဏာများ ရရှိထားပြီး တရားဝင် စစ်အာဏာသိမ်းပိုင်ခွင့်ရှိသည်ဟုလည်း ပြဋ္ဌာန်းထားသည်။

(သတင်းအရင်းအမြစ်- ဧရာဝတီသတင်းဌာန)

၆ ပွင့်ဆိုင်ဆွေးနွေးပွဲအတွက် တိုင်းရင်းသားကိုယ်စားလှယ် ရွေးချယ်ပြီး

၂၀၀၈ ဖွဲ့စည်းပုံ အခြေခံဥပဒေပြင်ဆင်ရေး ၆ ပွင့်ဆုိုင်ဆွေးနွေးပွဲတွင် ပါဝင်မည့် တုိုင်းရင်းသားကုိုယ်စားပြု လွှတ်တော်ကိုယ်စားလှယ်အဖြစ် အမျိုးသားလွှတ်တော်ကိုယ်စားလှယ် ဒေါက်တာအေးမောင်ကို ရွေးချယ်လိုက်ပါတယ်။

ဒေါက်တာ အေးမောင်

နေပြည်တော်မှာရှိတဲ့ စည်ပင်ဧည့်ရိပ်မှာ တိုင်းရင်းသားလွှတ်တော်ကိုယ်စားတွေ လျှို့ဝှက်မဲစနစ်နဲ့ ဒီနေ့မနက်ပိုင်းက ရွေးချယ်တင်မြှောက်လိုက်တာ ဖြစ်ပါတယ်။

နိုဝင်ဘာ ၂၅ ရက်နေ့က ကျင်းပတဲ့ ပြည်ထောင်စုလွှတ်တော် ဆွေးနွေးပွဲမှာ ဖွဲ့စည်းပုံပြင်ဆင်ရေးအတွက် ၆ ပွင့်ဆိုင်ဆွေးနွေးပွဲ ကျင်းပဖို့အတွက် အရေးအကြီးအဆိုတရပ်ကို တင်သွင်းရာမှာ အတည်ပြုခဲ့ပါတယ်။

သမ္မတ ဦးသိန်းစိန်၊ ပြည်သူ့လွှတ်တော် ဥက္ကဋ္ဌ သူရဦးရွှေမန်း၊ အမျိုးသားလွှတ်တော် ဥက္ကဋ္ဌ ဦးခင်အောင်မြင့်၊ ဒေါ်အောင်ဆန်းစုကြည်နှင့် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့ကို နိုဝင်ဘာလ ၂၅ ရက်နေ့က ပြည်ထောင်စုလွှတ်တော်မှာစာရင်း ထုတ်ပြန် ခဲ့တာကြောင့် တိုင်းရင်းသားကိုယ်စားပြု ကိုယ်စားလှယ်တဦးကို ရွေးချယ်ခဲ့ကြတာ ဖြစ်ပါတယ်။

ဒေါက်တာအေးမောင် ဟာ သမ္မတဦးသိန်းစိန် လက်ထက်မှာ ဒုတိယ သမ္မတ ရာထူးအတွက် လျာထားခံခဲ့ရဖူးတဲ့ ကိုယ်စားလှယ်ဖြစ်ပြီး လက်ရှိမှာ ရခိုင်အမျိုးသားပါတီရဲ့ ဥက္ကဋ္ဌ ဖြစ်ပါတယ်။

(သတင်းအရင်းအမြစ်- DVB Burmese)

တိုင်းရင်းသားခေါင်းဆောင် ရွေး ချယ်ရေး အမတ်တွေဆွေးနွေး

ဇန်နဝါရီလ ၂၃ ရက်နေ့က ပြည်သူ့လွှတ်တော် ဥက္ကဌ သူရဦးရွှေမန်းရဲ့ သတင်းစာရှင်းလင်းပွဲကို တွေ့ရစဉ်

photo from youtube

ဖွဲ့စည်းပုံပြင်ဆင်ရေး ၆ ပွင့်ဆိုင်ဆွေးနွေးပွဲကို ဒီရက်ပိုင်းအတွင်း ကျင်းပမယ်လို့ အတည်မပြုနိုင်သေးတဲ့ သတင်းတွေ ထွက်ပေါ်နေပါတယ်။ အဲ့ဒီ ၆ ပွင့်ဆိုင်တွေ့ ဆုံဆွေးနွေးပွဲမှာ တိုင်းရင်းသားတွေကို ကိုယ်စားပြုတက်ရောက်မယ့် လွှတ်တော်ကိုယ်စားလှယ်တစ်ဦးရဲ့အမည်ကို လွှတ်တော်မှာ ဒီနေ့ တင်သွင်းဖို့ ပြည်ထောင်စုလွတ်တော် နာယက သူရဦးရွှေမန်းက မနေ့က ညွှန်ကြားခဲ့ပါတယ်။

အဆိုပါ ညွန်ကြားချက်နဲ့စပ်လျဉ်းပြီး ကိုယ်စားလှယ်ရွေးချယ်ဖို့အတွက် စည်ပင်ဧည့်ရိပ်သာမှာ တိုင်းရင်းသား လွှတ်တော်ကိုယ်စားလှယ်တွေ  မနေ့ ညနေကတွေ့ဆုံ ညှိနိုင်းခဲ့ပေမယ့် ဆုံးဖြတ်ချက် မကျသေးဘူးလို့ သိရပါတယ်။တိုင်းရင်းသား ကိုယ်စားလှယ်အဖြစ် ကျားဖြူပါတီ ဥက္ကဌ ဦးစိုက်အိုက်ပေါင်းနဲ့ ရခိုင်အမျိုးသားပါတီ ဥက္ကဌ ဒေါက်တာအေးမောင်တို့ ၂ ဦးကို ထည့်သွင်းစဉ်းစားနေတယ်လို့လည်း လွှတ်တော်အသိုင်းအဝန်းက ပြောပါတယ်။

နိုင်ငံတော်သမ္မတ၊ ပြည်သူ့လွှတ်တော် ဥက္ကဌ၊ အမျိုးသားလွှတ်တော် ဥက္ကဌ၊ အမျိုးသားဒီမိုကရေစီအဖွဲ့ချုပ် ဥက္ကဌ၊ တိုင်းရင်းသားအစုအဖွဲ့ ကိုယ်စားလှယ် ၁ ဦးနဲ့ တပ်မတော်ကာကွယ်ရေးဦးစီးချုပ်တို့ ပါဝင်တဲ့ ၆ ပွင့်ဆိုင်တွေ့ ဆုံဆွေးနွေးပွဲကိုကျင်းပဖို့ ပြည်ထောင်စုလွှတ်တော်က နိုဝင်ဘာ၂၆ ရက်နေ့မှာ အတည်ပြုခဲ့တာ ဖြစ်ပါတယ်။

(သတင်းအရင်းအမြစ်- RFA Burmese)

ရက္ခိုင့်တပ်မတော်မှ သဘောထားထုတ်ပြန်ချက်

ရက္ခိုင့်တပ်မတော်

စစ်ရုံးချုပ်

၁၃၇၆-ခုနှစ်၊ တန်ဆောင်မုန်းလကွယ်နေ့

(၂၀၁၄-ခုနှစ်၊ နိုဝင်ဘာလ (၂၁)ရက်)

သဘောထားထုတ်ပြန်ကြေငြာချက်

ရခိုင်ပြည်နယ်နေ့ ဂုဏ်ပြုအကြို ဂီတပွဲတော် စစ်တွေတွင် ကျင်းပမည်

ဒီဇင်ဘာလ ၁၅ ရက်နေ့တွင် ကျရောက်မည့် နှစ် (၄၀) မြောက် ရခိုင်ပြည်နယ်နေ့ကို ဂုဏ်ပြု ကြိုဆိုသောအားဖြင့် ရခိုင့်ဂီတပွဲတော် တစ်ခုကို စစ်တွေတွင် နိုဝင်ဘာလ ၂၈ ရက်နေ့မှ စတင် ကျင်းပ ပြုလုပ်သွားမည်ဖြစ်ကြောင်း သိရသည်။

ရခိုင့်ဂီတအနုပညာရှင်များဖြင့်ပြုလုပ်မည့်အဆိုပါဂီတပွဲတော်ကို ရခိုင့်မျိုးဆက်သစ်နိုင်ငံရေးအင်အားစုကကြီးမှူး ကျင်းပသွားမည်ဖြစ်သည်ဟု ရခိုင့်မျိုးဆက်သစ်နိုင်ငံရေးအင်အားစုမှ ပြန်ကြားရေးတာဝန်ခံ ကိုကျော်စိန်သန်းက နိရဉ္စရာသို့ ပြောသည်။

“ဒီပွဲကြီးက ရခိုင်ပြည်နယ်နေ့ကိုဂုဏ်ပြုတဲ့အပြင် ကျွန်တော်တို့အင်အားစုအနေနဲ့ နိုင်ငံရေးလုပ်ရှားမှုလုပ်ဖို့ ရန်ပုံငွေလိုတယ်။ ရခိုင်ပြည်တွင်းမှာရှိတဲ့ နိုင်ငံရေးအသိုင်းအဝိုင်းထဲက အရင်အဆက်ဆက်နိုင်ငံရေးသမားလူကြီး၊ ငယ်၊ လူလတ်တွေစုပြီးတော့ မြောက်ဦးမှာ နိုင်ငံရေးညီလာခံတစ်ခုကျင်းပဖို့လည်း ရှိတယ်။ ဒါတွေဖြစ်မြောက်ဖို့ အတွက် ရန်ပုံငွေရှာဖွေတဲ့ သဘောပါ”ဟု ယင်းက ပြောသည်။

အဆိုပါဂီတပွဲတော်တွင် ရခိုင့်ဂီတအနုပညာရှင်များဖြစ်ကြသော ဦးမောင်သိန်း၊ ဝင်းကိုခိုင်၊ ကိုခိုင်ဇော်၊ တူတူ၊ ဒိုးအ်ရီ၊ ညီမင်းခိုင်၊ ရဲလင်းအောင်၊ စစ်ငြိမ်းနိုင်၊ ညှာစိမ်းခိုင်၊ စောနှင်းနွယ်၊ ရီလှိုင်းပြာ၊ ဝတီစိုးမိုးနှင့် ငြိမ်းစန္ဒာ တို့က ပါဝင် သီဆို ဖြေဖျော်သွားကြမည်ဖြစ်သည်။

ယခုလ ၂၈ ရက်နှင့် ၂၉ ရက် နှစ်ရက်တိုင်တိုင် စစ်တွေမြို့ရှိ ဦးဥတ္တမခန်းမ၌ ပြုလုပ်သွား မည်ဖြစ်ကြောင်း ဦးကျော်စိန်သန်းက ဆိုသည်။

ယင်းဖြေဖျော်အတွက် လက်မှတ်တစ်စောင်လျှင် တစ်သောင်းခွဲ၊ တစ်သောင်းကျပ်နှင့် ၅ ထောင်ကျပ်ဖြင့် ၃ မျိုးခွဲခြားရောင်းချလျက်ရှိကြောင်း သိရသည်။

ရခိုင့်မျိုးဆက်သစ်နိုင်ငံရေးအင်အားစုအဖွဲ့ကို ရခိုင်ပြည်အကျိုးအတွက် တတတ်တအား ပါဝင်လုပ်ဆောင်သွား ရန်ရည်ရွယ်၍ ရခိုင့်မျိုးဆက်သစ်နိုင်ငံရေး တက်ကြွလှုပ်ရှားသည့်လူငယ်ပိုင်းများဖြင့် ယခုနှစ်၊ စက်တင်ဘာလ အတွင်းက စစ်တွေတွင်ဖွဲ့စည်းခဲ့ခြင်းဖြစ်သည်။

(သတင်းအရင်းအမြစ်- နိရဉ္စရာသတင်းဌာန)

ရခိုင်အမျိုးသားပါတီ ပန်းမြောင်းတိုက်နယ်ရုံးဖွင့်လှစ်

ရခိုင်အမျိုးသားပါတီ (ANP) ၏ မင်းပြားမြို့နယ် ပန်းမြောင်းတိုက်နယ် ရုံး ဖွင့်ပွဲနှင့် ဆိုင်းဘုတ်တင်ပွဲကို နိုဝင်ဘာလ ၂၃ ရက်နေ့ နံနက် ၈ နာရီခန့်က အခမ်းအနားဖြင့် ပြုလုပ်ခဲ့သည်ဟု သိရသည်။

ယင်းအခမ်းအနားကို နံနက် ၈ နာရီ ၃၅ မိနစ်တွင် စတင်ခဲ့ကြောင်း၊ အခမ်းအနားသို့ လူပေါင်း ၁၀၀ နီးပါးခန့် တက်ရောက်ခဲ့ကြောင်း၊ ဖွင့်ပွဲအခမ်းအနားတွင် ကျဆုံးလေပြီသော ခေါင်းဆောင်များကို တမိနစ်ခန့် ငြိမ်သက်စွာ မတ်တပ်ရပ်ပြီး ဂါရ၀ ပြုခဲ့ကြကြောင်း  ပန်းမြောင်းတိုက်နယ် ANP ပါတီ စာရင်းစစ် ကိုစောထွန်းမောင်က ပြောသည်။

“ ပန်းမြောင်းတိုက်နယ် ရုံးကို ဖွင့်ရတဲ့ အကြောင်းအရင်းက ရခိုင်အမျိုးသားတွေအတွက် ဆောင်ရွက်နေတဲ့ ပါတီ တစ်ရပ်ရဲ့ ရုံးဟာ ဘယ်လို အခြေနေမျိုးမှာ ဖြစ်ဖြစ် ရှိနေသင့်တယ်လို့ ခံယူတဲ့ အတွက် ဒီရုံးကို ကျွန်တော်တို့ ဒေသမှာ ဖွင့်လှစ်ရတာပါ” ဟု ဆိုသည်။

ပန်းမြောင်းတိုက်နယ် ရခိုင်အမျိုးသားပါတီ ကော်မီကို တက်ကြွသော လူငယ် ခေါင်းဆောင်များနှင့် ဖွဲ့စည်းထားပြီး ရုံးဖွင့်လှစ်ပြီးနောက်ပိုင်းတွင် ရပ်ရွာဖွံ့ဖြိုး တိုးတက်ရေး လုပ်ငန်းများ၊ ရခိုင်အမျိုးသားရေး ကိစ္စရပ်များကို အလေးပေးဆောင်ရွက်ထားရန် ရည်ရွယ်ထားသည်ဟု ယင်းက ဆက်ဆိုသည်။

ပန်းမြောင်းတိုက်နယ် ရခိုင်အမျိုးသားပါတီ (ပ) ခေါင်းဆောင်အဖြစ် ကိုမောင်လှဝင်း၊ (ဒု) ခေါင်းဆောင်အဖြစ် ကိုမောင်မောင်မြင့်၊ ဘဏ္ဍာရေးမှူး ကိုမောင်သိန်းရွှေနှင့် စာရင်းစစ်အဖြစ် ကိုစောထွန်းမောင်တို့က တာဝန်ယူ ဆောင်ရွက်လျှက်ရှိသည်ဟု သိရသည်။

“ ပါတီတွင်း လက်ရှိ အခြေအနေအချို့ကိုလည်း သိထားပါတယ်။ ဒါပေမယ့် အထက်လူကြီးတွေရဲ့ လမ်းညွှန်ချက်နဲ့ ဆောင်ရွက်သွားပါမယ်။ အဓိကအားဖြင့် ပါတီတွင်း ကျစ်လစ်ခိုင်မာရေးနဲ့ ညီညွှတ်ရေးအတွက် မဖြစ်မနေ တည်ဆောက်ဖို့ ကျွန်တော်တို့ လူငယ်တွေက လူကြီးတွေကို တိုက်တွန်းဆောင်ရွက်သွားမှာပါ” ဟု ယင်းကဆိုသည်။

(သတင်းအရင်းအမြစ်- နိရဉ္စရာသတင်းဌာန)

တာတမံများကို မဆည်ဖို့ရာမှ မြောက်ဦးနယ်တွင် စပါးစိုက်ခင်းများပျက်စီး

စပါးခင်းဝင်းဝါနေသော်လည်း အသီးမသီးဘဲ ပျက်စီးခဲ့ရသည်။ (ဓါတ်ပုံ- နိရဉ္စရာ)

ရခိုင်ပြည်နယ်၏ စပါးကျီဟု တင်စားခေါ်ဝေါ်ရသော စပါးအများဆုံးထွက်ရာ မြောက်ဦးမြို့နယ်တွင် တာတမံများကို လုံအောင် မဆည်နိုင်ရာမှ ဆားငံရေများဝင်ရောက်ကာ လယ်ဧက ရာနှင့်ချီပြီး ပျက်စီးသွားခဲ့သည်ဟု သတင်း ရရှိသည်။

စုစုပေါင်း လယ်သမား၂၃ ဦးပိုင်ဆိုင်သော လယ်ဧက ၂၀၀ နီးပါးခန့်မှာ စပါးများ အသီး လုံးဝ မသီးဘဲ ပျက်စီးသွားခဲ့သည်ဟု မြောက်ဦးမြို့နယ် နတ်ချောင်းကျေးရွာမှ လယ်သမား တစ်ဦးက ပြောသည်။

“ လယ်ဧက ၂၀၀ နီးပါးခန့်ပျက်စီးသွားပါတယ်။ လယ်သမားတွေကတော့ နတ်ချောင်းရွာဟောင်းက ၆ ဦး၊ နတ်ချောင်းရွာသစ်က ၁၁ ဦးနဲ့ ဂျင်ချေရွာက ၆ ဦးတို့ ဖြစ်ကြပါတယ်။ စပါးတွေက လုံးဝ မသီးဘဲ ပျက်စီးသွားတာပါ” ဟု ယင်းက ဆိုသည်။

နတ်ချောင်းတိုက်နယ် ဒေသခံများ အနေဖြင့် ကုလားပုန်းဆည်ရေကို အားကိုးရကြရကြောင်း၊ ကုလားပုန်းတာတမံကို ဆည်မြောင်းဦးစီးဌာမှ လုံအောင် မဆည်ဖို့ရာမှ ဆားငံရေများ ၀င်ရောက်လာပြီး ပျက်စီးသွားသည်ဟု ဆိုသည်။

ယခုနှစ် မိုးနှောင်းပိုင်းတွင် ရခိုင်ပြည်နယ် အနှံ့အပြားတွင် မိုးခေါင်ခဲ့ရာမှ ဆားငံရေ၀င်သော လယ်မြေများမှာ ပိုမို အပျက်အစီး များသွားခဲ့သည်ဟု တစ်ခြား လယ်သမား တစ်ဦးကဆိုသည်။

“ ခါတိုင်းနှစ်တွေက ဆားငံရေ ၀င်ပေမယ့် မိုးနှောင်းပိုင်း မိုးကောင်းတော့ ရေချိုရပြီး စပါးတွေ မပျက်စီးဘူး။ ဒီနှစ်ကတော့ ဆားငံရေတွေလည်း အများကြီးဝင်တယ်။ စပါးသီးချိန်မှာ မိုးလည်း မရွာတော့ စပါးအဖူးတွေက အသီးမသီးဘဲ ပျက်စီးသွားပါတယ်” ဟု ၎င်းက ဆက်ဆိုသည်။

မြောက်ဦးမြို့နယ် ကုလားပုန်းကို တာတမံကို ဆည်ဖို့ရန် ပြည်ထောင်စု လွှတ်တော်တွင် တင်ပြထားကြောင်း၊ ၂၀၁၅-၂၀၁၆ ဘတ်ဂျက်တွင် ဆည်ဖို့မည်ဟု သိရကြောင်း ရွာသားများက ဆိုသည်။

ယခုကဲ့သို့ လယ်ဧက ၂၀၀ နီးပါး ပျက်စီးသွားခြင်းကို နိုဝင်ဘာလ ၂၈ ရက်နေ့တွင် မြောက်ဦးမြို့နယ် အုပ်ချုပ်ရေးမှူးကို ကျေးရွာသားများက လက်မှတ်ထိုး တင်ပြ အစီရင်ခံသွားမည်ဟု ကျေးရွာသားများက ပြောဆိုသည်။

(သတင်းအရင်းအမြစ်- နိရဉ္စရာသတင်းဌာန)

ဗိုလ်လောင်း ၂၃ ဦးအတွက် ရက်လည်ဆွမ်းကျွေးပွဲ အခမ်းအနား ရန်ကုန်တွင် ပြုလုပ်

မြန်မာ့တပ်မတော်၏လက်နက်ကြီးဖြင့် ပစ်ခတ်မှုကြောင့် နိုဝင်ဘာလ ၁၉ ရက်နေ့က KIA ဌာနချုပ် ဗိုလ်သင်တန်းကျောင်းတွင် သေဆုံးသွားသော တိုင်းရင်းသား ဗိုလ်လောင်း ၂၃ ယောက်အား ရည်စူး၍ ရက်လည် ဆွမ်းကျွေးပွဲ အခမ်းအနား တစ်ခုကို ရန်ကုန်မြို့ ဓည၀တီကျောင်းတွင် ယနေ့နံနက်က ကျင်းပပြုလုပ်ခဲ့သည်။

ယင်းအခမ်းအနားတွင်  United National Congress ပါတီမှ ခေါင်းဆောင်တစ်ဦးဖြစ်သူ ဦးမျိုးဝင်းက တိုင်းရင်းသားဗိုလ်လောင်း ၂၃ ယောက် သတ်ဖြတ်ခံရမှုကြောင့် မြန်မာပြည်ငြိမ်းချမ်းရေးအတွက် မည်သူ့ကို ယုံကြည်အားကိုးရမလဲဟု ပြောဆိုသည်။

“မြန်မာပြည် ပြည်တွင်းစစ်က နှစ်ပေါင်း ၆၀ ကျော်လာပြီဖြစ်ပြီး၊စစ်ရဲ့အနိဌာရုံတွေက ကျွန်တော်တို့ တစ်ကိုယ်လုံးကို လောင်မြိုက်ခဲ့ပါပြီ။ နှစ်ပေါင်း ၆၀ ကျော်နောက်ပိုင်းမှာ ငြိမ်းချမ်းရေးဆွေးနွေးမှုတွေ ဖြစ်ပေါ်လာတဲ့ အတွက် မြန်မာနိုင်ငံမှာ ငြိမ်းချမ်းရေးများရှိလာတော့မှာလားဆိုပြီးမျှော်လင့်ယုံကြည်မှုတွေ ရှိလာခဲ့ပါတယ်။ ဒါပေမဲ့ တိုင်းရင်းသားဗိုလ်လောင်း ၂၃ ယောက် တပြိုင်တည်းသတ်ဖြတ်ခံရမှုကြောင့် ငြိမ်းချမ်းရေးအတွက် မည်သူ့ကိုယုံကြည်အားကိုးရတော့မလဲဆိုတာ ဝေခွဲမရတော့ပါဘူး”ဟု ဦးမျိုးဝင်းက ယင်းအခမ်းအနားတွင် ပြောကြားလိုက်ခြင်းဖြစ်သည်။

မြန်မာ့တပ်မတော်၏လက်နက်ကြီးဖြင့် ပစ်ခတ်မှုကြောင့် KIA ဌာနချုပ်တွင် သေဆုံးသွားသူ   တိုင်းရင်းသား ဗိုလ်လောင်း ၂၃ ဦးအားရည်ဇူး၍ ကောင်းမှုကုသိုလ်ပြု ရေစက်ချအမျှပေးဝေရန် ရန်ကုန်မြို့ ရွှေတိဂုံ အရှေ့ဘက်မုဒ်အနီး ဓည၀တီကျောင်းတိုက်တွင် သင်္ဃာတော် ၇ ပါးကိုပင့်ဖိတ်၍ ရက်လည် ဆွမ်းကျွေးပွဲအခမ်းအနားတစ်ခုကို နိုဝင်ဘာလ ၂၆ နေ့ နံနက် ၁၀-နာရီ ခွဲတွင်ပြုလုပ်ခဲ့သည်။

ယင်းအခမ်းအနားတွင် ဓည၀တီကျောင်းထိုင်ဆရာတော်ကြီးအပါအ၀င် သင်္ဃာတော် ၇ ပါးကနိုဝင်ဘာလ ၁၉ ရက်နေ့ကကျဆုံးသွားသူတိုင်းရင်းသားဗိုလ်လောင်း ၂၃ ဦးအားရည်စူးပြီး ပရိတ်တရားတော်များနှင့် အတူ  ငါးပါးသီလ ချီးမြှင့်ပေးခဲ့သည်။ တက်ရောက်လာသူများကလည်း  ကြွရောက်လာသော သင်္ဃာတော် ၇ ပါးအားသင်္ကန်းကပ်လှူခြင်း၊ ရည်စူးလှူဒါန်းသောကောင်းမှုကုသိုလ်များကို ရောက်ရာဘ၀မှ ယင်းဗိုလ်လောင်းများ လက်ခံရရှိစေရန် ရေစက်သွန်ချအမျှ ပေးဝေခြင်းများ ပြုလုပ်ခဲ့သည်။

ရေစက်သွန်ချ အမျှပေးဝေခြင်းအပြီးတွင် တက်ရောက်လာသောတိုင်းရင်းသားခေါင်းဆောင်များထံမှ ဗိုလ်လောင်းများ ကျဆုံးခြင်းနှင့်ပတ်သက်၍ မိမိတို့၏ရ င်တွင်းခံစားချက်များကိုပြောကြားခြင်း အစီစဉ်တခုကို အကျဉ်းချုံးပြီး ပြုလုပ်ခဲ့သည်။

ယင်းအခမ်းအနားတွင် ရခိုင်အမျိုးသမီးအစည်းအရုံးဥက္ကဌနှင့် ရခိုင်ပြည်လွတ်မြောက်ရေးပါတီအထွေထွေ အတွင်းရေးမှူးဖြစ်သူစောမြရာဇာလင်းကတိုင်းရင်းသားဗိုလ်လောင်းများအားအခုလိုအစုလိုက် အပြုံလိုက် သတ်ဖြတ်လိုက်ခြင်းအပေါ် ရခိုင်ပြည်လွတ်မြောက်ရေးပါတီနှင့် ရခိုင်အမျိုးသား လွတ်မြောက်ရေး တပ်မတော် ကိုယ်စား ပြင်းပြင်းထန်ထန် ရှုတ်ချကြောင့် သူမရင်တွင်း ခံစားချက်ကို ဖွင့်ဟ ပြောကြားသည်။

“လူအုပ်စုတစ်စုတည်းက အာဏာရယူထားတာကြောင့် ရခိုင်၊ ကရင် ရှမ်းအစရှိတဲ့ တိုင်းရင်းသားလူမျိုးတွေဟာ ကိုယ့်လူမျိုးအတွက် ဆုံးဖြတ်ချက်တွေကိုမချနိုင်ကြဘူး။ တိုင်းရင်းသား လူမျိုးတွေဟာ ကိုယ့်ကံကြမ္မာကိုယ်ဖန်တီးနိုင်ဖို့ အတွက် လက်နက်စွဲကိုင် တော်လှန်ခဲ့ကြရပါတယ်။ အစိုးရက ငြိမ်းချမ်းရေးကိုလိုချင်တယ်လို့ ပါးစပ်ကပြောပြီးအခုလိုအစုလိုက်အပြုံလိုက် သတ်ဖြတ်ခြင်းအပေါ် ရခိုင်ပြည် လွတ်မြောက်ရေးပါတီ ကိုယ်စား ပြင်းပြင်းထန်ထန်ရှုတ်ချကြောင်း” သူမက ပြောကြား သည်။

အစိုးရပစ်ခတ်မှုကြောင့် သေဆုံးသူဗိုလ်လောင်းများမှာTNLA မှ ၁၁ ဦး၊ AA မှ ၈ ဦး၊ CNF မှ ၂ ဦး၊ ABSDF မှ ၂ ဦးဖြစ်ပြီး၊ ဒဏ်ရာရသူဗိုလ်လောင်း ၂၀ ဦးတို့မှာလည်း ဆေးကုသခံနေရဆဲဟု စောမြရာဇာလင်းက ယင်းအခမ်းအနားတွင် ပြောကြားသည်။

“တိုင်းရင်းသားဗိုလ်လောင်းတွေကျဆုံမှုကြောင့် တိုင်းရင်းသားတွေ ဒီတစ်နေရာထဲမှာဆုံစည်းခွင့်ရကြတယ်။ အယင်းတုန်းကတော့ ကိုယ့်ပြည်နယ်အတွက် ကိုယ့်ဒေသမှာပဲ ရပ်တည်တိုက်ပွဲဝင်ခဲ့ကြတယ်။ အခုကျတော့ ဘယ်နေရာမှာပဲ တိုက်တိုက် မိမိတို့ပြည်နယ်အတွက် အကျိုးဖြစ်စေတယ်။ ဒီဗိုလ်လောင်း ၂၃ ဦး ကျဆုံးမှု ဖြစ်ရပ်ကြောင့် ငြိမ်းချမ်းရေးဘယ်လိုဖေါ်ဆောင်ရမလဲဆိုတာ ဝေခွဲမရဖြစ်ခဲ့ရတယ်။ ဒီလိုမျိုး စုပေါင်း တိုက်ပွဲဝင်ကြခြင်းဟာ ဖက်ဒရယ်ပြည်ထောင်စု တပ်မတော်ကိုဖေါ်ဆောင်လို့ရတယ်ဆိုတာ သက်သေ ပြသွားတာပဲ။ ငြိမ်းချမ်းရေးရအောင် ၀ိုင်းဝန်းဖေါ်ဆောင်ဖို့ တိုက်တွန်းပါတယ်” ဟု ကချင်အရေးအတွက် ဦးဆောင်လှုပ်ရှားနေသူကချင်အမျိုးသမီး မခွန်ဂျာကပြောသည်။

အခမ်းအနားသို့တက်ရောက်သူချင်းအမျိုးသားလူငယ်တစ်ဦးကလည်းလူငယ်တွေဟာမိမိတို့ပျော်ပျော်နေရမည့်အချိန်၌ တိုင်းပြည်အတွက် တိုက်ပွဲဝင်ခဲ့ကြရကြောင်း၊ ဗိုလ်ချုပ်အောင်ဆန်းသည်လည်း လူငယ်ဘ၀ကို အဆုံးရှုံးခံပြီးတိုင်းပြည်အတွက် လုပ်ဆောင်ခဲ့ဖူးကြောင်း၊ ယခုဖြစ်ရပ်တွင် တိုင်းပြည်အတွက် အသက်ပေးသွားကြသည့် လူငယ်များကိုလေးစားဂုဏ်ပြုကြောင်း၊ လူငယ်များနောက်ထပ် အသက်တွေ ပေးဆပ်စရာမလိုပဲ အနာဂတ်တွင် လူငယ်တို့၏ ဘ၀ကို ပျော်ပျော်ရွှင်ရွှင် ဖြတ်သန်းနိုင်ကြဖို့အတွက် ငြိမ်းချမ်းရေးကို ဖေါ်ဆောင်ပေးကြပါဟု နိုင်ငံတော်အကြီးအကဲများကိုတောင်းဆိုလိုကြောင်းပြောကြားသည်။

ယင်းအခမ်းအနားဖြစ်မြောက်ရေးအတွက် မြန်မာလူငယ်အချို့အပါအ၀င် တိုင်းရင်းသားလူငယ်များကစုပေါင်း ၀ိုင်းဝန်းလုပ်ဆောင်ခဲ့ကြခြင်း ဖြစ်ကြောင်းအခမ်းအနားကိုဦးဆောင်စီစဉ်သူရခိုင်လူငယ်တစ်ဦးဖြစ်သူကိုလင်းခိုင်ကနိရဉ္စရာသတင်းဌာနသို့ပြောသည်။

ယင်းအခမ်းအနားသို့ ရခိုင်တိုင်းရင်းသားရေးရာဝန်ကြီး ဦးဇော်အေးမောင်အပါအ၀င် တိုင်းရင်းသားအသီးသီးမှ စိတ်ပါဝင်စားသူ ၆၀ ခန့် တက်ရောက်ခဲ့ကြသည်။

အလားတူအခမ်းအနားမျိုးကိုရခိုင်ပြည်နယ်မြို့ ၄ မြို့တွင်လည်း တပြိုင်တည်း ပြုလုပ်ခဲ့ပြီး မြောက်ဦးမြို့တွင် ကျင်းပသောအခမ်းအနားသို့ လူပေါင်း ၁၀၀ ကျော်တက်ရောက်ခဲ့ပြီးသင်္ဃာ ၅ ပါးကြွရောက်ကာ ပရိတ်တရားချီးမြှင့်ပြီးရေစက်သွန်ချအမျှပေးဝေခဲ့ကြပြီး၊ ကျဆုံးသူဗိုလ်လောင်းများကိုအမှတ်ရသည့်အနေဖြင့် တစ်မိနစ် ငြိမ်သက်အလေးပြုခဲ့ကြောင်း အခမ်းအနားကို စီစဉ်ကျင်းပသူ မြောက်ဦးမြို့ခံဦးအေးမောင်သန်းက ပြောသည်။

(သတင်းအရင်းအမြစ်- နိရဉ္စရာသတင်းဌာန)

ကျဆုံးသွားသည့် ဗိုလ်လောင်းများအားရည်စူး၍ ရခိုင်မြို့ ၄ မြို့တွင် ဆုတောင်းပွဲပြုလုပ်

နိုဝင်ဘာလ ၁၉ ရက်နေ့က  မြန်မာ့တပ်မတော်တပ်စခန်းတစ်ခုက လက်နက်ကြီးဖြင့် ပစ်ခတ်မှုကြောင့် ကျဆုံးသွားသည့်ဗိုလ် လောင်း (၂၃) ဦးအားရည်စူး၍ ရခိုင်ပြည်နယ်ရှိမြို့ ၄ မြို့တွင် ယနေ့ ဆုတောင်းပွဲများ ပြုလုပ်ခဲ့ကြကြောင်း သိရသည်။

မြို့အသီးသီးရှိ ရခိုင်လူမှုကွန်ရက်အဖွဲ့များကဦးဆောင်ပြုလုပ်ခဲ့သည့်အဆိုပါဆုတောင်းပွဲများကို
စစ်တွေမြို့ အပါအဝင် ပေါက်တော၊ ပုဏ္ဏားကျွန်းနှင့် မြောက်ဦးမြို့များတွင် ယနေ့နံနက်ပိုင်းနှင့် နေ့လယ်ပိုင်းတို့က ပြုလုပ်ခဲ့ကြခြင်းဖြစ်သည်။

စစ်တွေနှင့်ပေါက်တောမြို့တို့တွင် နံနက်ပိုင်းကပြုလုပ်ခဲ့ပြီး ပုဏ္ဏားကျွန်းနှင့်မြောက်ဦးမြို့တို့တွင် ယနေ့နေ့လယ်ပိုင်းမှ စတင်ပြုလုပ်ခဲ့ကြကြောင်းလည်း ဒေသခံများ၏ပြောဆိုချက်အရ သိရသည်။

ဆုတောင်းပွဲသို့ ရဟန်းသံဃာတော်များအပါအဝင် ကျဆုံးသွားသည့် ရခိုင်တိုင်းရင်းသား ဗိုလ်လောင်းများ၏ မိသားစုဝင်များ၊ ရခိုင်အမျိုးသားပါတီမှတာဝန်ရှိသူများ၊ လူမှုအဖွဲ့အစည်း အသီးသီးမှ လူပုဂ္ဂိုလ်များနှင့် စိတ်ပါဝင်စားသူ များတက်ရောက်ခဲ့ကြကြောင်း သိရသည်။

စစ်တွေတွင်ပြုလုပ်ခဲ့သည့်ဆုတောင်းပွဲသို့တက်ရောက်လာသော မင်းပြားမြို့မှကျဆုံးသွားသည့် အသက် ၂၁နှစ် အရွယ်ရှိ ဗိုလ်လောင်းကျော်ခန့်၏ မိသားစုဝင်တစ်ဦးဖြစ်သူ အသက် ၅၃ နှစ်အရွယ်ရှိ
ဦးသန်းက  ယခုကျဆုံးသွားသည့် ဗိုလ်လောင်းများနှင့် ပတ်သက်ပြီး သူ၏အမြင်ကို ယခုလိုပြောသည်။

“မတော်မတရားကျဆုံးသွားရတယ်၊ သဘောကတော့ သူတို့ဟာ သူသေကိုယ်သေတိုက်ပြီး တိုက်ပွဲမှာ ကျဆုံးသွားတာ မဟုတ်တဲ့ အတွက် မတရားကျဆုံးသွားရတယ်လို့ဘဲ အောက်မေ့မိပါတယ်။ တိုင်းရင်းသားညီအစ်ကို မောင်နှမတွေနဲ့ထပ်တူ ဝမ်းနည်း ကြေကွဲ ရပါတယ်” ဟု နိရဉ္စရာ သတင်းဌာန၏ သီးသန့်မေးမြန်းမှုကို သူက ဖြေကြားခဲ့ခြင်းဖြစ်သည်။

မြန်မာ့တပ်မတော်တပ်စခန်းက နိုဝင်ဘာလ ၁၉ ရက်နေ့တွင် ကချင်အခြေစိုက် KIA ဗိုလ်သင်တန်း ကျောင်းသို့ လက်နက်ကြီးဖြင့်ပစ်ခတ်ခဲ့မှုကြောင့် အဆိုပါကျောင်းတွင် တက်ရောက် သင်ကြား နေသော ပလောင်(ခေါ်) တအောင်း အဖွဲ့မှ ၁၁ ဦး၊ ရက္ခိုင့်တပ်မတော်မှ ၈ ဦး၊ ABSDF မှ ၂ ဦးနှင့် ချင်းတပ်ဖွဲ့မှ ၂ ဦး၊ စုစုပေါင်း သင်တန်းသားဗိုလ်လောင်း ၂၃ ဦးကျဆုံးသွားခဲ့ပြီး ၂ဝ ဦးထိခိုက် ဒဏ်ရာရရှိခဲ့ကြောင်း သိရသည်။

ရက္ခိုင့်တပ်မတော်မှ ဗိုလ်လောင်း ၈ ဦးတွင် စစ်တွေမှ ၃ ဦး၊ မင်းပြားမှ ၂ ဦး၊ ပေါက်တောမှ ၁ ဦး၊ ကျောက်ဖြူမှ ၁ ဦးနှင့် ကျောက်တော်မှ ၁ ဦးတို့ပါဝင်ပြီး ထိခိုက်ဒဏ်ရာ ၅ ဦးရရှိခဲ့သည်။

ကျဆုံးသွားသည့်ဗိုလ်လောင်းများတွင် ပုဏ္ဏားကျွန်းမှပါဝင်မှုမရှိခဲ့သော်လည်း ဗိုလ်လောင်း အာဇာနည်များ၏ မိသားစုဝင်များနှင့်ထပ်တူဝမ်းနည်းမိသည့်အတွက်ဟုဆိုကာ ပုဏ္ဏားကျွန်း မြို့ခံများက ပုဏ္ဏားကျွန်းမြို့ရှိ မြို့မဧစေတီတွင် ယနေ့မွန်းလွဲ ၁၂ နာရီက ဆုတောင်းပွဲ ပြုလုပ်ခဲ့ကြောင်း မြို့ခံ ဦးစံရွှေကျော်က ဆိုသည်။

ယနေ့ပြုလုပ်ခဲ့သည့်ဆုတောင်းပွဲများသို့တက်ရောက်လာသူများမှာ အနက်ရောင် အဝတ်အစားများကို ဝတ်ဆင်ခဲ့ ကြပြီး ကျဆုံးသွားသည့် ဗိုလ်လောင်းများ၏ဓာတ်ပုံများရှေ့တွင် ကျဆုံးသွားသည့် ဗိုလ်လောင်းများအတွက် ဝမ်းနည်း ကြောင်း လွမ်းသူ့ပန်းခွေများချခဲ့ကြသည်။

ယင်းအပြင် တပ်မတော်က ယခုကဲ့သို့ပစ်ခတ်ခဲ့မှုအပေါ် ရှုတ်ချကြောင်းရေးသားထားသည့် ရက္ခိုင့် တပ်မတော် (AA)၊ ရခိုင်လွတ်မြောက်ရေးပါတီ(ALP)၊ ရခိုင်အမျိုးသားပါတီ(ANP)တို့၏သဘောထား ကြေညာချက်များနှင့် ရခိုင်လူမှု အဖွဲ့အစည်းများသဘောထားကြေညာချက်များကို လည်း အခမ်းအနားတွင်ဖတ်ကြားခဲ့ကြသည်။

ယနေ့ စစ်တွေတွင်ပြုလုပ်သောဆုတောင်းပွဲမှရရှိလာသည့်သတင်းများအရ အဆိုပါ ထိခိုက် ဒဏ်ရာ ရရှိသူ ရခိုင် တိုင်းရင်းသားဗိုလ်လောင်း ၅ ဦးထဲမှ နောက်ထပ် ဗိုလ်လောင်းတစ်ဦး ကျဆုံး သွားပြီဖြစ်ကြောင်း သိခဲ့ရသော်လည်း နိရဉ္စရာသတင်းဌာနက သီးခြားအတည်ပြု၍ မရခဲ့ပါ။

(သတင်းအရင်းအမြစ်- နိရဉ္စရာသတင်းဌာန)

အာခေါင်ကွဲ၊ နှုတ်ခမ်းကွဲများကို ဂျာမန်ဆရာဝန်များက သံတွဲတွင် အခမဲ့ကုသပေးမည်

ဂျာမန် ဆရာဝန်များပါဝင်သော Free Medical Treatment World chefs without borders အဖွဲ့မှ အာခေါင်ကွဲ၊ နှုတ်ခမ်းကွဲများကို သံတွဲဆေးရုံတွင် ဒီဇင်ဘာလ ၁ ရက်နေ့မှ ၇ ရက်နေ့ထိ အခမဲ့စစ်ဆေးခွဲစိပ် ကုသပေးသွားမည်ဖြစ်ကြောင်း သတင်းရရှိသည်။

“နားရောဂါ၊ နှုတ်ခမ်းကွဲ၊ အာခေါင်ကွဲ၊ မီးလောင်ဒဏ်ရာ၊ အဆီကျိတ်၊ ပုံစံမမျှတတာတွေကို ဆရာဝန်ကြီး တွေက အခမဲ့ စစ်ဆေးကုသပေးပါတယ်။ အခုကတည်းက လူနာတွေအနေနဲ့ သံတွဲဆေးရုံကို လာပြပြီး စာရင်း သွင်းထားလို့ ရပါတယ်။ ဒီဇင်ဘာ ၁ ရက်နေ့ကနေ ၇ ရက်နေ့အထိ ခွဲစိပ်ကုသပေးပါလိမ့်မယ်” ဟု စီစဉ်သူ   ဒေါ်ခက်ခက်က ပြောသည်။

အစက သံတွဲတွင် နိုဝင်ဘာ ၂၃ ရက်မှ  ၂၈ ရက်နေ့ထိ ခွဲစိပ် ကုသပေးရန် ကြော်ငြာထားသော်လည်း စစ်တွေမှာ လူနာများနေသဖြင့် သံတွဲတွင် ဒီဇင်ဘာလ တစ်ရက်နေ့မှသာ စတင်ကုသနိုင်မည်ဟု ဆိုသည်။

“  စစ်တွေမှာ လူနာတွေ အရမ်းများတဲ့ အတွက် ဟိုမှာ ပိုပြီး ရက်တိုးယူရတယ်။ ဒီဇင်ဘာလ တစ်ရက်မှာ စတင်ကုသမှာ ဖြစ်ပေမယ့် လာပြတဲ့ လူနာတွေ အားလုံးကို စစ်ဆေးပြီး အခုအချိန်က ရက်ချိန်းပေးနေပါတယ်” သူမက ဆိုသည်။

ဂျာမန်ဆရာဝန် ၄ ဦး ရောက်ရှိ တည်းခိုနေသော ငပလီမြို့ပြင်ရပ်ကွက်သို့ သွားရောက်မေးမြန်းကြည့်သောအခါ ယင်း ဆရာဝန် ၄ ဦးမှာလည်း စစ်တွေတွင် လူနာများနေသဖြင့် သံတွဲတွင် ကုသမည်ကို ခေတ္တရပ်နားပြီး စစ်တွေသို့ ထွက်ခွာသွားသည်ဟု တာဝန်ရှိသူ တစ်ဦးက ပြောဆိုသည်။

“အခုတော့ ဒီမှာစာရင်းပေးသွင်းလို့ရပါတယ်။ သံတွဲဆေးရုံမှာလည်းစာရင်းပေးရင် ရပါတယ်။ အခုတော့ ဒေသခံတွေဖြစ်တဲ့ ဂျိတ္တော နာရေး ကူညီမှု အသင်းက လိုအပ်တဲ့ကူညီမှုတွေကို လုပ်ပေးနေကြပါတယ်” ဟု ပြောဆိုသည်။

လက်ရှိ သံတွဲမြို့တွင် ကုသမည့် လူနာ ၁၂၀ ခန့်စာရင်း ပေးသွင်းထားပြီ ဖြစ်ကြောင်း သိရသည်။

(သတင်းအရင်းအမြစ်- နိရဉ္စရာသတင်းဌာန)

“ဇာပိုင်ရီးလို့ ဇာပိုင်ပြော” စာအုပ်မိတ်ဆက်ပွဲ စစ်တွေတွင် ပြုလုပ်

ရခိုင်ဘာသာဗေဒစာပေများကိုအစဉ်တစိုက်ရေးသားနေသည့် ဆရာတော်ဇယန္တ ဗောဓိ(ပန်းအောင်)၏ “ဇာပိုင်ရီးလို့ ဇာပိုင်ပြော”စာအုပ်မိတ်ဆက်ပွဲကို နိုဝင်ဘာ ၂၃ ရက်နေ့ နံနက်ပိုင်းကပြုလုပ်ခဲ့သည်။

အဆိုပါစာအုပ်မှာ ရခိုင်စာပေနှင့် ရခိုင်ဘာသာဗေဒကိုလေ့လာလိုက်စားသူများအတွက် အသုံးတည့်မည့် စာအုပ် တစ်အုပ်ဖြစ်ကြောင်း၊  စာအုပ်ပါ စကားလုံးအသုံးအနှုန်းများမှာ တစ်စုံတစ်ရာ နားလည်မူ လွဲမှားစေပါက စာရေးသူနှင့်သာသက် ဆိုင်ကြောင်း စာရေးသူ ဆရာတော် ဇယန္တဗောဓိ(ပန်းအောင်)က မိန့်ကြားသည်။၏

သို့သော်လည်း ဤစာအုပ်အား ရခိုင်ဘာသာစကားနှင့် အထောက်အကူ ဖြစ်စေရန် ရည်ရွယ်၍ ရေးသား ထုတ်ဝေခြင်း ဖြစ်ကြောင်း ဆရာတော်က မိန့်ကြားသည်။

“ရခိုင်စာ၊ ရခိုင်ဘာသာစကားနဲ့ပတ်သက်ပြီးတော့ နောင်တစ်ချိန်မှာ သုတေသနတွေဘာတွေလုပ်တဲ့အခါ အထောက် အကူ ဖြစ်အောင်၊ တတတ်တအားဖြစ်စေဖို့အတွက် ဒီစာအုပ်ကို ထုတ်ဝေရခြင်းဖြစ်ပါတယ်”ဟု ဆရာတော်က ဆိုသည်။

၎င်းစာအုပ်မှာ ယခုနှစ်၊ နိုဝင်ဘာလနေ့စွဲဖြင့် ထွက်ရှိလာခြင်းဖြစ်ပြီး တစ်အုပ်လျှင် ၃ဝဝဝ ကျပ်ဖြစ် ကြောင်း သိရသည်။ ယင်းစာအုပ်ကို မလေးရှားရောက် ရခိုင်လူငယ်များ၏ ပံ့ပိုးကူညီမှုဖြင့် ထုတ်ဝေလိုက်ရခြင်း ဖြစ်ကြောင်းလည်း သိရသည်။

ယခုစာအုပ်၏ခေါင်းစဉ်မှာ ကြီးကျယ်သလောက် အတွင်းတွင်ဖတ်ရသည့်အခြေအနေမှာ ဆရာတော်၏ ကလောင် အမျိုးမျိုးဖြင့် ရေးသားပြီး မဂ္ဂဇင်း၊ စာစောင်များတွင်ဖော်ပြခံခဲ့ရသည့်ဆောင်းပါးများကို စုစည်းထုတ်ဝေ ထားသည့် ဆောင်းပါး ပေါင်းချုပ်စာအုပ်ကဲ့သို့ဖြစ်နေကြောင်းလည်း စာအုပ်မိတ်ဆက်ပွဲသို့တက်ရောက်လာသည့် စာရေးဆရာ ဂေါယာမြေစောဝင်းက ဝေဖန်ထောက်ပြခဲ့သည်။

စာအုပ်မိတ်ဆက်ပွဲသို့ စစ်တွေမြို့မှ စာရေးဆရာ၊ ကဗျာဆရာ ဦးရေ စုစုပေါင်း ၄ဝ ခန့်တက်ရောက်ခဲ့ကြသည်။

(သတင်းအရင်းအမြစ်- နိရဉ္စရာသတင်းဌာန)

ဘန်ကီမွန်းကို ဘူးသီးတောင်တွင် ဆန္ဒပြ

နေပြည်တော် သတင်းစာရှင်းလင်းပွဲတွင် ဘင်္ဂါလီကို ရိုဟင်ဂျာဟုသုံးစွဲခဲ့သည့် ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်း အား ရခိုင်ပြည်နယ် ဘူးသီးတောင်မြို့တွင် ယနေ့ ထပ်မံ ကန့်ကွက် ဆန္ဒပြခဲ့ကြကြောင်း သိရသည်။

သက်ဆိုင်ရာ၏ တရားဝင်ခွင့်ပြုချက်ဖြင့်ပြုလုပ်ခဲ့သည့် အဆိုပါဆန္ဒပြပွဲကို ယနေ့ (နိုဝင်ဘာလ ၂၄ ရက်)  မွန်းလွဲ ၁ နာရီတွင် စတင်ခဲ့သည်ဟု သိရသည်။

ဆန္ဒပြသူများသည် ဘူးသီးတောင်မြို့၊ ၆ ရပ်ကွက်ရှိ ဧစေတီဘုရားအနီးမှ မင်းဘာကြီးလမ်း၊ တရားရုံးခွဆုံ၊ ဗိုလ်ချုပ်လမ်း၊ ဓညဝတီလမ်း၊ ဝိမလလမ်းတို့အတိုင်း လမ်းလျှောက်ဆန္ဒပြခဲ့ကြကြောင်း ဆန္ဒပြပွဲတွင် ပါဝင်သူ ဘူးသီးတောင်မြို့ခံ ဦးအဖြူမောင်က ပြောသည်။

“ဆန္ဒပြရာမှာ လူထုအင်အား ၃ဝဝဝ ကျော်လောက်ပါဝင်ပါတယ်။ ညနေ ၂ နာရီမှာ ဆန္ဒပြပွဲ အောင်မြင်စွာ ပြီးဆုံး ခဲ့ပါတယ်”ဟု ယင်းက ဆိုသည်။

ယင်းသို့ဆန္ဒပြရာတွင် “ရိုဟင်ဂျာလူမျိုး မြန်မာနိုင်ငံတွင်လုံးဝမရှိ”၊ “သမိုင်းလိမ်ညာ ရိုဟင်ဂျာ”၊ ရိုဟင်ဂျာဟု ပြောဆိုသူ တို့ရန်သူ”၊ “UN အကြီးအကဲ ဘန်ကီမွန်း မြန်မာပြည်ကိုတောင်းပန်ပါ”၊ “ပြည်တွင်းရေးကို စွက်ဖက်သူ တို့ရန်သူ”၊ “UN, INGO အလိုမရှိ”၊ “ဘန်ကီမွန်းကို ပြည်ထောင်စု အစိုးရက ကန့်ကွက် ရှုတ်ချ” စသည့် စာသားများကို ဆန္ဒပြသူများက ကြွေးကြော်ကာ ငြိမ်းချမ်းစွာ လမ်းလျှောက်ဆန္ဒပြခဲ့ကြကြောင်း သိရသည်။

ဆန္ဒပြပွဲကို ဦးဆောင်စီစဉ်သူတစ်ဦးဖြစ်သော ဦးအောင်သောင်းရွှေက “ UN, INGO အဖွဲ့တွေရဲ့ အကြီးအကဲ တစ်ဦးဖြစ်ပါလျှက် ဒီခေါင်းစဉ်နဲ့ပဲ လုပ်ဆောင်မယ်ဆိုယင် လက်ရှိထောက်ပံ့ ကူညီပေးရေး လုပ်ဆောင်နေတဲ့ လုပ်ငန်းတွေအားလုံးဟာ ဘင်္ဂလီအုပ်စုကိုသာ ဦးတည်နေတယ်ဆိုတာ ရှင်းနေပါတယ်။ ဒါကို ECC အဖွဲ့အနေနဲ့ ကြပ်ကြပ်မတ်မတ် စီစစ်သင့်တယ်။ ECC ရဲ့ လုပ်ဆောင်ချက်ကိုလည်း အားမရလို့ ပိုပြီးထိထိရောက်ရောက် ဆောင်ရွက်ပေးဖို့ တောင်းဆိုတယ်။ လိုအပ်ရင် ပြင်ဆင်ဖွဲ့စည်းဖို့လည်း တိုက်တွန်းပါတယ်။ ဗန်ကီမွန်း အနေနဲ့ ကိုယ်ပြောတဲ့စကားကို ကိုယ်တာဝန်ခံနိုင်ဖို့လိုပါတယ်။ မြန်မာပြည်ကို ပြန်တောင်းပန်ဖို့ လိုတယ်။ ဒါကိုလည်း အစိုးရက တရားဝင်ကန့်ကွက်တောင်းဆိုဖို့ တိုက်တွန်းတယ်။ အဓိကကတော့ ဒီအချက်တွေကို သိစေချင်လို့ ဆန္ဒထုတ်ဖေါ်ရခြင်းဖြစ်ပါတယ်။ ထုတ်ပြန်တောင်းဆိုတဲ့ စာကိုလည်း UNHCR ရုံးမှာ ပေးခဲ့ပါတယ်” ဟု ရှင်းပြပါသည်။

နိုဝင်ဘာလ ၁၂ ရက်နေ့က နေပြည်တော်တွင်ပြုလုပ်ခဲ့သော သတင်းစာရှင်းလင်းပွဲတစ်ခုတွင် ဘန်ကီမွန်းက ရခိုင်ပြည်နယ်ရှိ ဘင်္ဂါလီများကို ရိုဟင်ဂျာဟု ပြောဆိုသုံးစွဲခဲ့သည့်အပေါ် ကန့်ကွက် ရှုတ်ချသည့်အနေဖြင့် ယခုကဲ့သို့ဆန္ဒပြရခြင်းဖြစ်ကြောင်း ဆန္ဒပြဦးဆောင်သူများက ပြောသည်။

“ဘန်ကီမွန်းဟာ UN ရဲ့အကြီးအကဲတစ်ယောက်ဖြစ်တယ်။ သူ့ရဲ့လူ့အခွင့်အရေး ဆောင်ရွက်မှု ကို လေးစား ပါတယ်။ ဒါပေမယ့် သူ့ရဲ့လူ့အခွင့်အရေးဆောင်ရွက်က တစ်ဘက်စွန်းရောက်သွားတယ် လို့မြင်တယ်။ လူ့အခွင့်ရေး ပြောပြီး ဒေသခံဌာနေရခိုင်တိုင်းရင်းသားတွေကို လျစ်လျူရှုထားတာဟာ သူ့ရဲ့မဟာအမှားပဲ။
ဒါ့ကြောင့် ကျနော်တို့ အခုလိုဆန္ဒပြရတာ”ဟု ဆန္ဒပြဦးဆောင်သူ ဘူးသီးတောင် မြို့ခံ ဦးထွန်းအောင်သိန်းက နိရဉ္စရာသို့ပြောသည်။

ဘူးသီးတောင်တွင် ယခုကဲ့သို့ဆန္ဒပြအပြီး မြို့လူထု၏သဘောထားကြေညာချက်တစ်စောင်ကို လည်း မြို့တွင်းရှိ UNHCR ရုံးသို့ ပေးပို့ခဲ့ကြကြောင်း သိရသည်။

မြန်မာနိုင်ငံတွင်မရှိသည့်လူမျိုးတစ်မျိုး၏အမည်ကို မြန်မာနိုင်ငံသို့လာပြီးထုတ်ဖော်ပြောကြားခဲ့ သည့် ကမ္ဘာ့ ကုလသမဂ္ဂအထွေထွေအတွင်းရေးမှူးချုပ် မစ္စတာဘန်ကီမွန်းကို နိုဝင်ဘာ ၂၃ ရက်နေ့က လည်း ရခိုင်ပြည်နယ် အတွင်းရှိ စစ်တွေအပါအဝင် ကျောက်တော်၊ ပေါက်တော၊ မင်းပြားနှင့် မောင် တောမြို့များတွင် တစ်ပြိုင်တည်း ကန့်ကွက်ဆန္ဒပြခဲ့ကြသည်။

(သတင်းအရင်းအမြစ်- နိရဉ္စရာသတင်းဌာန)

အလိုတော်ပြည့်ဆရာတော်ကြီး သီရိလင်္ကာသမ္မတထံသို့ ကျောက်စိမ်းဘုရားများ ပေးအပ်လှူဒါန်း

ပြည်တွင်း ပြည်ပသာသနာပြု အလိုတော်ပြည့်ဆရာတော် ဒေါက်တာဘဒ္ဒန္တအရိယ၀ံသမှ သီရိလင်္ကာ သမ္မတ မဟိန္ဒရာဇပဆ ဖူးမျှော် ကိုးကွယ်နိုင်ရန်  ရည်ရွယ်ပြီး မြန်မာနိုင်ငံမှ ပြုလုပ်သော ကျောက်စိမ်း ဘုရားတစ်ဆူအား ပေးအပ် လှူဒါန်းခဲ့ကြောင်း သတင်း ရရှိသည်။

လှူဒါန်းခဲ့သော ယင်းကျောက်စိမ်းဘုရားတစ်ဆူ အပါအ၀င် န၀ရတ်ကိုးပါးလက်စွပ်နှင့် ရတနာများကို သီရိလင်္ကာ သမ္မတ ကိုယ်တိုင် ကိုးကွယ်ရန် တည်ထားသော ဆန္ဒဟိရုဆေယ အမည်ရှိသော ဗုဒ္ဓဒဂဘစေတီတော်တွင် ယခုလ ၂၃ ရက်နေ့က ဌာပနာထည့်သွင်းခဲ့ကြောင်း အလိုတော်ပြည့်ကျောင်း လက်ထောက်ဆရာတော် အရှင်ကုမာရက ပြောဆိုသည်။

“ ဒီ ဗုဒ္ဓဒဂဘစေတီတော် ဓါတ်တော်မွေတော်တွေ ဌာပနာထည့်သွင်းပွဲတော်ကို နိုဝင်ဘာလ ၂၃ ၇က် နံနက် ၈ နာရီ ကျော်မှာ ကျင်းပပြုလုပ်ခဲ့တယ်လို့ သိရပါတယ်။ အလိုတော်ပြည့်ဆရာတော်ကြီးက လှူဒါန်းတဲ့ ရူပီးငွေ (၇) သိန်းတန်ဖိုးရှိ ကျောက်စိမ်း ဘုရားတစ်ဆူနဲ့ ရူပီး (၅) သိန်း တန်ဖိုးရှိတဲ့ န၀ရတ်ကိုးပါးလက်စွပ်နဲ့ ရတနာတွေကို ဌာပနာထည့် ပေးအပ်လှူဒါန်းခဲ့ပါတယ်” ဟု အရှင်ကုမာရက မိန့်ကြားသည်။

သီရိလင်္ကာပြည်သူ့ သမ္မတနိုင်ငံ၏ သမ္မတ မဟိန္ဒရာဇပကဆ၏ စိတ်ကူးကိုအကောင်အထည်ဖော်သောအားဖြင့် ဆန္ဒဟိရု ဆေယ အမည်ရှိသော ဗုဒ္ဓဒဂဘ တည်ဆောက်ခြင်းလုပ်ငန်းကို ဘာသာရေးမြို့တော် အနုရာဓပူရမှာ လက်ရှိ တည်ဆောက်လျှက်ရှိနေကြောင်း၊ ၎င်းစေတီအား ၂၀၀၉ ခုနှစ် သီရိလင်္ကာနိုင်ငံအကြမ်းဖက်အောင်မြင်မူ အမှတ်တရ အနေဖြင့် တည်ဆောက်နေခြင်းဖြစ်ကြောင်း၊ သီရိလင်္ကာနိုင်ငံ သမ္မတကြီးမှ ပင့်သံဃာတော် ၆ ထောင်တို့ ပါဝင်ပြီး မင်္ဂလာအခမ်းအနား ပြုလုပ်ခဲ့ကြောင်း၊ မြန်မာနိုင်ငံမှ အလိုတော်ပြည့်ဆရာတော်အား ပင့်ဖိတ်၍ ကြွရောက်ချီးမြှင့်ခဲ့ကြောင်း ဦးဇင်းကုမာရက မိန့်ကြားသည်။

ဒဂဘစေတီတော် ဓါတ်တော်မွေတော်များ ဌာပနာထည့်သွင်းပွဲကို နိုင်ငံတော်အဆင့် ကျင်းပ ပြုလုပ်ခဲ့ပြီး သီရိလင်္ကာ သမ္မတကိုယ်တိုင် တက်ရောက်ခဲ့သည်ဟု သိရသည်။

ယင်းပွဲတော် မတိုင်မှီ နိုဝင်ဘာလ ၂၂ ရက်နေ့ကလည်း ဗုဒ္ဓဘာသာ စည်ပင် ၀ပြော ဖွံ့ဖြိုးတိုးတက်ရန်  အဓိက ရည်ရွယ်ပြီး အပြည်ပြည်ဆိုင်ရာ ဗုဒ္ဓဘာသာညီလာခံကိုလည်း သီရိလင်္ကာနိုင်ငံတွင် ကျင်းပခဲ့သည်ဟု သိရသည်။

ယင်းညီလာခံအား သီရိလင်္ကာနိုင်ငံ၏ ဘိကဆု(Bhiksu) တက္ကသိုလ်မှ မဟာဌာနများဖြစ်သော ဗုဒ္ဓဘာသာလေ့လာရေး မဟာဌာနနှင့် ဘာသာစကားနှင့်ယဉ်ကျေးမူ လေ့လာရေးမဟာဌာနတို့ ပူးပေါင်းလျှက် ကျင်းပခြင်း ဖြစ်ကြောင်း သိရသည်။

အဆိုပါပွဲတော်နှစ်ခုသို့ တက်ရောက်ခွင့်ရသော အလိုတော်ပြည့်ဆရာတော်ကြီးမှာ များစွာဂုဏ်ယူမိကြောင်း၊ ဗုဒ္ဓဘာသာ၏ အရေးပါမှုနှင့် ဤအခမ်းအနားများအတွက် သီရိလင်္ကာ၏ အရေးပါမူ ဂုဏ်သတင်းကို ကမ္ဘာသို့ ပျံ့နှံ့စေပြီး ဗုဒ္ဓဘာသာဝင်များ အတွက် အကျိုးကျေးဇူး များစွာ ဖြစ်ပေါ်စေကြောင်း ဆရာတော်ကြီးမှ ပြောဆိုသည်ဟု အရှင်ကုမာရက ဆိုသည်။

(သတင်းအရင်းအမြစ်- နိရဉ္စရာသတင်းဌာန)

အပြောနှင့်အလုပ်မညီသော ရခိုင်ပြည်နယ် လဝက၊ ဆန္ဒပြပွဲများနှင့် တွေ့ကြုံရတော့မည်‌လော

ရခိုင်ပြည်နယ်မြောက်ပိုင်း၊ မောင်တောမြို့တွင် အခြေစိုက်သည့် ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR)တွင် တာဝန်ထမ်းဆောင်လျှက်ရှိသော ဘင်္ဂလီဝန်ထမ်းများကို နိုင်ငံခြားသို့ ဆွေးနွေးပွဲ တက်ရောက်ရန် စေလွှတ်မည်ဖြစ်ရာ ၎င်းတို့နိုင်ငံကူးလက်မှတ်ရရှိရေးအတွက် လိုအပ်နေသော အမျိုးသားမှတ်ပုံတင်ကတ်ပြား (သုံးခေါက်ချိုးကတ်ပြားများ)ကို အချိန်မီထုတ်ပေးရန် မောင်တောခရိုင်အတွင်းရှိ လဝကရုံးများမှ ဆောင်ရွက်ပေးနေရကြောင်းကြားသိနေရပါသည်။

UNHCR အပါအဝင် UN ရုံးများနှင့် Agency များ၊ INGO များတွင် လုပ်ကိုင်နေသူ အများစုမှာ ဘင်္ဂလီများသာ ဖြစ်ကြပြီး မြန်မာနိုင်ငံတွင် လက်မခံနိုင်၊ မရှိဟု အမြဲကန့်ကွက်ငြင်းဆိုထားသည့် လူမျိုးများအဖြစ်သာ ခံယူထားကြသူများဖြစ်ကြပြီး ယာယီသက်သေခံလက်မှတ်သာ ကိုင်ဆောင်ထားသူများဖြစ်ကြသည်။ ယာယီသက်သေခံကတ်ပြားဖြင့် နိုင်ငံကူးလက်မှတ် ထုတ်ပေးနိုင်ခြင်းမရှိပေ။ ယခုအခါ သူတို့ကို ပြည်ပနိုင်ငံများသို့ Workshop ဆွေးနွေးပွဲများ တက်ရောက်ရန် UNHCR မှ ရွေးချယ်ထားဖြင့် နိုင်ငံကူးးလက်မှတ် လျှောက်ထားရန် အခက်အခဲဖြစ်နေသည်ဟု ဆိုသည်။
ယင်းဘင်္ဂလီဝန်ထမ်း ၄ဦး(သို့မဟုတ်) ၅ဦးအတွက် အမျိုးသားမှတ်ပုံတင် သက်သေခံကတ်ပြားများ ထုတ်ပေးရန် UNHCR မှ ရခိုင်ပြည်နယ် လဝကသို့ မေတ္တာရပ်ခံတောင်းဆိုထားသည်ဟု အမည်မဖေါ်လိုသူ UN ဝန်ထမ်းတစ်ဦးက ပြောသည်။

မောင်တောခရိုင်အတွင်းရှိ လဝက အသိုင်းအဝန်းမှလည်း ထိုသို့ ထုတ်ပေးရန် စီစဉ်နေခြင်း မှန်ကန်ကြောင်း ပြောသည်။ အထက်ဌာနများ၏ ညွှန်ကြားချက်အရ ထုတ်ပေးခိုင်းရခြင်းဖြစ်ကြောင်း ခရိုင်လဝကရုံးနှင့် နီးစပ်သူများက ဆိုသည်။ ၎င်းကိစ္စကို လဝက ဝန်ထမ်းများက လုံးဝဖွင့်မပြောနိုင်ကြောင်း နှင့် သတင်းပေါက်ကြားမှု မရှိစေရန် တင်းကြပ်စွာ ဖိအားပေးခံထားရပုံရှိသည်ဟု ၎င်းတို့ပြောသည်။

အမျိုးသားမှတ်ပုံတင်ကတ်ပြားများကို မကြာသေးမီကလည်း မောင်တောမြို့နယ်တွင် ထုတ်ပေးခဲ့သေးသည်။ ထိုကိစ္စကို စစ်တွေမြို့ ပြည်နယ်အဆင့် ECC အစည်းအဝေးတွင် စစ်တွေမြို့ရှိ မြို့မိ၊ မြို့ဖများက မေးမြန်းခဲ့သဖြင့် ပြည်နယ်လဝကမှူးက နိုင်ငံတကာ၏ ဖိအားကြောင့် ၅ ဘာသာဂုဏ်ထူးရသူ တစ်ဦးကိုသာ ပညာသင်ကြားရေးအတွက် ထုတ်ပေးခဲ့ခြင်းဖြစ်ကြောင်းနှင့် နောက်နောက်တွင် မည်သည့်ကိစ္စနှင့်မျှ ထုတ်ပေးတော့မည်မဟုတ်ပါ၊ ထုတ်ပေးသူများကိုလည်း အရေးယူမည်ဖြစ်ကြောင်း ကတိပြုခဲ့ဖူးသည်။ သို့ရာတွင် ယခုထိုကတိသည် လွယ်လွယ်ပေးခဲ့သဖြင့် လွယ်လွယ်ပင်ပျက်ပြယ်သွားပြီဟု ဆိုရမည်ဖြစ်သည်။

မည်သည့် အဖွဲ့အစည်း၊ နိုင်ငံကပင်ဖြစ်စေ မြန်မာနိုင်ငံ၏ တည်ဆဲဥပဒေအရ လုပ်ဆောင်နေသော ကိစ္စများတွင် ဝင်ရောက်စွက်ဖက်ခြင်း၊ ဖိအားပေးအကြပ်ကိုင်ခြင်းတို့ကို ဆောင်ရွက်တောင်းဆိုတိုင်း လိုက်လျောဆောင်ရွက်ပေးနေရမည်ဆိုလျှင် ပြည်ထောင်စုမြန်မာနိုင်ငံတော်၏ အချုပ်အခြာ အာဏာပိုင်ဆိုင်မှု ဆိုသည်ကို မေးခွန်းထုတ်ရပေတော့မည်။

ဥပဒေနှင့်မညီသည်ကို တောင်းဆိုသည်၊ တောင်းဆိုသည့်အတိုင်း လုပ်ဆောင်ပေးနေသည်ဆိုလျှင် တောင်းဆိုသူ၊ လုပ်ဆောင်ပေးသူ အားလုံးတို့သည် ဥပဒေကို ချိုးဖေါက်သူများသာ ဖြစ်သဖြင့် ဥပဒေနှင့်အညီ အရေးယူပေးရန် တောင်းဆိုရတော့မည်ဖြစ်သည်။ ဥပဒေစိုးမိုးရေးကို နိုင်ငံတွင်းနေသူများကအစ မလိုက်နာလျှင် မည်သူကလာ၍ လေးစားနိုင်ပါတော့မည်နည်း။

အမျိုးသားမှတ်ပုံတင်ကတ်ပြားများကို ၁၉၄၈ ပြည်ထောင်စုမြန်မာနိုင်ငံသားဖြစ်မှု အက်ဥပဒေအရ စီစစ်ပြီးသူများကိုသာ ထုတ်ပေးခြင်းဖြစ်သည်ဟုဆိုရာ ၎င်းကတ်ပြား လက်ဝယ်ရရှိခြင်းဖြင့် အလိုလို နိုင်ငံသား စီစစ်ပြီးသူများဖြစ်သည်ဟု သက်ရောက်သွားနိုင်သည်ကို ဥပဒေအကောင်အထည်ဖေါ်သူ လဝက ဝန်ထမ်းများက အသိဆုံးဖြစ်သင့်သည်။

၁၉၈၂ နိုင်ငံသားဥပဒေအရ နိုင်ငံသားဖြစ်မှု၊ မဖြစ်မှု စီစစ်ဆောင်ရွက်ခြင်းများတွင် ဥပဒေနှင့်မညီ၊ လွဲချော်မှုများ ရှိနေသဖြင့် ဥပဒေနှင့်အညီ ပြန်လည်စီစစ်ပေးရန် ရခိုင်တစ်ပြည်နယ်လုံးက တောင်းဆိုထားသည့် အချိန်တွင် အမျိုးသားမှတ်ပုံတင် ကတ်ပြားများအား လွယ်လင့်တကူ ထုတ်ပေးခြင်း လုပ်သင့်/ မလုပ်သင့်ကို အလေးအနက် ပြန်လည်စဉ်းစားသင့်ပေသည်။ အလွယ်တကူ ထုတ်ပေးလိုက်ခြင်း၏ နောက်ကွယ်တွင် မမျှော်မှန်းနိုင်သော ကိစ္စရပ်များစွာ ရှိနေသည်ကို သတိချပ်သင့်လှပေ၏။ မဟုတ်လျှင် ကျွန်ုပ်တို့က ဆန္ဒထုတ်ဖေါ်ပွဲများပြုလုပ်၍ ကန့်ကွက်ရပါတော့မည်။

မင်းသိမ်းခိုင်(စိုင်းဒင်သား)

(ဤသတင်းအား Coral Arakan New မှ ကူးယူဖော်ပြပါသည်၊ ဓာတ်ပုံ- အင်တာနက်)

ကုလအတွင်းရေးမှူးချုပ် ဘန်ကီမွန်းအား ဒေါက်တာအေးချမ်း မှ အိတ်ဖွင့်ပေးစာ

(Photo: Internet)

An Open Letter to Ban Ki Moom.
Dear Ban:
The term you used, So-called “Rohingya” was a brazen insult to the people of Myanmar. You have said, you used the term for it has been accepted by the United Nations and International community. However, has been certain that you and United Nations have bluntly supporting the Tyranny of Majority on the Rakhine people from the Rakhine State of Burma. I am a historian and I have written many treatises about the etymology of that term, although you are ignoring. “Rohingya” derived from the Bengali corruption of “Rohong,” “Roshang,” and “Roan,”that all refers to Rakhine. French scholar Jacques Leider, U Khin Maung Saw, and I have proved that with Bengali, and British colonial administrative records. It is sure that “ja” is “man” in Bengali.Therefore, “Rohingya” refers to Rakhine and “Rakhine Ethnic Identity.” If they use that term to call themselves it is surely a snatch of national identity. A French man will call a German “Almany.” But the Frenchmen despite of any objection will never use that term for their national identity.
In this letter I will give you only two excerpts from original documents. Francis Buchanan, who travelled on survey in Southern Bengal and Northern Arakan (Rakhine State) in1798writes:
“Among the hills immediately behind Wanuc, I found a joom of the people by the Bengalese called Mugs. (Buchanan 1992:48).
All Bengalis both from Arakan and Bangladesh call Rakhine Mugs till now. Furthermore:
“Various part of the Hills in the neighborhood are inhabited by Mugs from Rossawn, Rohhawn, Roang, Reng, or Rung, for by all, these names is Arakan called by Bengalese [Francis Buchanan in Southeast Bengal. Dhaka University Press. 1992. P 31).
There are plenty of examples. I can give even the writings of the Bangladeshi scholars. The East
Pakistan District Gazetteer eplains as follows.
“The Arakanese were inhabitants Arakan or Roang, which lies to the south of Chitttagong….
Ooang of Rakhine Muaughs who are found in the Cox’s Bazar District are decendents of the
Arakanese [East Pakistan District Gazetteers: Chittagong District. SNH Rizvi(Ed) pp. 114- 115.)
It is certain that Rohan, Roan refer to the Rakhine People. They have made strenuous effort to take away Rakhine’s own ethnic identity from Rakhine people to make their own identity so that they can lie they are not the illegal immigrants. The President of a Superpower Nation and The United Nation general Secretary are accepting it. Without thorough investigation, Barrack Obama follows. It has been very imprudenct of him. Ban, you have proved himself most incompetent Secretary General of the United Nations giving such nonsense speech in Rangoon.
Aye Chan
Professor of Southeast Asian History, Kanda University of International Studies
(November 14, 2014)